تاريح اينا ىسپەتتى سالقار جىلدارعا ساۋلە شاشتى
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگو كوممۋنيستىك پارتياسى تاريحى كورمە سارايى قۇرىلىسىنا باسشىلىق ەتۋىنەن ەستەلىك
شينحۋا اگەنتتىگىنىڭ تىلشىلەرى لين حۇي، ديڭ شياۋشي، حۋاڭ يۋە، ۋاڭ زىميڭ
2021.06.21 16:18 كەلۋ قاينارى : شينجياڭ گازەتى
جاز ورتاسى مەزگىلى، جۇڭگو كوممۋنيستىك پارتياسى 100 جىلدىق مەرەي تويىنىڭ قۋانىشىن قارسى الار ساتتە، سالتاناتتى دا ايبىندى جاڭا قىزىل جەر بەلگىسى − جۇڭگو كوممۋنيستىك پارتياسى تاريحى كورمە سارايى استانا بەيجيڭدە رەسمي اشىلدى.
3 جىلدان استام ۋاقىتتان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعى مەن جەتەكشىلىگىندە، قۇرىلىسقا قاتىناسقان ورىندار مەن قاتىستى جاقتار قاجىرلىلىقپەن قايراتتانا شايقاس جۇرگىزىپ، ايانباي ەڭبەك ەتىپ، سايكەسە وتىرىپ قامال الىپ، كەمەلدىلىككە تالپىنىپ، جۇڭگو كوممۋنيستىك پارتياسىنىڭ كۇرەس تاريحىن كورسەتەتىن وسىناۋ رۋحاني سارايدىڭ قۇرىلىسىن بىرگە سالىپ ءبىتىردى.
وسىلايشا پارتيامىزدىڭ ماڭگىلىك، جالپىلىق سيپاتقا يە پارتيا تاريحى كورمە سارايى جارىققا شىقتى. جۇڭگو كوممۋنيستىك پارتياسىنىڭ 100 جىلدان بەرگى قاجىماي - تالماي كۇرەس جۇرگىزگەن تاريحى، قۇربان بەرۋدەن تايسالماعان تاريحى، نازاريالىق ىزدەنىس جاساۋ تاريحى، حالىقتى باقىتقا كەنەلتۋ تاريحى، ءوز قۇرىلىسى تاريحى وسى جەردە جيناقتالىپ، ورنەكتەلىپ، قازىرگى زامانعا وي سالىپ، بولاشاقتى بولجادى.
100 جىلدىق ساپاردىڭ قۇلاشىن كەڭ جايعان ايدىنى اسقاق، 100 جىلدىق اۋەلگى ماقسات ۋاقىت وتكەن سايىن بەكەمدەلە تۇسۋدە. پارتيا تاريحىنان سارقىلماس كۇش - قۋات العان 100 جىلدىق ۇلى پارتيا اۋەلگى ماقساتقا بولاتتاي بەرىك بولىپ، بورىشتى ارقالاپ، شىت جاڭا ساپاردا قاسقايا ەرلىكپەن العا ۇمتىلۋدا.
تەرەڭ تولعانىپ، الىستى ويلادى
− شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگو كوممۋنيستىك پارتياسى تاريحى كورمە سارايىن قۇرۋ كەلەلى شەشىمىن جاسادى
ءار قىزىل الاڭ - سارايدىڭ بارلىعى بەلگىلى ءبىر تاريحي مەزگىلدىڭ جيناقى كورىنىسى، بەلگىلى ءبىر رۋحتىڭ جالعاسۋى سانالادى.
شاڭحايداعى جۇڭگو كوممۋنيستىك پارتياسى 1 - قۇرىلتايى ەسكەرتكىش سارايىنان جياڭشيدىڭ يۇيدۋىنداعى ورتالىق قىزىل ارميانىڭ ۇزاق جورىققا اتتانۋ ەسكەرتكىش سارايىنا دەيىن، گۇيجوۋداعى زۇن - ي ءماجىلىسى ەسكەرتكىش سارايىنان بەيجيڭدەگى شياڭشان توڭكەرىستىك ەسكەرتكىش ورنىنا دەيىن... بۇكىل ەلدىڭ جەر - جەرىنە تارالعان قىزىل الاڭ - سارايلار 100 جىلدىق ۇلى پارتيانىڭ شۇعىلالى ساپارىن ساباقتاستىرىپ، توڭكەرىستىك رۋحتىڭ ايقىن بەلگىلەرىن ورنەكتەدى.
حىبەي شيبايپو، شاندۇڭ لين - ي، فۋجيان گۋتيان، شانشي يان - ان... پارتيا 18 - قۇرىلتايىنان بەرى باس شۋجي شي جينپيڭ ءار جەردە تەكسەرۋ - زەرتتەۋ جۇرگىزگەن، قىزمەت تەكسەرگەن كەزىندە كوپ رەت توڭكەرىستىك ەسكەرتكىش سارايلارعا بارىپ ەكسكۋرسيالاپ، پارتيانىڭ اۋەلگى ماقساتى مەن بورىشىن قايتا پىسىقتاپ، بۇكىل پارتيانى، بۇكىل قوعامدى تاريحتى اينا ەتىپ بولاشاققا جول اشۋعا باستادى.
پارتيانىڭ تاريحى ەڭ جاندى، ەڭ يلاندىرىمدى وقۋلىق. پارتيامىز 100 جىلدىق مەرەي تويىن قارسى الۋ الدىندا تۇر، پارتيا تاريحىن قايتكەندە اناعۇرلىم ويداعىداي ۇيرەنۋگە، ويداعىداي قورىتىندىلاۋعا، پارتيانىڭ تابىستى تاجىريبەلەرىن قايتكەندە ويداعىداي جالعاستىرۋعا، اسقاقتاتۋعا بولادى؟ شي جينپيڭ جولداستى ۇيتقى ەتكەن پارتيا ورتالىق كوميتەتى بۇل جونىندە ءاردايىم وي جۇگىرتىپ، جوسپار جاساپ كەلەدى.
بۇعان دەيىن كەيبىر كەلەلى تاريحي تۇيىندەردە ءبىز قازىرگى بار مۇراجايلارعا، كورمە سارايلارىنا سۇيەنىپ، كەلەلى تاقىرىپتىق كورمەلەر ۇيىمداستىردىق، جوسپارلادىق، بۇلار ۇلى تابىستاردى كورسەتۋ، پارتيانىڭ بەكىمىن، حالىقتىڭ قالاۋىن توعىستىرۋ ماڭىزدى رولىن اتقاردى. سونىمەن بىرگە پارتيامىزدىڭ تاريحىندا پارتيانىڭ تاريحىن نەگىزگى جەلى ەتەتىن، پارتيانىڭ اينىماس ماقسات، بەرىك مۇراتتى كۇرەس جولىن ءار قىرىنان كورسەتەتىن ماڭگىلىك كورمە ساراي بولماعان ەدى.
پارتيا 19 - قۇرىلتايى جابىلىپ كوپ وتپەي، شي جينپيڭ جولداستى ۇيتقى ەتكەن پارتيا ورتالىق كوميتەتى: ”جۇڭگو كوممۋنيستىك پارتياسى تاريحى كورمە سارايىن سالۋ كەرەك!“ دەگەن كەلەلى شەشىم جاسادى.
”كورمە سارايدىڭ قۇرىلىسى جۇڭگو كوممۋنيستىك پارتياسىنىڭ رۋحىمەن ۇندەسىپ، جۇڭگو كوممۋنيستىك پارتياسىنىڭ 100 جىلدىق كۇرەس تاريحىن جانە وندا قامتىلعان ۇلى كۇرەسكەرلىك رۋحتى تولىق ايگىلەۋى، جۇڭگو كوممۋنيستەرىنىڭ قاجىرلىلىقپەن ءىز اشقان، قايسارلىقپەن كۇرەس جۇرگىزگەن ۇلى تاريحىن بەينەلەۋى كەرەك“؛
”كورسەتۋ، ەسكە الۋ، ۇگىت، تاربيە، زەرتتەۋ سياقتى كەشەندى فۋنكتسيانى تولىق ساۋلەلەندىرۋ كەرەك“؛
”جاستاردى تاربيەلەۋدى كوزدەي وتىرىپ، جۇڭگو كوممۋنيستىك پارتياسىنىڭ حيكايالارىن ويداعىداي بايانداۋ كەرەك“؛
......
باس شۋجي شي جينپيڭ كورمە سارايىنىڭ قۇرىلىسى قىزمەتىنە ايرىقشا ءمان بەرىپ، ءوزى تىكەلەي جوسپارلاپ، ىقىلاستى قامقورلىق كورسەتىپ، كوپ رەت قىزمەتتەن مالىمەت تىڭداپ، ماڭىزدى نۇسقاۋ بەرىپ، كورمە سارايىنىڭ ماڭىزى مەن ورنىن، فۋنكتسياسى مەن رولىن، مازمۇنى مەن فورماسىن تەرەڭىنەن اتاپ كورسەتىپ، ينجەنەريا قۇرىلىسىنا ءتۇبىرلى بويسۇنۋ ولشەمىن ازىرلەدى.
جۇڭگو كوممۋنيستىك پارتياسى تاريحى كورمە سارايىن قاي جەرگە سالعان ۇيلەسىمدى؟
جاعراپيالىق ورنى، الاڭ - سارايدىڭ بيىكتىگى، اينالاداعى قورشاعان ورتا سياقتى فاكتورلاردى جان - جاقتى ويلاستىرا كەلە، بەيجيڭ وليمپيادا باقشاسىنداعى ايداھار ءپىشىندى سۋ جۇيەسىنىڭ جانىنداعى مادەني ورىن ماقساتىنا پايدالانۋعا ساقتالعان ءبىر بولىك جەر تاڭداۋدا نازارعا ءىلىندى −
بۇل بەيجيڭ وليمپيادا باقشاسىنا ورنالاسقان جەر، قالانىڭ ءتۇيىندى فۋنكتسيالىق ءوڭىرى بولۋمەن قاتار، بايىرعى استانا بەيجيڭنىڭ سالتاناتتى كوركەم ورتا ءوس سىزىعىمەن الىستان ۇندەسىپ جاتادى. جۇڭگو عىلىم - تەحنيكا سارايى، جۇڭگو تەحنولوگيا - اسەمونەر سارايى، جۇڭگو تاريح زەرتتەۋ اكادەمياسى سياقتى مەملەكەت دارەجەلى مادەنيەت قۇرىلعىلارى وڭ، سول ەكى جاعىنا كورشىلەس ورنالاسقان، مادەني رايى كۇشتى.
كورمە سارايدىڭ ورنى تۇراقتاندىرىلعان سوڭ، ءبىرسىپىرا قىزمەتتەر جەدەلدەتىلە العا ىلگەرىلەتىلدى.
2018 - جىلعى جاڭا جىل وتە سالىسىمەن، بەيجيڭ قالاسى قۇرىلىس جوبالاۋ - زەرتتەۋ مەكەمەسى شەكتى سەرىكتەستىگىنىڭ باس ساۋلەتشىسى شاۋ ۋيپيڭ مەكەمەنىڭ اسحاناسىندا تاماقتانىپ وتىرعان كەزدە ەرتەڭ ورتالىق كوميتەت ۇگىت بولىمىنە جيىنعا باراتىندىعى جونىندە حابارلاندىرۋ تاپسىرىپ الدى.
”قۇرىلىس جوبالاۋشى، سونداي - اق پارتيا مۇشەسى رەتىندە، وسىناۋ ماڭىزدى ساياسي مىندەتكە قاتىناسۋ ورايى كەلگەنىن ەستىپ مەن ايرىقشا تولقىدىم، دەرەۋ جۇمىس توبىن ۇيىمداستىرىپ قاربالاس جوبالاۋ قىزمەتىنە كىرىسىپ كەتتىك“، - دەيدى شاۋ ۋيپيڭ.
ەل ىشىندەگى ەڭ ۇزدىك 7 جوبالاۋشى ورىن مىندەت تاپسىرىپ الدى، ولاردىڭ كوپشىلىگىندە بۇل جۇمىسقا اكادەميكتەر جەتەكشىلىك ەتىپ، ەڭ قۋاتتى قوسىن جاساقتاپ جوبالاۋ جوباسى مەردىگەرلىگىنە قاتىناستى. بىرنەشە كەزەك باسەكەدەن، تاڭداۋدان، تەرەڭدەي جوبالاۋدان كەيىن، 3 ورىننىڭ جوباسى اقىرعى سالىستىرۋ كەزەڭىنە ءوتتى.
2018 - جىلى 4 - اي، بەيجيڭ جۇڭنانحاي.
باس شۋجي شي جينپيڭ كورمە سارايى قۇرىلىسىنىڭ جوباسى جونىندەگى مالىمەتتى تىڭدادى. بىرنەشە جوباداعى جوبالاۋ وي جەلىسىن تىڭداعان سوڭ، باس شۋجي بىلاي دەپ ايقىن اتاپ كورسەتتى: ”قۇرىلىس ستيلى سالتاناتتى، ايبىندى بولۋ، سالتاناتتى سارايدىڭ ساۋلەتىنە يە بولۋ؛ داۋىرمەن بىرگە العا باسۋ، ۇلگىسى وزگەشە دارا بولۋ، قازىرگى كورمە سارايلارىمەن سالىستىرعاندا كوزگە ەرەكشە كورىنۋ كەرەك“.
حالىق سارايى، مەملەكەتتىك مۇراجاي سياقتى كلاسسيكالىق قۇرىلىستاردىڭ مادەنيەت گەنىن جالعاستىرىپ، ءداستۇرلى دىڭگەكتى زال قۇرىلىمىن قولدانىپ، ىقشام، تىنىستى، قاراپايىم قۇرىلىس ستيلىن قالىپتاستىردى؛ دەتالدىق پىشىندەۋ جاعىندا جۇڭحۋا مادەنيەتىنىڭ ەرەكشەلىگىن تولىق ايگىلەدى؛ ىشكى قۇرىلىمى ءداۋىردىڭ كورمە سارايدىڭ فۋنكتسياسى تۋرالى تالابىنا ۇيلەسىپ، ەسكە الۋ سيپاتىنىڭ، جالعاستىرۋ سيپاتىنىڭ جانە قولدانىلمالى بولۋ سيپاتىنىڭ ورگانيكالى ۇشتاسۋىن جۇزەگە اسىردى...
ەڭ سوڭىندا 60 نەشە جىلدىڭ الدىندا حالىق سارايىن جوبالاعان بەيجيڭ قالاسى قۇرىلىس جوبالاۋ - زەرتتەۋ مەكەمەسى شەكتى سەرىكتەستىگىنىڭ جوباسى قارا ءۇزىپ شىقتى. بۇل جوبالاۋ مەكەمەسى جۇڭگو كوممۋنيستىك پارتياسى تاريحى كورمە سارايىنىڭ باس جوبالاۋشى ورنى بولدى. پاراق - پاراق جوبالاۋ قاعازدارىنان بىرتىندەپ اسەم سۋرەت كەسكىندەلدى.
قامال الىپ، قيىندىقتاردى جەڭدى
− ينجەنەريا قۇرىلىسشىلارى كوپ بولىپ اقىل قوسىپ، كۇش سالىپ، قايسارلىقپەن شايقاسىپ، ناقتى ارەكەتىمەن پارتيانى سۇيەتىن، وتاننىڭ ءۇمىتىن اقتايتىن ادال قاسيەتتەرىن ءتۇسىندىردى
2018 - جىلى 8 - ايدىڭ 26 - كۇنى جۇڭگو كوممۋنيستىك پارتياسى تاريحى كورمە سارايىنىڭ ىرگەسىن قالاۋ سالتى وتكىزىلدى. 9 - ايدىڭ 10 - كۇنى ينجەنەريا رەسمي قۇرىلىس باستادى.
بۇل كەزدە پارتيانىڭ 100 جىلدىق مەرەيتويىنا نەبارى 2 جىلدان استام عانا ۋاقىت قالعان بولاتىن. وسىنشاما قىسقا ۋاقىت ىشىندە ماڭىزدى بورىش ارقالاعان ينجەنەريانى ورىنداپ شىعۋ قۇرىلىسقا قاتىناسقان بارلىق ورىندار ءۇشىن قاتاڭ سىن ەدى.
باستان - اياق ۋاقىتپەن جارىستى −
ينجەنەريا قۇرىلىسى باستالعان سوڭ، تاعان شۇڭقىردىڭ قۇرىلىسىن جۇرگىزۋ ءۇشىن كۇنىنە 10 مىڭ تەكشەمەتر توپىراق تاسىپ شىعارۋ قاجەت، بۇل 800 ءوزى اۋدارعىش جۇك ماشيناسىنىڭ تاسىمال مولشەرىنە تەڭ ەدى. ءار كۇنى تۇستەن كەيىن ساعات 6دان باستاپ، تولاس تاپپاي قايشالىسقان ءوزى اۋدارعىش جۇك ماشينالارى تاعان شۇڭقىرعا توقتاۋسىز كىرىپ - شىعىپ، تاڭعا جاقىن ساعات 4 − 5 كەزىندە عانا تىنىم الدى.
جازدىڭ اپتاپ ىستىعىندا قۇرىلىس مەرزىمى قۇرىلىمدىق بولاتتاردى ورناتۋعا ساي كەلدى، جۇمىسشىلار قول كۇيدىرەتىن بولات ارقالىققا ءمىنىپ، 400 مىڭعا جۋىق بەنتتى ءبىر - بىردەن دانەكەرلەپ شىقتى؛
قاقاعان ايازدى قىسقى قۇرىلىس جۇرگىزۋ مەزگىلىندە قۇرىلىسشىلار زال دىڭگەكتەرىنىڭ سىرتىنا كوتەرگى تۇرعىزىپ، ءار كۇنى تاڭەرتەڭنەن كەشكە دەيىن ءتۇسىپ شىعىپ، قايراتتانا جۇمىس ىستەدى.
100 كۇندە ءبىر ميلليون 50 مىڭ تەكشەمەتر توپىراقتى تاسىپ شىعارىپ، 45 كۇندە 2242 نەگىزدىك دىڭگەكتىڭ قۇرىلىسىن ءبىتىرىپ، 150 مىڭ شارشى مەتر كەلەتىن جەر استى قۇرىلىمىنىڭ توبەسىن جابۋدى 15 كۇن بۇرىن اياقتاتىپ، تۇلعالىق قۇرىلىس قۇرىلىمىنىڭ توبەسىن جابۋدى 12 كۇن بۇرىن جۇزەگە اسىردى... قۇرىلىسقا قاتىناسقان ورىندار وسكەلەڭ جاۋاپكەرشىلىك سەزىممەن جانە بورىشتىلىق سەزىممەن ينجەنەريا قۇرىلىسىنىڭ حاۋىپسىزدىك، ساپا، جۇمىس قارقىنى، وزىندىك قۇن نىساناسىنا جاپپاي تۋرالانىپ، تالاي - تالاي قۇرىلىس جۇرگىزۋ رەكوردتارىن جاراتتى.
”قاقاعان ايازعا قاراماي، اپتاپ ىستىقپەن كۇرەسىپ، ارتىق - كەممەن ەسەپتەسپەي، بورىشتىڭ ۇددەسىنەن شىعىپ، ءبىز پارتياعا دەگەن ىستىق سۇيسىپەنشىلىكتى قىزمەتتىڭ قۋاتتى قوزعاۋشى كۇشىنە اينالدىردىق“، - دەيدى بەيجيڭ قالا قۇرىلىسى توبىنىڭ نىسان ديرەكتورى ۋاڭ حىڭ اسەرلەنە.
باستان - اياق قيىندىقپەن كۇرەستى −
2020 - جىلدىڭ باسىندا جاڭا تيپتى ايدارشا ۆيرۋس وكپە قابىنۋ ىندەتى كۇشتى ەكپىنمەن كەلدى. سول جىلى 6 - ايدا بەيجيڭدەگى شينفادي اۋىل شارۋاشىلىعى ونىمدەرىن تولايىم ساتۋ بازارىندا توپتاسۋ سيپاتتى ىندەت تۋىلىپ، استانانىڭ ىندەتتەن ساقتانۋ ساقتىق دابىلى قايتا قاعىلدى.
ىندەتتىڭ ىقپالى قىزمەتشىلەردىڭ قۇرىلىس جۇرگىزۋىنە عانا ەمەس، قۇرىلىس ماتەريالدارىن تاسۋعا دا اسەرىن تيگىزدى. قايتكەندە حاۋىپسىزدىكتى ءبىرىنشى ورىنعا قويۋعا، ءومىردى بارىنەن جوعارى قويۋعا تاباندى بولۋ العى شارتىندا ينجەنەريا قۇرىلىسىن قامتاماسىز ەتۋگە بولادى، بۇل شەشۋدى شۇعىل كۇتىپ تۇرعان قيىن ماسەلە ەدى.
شەشۋشى ساتتە، قاتىستى تاراۋلار ءبىر تۇتاس جوسپارلاۋ سەرپىنىن ارتتىرىپ، ينجەنەريانى باسقارۋ توبىنىڭ ءبىر جاعىنان ىندەتتەن ساقتانۋدى، ەندى ءبىر جاعىنان قۇرىلىستى مىقتى يگەرۋىنە جەتەكشىلىك جانە قۋزاۋشىلىق ەتتى. بارلىق ادامنىڭ حىسۋانىن تەكسەرۋ، قاتاڭ جابىق كۇيدە باسقارۋ، اۋماقتارعا ءبولىپ جاناسۋدى ازايتۋ، بولەك تاماقتانۋ ءتۇزىمىن اتقارۋ سياقتى ءبىرسىپىرا شارالار ارقىلى ىندەتتىڭ ىقپالىن ەڭ تومەنگى شەككە ءتۇسىردى.
بۇل ارالىقتا ينجەنەريا قۇرىلىسىنىڭ ساپاسى مەن قارقىنىنا شىنايى كەپىلدىك ەتۋ ءۇشىن، كوپتەگەن جولداستار كوكتەم مەرەكەسى سياقتى مەرەكە - دەمالىس كۇندەرىنەن باس تارتىپ، ينجەنەريانىڭ ءبىرىنشى شەبىندە قايراتتانا شايقاس جۇرگىزىپ، ناقتى ارەكەتتەرىمەن پارتيانى ءسۇيىپ، وتاننىڭ ءۇمىتىن اقتايتىن ادالدىق قاسيەتتەرىن ءتۇسىندىردى.
تاس ماتەريالدارىن تاڭداۋ ينجەنەريا قۇرىلىسىنداعى ءبىر قيىن ءتۇيىن ەدى.
لايىقتى اق ءمارمار تاس ماتەريالىن تابۋ ءۇشىن، قاتىستى جۇمىس توبى بۇكىل ەلدىڭ جەر - جەرىندەگى كەن شۇڭقىرلارىنا بارىپ تاس ماتەريالدارىنىڭ ساپاسىن تەكسەردى. تاس ماتەريالىنىڭ ۇلكەن - كىشىلىگى، قيسىق - تۇزۋلىگى، جۋان - جىڭىشكەلىگى، تىعىزدىعى سياقتى جاقتاردان كوپ رەت دالەلدەۋ ارقىلى اقىرىندا سىچۋاننىڭ يا - انىنداعى جياجينشان تاۋىنىڭ ەتەگىندەگى اق ءمارماردى تاڭدادى.
جياجينشان تاۋى ءدال سول جىلدارى قىزىل ارميا ۇزاق جورىقتا اسقان قارلى تاۋ ەدى. ”پارتيا تاريحى كورمە سارايىنا جياجينشان تاۋىنىڭ جانىنان شىعاتىن اق ءمارماردى تاڭداپ قولدانۋ ءدال پارتيامىزدىڭ توڭكەرىستىك رۋحىنىڭ ۇلاستىرىلۋى جانە جالعاستىرىلۋى بولدى“، - دەدى جۇڭگو قۇرىلىس ولشەمدى جوبالاۋ - زەرتتەۋ مەكەمەسى قۇرىلىس ينجەنەرياسىنىڭ باس مەردىگەرلىك ىستەرى ءبولىمىنىڭ ورىنباسار باستىعى ليۋ حان.
جۇڭگو كوممۋنيستىك پارتياسى تاريحى كورمە سارايىنىڭ قۇرىلىسى جۇيەلى ينجەنەريا، وعان ىلگەرىندى - كەيىندى 200دەن استام ورىن، 50 مىڭعا جۋىق ادام تىكەلەي ات سالىستى. ۇيىمداستىرۋدان سايكەستىرۋگە، جوبالاۋدان قۇرىلىس جۇرگىزۋگە، وندىرىستەن تاسىمالداۋعا، ورناتۋدان تولىقتاي ۇسىنۋعا دەيىن قاتىستى تاراۋلار مەن قۇرىلىسقا قاتىناسقان ورىندار ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، قامال الىپ، قيىندىقتاردى جەڭۋدىڭ قۋاتتى بىرىككەن كۇشىن قالىپتاستىردى:
− ورتالىق كوميتەت ۇگىت ءبولىمى ارناۋلى باسشىلىق گرۋپپا قۇرىپ، ءبىر تۇتاس جوسپارلاۋدى، سايكەستىرۋدى كۇشەيتىپ، جوبالاردى دەن قويا دالەلدەۋدەن وتكىزىپ، اينالاسىن جوسپارلاۋدى ويداعىداي ىستەپ، پارتيا تاريحى كورمە سارايى مەن مادەني ەسكەرتكىشتەردى جيناۋ قىزمەتىن ءبىر ۋاقىتتا اقىلداسىپ ىلگەرىلەتتى.
− مەملەكەتتىك دامۋ جانە رەفورما كوميتەتى، قازىنا مينيسترلىگى، ورتالىق كوميتەتكە توتە قاراستى ورگاندار ءىسىن باسقارۋ مەكەمەسى، بەيجيڭ قالاسى سياقتىلار زور كۇشپەن قولداۋ كورسەتىپ، جالپى بارىسقا ات سالىسىپ، ينجەنەريا قۇرىلىسىن بار كۇشپەن ىلگەرىلەتتى.
− ينجەنەريانى وكىلەتتى سالۋشى جاق، جوبالاۋشى جاق، قۇرىلىس جۇرگىزۋشى جاق، باقىلاۋشى جاق، كەڭەس بەرۋشى جاق ءوز مىندەتتەرىن اتقارىپ، تىعىز سەلبەستى.
− جۇڭگو ادەبيەت - كوركەمونەرشىلەر بىرلەستىگى مەن جۇڭگو اسەمونەرشىلەر قوعامى ورتالىق اسەمونەر شۋەيۋانى، چيڭحۋا داشۋەسى اسەمونەر شۋەيۋانى، جۇڭگو اسەمونەر شۋەيۋانى، لۋشۇن اسەمونەر شۋەيۋانى، جۇڭگو اسەمونەر سارايى قاتارلى بۇكىل ەلگە ايگىلى كوركەمونەر توپتارىن ۇيىمداستىرىپ، ماڭىزدى تاقىرىپتىق ءمۇسىن ينجەنەرياسىن دەن قويا جاسامپازدىقپەن ورىندادى.
− سىچۋاننىڭ يا - انى، فۋجياننىڭ چۋانجوۋى، گۇيجوۋدىڭ انشۇنى، حۋبەيدىڭ ىنشىسى، حۋناننىڭ انحۋاسى، جىجياڭنىڭ دۇڭياڭى قاتارلى جەرلەر تاس ماتەريالدارىن، اعاش ماتەريالدارىن تياناقتاندىرۋعا بەلسەنە سايكەسىپ، دەن قويا وتىرىپ ساپاعا كەپىلدىك ەتىپ وڭدەدى.
......
ينجەنەريانىڭ قۇرىلىسى مەزگىلىندە ورتالىقتاعى قاتىستى باسشى جولداستار كوپ رەت قۇرىلىستىڭ باسى - قاسىنا بارىپ، ءتۇيىندى قىزمەتتەردى اقىلداسىپ، ىلگەرىلەتىپ، ەلەۋلى ىستەردى سايكەستىرىپ، شەشىپ، قىزمەتتەردىڭ ورىستەتىلۋىنە پارمەندى جەتەكشىلىك ەتتى جانە ونى ىلگەرىلەتتى.
ءبىر شاعىن دەتالدان ينجەنەريا قۇرىلىسى مەن كوركەمونەرلىك شىعارماشىلىق بارىسىنداعى كەمەلدىلىككە تالپىنۋدى كورۋگە بولادى −
الاڭداعى كولەمدى تاقىرىپتىق ءمۇسىن نەشە 100 تاس ماتەريالىنان قۇراستىرىلعان، ادامنىڭ بەت الپەتى سياقتى ءار جاقتاعى دەتالدىڭ بارلىعىنان ەشقانداي دا ورنەكتىك ءمىن بولماۋى كەرەك. ەڭ جاقسى جالپى تۇلعالىق اسەرگە قول جەتكىزۋ ءۇشىن، ءاربىر تاس ماتەريالىنىڭ بارلىعى ءجۇز سارالاۋ، مىڭ تاڭداۋدان ءوتتى، تاس ماتەريالدارىن جابىستىراتىن جەلىمنىڭ وزىنە 500 ساعاتقا جۋىق عىلمي سىناق جۇرگىزىلىپ، كوپتەگەن ۇلگىلەردىڭ ىشىنەن ەڭ لايىقتى بىرەۋىن تاڭداپ شىقتى.
جۇڭگو كوممۋنيستىك پارتياسى تاريحى كورمە سارايىنىڭ قۇرىلىس قارقىنى جاعدايىنا باس شۋجي شي جينپيڭ باستان - اياق كوڭىل ءبولىپ وتىردى.
2020 - جىلى 9 - ايدىڭ 29 - كۇنى تۇستەن كەيىن باس شۋجي شي جينپيڭ جۇڭنانحايدىڭ حۋايرىنتاڭىندا ارنايى تۇردە ينجەنەريا قۇرىلىسى مەن كورمە جاعدايى قىزمەتىنەن مالىمەت تىڭدادى، سونداي - اق كەلەسى قادامداعى قىزمەت جونىندە ايقىن تالاپ قويدى. باس شۋجي شي جينپيڭ بىلاي دەپ باسا دارىپتەدى: نەگىزگى تاقىرىپتى، نەگىزگى جەلىنى كورنەكتىلەندىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋدى“ قىزىل سىزىق ەتىپ، حالىقتى باقىتقا كەنەلتۋدى، ۇلتتى گۇلدەندىرۋدى ايگىلەۋ كەرەك. ول قاسيەتتى ساراي ەتىپ سالىپ، كوممۋنيستىك پارتيا مۇشەلەرىنىڭ تاربيە قابىلدايتىن، سىننان وتەتىن رۋحاني مەكەنىنە، حالىق بۇقاراسىن پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەيتىن تاربيە بازاسىنا، پارتيا تاريحىن زەرتتەيتىن جانە ۇگىتتەيتىن قۇزىرەتتى شەپكە اينالدىرۋ كەرەكتىگىن باسا دارىپتەدى.
2021 - جىلى 2 - ايدىڭ 8 - كۇنى باس شۋجي شي جينپيڭ تاعى دا ءماجىلىس باسقارىپ اشىپ، پارتيا تاريحى كورمە سارايىنىڭ جوباسىن قارادى. ءماجىلىس مىنالاردى باسا دارىپتەدى: ۋاكىلدىك، يلاندىرىمدى كورمە ەلەمەنتتەرى ارقىلى جۇڭگو كوممۋنيستىك پارتياسىنىڭ دۇنيەگە كەلگەندەگى تاريحي استاردى، جۇڭگو حالقىنىڭ جۇڭگو كوممۋنيستىڭ پارتياسىنىڭ باسشىلىعىن تاڭداۋداعى تاريحي سوزسىزدىكتى انىق ءتۇسىندىرۋ، پارتيانىڭ تۋراشىلدىقتان اينىماي جاڭالىق اشۋىن، داۋىرمەن بىرگە العا ىلگەرىلەۋىن انىق ءتۇسىندىرۋ كەرەك.
ىقىلاستى تاپسىرما، شىنايى ءۇمىت قۇرىلىسقا قاتىناسقان جولداستاردىڭ قۇدىرەتتى قوزعاۋشى كۇشىنە اينالدى.
ەڭ تاڭداۋلى كۇشتەردى ينجەنەريالىق قۇرىلىسقا قاتىناسۋعا ورنالاستىرىپ، تاعان شۇڭقىر ينجەنەرياسى، سىلكىنىستەن اۋاشالاۋ ينجەنەرياسى، ەڭسەلى ءدالىز تىرەۋىن ورناتۋ سياقتى قۇرىلىس جۇرگىزۋدەگى ءبىر قىدىرۋ قيىن ماسەلەلەردى ءساتتى شەشتى؛
سىرتقى تىك بەتىن ەڭ جاقسى ونىمگە جەتكىزۋ ءۇشىن، قۇرىلىس باسىندا 1: 1 سالىستىرما بويىنشا 3 ۇلگى بولىك جاساپ، جۇمىس باسىندا مۇقيات زەرتتەپ، سالىستىرىپ تاڭدادى؛
نەگىزگى تاقىرىپتىق ءمۇسىن جاسامپازىق ۇجىمى ىلگەرىندى - كەيىندى 30 نەشە رەت جاسامپازدىق جوباسىن تەكسەرىپ بەكىتۋگە جانە سان رەت بالشىق نۇسقاسىن وزگەرتىپ رەتتەۋگە ۇيىمداستىرىپ، ءاربىر تۇلعانىڭ ءبىتىم بەينەسىن، جابدىقتاردى، كيىم - كەشەكتەردى قايتالاي سارالادى، دالدىككە ۇمتىلدى؛
... ...
جاز ءوتىپ، قىس كەلدى، كۇندىز - ءتۇنى جۇمىستى جالعاستىردى
2021 - جىلى 5 - ايدىڭ 5 - كۇنى 1000 كۇنگە جۋىق قۇرىلىستى باستان وتكەرىپ، جۇڭگو كوممۋنيستىك پارتياسى تاريحى كورمە سارايى رەسمي قۇرىلىسىن اياقتاتىپ، سالىنىپ بولدى!
الدىڭعىلاردىڭ ءىزىن باسىپ، بولاشاققا جول الدى
− اۋەلگى ماقساتتى، بورىشتى ەستە بەرىك ساقتادى، حالىقتىڭ ماڭىزدى تاپسىرماسىن ورىندادى، 100 جىلدىق پارتيا تاريحىنان بوران - شاشىندى ەلەڭ قۇرلى كورمەي العا باسۋعا تەلەگەي كۇش توپتادى.
6 - ايدىڭ 18 - كۇنى قوعامداعى ءار سالا زارىعا كۇتكەن جۇڭگو كوممۋنيستىك پارتياسى تاريحى كورمە سارايى رەسمي اشىلدى. سول كۇنى تۇستەن كەيىن شي جينپيڭ قاتارلى پارتيا مەن مەملەكەت باسشىلارى وسى جەرگە كەلىپ، ”’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسى تاريحى كورمەسىن“ ەكسكۋرسيالادى.
وسى ساۋلەتتى كورمە سارايىنا كەڭىستىكتەن كوز جىبەرگەندە، تۇتاس تۇلعاسى ”工“ ءارىبى فورماسىن كورسەتىپ، پارتيامىزدىڭ جۇڭگو جۇمىسشى تابىنىڭ ۇزدىك قوسىنى ەكەندىگىن، سونىمەن بىرگە جۇڭگو حالقى مەن جۇڭحۋا ۇلتىنىڭ ۇزدىك قوسىنى ەكەندىگىن استارلاپ كورسەتىپ تۇر. سىرتقى فورماسىنا ءداستۇرلى دىڭگەكتى ءدالىز قۇرىلىمى قولدانىلىپ، جۇڭحۋا قۇرىلىسىنىڭ رەتتى دە ءتۇزۋ، قاراپايىم دا ساۋلەتتى بولۋ سىندى ءداستۇرلى مايەگىن تولىق جالعاستىرعان.
كورمە سارايىنىڭ شىعىس، باتىس ەكى جاعىنداعى 28 ءدالىز دىڭگەگى جۇڭگو كوممۋنيستىك پارتياسىنىڭ 28 جىل قاندى شايقاس جۇرگىزىپ جاڭا جۇڭگونى قۇرعاندىعىنىڭ سيمۆولى. وڭتۇستىك، سولتۇستىك ءار ەكى جاعىنداعى 6 ءدالىز دىڭگەگى تاماشا ارمان مەن ءۇمىتتى بەينەلەيدى، جۇڭگو كوممۋنيستىك پارتياسىنىڭ حالىقتى ەرلىكپەن العا باسۋعا، جەڭىستەن - جەڭىسكە جەتۋگە باستاعان اسقاق كەلبەتىن ايگىلەيدى.
الاڭدا بەس ۇلكەن نەگىزگى تاقىرىپتىق ءمۇسىن ايبىنمەن بوي سوزىپ، ادام جانىن تەبىرەنتەدى.
ءىرى كولەمدى پارتيا تۋى ءمۇسىنى «تۋدىڭ» ايبىنى اسقاق، ول تۋدىڭ بەتالىس، تۋدىڭ كۇش - قۋات ەكەندىگىن كورسەتىپ تۇر. «سەنىم»، «ۇلى ءىس»، «قامال الۋ»، «ارمانعا قانات قاعۋ» سىندى 4 توپ ءىرى كولەمدى ءمۇسىن جەكە - جەكە ”ءتورت ۇلى“ نەگىزگى تاقىرىپقا سايكەس كەلەدى، 276 تۇلعا مەن 583 اق ءمارمار بىتە قايناسىپ، ادامنىڭ ايبىنى مەن تاۋدىڭ اسقاقتىعى ءبىرىن - ءبىرى سۇيەنىش ەتىپ، بايسالدى دا ايدىندى بەينەمەن جۇڭگو كوممۋنيستىك پارتياسىنىڭ 100 جىلدان بەرگى حالىقتى باقىتقا كەنەلتۋدى كوزدەگەن، ۇلتتى گۇلدەندىرۋدى كوزدەگەن كۇرەس بارىسىن باياندايدى.
”شىعىس جاعىنداعى 2 توپ ءمۇسىن تىك تۇرىپ ’سەرت بەرۋ‘، ’العا ىلگەرىلەۋ‘ سىندى توپ مۇسىندەردى قولدانىپ، ۇلى ينجەنەريا جۇرگىزۋدىڭ بەرىك سەنىمىن، ۇلى ىستەردى ىلگەرىلەتۋدىڭ ۇلاعاتتى ولمەس ەڭبەگىن بەينەلەيدى. باتىس جاقتاعى 2 توپ ءمۇسىن قوزعالىستاعىداي اسەرگە تولى، ۇلى كۇرەس جاساۋداعى قامال الىپ، قيىندىقتاردى جەڭۋدى، ۇلى ارماندى جۇزەگە اسىرۋداعى اسقاق سەزىمدى بەينەلەيدى“، - دەدى جۇڭگو اسەمونەرشىلەر قوعامىنىڭ باس حاتشىسى ما فىڭحۇي.
باسپالداقپەن كورمە سارايدىڭ الدىڭعى زالىنا كىرگەندە 100 بولەك سىرلى تاقتايدان قيۋلاستىرىلعان 600 شارشى مەترلىك ”ۇلى قورعان جىرى“ اتتى الىپ سىر سۋرەت كۇشتى ايبىنمەن كوزگە تۇسەدى. قالىڭ تاۋ، قۇزار شىڭداردان وتكەن ۇلى قورعان اينالا ورلەپ، يرەلەڭدەي وركەشتەپ قويۋ بۇلتتىڭ اراسىنا سۇعىنىپ، جۇڭگو كوممۋنيستىك پارتياسىنىڭ ءداۋىر اتويشىسى، ۇلت تىرەگى ەكەندىگىن اسقاق ايبىنمەن ايگىلەيدى.
”سۋرەتتە تاۋ تولى قىزىل جاپىراقتار ۇلى قورعاندى ايشىقتاپ، ورتەڭدەر تىپ - تىك بوي سوزىپ تۇر، باسپالداقپەن جوعارى قاراي جۇرگەندە ادامعا جوعارى كوتەرىلگەندەي اسەر بەرىپ، تاۋسىلماس كۇش قۋات سيلايدى“، - دەيدى «ۇلى قورعان جىرى» سىر سۋرەتىنىڭ اۆتورى، چيڭحۋا داشۋەسى اسەمونەر شۋەيۋانىنىڭ پروفەسسورى چىڭ شياڭجۇن.
جەكە تۇلعاسىنىڭ كولەمى ۇلكەن، فۋنكتسياسى تولىق، ورنى ماڭىزدى مەملەكەت دارەجەلى كورمە سارايى رەتىندە، مەيلى ستيلى مەن ۇلگىسى، قۇرىلىمى مەن سىرتقى كورىنىسى، الدە فۋنكتسيالىق جوبالانۋى، ءمان - ماعىناسى مەن جاي - جاپسارى بولسىن، جۇڭگو كوممۋنيستىك پارتياسى تاريحى كورمە سارايى پارتيانىڭ بورىشى مەن مۇراتىن جاندى ايگىلەدى، پارتيانىڭ داۋىرلىك كەلبەتىن شىنايى بەينەلەدى.
الدىڭعى عاسىردىڭ 50 - جىلدارىندا اسەمونەردىڭ ايتۋلى مامانى چاڭ شانا حالىق سارايى، ۇلتتار مادەنيەت سارايى سياقتى كلاسسيكالىق قۇرىلىستاردى جوبالاۋعا قاتىناستى. 60 نەشە جىلدان كەيىن، 90عا كەلگەن چاڭ شانا تاعى دا ”اتقا قونىپ“، تىكەلەي ۇجىمدى باستاپ، كورمە سارايىنىڭ سىرتىنداعى تىك كورىنىستىك تىرەۋ باسىن، تىرەۋ تاعانىن، دودەگەدەگى ءتورت قىرلى دىڭگەكتى، ورنەكتى قابىرعانى، سونداي - اق مىس ەسىكتى، ساراي بەلگىسىن جوبالاپ، كورمە سارايىنىڭ كوركەمونەرلىك جاسامپازدىعىنا ءار قوستى.
”مەن 1964 - جىلى پارتياعا كىرگەن ساقا پارتيا مۇشەسىمىن، ءوزىمنىڭ پارتياعا قويۋ سۇيىسپەنشىلىگىم مەن شۇعىلدانعان ماماندىعىمدى ۇشتاستىرىپ، پارتيانىڭ 100 جىلدىق مەرەيتويىنا تارتۋ سيلاي العاندىعىمدى ەرەكشە ماقتانىش ەتەمىن، ەرەكشە ابىروي سانايمىن“، - دەدى 90 جاسقا كەلگەن چاڭ شانا.
كورمە زالىندا ”’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسى تاريحى كورمەسى“ ەكسكۋرسيالاۋشىلاردىڭ نازارىن اۋداردى. كورمە ءتورت بولىكتەن تۇرادى، 2600دەن استام سۋرەت پەن 3500دەن استام مادەني ەسكەرتكىش ناقتى زاتى ارقىلى جۇڭگو كوممۋنيستىك پارتياسىنىڭ قۇلاشىن كەڭ جايعان ايبىنى اسقاق 100 جىلدىق تاريحىن جان - جاقتى، جالپى بارىس بويىنشا، جالپى كورىنىس ۇلگىسىندە، ەپوس تۇرىندە ايگىلەيدى.
جالپى كورمە ەكى ”تاريحي قاۋلىنى“ جانە پارتيا ورتالىق كوميتەتىنىڭ قاتىستى رۋحىن نەگىز ەتىپ، ديالەكتيكالىق ماتەرياليزم جانە تاريحي ماتەرياليزم تۇرعىسىنا، كوزقاراسىنا، ادىسىنە تاباندى بولىپ، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا ىلگەرىلەۋگە تاباندى بولىپ، قۇزىرلى، وبيەكتيۆ، عىلمي، تۇلعالى ەتىپ ۇسىنۋدى ورىندادى. جالپى جوسپار جاساۋ، ورنالاستىرىپ ءتىزۋ، مادەنيەت ەسكەرتكىش ناقتى زاتتارىن جيناۋ بارىسىندا باستان - اياق پارتيا تاريحى سالاسىنداعى مامانداردى قاتىناسۋعا ۇسىنىس ەتىپ، قايتا - قايتا قاتىستى تاراۋلار مەن ورىنداردىڭ پىكىرىن الىپ، ءارقايسى جاقتاردىڭ تولىق تۇراقتاندىرۋىنا يە بولدى.
بۇل جۇڭگو كوممۋنيستەرىنىڭ رۋحاني مەكەنى، سونداي - اق قالىڭ كادر - بۇقارانىڭ مۇرات - سەنىم تاربيەسى مەن توڭكەرىستىك رۋح تاربيەسىن ورىستەتەتىن ماڭىزدى ورىندارىنىڭ ءبىرى بولىپ تابىلادى.
150 مىڭ شارشى مەترگە جۋىق نەگىزگى قۇرىلىستىڭ جەر اۋدانىنىڭ ۇشتەن ەكىگە جۋىعى كورمە كەڭىستىگى، نەگىزگى تاقىرىپتىق كورمەدەن تىس، تاعى ارناۋلى تاقىرىپتاعى كورمە دە ورنالاستىرىلعان.
كورمە سارايىنىڭ ىشكى بولىگىندە ارنايى اشىلعان نەگىزگى تاقىرىپتىق پوچتا مەكەمەسى ەكسكۋرسيالاۋعا، ۇيرەنۋگە كەلگەن كورەرمەندەرگە پوچتا قىزمەتىن كورسەتىپ، تىلىمدەي جەرگە تاريح كارتيناسىن جايادى.
ايتۋعا تاتىرلىق ءبىر جاي، كورمە سارايىنىڭ نەگىزگى تاقىرىپتىق پوچتا مەكەمەسى ەرەكشە پوچتا ءنومىرى ”100100“دى ىسكە قوسادى. ول جۇڭگو كوممۋنيستىك پارتياسى تاريحى كورمە سارايىنىڭ پارتيا قۇرىلعاندىعىنىڭ 100 جىلدىعى قارساڭىندا سالىنعاندىعىن ەستەلىككە الىپ قانا قويماي، جۇڭگو كوممۋنيستىك پارتياسىنىڭ ”قوس ءجۇز جىلدىق“ كۇرەس نىساناسىنا قاراي ەرلىكپەن العا تارتقاندىعىن استارلاي كورسەتەدى.
قۇرىلىس ءداۋىردىڭ كەلبەتى. يان - ان مەزگىلىندەگى ورتالىق ۇلكەن زالدان جاڭا جۇڭگو قۇرىلعاننان كەيىنگى مەملەكەتتىك ساياسي كەڭەس زالىنا دەيىن، ودان حالىق سارايى، مەملەكەتتىك مۇراجاي سياقتىلارعا دەيىن، بارلىعى پارتيا تاريحىنىڭ ماڭىزدى كۋاسى، توڭكەرىس رۋحىنىڭ ايقىن بەلگىسى.
بۇل كۇندەرى ءزاۋلىم دە سالتاناتتى، ايبىندى دا اسقاق، وزگەشە دارالىققا يە جۇڭگو كوممۋنيستىك پارتياسى تاريحى كورمە سارايى وتانىمىزدىڭ بايتاق دالاسىنداعى تاعى ءبىر سيمۆولدىق قۇرىلىسقا، استانامىز بەيجيڭدەگى تاعى ءبىر قىزىل جەر بەلگىسىنە اينالدى.
بەينە ءبىر ستەرەولدى پارتيا تاريحى كىتابى ىسپەتتى، جۇڭگو كوممۋنيستىك پارتياسى تاريحى كورمە سارايى ءبىر 100 جىلدىق ۇلكەن پارتيانىڭ ۇدەرە العا تارتقان داڭقتى جىلدارىن ەستەلىككە الىپ، سونداي - اق ءبىر بايىرعى ۇلتتىڭ گۇلدەنۋگە قاراي باسقان مىعىم قادامىنا قۇلاق تۇرۋدە.
تاريحتى ەستە بەرىك ساقتاپ، قازىرگىلەردى جىگەرلەندىرىپ، بولاشاقتى بولجادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيانىڭ 100 جىلدىق كۇرەس تاريحىنان ۇزدىكسىز العا ىلگەرىلەۋگە پاراسات جانە كۇش - قۋات قابىلداپ، جۇڭگو كوممۋنيستىك پارتياسى ميلليارد حالىقتى باستاپ، بوران - شاشىندا دا بوگەلمەي العا ىلگەرىلەي بەرەدى!
(شينحۋا اگەنتتىگىنىڭ 6 - ايدىڭ 19 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
