ا ق ش قاشىپ جۇرگەن قىلمىس كۇدىكتىسىن «دەموكراتيا باسشىلار مىنبەرىنە» قاتىناسۋعا ۇسىنىس ەتتى، بۇل دەموكراتيانى بارىنشا قورلاعاندىق! (دابىل)
2021.12.09 16:40 كەلۋ قاينارى : حالىق تورابى
ا ق ش – تىڭ كۇلكىلى ىسكە ۇرىنىپ، قاشىپ جۇرگەن قىلمىس كۇدىكتىسىن اتالمىش «دەموكراتيا باسشىلار باس قوسۋىنا» كىرگىزىپ الۋى حالىقارالىق قوعامعا ءوزىنىڭ جالعان «دەموكراتياسىن»، دەموكراتياعا قارسى كەلىپ وتىرعان سوراقىلىعىن ونان ارى انىق كورسەتەدى
قىلمىسىنان قورقىپ قاشىپ جۇرگەن، جۇڭگوعا قارسى تۇرىپ، شياڭگاڭدى بىلىقتىرماق بولعان ەلەمەنت لو گۋانسۇڭ تاياۋدا ا ق ش جاقتىڭ ءوزىن اتالمىش «باسشىلار دەموكراتيا باس قوسۋىنا» قاتىناسۋعا «ۇسىنىس ەتكەنىن» ايتىپ، اتالمىش «دەموكراتيا باسشىلار باس قوسۋىنىڭ» ەشقانداي دەموكراتيا ءمانى جوق ەكەنىنە تاعى ءبىر بۇلتارتپاس فاكت ۇستەدى. ا ق ش ۇكىمەتىنىڭ وسى «شياڭگاڭ تاۋەلسىزدىگى» ەلەمەنتىنە ونەر كورسەتۋ ساحناسىن ازىرلەۋى اتالمىش «دەموكراتيا باسشىلار باس قوسۋىنىڭ» ءمانى دەموكراتيانى قۇرالعا، قارۋ – جاراققا اينالدىرۋ ەكەنىن ونان ارى اشكەرەلەدى.
لوگۋانسۇڭ − مەملەكەتتى بولشەكتەۋگە جەلىكتىرگەن، شەتەلدەردەگى نەمەسە شەكارا سىرتىنداعى كۇشتەرمەن استاسىپ مەملەكەتتىڭ حاۋىپسىزدىگىنە زالال جەتكىزگەن، شياڭگاڭ ساقشىلارى قۋعىن سالعان قىلمىس كۇدىكتىسى. ۇعىپ – بىلۋىمىزشە، لو گۋانسۇڭ ا ق ش – قا تاعى دا ساياسي ويىن كورسەتۋگە بارعان، شياڭگاڭ ەرەكشە اكىمشىلىك رايونى ۇكىمەتىنىڭ اماندىق ساقتاۋ مەكەمەسى ونى «ساياسي پايداعا» قول جەتكىزۋدى كوزدەپ، شەتەل ۇكىمەتى مەن ساياسي الاياقتاردىڭ قۋىرشاعى بولۋعا كونىپ وتىر، ماسقارالىق ارەكەتكە ۇرىندى دەپ جازعىردى، شياڭگاڭ ەرەكشە اكىمشىلىك رايونى ۇكىمەتىنىڭ زاڭ بويىنشا ونىڭ قىلمىستىق ىستەر جاۋاپكەرلىگىن قۋزايتىنىن ايقىن ءبىلدىردى. بۇل ءارقانداي زاڭمەن باسقارۋ پرينسيبىنە قۇرمەت ەتەتىن ۇكىمەتتىڭ ءتيىستى پوزيتسياسى بولىپ تابىلادى.
تاياۋ جىلداردان بەرى ا ق ش قيت ەتسە شياڭگاڭ دەموكراتياسىنىڭ «قورعاۋشىلارىمىز» دەپ كۇپيدى، ءىس جۇزىندە «دەموكراتيا» دەگەن اتپەن شياڭگاڭدى بىلىقتىرماق بولدى. شياڭگاڭعا ساياتىن زاڭ جوباسىن جاساپ، شىمىرىكپەستەن جازا قولدانىپ، ەرەكشە رايون ىستەرىن قارالاپ، جۇڭگوعا قارسى تۇرىپ، شياڭگاڭدى بىلىقتىرماق بولعان ەلەمەنتتەردى ىرقىنا جىبەرىپ، قورعاشتادى، كوپ جاق ءتىل بىرىكتىرىپ قىسىم جاسادى ... ا ق ش - تىڭ ءبىر قىدىرۋ ساياسي سايقالدىعى جۇڭگونىڭ ىشكى ىسىنە كيلىگىپ، شياڭگاڭنىڭ دەموكراتياسىن ءبۇلدىرۋ ءۇشىن بولىپ وتىر. لو گۋانسۇڭنىڭ شياڭگاڭ مەن وتانعا وپاسىزدىق جاساۋى جۇڭگونى شاۋجايلايمىز دەپ داۋرىققان ا ق ش ساياسي الاياقتارىنىڭ نازارىندا «ەرەكشە قۇنعا» يە بولۋدا. ولار وسى قۋىرشاقتى قايتا - قايتا ىسكە قوسىپ، «دەموكراتيا كۇرەسكەرى» ەتىپ كورسەتىپ، ا ق ش - قا بارعان كەزىندە كەزدەسۋ ورايىن تۋدىرىپ، ونىڭ «شياڭگاڭ تاۋەلسىزدىگى» قۋاتتاماسىن ساتۋىنا، ساياسي وتىرىكتى تاراتۋىنا، شياڭگاڭنىڭ مەملەكەت حاۋىپسىزدىگى زاڭى مەن ورتالىقتىڭ شياڭگاڭ جونىندەگى ساياساتىن قارالاۋىنا تۇعىر ازىرلەپ بەردى، بۇل − ا ق ش - تىڭ شياڭگاڭ ىستەرىنە كيلىگۋىنىڭ، جۇڭگوعا قارسى تۇرىپ، شياڭگاڭدى بىلىقتىرماق بولعان كۇشتەردى قولداۋىنىڭ بۇلتارتپاس دالەلى.
شياڭگاڭ − جۇڭگونىڭ شياڭگاڭى، ا ق ش - تىڭ كيلىگۋ ارەكەتى «ءبىر ەل، ەكى ءتۇزىمنىڭ» نىق قاداممەن ۇزاققا جالعاسۋىنىڭ تاريحي اۋقىمىن شايقالتا المايدى. شياڭگاڭ مەملەكەت حاۋىپسىزدىگى زاڭىنىڭ جاسالۋى مەن اتقارىلۋىنا، شياڭگاڭ سايلاۋ ءتۇزىمىنىڭ كەمەلدەنۋىنە بايلانىستى، شياڭگاڭ جاعدايىندا بىلىقپالىقتان جونگە سالۋعا دەيىنگى كەلەلى بۇرىلىس جۇزەگە استى. شياڭگاڭ تۇرعىندارى جاپپاي بىلاي دەپ قارادى: ا ق ش ۇلگىسىندەگى دەموكراتياعا كوزسىزدىكپەن بوي ۇرۋ شياڭگاڭعا ناعىز دەموكراتيا اكەلمەيدى، قايتا قوعامدىق جىكتەلۋ، جاۋىزدىق جايتتەرىن تۋدىرىپ، قوعامدىق ءتارتىپتىڭ بۇزىلۋىنا، ەكونوميكالىق تەپە - تەڭدىكتىڭ بۇزىلۋىنا، باسقارۋ مەن جونگە سالۋدىڭ كۇشىن جويۋىنا اپارىپ سوعادى. جاڭا سايلاۋ ءتۇزىمى سايلاۋدى ءتيىمدى باسەكەگە ويىستىرۋدا، شياڭگاڭدا دەموكراتيا قايتا ورالىپ، قالا تۇرعىندارىنا پايدا جەتكىزىپ، باقىت جاراتۋدا. شياڭگاڭ قوعامىنىڭ مۇنداي بەلسەندى بۇرىلىسى ا ق ش ساياسي الاياقتارىنىڭ «دەموكراتيا» دەگەن اتپەن شياڭگاڭ ىستەرىنە كيلىگۋىنىڭ تۇبەگەيلى جەڭىلىسكە ۇشىراعانىن تولىق ءتۇسىندىردى. ا ق ش – تىڭ قۋعىنداۋ بۇيرىعى شىعارىلعان، جۇڭگوعا قارسى تۇرىپ، شياڭگاڭدى بىلىقتىرماق بولعان ءىشىنارا ەلەمەنتتەردى قولپاشتاۋى قۇر ارامتەر بولعاندىق، ەشكىمدى ەلەڭ ەتكىزە المايدى.
ا ق ش – تىڭ كۇلكىلى ىسكە ۇرىنىپ، قاشىپ جۇرگەن قىلمىس كۇدىكتىسىن اتالمىش «دەموكراتيا باسشىلار باس قوسۋىنا» كىرگىزىپ الۋى حالىقارالىق قوعامعا ءوزىنىڭ جالعان «دەموكراتياسىن»، دەموكراتياعا قارسى كەلىپ وتىرعان سوراقىلىعىن ونان ارى انىق كورسەتەدى. ا ق ش ءوز ولشەمىمەن سىزىق بەلگىلەپ، دۇنيە جۇزىندەگى مەملەكەتتەر مەن رايونداردىڭ جارىمىن «دەموكراتيا لاگەرىنە» كىرگىزىپ، قالعان جارىمىن «دەموكراتياسىز ەلدەر» قاتارىنا ەنگىزدى، بۇلاي ىستەۋدىڭ ءوزى دەموكراتيالىق رۋحقا قايشى، تيپتىك دەموكراتيانى «جەكەشەلەندىرۋ»، «بىرەۋگە تاڭۋ»، «ساياسيلاندىرۋ» بولىپ تابىلادى. دۇنيە جۇزىلىك سىن - سايىس كۇن سايىن كوبەيىپ، دۇنيە ءجۇزى ىنتىماقتاسىپ، سەلبەستىكتى كۇشەيتۋگە مۇقتاج بولىپ وتىرعان جاعدايدا، ا ق ش «دەموكراتيانى» جەلەۋ ەتىپ، وڭىرلىك ستراتەگيانى ىلگەرىلەتىپ، ءوزى قۇپ كورمەگەندەرگە قىسىم ءتۇسىرىپ، دۇنيە جۇزىندە بولشەكتەنۋ جانە قارسىلاسۋ تۋدىردى، مۇنداي قىرعي قاباقتىق وي مەن زورەكەرلىك ارەكەت تاريحي اۋقىمعا قارسى كەلەدى، ىسكە اسپايدى.
دەموكراتيا – تۇتاس ادامزاتتىڭ ورتاق قۇندىلىعى، ا ق ش - تىڭ ءوز بەتىمەن سايقالدىققا باسۋىنا بولاتىن ساياسي قۇرالى ەمەس. ا ق ش «دەموكراتيا» تونىن جامىلىپ، ءوزىنىڭ زورەكەرلىك ۇقىعىن قورعاپ، حالىقارالىق قوعامنىڭ كۇشتى قارسىلىعىن قوزعادى. ا ق ش - تىڭ ساياسي الاياقتارى جۇڭگوعا قارسى تۇرىپ، شياڭگاڭدى بىلىقتىرماق بولعان ەلەمەنتتەرمەن استاسىپ، زاڭعا قايشىلىق جاساعان قىلمىستىلاردى قورعاشتاپ، ىرقىنا جىبەرىپ وتىر، ولاردىڭ سۇرقيالىعى، ءسوز جوق، جەڭىلىسپەن تىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
