پارتيانىڭ كۇرەس جۇرگىزۋ تاريحىنان العا باسۋ كۇش - قۋاتىن قابىلداۋ كەرەك
− باس شۋجي شي جينپيڭنىڭ ”’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسى تاريحى كورمەسىن“ ەكسكۋرسيالاۋىنان، پارتيالى باسشى جولداستاردى باستاپ پارتياعا كىرۋ سەرتىن قايتا پىسىقتاۋىنان شولۋ
شينحۋا اگەنتتىگىنىڭ تىلشىلەرى جاڭ شياۋسۇڭ، لين حۇي
2021.06.21 16:20 كەلۋ قاينارى : شينجياڭ گازەتى
التىن كۇننىڭ شۇعىلاسى جۇڭگو كوممۋنيستىك پارتياسى تاريحى كورمە سارايىنا توگىلىپ تۇر. العى زالدا ۇلى قورعان نەگىزگى تاقىرىبىنداعى الىپ سىر سىزبادا كوز سالسام تۇتاس سان مىڭ تاۋ قىزارعان، بويالعان قابات - قابات قالىڭ ورمان دەگەندەي ايبىندى كورىنىس كەسكىندەلىپ، سوعان ۇقساس قىزىل ءتۇستى گرانيت ەدەنمەن ۇندەسىپ نۇر شاشىپ تۇر.
6 - ايدىڭ 18 - كۇنى تۇستەن كەيىن شي جينپيڭ قاتارلى پارتيا مەن مەملەكەت باسشىلارى ەندى عانا سالىنىپ بىتكەن وسىناۋ ايبىندى قۇرىلىسقا كەلىپ، ”’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسى تاريحى كورمەسىن“ ەكسكۋرسيالاپ، پارتيانىڭ 100 جىلدىق كۇرەس جولىن ۇعىندى.
جالپى قۇرىلىس كولەمى 147 مىڭ شارشى مەتر كەلەتىن پارتيا تاريحى كورمە سارايى باس شۋجي شي جينپيڭنىڭ تىكەلەي شەشىم جاساۋىمەن، تىكەلەي بەكىتۋىمەن سالىنعان، بۇل جولعى پارتيا تاريحى كورمەسى دە باس شۋجي شي جينپيڭنىڭ تىكەلەي قامقورلىعىمەن وتكىزىلىپ وتىر.
جۇڭگو كوممۋنيستىك پارتياسى 100 جىلدىق مەرەيتويىن قارسى الار ساتتە، پارتيامىز ماڭگىلىك، كەشەندى سيپاتقا يە پارتيا تاريحى كورمە سارايىنا يە بولدى، سونىمەن قاتار ايبىنى اسقاق 100 جىلدىق ساپار جان - جاقتى، جالپى بارىس بويىنشا جالپى كورىنىس ۇلگىسىندە، ەپوس تۇرىندە العاش رەت كوز الدىعا تارتىلدى.
100 جىلدىق ساپاردىڭ ءدۇبىرى بولەك، ايبىنى اسقاق 100 جىلدىق اۋەلگى ماقسات ۋاقىت وتكەن سايىن بەكەمدەلە تۇسۋدە.
كورمە زالىندا 2600دەن استام سۋرەت، 3500دەن استام مادەني ەسكەرتكىش ناقتى زاتى پارتيامىزدىڭ قاجىماي - تالماي كۇرەس جۇرگىزگەن تاريحىن، قۇربان بەرۋدەن تايسالماعان تاريحىن، نازاريالىق ىزدەنىس جاساۋ تاريحىن، حالىقتى باقىتقا كەنەلتۋ تاريحىن، ءوز قۇرىلىسى تاريحىن جاندى سۋرەتتەي وتىرىپ بەينەلەدى.
بۇل اۋەلگى ماقساتتى، بورىشتى مۇرات ەتە وتىرىپ امالياتتا ايگىلەگەن 100 جىل −
چيڭ ۇكىمەتىنىڭ «ماگۋان شارتىنداعى» وراسان كوپ تولەم قارجىسىن تولەۋ ءۇشىن تاراتقان قارىز زايومى، دۇنحۋاڭ موگاۋ ۇڭگىرىنەن ۇرلانعان «الماز سۇتراسى»، چيڭ ۇكىمەتىنىڭ الپاۋىت ەلدەرمەن ەرىكسىز جاساسقان نەگىزگى تەڭسىز شارتتارى... بۇل كورمە بۇيىمدارىن كورىپ، باس شۋجي شي جينپيڭ ۇزاق كىدىرىپ، تەرەڭ تولعانىپ كوپ تۇردى.
تاياۋ زاماننان كەيىن جۇڭگو بىرتىندەپ جارتىلاي وتار، جارتىلاي فەودالدىق قوعامعا اينالىپ، تاۋ - وزەنى تەلىم بولىپ، ەل باسىنا كۇن تۋىپ، جۇڭحۋا ۇلتى بۇرىن بولماعان ازاپ - بەينەتكە تاپ بولدى.
”مىناۋ − ’قيسىق ساپ‘“. باس شۋجي شي جينپيڭ جاپون شاپقىنشىلارىنا قارسى سوعىس كەزىندەگى پۋلەمەدتى نۇسقاپ تۇرىپ، تەرەڭ اسەرمەن بىلاي دەدى: ”جاپوندار الدىمەن مينومەتپەن، زەڭبىرەكپەن ءبىر مارتە بومبىلاپ الىپ، ونان سوڭ ’قيسىق ساپ‘، ’سانباشىلارىمەن‘ اتوي سالادى. ول كەزدە ءبىز ولارمەن نايزالاساتىنبىز، ءولىم - ءجىتىم سالىستىرماسى ۇشكە ءبىر، تورتكە ءبىر بولاتىن. قارۋ - جاراق ناشار بولعان سوڭ، وتە كوپ قۇربان بەردىك“.
ماركسيزم جاڭا شىققان ايبىندى كۇندەي ادامزاتتىڭ تاريحتىڭ زاڭدىلىعى مەن ءوزىن ازات ەتۋ تۋرالى ىزدەنىس جولىن نۇرلاندىردى، سونداي - اق قاراڭعى تۇنەك ىشىندە گۇلدەنۋ جولىن ىزدەگەن جۇڭگوعا ءبىر شوق شۇعىلا الا كەلدى.
ماركستىڭ، ەنگەلستىڭ ءمۇسىنى الدىندا باس شۋجي شي جينپيڭ ايالداپ، اينەك ىشكاپتاعى ماركستىڭ «برۋسسەل ەستەلىگى» 4 - ەستەلىك داپتەرىنىڭ قولجازباسى سياقتى مادەني ەسكەرتكىشتەردى نۇسقاپ تۇرىپ: ”بۇلار قالپىنا كەلتىرىلگەن بۇيىم با، جوق ءوز نۇسقاسى ما؟“ دەپ سۇرادى.
قولجازبانىڭ تاياۋ جىلداردا قاتىستى تاراۋلاردىڭ كوپ جاقتان جيناعان ءوز نۇسقاسى ەكەنىن بىلگەن باس شۋجي شي جينپيڭ تەبىرەنىپ: ”وندا وتە قۇندى ەكەن“، - دەدى.
جۇڭگو حالقىن باقىتقا كەنەلتۋ، جۇڭحۋا ۇلتىن كوركەيتۋ، جۇڭگو كوممۋنيستىك پارتياسى قۇرىلا سالىسىمەن سانالى تۇردە وسى تاريحي كەلەلى مىندەتتى ءوز موينىنا الدى.
نانحۋ كولىندەگى قىزىل قايىقتىڭ قالپىنا كەلتىرىلگەن كورىنىسى الدىندا باس شۋجي شي جينپيڭ جۇڭگو كوممۋنيستىك پارتياسىنىڭ مەملەكەتتىك 1 - قۇرىلتايى كەزىندەگى بۇكىل ەلدەگى 58 پارتيا مۇشەسىنىڭ ەسىمدىگى، جۇڭگو كوممۋنيستىك پارتياسىنىڭ العاشقى تۇعىرناماسى سياقتى ماڭىزدى حۇجاتتارعا ەگجەي - تەگجەيلى كوز جۇگىرتىپ، جۇڭگو كوممۋنيستەرىنىڭ پارتيا قۇرىلعان كەزدەگى اۋەلگى ماقساتىن دەن قويا سەزىندى.
بۇل قاجىرلىلىقپەن شارۋاشىلىق قۇرعان 100 جىل −
جاڭا جۇڭگو قۇرىلعان سوڭ، پارتيا حالىققا باسشىلىق ەتىپ سوتسياليستىك توڭكەرىس جانە قۇرىلىس جۇرگىزىپ، جۇڭحۋا ۇلتىنىڭ تاريحىنداعى ەڭ كەڭ، ەڭ تەرەڭ قوعامدىق وزگەرىستى جۇزەگە اسىردى.
ەلىمىزدىڭ العاشقى ”حۇڭچي“ ماركالى جوعارى دارەجەلى جەڭىل اۆتوكولىگى، العاشقى ”دۇڭفىڭ“ ماركالى جەڭىل اۆتوكولىگى، حۇڭچي توعانىن قازۋ، سايحانبانى قۇرۋ... ءبىر - بىرلەگەن كورمە بۇيىمدارى، ءبىر - بىرلەگەن تاريحي شىندىق ادامداردى بەينە سول كەزدەگى اسقاق سەزىم، الاۋلاعان جىلدارعا جەتەلەگەندەي ەدى.
پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن رەفورما جاساۋ، ەسىك اشۋ مەملەكەت پەن ۇلت دامۋىنىڭ ايبىندى داستانىن جازدى.
تورت قوراپتاۋ قاعازى، اينەك گازدى سۋسىن قۇمىراسى، قاڭىلتىر پراندىك قالبىرى، قىش كۇبى، تىگىن ماشيناسى... باس شۋجي شي جينپيڭ وتكەن عاسىردىڭ 70 -، 80 - جىلدارىنداعى ”كونە بۇيىمداردى“ نۇسقاپ، كۇلىمسىرەي ءتىل قاتتى: ”مىنا نارسەلەردى قازىر مادەني ەسكەرتكىش دەۋگە بولاتىن شىعار؟“
98 - جىلعى تاسقىنعا قارسى اتتانۋ كورمە تاقتاسىنىڭ الدىندا باس شۋجي شي جينپيڭ تەبىرەنىپ بىلاي دەدى: ”ەڭ ۇمىتىلمايتىنى تاسقىنعا قارسى اتتانۋ“. عاسىر توعىسىندا ”تاسقىنعا قارسى اتتانۋ، شياڭگاڭ مەن اۋمىننىڭ وتان قۇشاعىنا ورالۋى، دۇنيە جۇزىلىك ساۋدا ۇيىمىنا كىرۋ... وسىلارىڭ ءبارى ءىرى ىستەر“.
بۇل شۇعىلا شاشقان، بولاشاققا جول اشقان 100 جىل −
جۋرۇڭ ءنومىرلى مارس ماشيناسىنىڭ مودەلى، شاندۇڭ سوعىس كەمەسى اۋياماتكاسى شايقاس شوعىرىنىڭ مودەلى، جوعارى جىلدامدىقتى تەمىر جولدا فۋشيڭ ءنومىرلىنى ەلىكتەپ ايداۋ بولمەسى... جۇڭگو جاساعان، جۇڭگو شىعارعان، جۇڭگو سالعان حيكىمەتتەردىڭ ورتاق كۇشىندە جۇڭگونىڭ بەت - بەينەسىنىڭ ۇزدىكسىز وزگەرگەندىگىن كورىپ، باس شۋجي شي جينپيڭ ءالسىن - ءالى باسىن يزەپ قويدى.
ورتالىقتىڭ 8 ءتۇرلى بەلگىلەمەسى كورمە تاقتاسىنىڭ الدىندا باس شۋجي شي جينپيڭ ايالداپ، بىلاي دەدى: ”قازىر وسىنىڭ ىشىندەگى 8ى، ءماجىلىس قيمىلدارىن ىقشامداۋ، قورعاۋ قىزمەتىن جاقسارتۋ، اقپاراتتىق حابارلاۋدى جاقسارتۋ، ۇنەمشىل دە ۇقىپتى بولۋدى بۇلجىتپاي اتقارۋ، بارلىعى جاقسى ىستەلىپ جاتىر، تاعى دا قايتا - قايتا دارىپتەۋ، قايتا - قايتا يگەرۋ كەرەك...“
”8 ءتۇرلى بەلگىلەمەنى باستان - اياق ساباقتاستىرۋ كەرەك“، - دەدى ول بەكەم تۇردە.
كورمەنىڭ سوڭعى بولىمىندە ارنايى ءبىر ”ۋاقىت - كەڭىستىك تۋنەلى“ جوبالانعان. ۇلكەن ەكرانداعى كەسكىندە 1921، 1949، 1978، 2012، 2020 - جىل سىندى 5 ماڭىزدى ۋاقىت ءتۇيىنى تاڭدالىپ، جارىقتىڭ وزگەرۋىندە پارتيامىزدىڭ 100 جىلدىق قۇلاشىن كەڭ جايعان ايدىنى اسقاق تاريحي بارىسى ايگىلەنىپ تۇر.
3400 مەترگە سوزىلعان كورمە جولى، ءبىر جارىم ساعات ۋاقىت.
ەكسكۋرسيالاۋ بارىسىندا باس شۋجي شي جينپيڭ وتكەن كۇرەس جولىنا قايىرىلا قاراپ، الداعى ەكپىندەي ىلگەرىلەۋ جولىنا كوز جىبەرىپ، بىلاي دەپ باسا دارىپتەدى: ءسوز جوق، پارتيانىڭ تاريحىن ويداعىداي ۇيرەنىپ، ويداعىداي قورىتىندىلاپ، پارتيانىڭ قىمباتتى تاجىريبەلەرىن ويداعىداي جالعاستىرىپ، ويداعىداي ساۋلەلەندىرىپ، كۇرەس بارىسىن ەستە بەرىك ساقتاپ، تاريحي بورىشتى ارقالاپ، پارتيانىڭ كۇرەس تاريحىنان العا ىلگەرىلەۋگە كۇش - قۋات قابىلداۋ كەرەك.
”بۇل كورمەنى كورۋگە دە كۇش سالۋ كەرەك. ارالاپ وتە شىعۋ ءۇشىن دە ءبىر ساعاتتان استام ۋاقىت كەتەدى. مۇقيات كورسەڭىز، بۇرىنعىنى ەسكە الىپ جاڭانى بىلۋگە بولادى، تولعاندىرۋ، تاربيەلەۋ ءمانى بار. ءبىز پارتيا تاريحىن ۇيرەنۋدە وسى اراعا كەلىپ ۇيرەنسەك بولادى، وتە جاقسى“، - دەدى باس شۋجي شي جينپيڭ.
پارتيا تاريحى كورمە سارايىنىڭ 6 قابات قىزىل زالى، شامدار جارقىراپ، ايبىندى دا جىم - جىرت بولىپ تۇر.
ەكسكۋرسيا اياقتاعاننان كەيىن باس شۋجي شي جينپيڭ وسىندا كەلىپ پارتيا تۋى الدىندا وڭ قولىن كوتەرىپ، ورتالىقتاعى باسشى جولداستار مەن پارتيالى باسشى كادرلاردى باستاپ پارتياعا كىرۋ سەرتىن قايتا پىسىقتادى.
”مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ تۇعىرناماسىن جاقتايمىن، پارتيانىڭ ۋستاۆىنا بويسۇنامىن... كوممۋنيزم ءۇشىن اقتىق دەمىمە دەيىن كۇرەسەمىن، پارتيا مەن حالىققا بارىمدى قۇربان ەتۋگە قاي - قاشان دا دايىنمىن، پارتياعا ەشقاشان دا وپاسىزدىق ىستەمەيمىن“. اسقاق تا ايبىندى سەرت بەرۋ ۇندەرى ۇلكەن زالدى ۇزاق ۋاقىت جاڭعىرتتى.
بۇل اۋەلگى ماقساتتىڭ، بورىشتىڭ تاعى ءبىر رەت اشىق جاريالانۋى، بۇل ۇزدىكسىز كۇرەس جاساۋعا تاعى دا اتتانۋ.
پارتيانىڭ كۇرەس جۇرگىزۋ تاريحىنان العا باسۋ كۇش - قۋاتىن قابىلداپ، باستان - اياق ءداۋىر اعىمىنىڭ الدىڭعى لەگىندە تۇرعان، قامال الۋدىڭ، قيىندىقتاردى جەڭۋدىڭ ەڭ الدىڭعى شەبىندە تۇرعان، قالىڭ حالىقتىڭ اراسىندا تۇرعان جۇڭگو كوممۋنيستىك پارتياسى، ءسوز جوق، جۇڭگو حالقىن باستاپ تىڭ دا اناعۇرلىم زور كەرەمەتتەر اشا الادى!
(شينحۋا اگەنتتىگىنىڭ 6 - ايدىڭ 19 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
