حان جىڭ ەۆروپا وداعى كوميتەتى ءتوراعاسىنىڭ ورىنباسارى تيمەرمانسپەن 2 - رەتكى جۇڭگو - ەۆروپا ورتا جانە كليمات جونىندەگى جوعارى جىكتەگىلەر كەڭەسىن وتكىزدى
2021.09.28 16:05 كەلۋ قاينارى : حالىق تورابى
شينحۋا اگەنتتىگى، 9 – ايدىڭ 27 – كۇنى، بەيجيڭ (ءتىلشى شۇي كى). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 9 - ايدىڭ 27 - كۇنى بەيجيڭدە بەينە ەكران تاسىلىمەن ەۆروپا وداعى كوميتەتى ءتوراعاسىنىڭ ورىنباسارى تيمەرمانسپەن 2 - رەتكى جۇڭگو - ەۆروپا ورتا جانە كليمات جونىندەگى جوعارى جىكتەگىلەر كەڭەسىن وتكىزدى.
حان جىڭ مىنانى ءبىلدىردى: ءتوراعا شي جينپيڭ ب م ۇ - نىڭ 76 - كەزەكتى جينالىسىنىڭ جاي تالقىسىنا قاتىناسقاندا جۇڭگونىڭ وركەندەپ كەلە جاتقان ەلدەردىڭ ەنەرگيا ىستەرىن، جاسىل، تومەن كومىرتەكتى دامۋىن بارىنشا قولداپ، شەكارا سىرتىندا كومىر ەلەكتر نىساندارىن ەندىگارى جاڭادان سالمايتىنىن جاريالادى. وسى كەلەلى مالىمدەمە جۇڭگونىڭ بۇكىل دۇنيە ءجۇزىنىڭ كليماتىن جونگە سالۋ ماسەلەسىندەگى جاۋاپتى بولۋ پوزيتسياسىن تاعى ءبىر رەت ايگىلەدى. جۇڭگو ءبىرقىدىرۋ كەلەلى شارا قولدانىپ، كومىر قىشقىل گازىن ىعىستىرۋدى جوعارى مانگە جەتكىزۋ جانە كومىر قىشقىل گازىن بەيتاراپتاندىرۋ نىساناسىن ۋاعىندا جۇزەگە اسىرۋعا كەپىلدىك ەتەدى. كليمات وزگەرىسىنە توتەپ بەرۋ ماسەلەسىندە جۇڭگو جاق باستان - اياق ايتقان ءسوزىن ورىنداپ، ارەكەتتەن ناتيجە شىعارادى، كومىر قىشقىل گازىن ىعىستىرۋدى جوعارى مانگە جەتكىزۋ جانە كومىر قىشقىل گازىن بەيتاراپتاندىرۋ نىساناسىن ىسكە اسىرۋعا سەنىمى مەن بەكىمى بار.
حان جىڭ بىلاي دەپ اتاپ كورسەتتى: جۇڭگو مەن ەۆروپا جوعارى جىكتەگىلەردىڭ پىكىرلەسۋ تەكشەسىنەن تولىق پايدالانىپ، ەكى جاق باسشىلارىنىڭ ورتاق تانىمىن اناعۇرلىم تياناقتاندىرىپ، جۇڭگو مەن ەۆروپانىڭ جاسىل سەلبەستىگىنىڭ ۇزدىكسىز تەرەڭدەۋىن ىلگەرىلەتىپ، دۇنيە ءجۇزىنىڭ باياندى دامۋىنا ۇلەس قوسۋى كەرەك. مەحانيزم ارقىلى جەتەكشىلىك ەتۋدى كۇشەيتىپ، ءتۇسىنىسۋدى، ءوزارا سەنىمدىلىكتى ارتتىرىپ، ساياساتتاردى بايلانىستىرۋدى، سايكەستىرۋدى كۇشەيتىپ، نازاردى ءتۇيىندى سالالارعا شوعىرلاندىرىپ، ناقتى سەلبەستىكتى تەرەڭدەتىپ، اناعۇرلىم مول تابىستارعا قول جەتكىزۋگە قۇلشىنۋ كەرەك. كوپ جاقتىقتى امالياتتا ايگىلەپ، «پاريج كەلىسىمىن» تياناقتاندىرۋعا دەم بەرىپ، دۇنيە ءجۇزىنىڭ كليمات سەلبەستىگىنە سەنىم ۇستەۋ كەرەك. جۇڭگو ءارقايسى جاقپەن سايكەسۋدى كۇشەيتىپ، الاۋىزدىقتاردى توعىستىرىپ، ورتاق تانىمدى جەبەپ، «ب م ۇ - نىڭ كليمات وزگەرىسى جۇلگەلىك شارتىنىڭ» 26 - رەتكى شارتتاسۋشى جاقتار جينالىسىنىڭ بەلسەندى جەتىستىكتەرگە قول جەتكىزۋىن ىلگەرىلەتۋگە پەيىل. «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىنىڭ وتاعاسى ەلى رەتىندە جۇڭگو شارتتاسۋشى جاقتارمەن بىرگە قۇلشىنىپ، جينالىستىڭ تابىستى بولۋىن ىلگەرىلەتۋدى ءۇمىت ەتەدى.
تيمەرمانس مىنانى ءبىلدىردى: ەۆروپا جۇڭگونىڭ كليمات وزگەرىسىنە توتەپ بەرۋ جولىندا جاساعان وراسان زور قۇلشىنىسىن ايرىقشا القايدى، جۇڭگومەن قورشاعان ورتا جانە كليمات سالاسىنداعى تىلدەسۋدى، سايكەسۋدى ۇزدىكسىز كۇشەيتىپ، گلازگوداعى ب م ۇ - نىڭ كليمات وزگەرىسى جينالىسىنا بىرگە ۇلەس قوسۋدى قالايدى، جۇڭگونىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىن ويداعىداي وتكىزۋىن قولدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
