14 - كەزەكتى مەملەكەتتىك سپورت جارىسى شي - اندا اياقتالدى
لي كىچياڭ اياقتاۋ سالتىنا قاتىناستى
2021.09.28 16:01 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 27 – كۇنى، شي - ان. جۇڭحۋا حالىق رەسپۋبليكاسىنىڭ 14 - كەزەكتى سپورت جارىسى 9 - ايدىڭ 27 - كۇنى كەشتە شي - اندا اياقتالدى.
كەشكى ساعات 8 دە 14 - كەزەكتى مەملەكەتتىك سپورت جارىسىنىڭ اياقتاۋ سالتى شي - ان وليمپيادا سپورت ورتالىعىنىڭ دەنەتاربيە سارايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جۇڭحۋا حالىق رەسپۋبليكاسى 14 – كەزەكتى سپورت جارىسىنىڭ اياقتاعانىن جاريالادى. 14 - كەزەكتى مەملەكەتتىك سپورت جارىسىنىڭ «بولاشاقتى بەتكە الىپ اتتانايىق» دەگەن جارىس ءانىنىڭ اسقاق ءۇنى ىشىندە 14 - كەزەكتى مەملەكەتتىك سپورت جارىسىنىڭ تۋى باياۋ ءتۇسىرىلىپ، 13 كۇن جانعان نەگىزگى الاۋ بىرتىندەپ ءسوندى.
سۇن چۇنلان، جاڭ چۇنشيان، شياۋ جيە، گۋ شىڭزۋ، سونداي - اق مياۋ حۋا اياقتاۋ سالتىنا قاتىناستى.
14 - كەزەكتى مەملەكەتتىك سپورت جارىسى − جۇڭگو كوممۋنيستىك پارتياسى قۇرىلعانىنىڭ 100 جىلدىعى، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋى سىندى ماڭىزدى ساتتە وتكىزىلگەن امبەباپ سپورت جينالىسى، سونداي - اق ەلىمىز 2035 - جىلى دەنەتاربيەدە قۇدىرەتتى ەل قۇرۋدى، سالاماتتى جۇڭگو قۇرۋدى العا قويعان سوڭ وتكىزىلگەن ءبىر رەتكى ماڭىزدى ۋنيۆەرسال سپورت جارىسى. وسى كەزەكتى مەملەكەتتىك سپورت جارىسى حالىقتى وزەك ەتكەن دامۋ يدەياسىندا تاباندى بولىپ، «جالپى حالىقتىق سپورت جارىسى، ءبىر نيەت، ءبىر تىلەكتە بولا وتىرىپ بىرگە العا باسۋ» نەگىزگى تاقىرىبىن كورنەكتىلەندىردى، سپورت ساڭلاقتارى قايسارلىقپەن كۇرەس جاساۋ تاڭداۋلى ءداستۇرىن ساۋلەلەندىرىپ، «بورىش ارقالاپ، كۇرەسكە قاتىناسامىن» دەيتىن جاۋاپكەرلىكتى بەينەلەپ، الدىڭعى كەزەكتى مەملەكەتتىك سپورت جارىسىنىڭ رەفورما جاساۋ، جاڭالىق اشۋ تاجىريبەلەرىنەن ۇلگى الىپ، بۇقارالىق جارىس قيمىلدارىن ۇزدىكسىز ورىستەتتى. وتاعاسى ورىن شانشي ولكەسى مەن قاتىستى تاراۋلار ىندەتتەن ساقتانۋ - تىزگىندەۋ شارالارىن قاتاڭ اتقارىپ، دەنەتاربيە ساڭلاقتارىنا ەرلىكپەن العا ۇمتىلاتىن ساحنا ازىرلەپ، بۇكىل ەل حالقىنا قاراپايىم، حاۋىپسىز، تارتىمدى دەنەتاربيە جينالىسىن وتكىزىپ بەردى.
شاتتىققا شومعان دۋماندى ورتادا جارىسقا قاتىناسقان ۋاكىلدەر ۇيىرمەلەرىنىڭ ۋاكىلدەرى الاڭعا كىردى. الاڭداعىلار تۇگەل ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
14 - كەزەكتى مەملەكەتتىك سپورت جارىسىن ۇيىمداستىرۋ كوميسسياسىنداعى قاتىستى جاۋاپتى جولداس دەنەتاربيە ءمورال سيلىعىن جانە جارىسقا قاتىناسۋ ەستەلىك سيلىعىن العان ۋاكىلدەر ۇيىرمەسىنىڭ ەسىمدىگىن وقىدى.
14 - كەزەكتى مەملەكەتتىك سپورت جارىسىن ۇيىمداستىرۋ كوميسسياسىنىڭ اتقارۋشى مەڭگەرۋشىسى، شانشي ولكەسىنىڭ باستىعى جاۋ ي - دى ءسوز سويلەدى. ول بىلاي دەدى: پارتيا ورتالىق كوميتەتىنىڭ، مەملەكەتتىك كەڭەستىڭ دۇرىس باسشىلىعىندا جانە مەملەكەتتىك دەنەتاربيە باس مەكەمەسى سياقتى مينيسترلىكتەردىڭ، كوميتەتتەردىڭ دەن قويا جەتەكشىلىك ەتۋىندە، كوپشىلىكتىڭ بىرگە قۇلشىنۋىندا وسى كەزەكتى مەملەكەتتىك سپورت جارىسى تابىستى وتكىزىلدى. جالپى حالىقتىڭ ارمان الاۋى، ارمان شۇعىلاسى، ءسوز جوق، بۇكىل جۇڭحۋا ۇلاندارىن ءبىر نيەت، ءبىر تىلەكتە بولا وتىرىپ ەرلىكپەن العا باسۋعا شابىتتاندىرادى. شانشي ولكەسى باس شۋجي شي جينپيڭنىڭ شانشيدە قىزمەت تەكسەرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيانى ازات ەتىپ، رەفورما جاساپ، جاڭالىق اشىپ، كۇش ۇستىنە كۇش قوسىپ، شانشيدىڭ ساپالى دامۋىنىڭ تىڭ داستانىن قۇلشىنا جازادى.
14 - كەزەكتى مەملەكەتتىك سپورت جارىسىن ۇيىمداستىرۋ كوميسسياسىنىڭ مەڭگەرۋشىسى، مەملەكەتتىك دەنەتاربيە باس مەكەمەسىنىڭ باستىعى گوۋ جۇڭۋىن ءسوز سويلەدى. ول بىلاي دەدى: پارتيا ورتالىق كوميتەتىنىڭ، مەملەكەتتىك كەڭەستىڭ پارمەندى باسشىلىعى مەن شىنايى قامقورلىعىندا، وسى كەزەكتى مەملەكەتتىك سپورت جارىسى تولىق تابىستى بولىپ، سپورت ناتيجەسى مەن رۋحاني وركەنيەتتەن بىردەي مول تابىسقا قول جەتكىزدىك. بارلىعىمىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، دەنەتاربيەدە قۇدىرەتتى ەل قۇرۋدى بار كۇشپەن ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم زور كۇش قوسايىق.
اياقتاۋ سالتىندا جاۋ ي - دى مەملەكەتتىك سپورت جارىسىنىڭ تۋىن گوۋ جۇڭۋىنعا قايتارىپ بەردى، گوۋ جۇڭۋىن جارىس تۋىن 15 - كەزەكتى مەملەكەتتىك سپورت جارىسىن وتكىزەتىن ورىننىڭ ۋاكىلدەرى گۋاڭدۇڭ ولكەسىنىڭ باستىعى ما شيڭرۇيگە، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ىعا، اۋمىن ەرەكشە اكىمشىلىك رايونىنىڭ اكىمى حى ي - چىڭعا وتكىزىپ بەردى. 15 - كەزەكتى مەملەكەتتىك سپورت جارىسى 2025 - جىلى گۋاڭدۇڭ، شياڭگاڭ، اۋمىندا وتكىزىلەدى.
14 - كەزەكتى مەملەكەتتىك سپورت جارىسى 9 - ايدىڭ 25 - كۇنى شي - اندا باستالدى، 35 باسەكەلىك جارىس ءتۇرى مەن 19 بۇقارالىق جارىس قيمىلى بويىنشا جالپى 595 شاعىن ءتۇر ورنالاستىرىلدى، جالپى 12 مىڭنان استام سپورتشى جانە 10 مىڭنان استام بۇقارالىق سپورتشى قاتىناستى. 9 ادام، ءبىر كوماندا 12 رەت 12 تۇردەن دۇنيە جۇزىلىك رەكوردتى جاڭالادى، ءبىر ادام، ءبىر كوماندا 2 رەت ازيا رەكوردىن جاراتتى، 15 ادام، 7 كوماندا 24 رەت مەملەكەتتىك رەكورد جاراتتى.
اياقتاۋ سالتىندا تاعى «ارماندى جۇزەگە اسىرۋ، ۇدىرە العا تارتۋ» تاقىرىبىنداعى مادەنيەت، دەنەتاربيە بايقاۋى وتكىزىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
