شي جينپيڭ 4 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا ارقاۋ ءسوز سويلەدى
جۇڭگونىڭ ناعىز كوپ جاقتىلىقتى بۇلجىماستان قورعاپ، بازار ورايىنان دۇنيە جۇزىمەن بۇلجىماستان بىرگە يگىلىكتەنىپ، جوعارى دەڭگەيدەگى ەسىك اشۋدى بۇلجىماستان ىلگەرىلەتىپ، دۇنيە ءجۇزىنىڭ ورتاق مۇددەسىن بۇلجىماستان قورعايتىنىن دارىپتەدى
2021.11.05 16:25 كەلۋ قاينارى : حالىق تورابى
11 - ايدىڭ 4 - كۇنى كەشتە مەملەكەت ءتوراعاسى شي جينپيڭ 4 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا بەينە ەكران تاسىلىمەن قاتىناستى ءارى «ەسىك اشۋدىڭ كوكتەم سامالىمەن دۇنيە جۇزىنە مەيىر باعىشتايىق» دەگەن تاقىرىپتا ارقاۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
■ قازىر ەكونوميكانىڭ جاھاندانۋى تەرىس اعىمعا تاپ بولدى. اعىنعا قارسى جۇزگەندە العا باسپاساق، كەرى شەگىنەمىز. ءبىز ەكونوميكانىڭ جاھاندانۋىنىڭ دامۋ اۋقىمىن يگەرىپ، دۇنيە جۇزىندەگى ءار ەلدىڭ ەسىك اشۋدى كەڭەيتۋىن قولداپ، سىڭار جاقتىلىققا، قورعانىمپازدىققا قارسى تۇرىپ، ادامزاتتىڭ اناعۇرلىم كوركەم بولاشاققا بەت الۋىن ىلگەرىلەتۋىمىز كەرەك
■ ەسىك اشۋ − قازىرگى جۇڭگونىڭ ايقىن بەلگىسى. بيىل − جۇڭگونىڭ دۇنيە جۇزىلىك ساۋدا ۇيىمىنا كىرگەنىنىڭ 20 جىلدىعى. 20 جىلدان بەرى جۇڭگو دۇنيە جۇزىلىك ساۋدا ۇيىمىنا كىرۋ ۋادەسىن جاپپاي اتقارىپ، ەسىك اشۋدى ۇزدىكسىز كەڭەيتىپ، جۇڭگو دامۋىنىڭ كوكتەمگى تولقىنىن بۋىرقاندىردى، سونداي - اق دۇنيە ءجۇزى ەكونوميكاسىنىڭ كوكتەم سۋىن مولىقتىردى. وسى 20 جىل − جۇڭگو رەفورمانى تەرەڭدەتىپ، جاپپاي ەسىك اشقان 20 جىل، جۇڭگو ورايدى يگەرىپ، سىن - سايىستى قارسى العان 20 جىل، جۇڭگو ىرىقتىلىقپەن جاۋاپكەرلىك ارقالاپ، دۇنيە جۇزىنە باقىت جاراتقان 20 جىل. وسى 20 جىلدان بەرگى جۇڭگونىڭ دامۋى مەن العا باسۋى − جۇڭگو حالقىنىڭ جۇڭگو كوممۋنيستىك پارتياسىنىڭ پارمەندى باسشىلىعىندا قاجىرلىلىقپەن ىستەپ، قايسارلىقپەن كۇرەس جۇرگىزۋى ارقىلى قولعا كەلگەن، سونداي - اق جۇڭگونىڭ حالىقارالىق سەلبەستىكتى ىرىقتىلىقپەن كۇشەيتىپ، ءوزارا پايدا جەتكىزىپ، تەڭ يگىلىككە كەنەلۋدى امالياتتا ايگىلەۋىنىڭ ناتيجەسى
■ «وتكەندى تۇسىنبەي تۇرىپ بولاشاقتى دۇرىس بولجاۋعا بولمايدى». ءبىر مەملەكەت، ءبىر ۇلت گۇلدەنۋ ءۇشىن، ءسوز جوق، تاريحتىڭ العا باسۋ لوگيكاسىندا العا باسۋى، ءداۋىردىڭ دامۋ اعىمىندا دامۋى كەرەك. جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، دۇنيە جۇزىمەن دامۋ ورايىنان تەڭ يگىلىكتەنۋ بەكىمى وزگەرمەيدى، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەڭگەرىمدى بولۋ، تەڭ يگىلىككە كەنەلۋ باعىتىنا قاراي دامۋىن ىلگەرىلەتۋ بەكىمى وزگەرمەيدى. ءبىرىنشى، جۇڭگو ناعىز كوپ جاقتىلىقتى بۇلجىماستان قورعايدى. ەكىنشى، جۇڭگو بازار ورايىنان دۇنيە جۇزىمەن بۇلجىماستان بىرگە يگىلىكتەنەدى. ءۇشىنشى، جۇڭگو جوعارى دەڭگەيدەگى ەسىك اشۋدى بۇلجىماستان ىلگەرىلەتەدى. ءتورتىنشى، جۇڭگو دۇنيە ءجۇزىنىڭ ورتاق مۇددەسىن بۇلجىماستان قورعايدى
شينحۋا اگەنتتىگى، 11 - ايدىڭ 4 - كۇنى، بەيجيڭ. 11 - ايدىڭ 4 - كۇنى كەشتە مەملەكەت ءتوراعاسى شي جينپيڭ 4 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا بەينە ەكران تاسىلىمەن قاتىناستى ءارى «ەسىك اشۋدىڭ كوكتەم سامالىمەن دۇنيە جۇزىنە مەيىر باعىشتايىق» دەگەن تاقىرىپتا ارقاۋ ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ بىلاي دەپ اتاپ كورسەتتى: 4 - كەزەكتى جۇڭگو حالىقارالىق يمپورت كورمەسىنە قاتىناسقان سيلى قوناقتارمەن، جاڭا، كونە دوستارمەن «بۇلتتىق جۇيەدە» باس قوسقانىما ايرىقشا قۋانىشتامىن. جۇڭگو اۋەلدەن ايتقانىن ورىنداپ، ىسىنەن ناتيجە شىعارىپ كەلەدى. مەن 3 - كەزەكتى يمپورت كورمەسىندە جاريالاعان ەسىكتى ايقارا اشۋ شارالارى نەگىزىنەن تياناقتاندىرىلدى. جۇڭگو جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، سىرتقى ساۋدادا جاڭالىق اشا دامۋدى ىلگەرىلەتتى، وتكەن جىلى دۇنيە ءجۇزى بويىنشا زات ساۋداسىنىڭ وڭ ارتۋىن ىسكە اسىرعان بىردەن – ءبىر نەگىزگى ەكونوميكالىق تۇلعا بولىپ، دۇنيە ءجۇزىنىڭ كاسىپ تىزبەگى مەن قامداۋ تىزبەگىنىڭ ورنىقتىلىعىن قامتاماسىزداندىرۋعا، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋگە ماڭىزدى ۇلەس قوستى. قازىر ەكونوميكانىڭ جاھاندانۋى تەرىس اعىمعا تاپ بولدى. اعىنعا قارسى جۇزگەندە العا باسپاساق، كەرى شەگىنەمىز. ءبىز ەكونوميكانىڭ جاھاندانۋىنىڭ دامۋ اۋقىمىن يگەرىپ، دۇنيە جۇزىندەگى ءار ەلدىڭ ەسىك اشۋدى كەڭەيتۋىن قولداپ، سىڭار جاقتىلىققا، قورعانىمپازدىققا قارسى تۇرىپ، ادامزاتتىڭ اناعۇرلىم كوركەم بولاشاققا بەت الۋىن ىلگەرىلەتۋىمىز كەرەك.
شي جينپيڭ بىلاي دەپ دارىپتەدى: ەسىك اشۋ − قازىرگى جۇڭگونىڭ ايقىن بەلگىسى. بيىل − جۇڭگونىڭ دۇنيە جۇزىلىك ساۋدا ۇيىمىنا كىرگەنىنىڭ 20 جىلدىعى. 20 جىلدان بەرى جۇڭگو دۇنيە جۇزىلىك ساۋدا ۇيىمىنا كىرۋ ۋادەسىن جاپپاي اتقارىپ، ەسىك اشۋدى ۇزدىكسىز كەڭەيتىپ، جۇڭگو دامۋىنىڭ كوكتەمگى تولقىنىن بۋىرقاندىردى، سونداي - اق دۇنيە ءجۇزى ەكونوميكاسىنىڭ كوكتەم سۋىن مولىقتىردى. وسى 20 جىل − جۇڭگو رەفورمانى تەرەڭدەتىپ، جاپپاي ەسىك اشقان 20 جىل، جۇڭگو ورايدى يگەرىپ، سىن - سايىستى قارسى العان 20 جىل، جۇڭگو ىرىقتىلىقپەن جاۋاپكەرلىك ارقالاپ، دۇنيە جۇزىنە باقىت جاراتقان 20 جىل. وسى 20 جىلدان بەرگى جۇڭگونىڭ دامۋى مەن العا باسۋى − جۇڭگو حالقىنىڭ جۇڭگو كوممۋنيستىك پارتياسىنىڭ پارمەندى باسشىلىعىندا قاجىرلىلىقپەن ىستەپ، قايسارلىقپەن كۇرەس جۇرگىزۋى ارقىلى قولعا كەلگەن، سونداي - اق جۇڭگونىڭ حالىقارالىق سەلبەستىكتى ىرىقتىلىقپەن كۇشەيتىپ، ءوزارا پايدا جەتكىزىپ، تەڭ يگىلىككە كەنەلۋدى امالياتتا ايگىلەۋىنىڭ ناتيجەسى. مەن وسى تاريحي بارىسقا ات سالىسقان جانە كۋا بولعان، جۇڭگونىڭ ەسىك اشۋىن، دامۋىن قولدايتىن ەل ءىشى - سىرتىنداعى ءار سالا قايراتكەرلەرىنە شىن جۇرەكتەن العىس ايتامىن!
شي جينپيڭ بىلاي دەپ دارىپتەدى: «وتكەندى تۇسىنبەي تۇرىپ بولاشاقتى دۇرىس بولجاۋعا بولمايدى». ءبىر مەملەكەت، ءبىر ۇلت گۇلدەنۋ ءۇشىن، ءسوز جوق، تاريحتىڭ العا باسۋ لوگيكاسىندا العا باسۋى، ءداۋىردىڭ دامۋ اعىمىندا دامۋى كەرەك. جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، دۇنيە جۇزىمەن دامۋ ورايىنان تەڭ يگىلىكتەنۋ بەكىمى وزگەرمەيدى، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەڭگەرىمدى بولۋ، تەڭ يگىلىككە كەنەلۋ باعىتىنا قاراي دامۋىن ىلگەرىلەتۋ بەكىمى وزگەرمەيدى.
ءبىرىنشى، جۇڭگو ناعىز كوپ جاقتىلىقتى بۇلجىماستان قورعايدى. دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسى − حالىقارالىق ساۋدانىڭ ىرگەتاسى. جۇڭگو دۇنيە جۇزىلىك ساۋدا ۇيىمى رەفورماسىنىڭ دۇرىس بەتالىسقا قاراي دامۋىن قولدايدى، كوپ جاقتى ساۋدا ءتۇزىلىسىنىڭ قامتىمدى دامۋىن قولدايدى، دامۋ ۇستىندەگى مۇشەلەردىڭ زاڭدى ۇقىق - مۇددەسىن قولدايدى. جۇڭگو سيفرلى ەكونوميكا، ساۋدا جانە قورشاعان ورتا، كاسىپ قوسىمشا قاراجاتى، مەملەكەت مەنشىگىندەگى كاسىپورىندار سياقتى كەڭەستىك تاقىرىپتار كەلىسسوزىنە بەلسەندىلىكپەن، اشىق پوزيتسيامەن قاتىناسىپ، كوپ جاقتى ساۋدا ءتۇزىلىسىنىڭ حالىقارالىق ەرەجەسىن جاساۋدىڭ نەگىزگى ارنالىق ورنىن قورعاپ، دۇنيە جۇزىلىك كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قورعايدى.
ەكىنشى،جۇڭگو بازار ورايىنان دۇنيە جۇزىمەن بۇلجىماستان بىرگە يگىلىكتەنەدى. جۇڭگو يمپورتتى كەڭەيتۋگە اناعۇرلىم ءمان بەرىپ، ساۋدانىڭ بىركەلكى دامۋىن جەبەپ، يمپورت ساۋداسىندا جاڭالىق اشۋدى جەبەۋدەن ۇلگى كورسەتۋ رايونىن قۇرىپ، شەكارا اتتاعان ەلەكتروندىق ساۋدانىڭ بولشەك ساتىلاتىن يمپورت تاۋارلارى ءتىزىمىن ساپالىلاندىرىپ، شەكارالىق تۇرعىندار بازارىندا يمپورت تاۋارلارىنىڭ مانەرلەۋىن ىلگەرىلەتىپ، توڭىرەكتەگى ەلدەردەن يمپورت ەتۋدى ارتتىرادى. جۇڭگو ىشكى - سىرتقى ساۋدانىڭ ءبىر تۇلعالانۋىن ىلگەرىلەتىپ، حالىقارالىق تۇتىنۋ ورتالىعى قالاسىن جەدەل قۇرىپ، «جىبەك جولى ەلەكتروندىق ساۋداسىن» دامىتىپ، وسى زامانعى زات اينالىمى جۇيەسىن ورناتىپ، شەكارا اتتاعان زات اينالىمى قۋاتىن جوعارىلاتادى.
ءۇشىنشى، جۇڭگو جوعارى دەڭگەيدەگى ەسىك اشۋدى بۇلجىماستان ىلگەرىلەتەدى. جۇڭگو شەتەل قارجىسىنىڭ بازارعا كىرۋىنە رۇقسات ەتۋدىڭ شەكتەلگەن سالالار تىزىمدىگىن اناعۇرلىم ازايتىپ، تەلەگراف، ەمدەۋ سياقتى قىزمەت وتەۋ كاسىبىنىڭ ەسىك اشۋىن تارتىپپەن كەڭەيتىپ، «شەتەل ساۋداگەرلەرىنىڭ قارجى قوسۋىنا دەم بەرۋ كاسىپ تىزىمدىگىنە» وزگەرىس ەنگىزىپ جانە كەڭەيتىپ، ەركىن ساۋدا سىناق رايونىنىڭ شەكارا اتتاپ قىزمەت وتەۋ ساۋداسىنداعى شەكتەلگەن سالالار تىزىمدىگىن شىعارادى. جۇڭگو جاسىل، تومەن كومىرتەكتى، سيفرلى ەكونوميكا سياقتى حالىقارالىق سەلبەستىككە ىشكەرىلەي ات سالىسىپ، «تىنىق مۇحيت اتتاعان سەرىكتەستىك قاتىناس كەلىسىمىنە»، «سيفرلى ەكونوميكالىق سەرىكتەستىك قاتىناس كەلىسىمىنە» قاتىناسۋدى بەلسەندىلىكپەن ىلگەرىلەتەدى.
ءتورتىنشى، جۇڭگو دۇنيە ءجۇزىنىڭ ورتاق مۇددەسىن بۇلجىماستان قورعايدى. جۇڭگو بىرلەسكەن مەملەكەتتەر ۇيىمى، دۇنيە جۇزىلىك ساۋدا ۇيىمى، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى، شاڭحاي سەلبەستىك ۇيىمى سياقتى مەحانيزمدەردىڭ سەلبەستىگىنە بەلسەنە ات سالىسىپ، ساۋدا جانە قارجى قوسۋ، سيفرلى ەكونوميكا، جاسىل، تومەن كومىرتەكتى بولۋ سياقتى سالالارداعى كەڭەستىك تاقىرىپتار جونىندە تالقى جۇرگىزۋدى ىلگەرىلەتىپ، ۆاكسينا سياقتى شەشۋشى ەمدەۋ بۇيىمدارىنىڭ دۇنيە ءجۇزى كولەمىندە ءادىل ءبولىنۋىن جانە ساۋدانىڭ ىركىلىسسىزدىگىن قولداپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ىلگەرىلەتەدى. جۇڭگو كليمات وزگەرىسىنە توتەپ بەرۋگە، دۇنيە ءجۇزىنىڭ استىق حاۋىپسىزدىگى مەن ەنەرگيا حاۋىپسىزدىگىن قورعاۋعا بەلسەنە ات سالىسىپ، وركەندەپ كەلە جاتقان ەلدەر سەلبەستىگى جۇلگەسىندە باسقا وركەندەپ كەلە جاتقان ەلدەرگە اناعۇرلىم كوپ كومەك كورسەتەدى.
شي جينپيڭ سوڭىندا بىلاي دەپ دارىپتەدى: «جۇمىلا كوتەرگەن جۇك جەڭىل». جاڭا تيپتى ايدارشا ۆيرۋس وكپە قابىنۋ ىندەتى ءالى ايىعا قويعان جوق، دۇنيە ءجۇزى ەكونوميكاسىنىڭ قالپىنا كەلۋىنىڭ الداعى جولى بۇراڭ، ءار ەل حالقى ءبىر جاعادان باس، ءبىر جەڭنەن قول شىعارىپ، قيىنشىلىقتى بىرگە جەڭۋدى ءتىپتى دە قاجەت ەتەدى. جۇڭگو ءار ەلمەن بىرگە دۇنيە ءجۇزىنىڭ اشىق ەكونوميكاسىن بىرگە قۇرىپ، ەسىك اشۋدىڭ كوكتەم سامالىمەن دۇنيە جۇزىنە مەيىر باعىشتاۋعا پەيىل!
كەلۋ قاينارى: حالىق تورابى
 |
11 - ايدىڭ 4 - كۇنى كەشتە مەملەكەت ءتوراعاسى شي جينپيڭ 4 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا بەينە ەكران تاسىلىمەن قاتىناستى ءارى «ەسىك اشۋدىڭ كوكتەم سامالىمەن دۇنيە جۇزىنە مەيىر باعىشتايىق» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
