بۇل بالالار ەرەكشە القاۋعا يە بولدى
2022.05.07 15:16 كەلۋ قاينارى : حالىق تورابى
جۋىردا جياڭسۋ ولكەسى ياڭجوۋ قالاسىنداعى ءبىر الەۋمەتتىك اۋماقتا ليفت ورناتىپ جاتقان جەردە ءورت كەتىپ، قويۋ ءتۇتىن بۋداقتايدى. وسىنداي شۇعىل جاعدايدا، سول ماڭدا باسكەتبول ويناپ جۇرگەن 5 ورەن پاراساتتىلىقپەن توتەپ بەرىپ، «وقۋلىقتاعى» ءادىس بويىنشا ءىس ىستەدى.
4 – ايدىڭ 21 – كۇنى تۇستەن كەيىن ساعات 4 تەن وتكەندە، ياڭجوۋ قالاسىنداعى كونە شاعىن اۋماقتا ليفت ورناتىپ جاتقان جۇمىسكەرلەر وسى بارىستا بايقاۋسىزدا ءورت كەتىرىپ الادى، ءورت كەتكەن جەردەن قويۋ قارا ءتۇتىن بۋداقتايدى. سول ماڭدا باسكەتبول ويناپ جۇرگەن بيان چىڭجى، گۋان حاۋياڭ، گۇڭ تيانشۇي، جاۋ بيڭجيە، ليۋ جوۋتۇڭ ەسىمدى 5 بالا ءورت كەتكەنىن كورگەن سوڭ، جان – جاققا جۇگىرىپ، ءورت ءوشىرۋ اسپابىن ىزدەيدى.
وسى ساتتە، وسى شاعىن اۋماقتا تۇراتىن گۋان حاۋياڭنىڭ ەسىنە شاعىن اۋماقتا شاعىن تيپتەگى ءورت ءوشىرۋ پۋنكتىنىڭ بار ەكەنى تۇسەدى. «شاعىن اۋماقتا ءورت ءوشىرۋ پۋنكتى بار بولاتىن، مەن بارىپ ءورت ءوشىرۋ اسپابىن الىپ كەلەيىن»، — دەيدى ول. بەسەۋى دەرەۋ سولاي قاراي جۇگىرەدى، شاعىن ءورت ءوشىرۋ پۋنكتىنىڭ ەسىگىنە قۇلىپ سالىنىپتى، شۇعىل جاعدايدا بيان چىڭجى اينەكتى تەۋىپ شاعىپ، ءورت ءوشىرۋ اسپابىن الىپ، دەرەۋ ءورت كەتكەن جەرگە جۇگىرەدى.
ءورتتىڭ ۇلعايعانىن كورگەن ولار ءورت ءوشىرۋ اسپابىن ءورت وشىرۋگە كەلگەن الەۋمەتتىك اۋماقتىڭ اماندىق قورعاۋشى قىزمەتكەرىنە تاپسىرادى. جاۋ بيڭجيە بۇل ءىستى ەسكە العاندا: «ءورت ءوشىرۋ اسپابىنىڭ سەرپىنى ءبىرشاما زور بولاتىنىن ويلاپ، ءبىز بۇل ءىستى ۇلكەندەردىڭ ءبىرجاقتى ەتۋىنە تاپسىرىپ بەردىك»، — دەدى.
وسىدان سوڭ، بالالار، ءبىر جاعىنان، كوپشىلىككە 119 عا تەلەفون سوعۋدى ەسكەرتسە، ەندى ءبىر جاعىنان، ءورت ءوشىرۋ پۋنكتىندەگى قالعان ءورت ءوشىرۋ اسپاپتارىن ءورت كەتكەن جەرگە جەتكىزەدى.
ءورت ءوشىرۋ اترەتىنىڭ قىزمەتكەرلەرى كەلىپ بولعانشا، كوپشىلىك بىرگە قۇلشىنۋ ارقىلى ءورتتى ءساتتى وشىرەدى. 5 بالانىڭ ءورت ءوشىرۋ بارىسىنداعى اقىلدىلىقپەن ىستەگەن ىستەرى تۇرعىنداردىڭ القاۋىنا يە بولدى.
5 – ايدىڭ 3 – كۇنى، ياڭجوۋ قالاسى گۋاڭليڭ قوعام حاۋىپسىزدىگى بولىمشە مەكەمەسى ولاردىڭ قىسىلتاياڭ ساتتە ايانباعان ارەكەتتەرىن تۇراقتاندىرىپ، ينتەرنەت ارقىلى ماراپاتتاۋ سالتىن وتكىزدى. ماراپاتتالعان ورەندەر وسىنىڭ بارلىعى مەكتەپتىڭ ۇزاق ۋاقىتتان بەرى وقۋشىلارعا ءورت ءوشىرۋ اسپابىن پايدالانۋدى جانە ءورت ءوشىرۋ، ورتتەن ساقتانۋ جاعىنداعى شۇعىل جاعدايلارعا قاجەتتى ءبىلىمدى ۇيرەتكەنىنىڭ ارقاسى ەكەنىن بۇكپەسىز اڭگىمەلەدى. وزدەرىنىڭ الدا «شاماسى كەلەتىن ىستەردە باسقالارعا ۇيلەسىمدى كومەكتەسۋدى جالعاستىراتىندىقتارىن» ايتتى.
قىسىلتاياڭ ساتتە كەۋدە كەرىپ العا شىققان، ءارى اقىلدى ءارى باتىر 5 بالا جارايدى ەكەن!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
