شي جينپيڭ پاپۋا - جاڭا گۆينەيانىڭ زۇڭليى ماراپەمەن تەلەفوندا سويلەستى
2021.10.27 16:31 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 26 - كۇنى پاپۋا - جاڭا گۆينەيانىڭ زۇڭليى ماراپەمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن پاپۋا - جاڭا گۆينەيا ديپلوماتيالىق قاتىناس ورناتقان 45 جىلدان بەرى ەكى جاق باستان - اياق ءبىر - بىرىنە قۇرمەت ەتىپ، تەڭ تۇرعىدا مامىلە جاساپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءبىرىن - ءبىرى قولداپ، وڭتۇستىك تىنىق مۇحيت ءوڭىرىنىڭ بەيبىتشىلىگى مەن ورنىقتىلىعىن قورعاپ، ءوڭىردىڭ دامۋىن، گۇلدەنۋىن جەبەدى. جۇڭگو مەن پاپۋا - جاڭا گۆينەيانىڭ قاتىناسى ۇلكەن – كىشىلىگى، قوعامدىق ءتۇزىمى ءار ءتۇرلى ەلدەردىڭ بەيبىت قاتار تۇرۋىنىڭ، سەلبەسىپ تەڭ يگىلىككە كەنەلۋىنىڭ ۇلگىسىنە اينالدى. جۇڭگو پاپۋا - جاڭا گۆينەيانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، پاپۋا - جاڭا گۆينەيامەن بىرگە قۇلشىنىپ، ەكى ەل قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى. جۇڭگو پاپۋا - جاڭا گۆينەياعا ەشقانداي ساياسي شارت قويىلمايتىن ەكونوميكالىق، تەحنيكالىق كومەك بەرىپ، پاپۋا - جاڭا گۆينەيانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ءتۇرلى قولداۋ كورسەتۋدى قالايدى. ەكى جاق بىرگە قۇلشىنىپ، كەدەيلەردى ازايتۋ، بايلىقتى قورعاۋ جانە پايدالانۋ سياقتى سالالارداعى اۋىس - كۇيىستى، سەلبەستىكتى كۇشەيتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋى كەرەك.
شي جينپيڭ بىلاي دەپ دارىپتەدى: پاپۋا - جاڭا گۆينەيانىڭ تىنىق مۇحيتتاعى ارال ەلدەرى وڭىرىندە ماڭىزدى ىقپالى بار، جۇڭگو پاپۋا - جاڭا گۆينەيامەن بىرگە ەكى ەلدىڭ دوستىق سەلبەستىگىنىڭ جالپى بەتالىسىن يگەرىپ، جۇڭگونىڭ تىنىق مۇحيتتاعى ارال ەلدەرىمەن تاعدىرلاس ورتاق تۇلعاسىن قۇرۋدى قالايدى. ەكى جاق حالىقارالىق كوپ جاقتى ورىنداردا سايكەسۋدى، سەلبەسۋدى كۇشەيتىپ، كليمات وزگەرىسى سياقتى سىن - سايىسقا توتەپ بەرىپ، دۇنيە جۇزىلىك دامۋ باستاماسىن بەلسەنە تياناقتاندىرىپ، ناعىز كوپ جاقتىلىقتا تاباندى بولىپ، حالىقارالىق ادىلدىك پەن تۋراشىلدىقتى جانە وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك.
ماراپە مىنانى ءبىلدىردى: 45 جىلدىڭ الدىندا پاپۋا - جاڭا گۆينەيا تىنىق مۇحيتتاعى ارال ەلدەرى اراسىندا الدىمەن ءبىر جۇڭگونى مويىندادى. 45 جىلدان بەرى ەكى ەل قاتىناسى تاماشا دامۋ جاعدايىن جالعاستىردى. جۇڭگو جاقتىڭ ۇزاق ۋاقىتتان بەرى پاپۋا - جاڭا گۆينەيانىڭ ەكونوميكالىق، قوعامدىق دامۋىن قالتقىسىز قولداپ، پاپۋا - جاڭا گۆينەيانىڭ جاڭا تيپتى ايدارشا ۆيرۋس وكپە قابىنۋىنا قارسى اتتانۋىنا قىسىلعاندا قارايلاسقانداي قاستەرلى كومەك كورسەتكەنىنە العىس ايتامىن. جۇڭگو − پاپۋا - جاڭا گۆينەيانىڭ شىنايى سەرىگى جانە سەنىمدى دوسى. پاپۋا - جاڭا گۆينەيا جۇڭگومەن دوستىق قاتىناسىن قاستەرلەيدى، ءتوراعا شي جينپيڭ كورسەتكەن دۇنيە جۇزىلىك كورنەكتى باسشىلىق قۋاتقا ءتانتى ەكەنىن بىلدىرەدى، جۇڭگو العا قويعان «ءبىر بەلدەۋ، ءبىر جول» باستاماسىن جانە دۇنيە جۇزىلىك دامۋ باستاماسىن القايدى، ءبىر جۇڭگو ساياساتىن ۇزدىكسىز باتىل اتقارادى، جۇڭگونىڭ كەدەيلەردى ازايتۋ، كەدەيلەردى سۇيەمەلدەۋ سياقتى سالالارداعى تاجىريبەلەرىن ۇيرەنىپ جانە ودان ۇلگى الىپ، ءار سالاداعى ەكى جاقتى سەلبەستىكتى كەڭەيتىپ، تەرەڭدەتىپ، كوپ جاقتى سايكەسۋدى، سەلبەسۋدى جيىلەتۋدى ءۇمىت ەتەدى. اناعۇرلىم كوپ جۇڭگو كاسىپورىندارىنىڭ پاپۋا - جاڭا گۆينەياعا كەلىپ قارجى قوسىپ، سەلبەستىك جاساۋىن قارسى الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
