جىجياڭ ولكەسىنىڭ ليشۇي قالاسى ايگىلى ماركا اسەرىن ساۋلەلەندىرىپ، بايىرعى رايونداردىڭ گۇلدەنۋىنە دەم بەردى (جاڭا جورىققا ەكپىندەي ىلگەرىلەپ، جاڭا داۋىرگە ۇلەس قوسۋ − بايىرعى رايونداردىڭ جاڭا بەت - بەينەسى)
«حالىق گازەتىنىڭ» تىلشىلەرى لي جۇڭۋىن، دوۋ حانياڭ
2022.05.07 16:26 كەلۋ قاينارى : حالىق تورابى
«لان ۇستاز، بيىل المۇرت قاشان بازارعا شىعادى؟ ماعان 10 جاشىك الىپ قويىڭىز». قازىر المۇرت پىسپاي جاتىپ، جىجياڭ ولكەسى ليشۇي قالاسى يۇنحى اۋدانى ليجۋاڭ قىستاعىنداعى المۇرت ەگەتىن باعبان لان شياۋجيان كوپتەگەن تاپسىرىستى تاپسىرىپ الدى.
«بىلتىر مەن 500 مىڭ يۋانعا جۋىق المۇرت ساتتىم، تەڭ جارىمى چاڭجياڭ اتىراۋى رايونىنا ساتىلدى». لان شياۋجيان تانىستىرىپ بىلاي دەدى: بۇرىن ساتۋ ارنامىز كەڭ ەمەس ەدى، قازىر «ليشۇيدىڭ تاۋلى ءوڭىر المۇرتى» دەگەن ماركاعا سۇيەنەمىز، ساتۋ، ۇگىتتەۋ ىستەرىن ۇكىمەت ءبىر تۇتاس ۇيىمداستىرادى، المۇرت ساتۋ ارنامىز كەڭەيدى؛ اۋدان ءار جىلى مامانداردى ۇسىنىس ەتىپ، ەكپەشىلىككە جەتەكشىلىك ەتەدى، المۇرتىمىزدىڭ اتاعى بارعان سايىن تانىلىپ، بازاردا قارسى الۋعا يە بولدى.
2020 - جىلى 8 - ايدا باس شۋجي شي جينپيڭ چاڭجياڭ اتىراۋىنىڭ ءبىر تۇلعالانىپ دامۋىن تىڭعىلىقتى ىلگەرىلەتۋ جونىندەگى اڭگىمە ماجىلىسىندە: «دامۋى كەنجە وڭىرلەردەگى ساپالى دامۋدىڭ قوزعاۋشى قۋاتىن كۇشەيتۋ كەرەك. ءبىر تۇلعالاندىرۋداعى ماڭىزدى ماقساتتاردىڭ ءبىرى − وڭىرلەر دامۋىنداعى بىركەلكىسىزدىك ماسەلەسىن شەشۋ. دامۋ ايىرماشىلىعى كوبىنەسە دامۋ كەڭىستىگىنەن كورىنىس بەرەدى. قاتىستى تاراۋلار دامۋى كەنجە وڭىرلەرگە باعىتتاي وتىرىپ اناعۇرلىم ءدال شارالار شىعارىپ، اتقارىپ، وسى وڭىرلەردىڭ چاڭجياڭ اتىراۋىنىڭ ءبىر تۇلعالانا ساپالى دامۋ اياق الىسىنا ىلەسۋىن ىلگەرىلەتۋى كەرەك» دەپ دارىپتەگەن بولاتىن.
2021 - جىلى 7 – ايدا جىجياڭ ولكەلىك ۇكىمەت «جاڭا داۋىردە جىجياڭنىڭ باتىس وڭتۇستىگى سياقتى بايىرعى توڭكەرىستىك رايونداردىڭ گۇلدەنۋىن، دامۋىن قولداۋ جونىندەگى اتقارۋ پىكىرىن» باسىپ تاراتىپ، مىنانى ورتاعا قويدى: «چاڭجياڭ اتىراۋىنىڭ ءبىر تۇلعالانىپ دامۋىمەن بەلسەنە توعىسۋ كەرەك. توڭكەرىستىك بايىرعى رايوندار مەن چاڭجياڭ اتىراۋىنىڭ ورتالىق قالالارىنىڭ كوپ سالالى، كوپ فورمالى سەلبەستىك جونىندە ىزدەنىس جاساۋىن قولداپ، چاڭجياڭ اتىراۋىنىڭ ورتالىق قالالارىندا، كەلەلى تۇعىرلارىندا عىلىم - تەحنيكالىق جاڭالىق اشۋ، يگىلىك جاراتۋ ورىندارىن قۇرۋ كەرەك. توڭكەرىستىك بايىرعى رايونداردىڭ چاڭجياڭ اتىراۋىنداعى كاسىپ تىزبەگىن بىرگە قۇرۋعا ات سالىسۋىن قولداپ، ءداستۇرلى جاساۋ كاسىبىن جاڭالاپ، دارەجەسىن جوعارىلاتىپ، تاريحي كلاسسيكالىق كاسىپتەردى دامىتىپ، وسى زامانعى قىزمەت وتەۋ كاسىبى مەن جاڭادان گۇلدەنگەن كاسىپتەردى جەتىلدىرۋ كەرەك».
جىجياڭنىڭ باتىس وڭتۇستىگىندەگى توڭكەرىستىك بايىرعى رايونعا ورنالاسقان ليشۇي ءوز ابزالدىعىن اشىپ، ولشەمدەندىرۋدى، ماركالاندىرۋدى، بازاردى جەتەكشى ەتىپ، ايگىلى ماركا ستراتەگياسىن ىشكەرىلەي اتقارىپ، چاڭجياڭ اتىراۋىنىڭ ءبىر تۇلعالانىپ دامۋىمەن بەلسەنە توعىستى. وسى بىرنەشە جىلدا تاعى «تاۋداعى تۇراق»، «تاۋ بۇلاعى» سياقتى تاۋعا قاتىستى جەلىلەس ماركالاردى جاراتۋعا كۇش سالىپ، ماركا اسەرىن ساۋلەلەندىرىپ، ونىمدەردىڭ ساتىلۋ جولىن كەڭەيتىپ، بايىرعى رايوننىڭ گۇلدەنۋىنە دەم بەردى.
ليشۇي قالاسى سۇيچاڭ اۋدانى ۋاڭسۇنكوۋ قالاشىعى − قىزىل ارميانىڭ ەكپىندى ديۆيزياسىنىڭ ديۆيزيا شتابى تۇرعان جەر. 20 - عاسىردىڭ 30 - جىلدارىندا سۋ يۇي، ليۋ يىڭ باستاعان جۇڭگو جۇمىسشى – شارۋا قىزىل ارمياسى وسى اراعا كەلىپ، ۋاڭسۇنكوۋ قالاشىعى قاتارلى جەرلەردى وزەك ەتكەن جىجياڭنىڭ باتىس وڭتۇستىگىندە پارتيزاندىق بازا قۇردى.
وسى بىرنەشە جىلدا سۇيچاڭداعى حالىقتىق تۇسەلحانانىڭ ساياحاتى دابىرالى جۇرىلۋدە. حۋشان اۋىلى حۇڭشيڭپيڭ قىستاعىنا باردىق، «شاڭلين تاۋىنداعى جاتاق ۇيلەر» حالىقتىق تۇسەلحاناسىنىڭ 2 - مەرزىمدىك قۇرىلىسى قاۋىرت جۇرگىزىلۋدە ەكەن، تيجاراتشى ۋ چىڭ - ۋەي ەرەكشە قاربالاستىققا تۇسكەن. 2016 - جىلى داشۋە بىتىرگەننەن كەيىن ول دوستارىمەن بىرگە اۋىلىنا قايتىپ يگىلىك جاراتىپ، حالىقتىق تۇسەلحانا اشىپ، قىستاقتا «حالىقتىق تۇسەلحانا ورلەۋىن» كوتەرگەن.
«ساياحاتشىلار كوپ، ساۋدا - ساتىعىمىز جاقسى، ءبىزدىڭ حالىقتىق تۇسەلحانالارىمىزدىڭ نىساندارى دا اۋقىمعا قاراي 2 - مەرزىمدىك قۇرىلىس جۇرگىزۋدە» دەدى ۋ چىڭ - ۋەي. قازىر «ليشۇي تاۋلى ءوڭىر جاتاق ۇيلەرى» اتىنداعى ءبىر توپ تاڭداۋلى حالىقتىق تۇسەلحانا ىركەس - تىركەس سالىنىپ، شوعىرلى اسەر قالىپتاستىرعان.
«وسى جاسامپاز جاستاردىڭ ارقاسىندا جاڭا تانىم، جاڭا كوزقاراستى ۇزبەي قابىلداپ وتىرمىز» دەدى حۇڭشيڭپيڭ قىستاعىنىڭ ءبىرىنشى شۋجيى چىڭ شيميڭ. تاياۋدان بەرى قىستاق ساياحاتشىلاردى قابىلداۋ ورتالىعىن وزگەرتىپ سالىپ، قالىڭ ورماننان ءوتۋ، سۋ ءۇستى قالاقشا تاقتاسى سياقتى كوڭىل اشۋ نىساندارىن قارجى قوسىپ قۇرىپ، حالىقتىق تۇسەلحانا قوجايىندارىمەن بىرلەسىپ شيانشياگۋ سەلبەستىك كووپەراتيۆىن قۇردى، حالىقتىق تۇسەلحانا ساياحات كاسىبى حۇڭشيڭپيڭ قىستاعىنىڭ جاڭا تانىسقىسىنا اينالدى. كەلەسى قادامدا قىستاق كۇتىنۋ، سەيىل - سەرۋەن، زەرتتەۋ - ۇيرەنۋ سياقتى فۋنكتسيالاردى ءبىر تۇلعالاندىرعان ساياحات جولىن سالۋدى جوسپارلاپ وتىر.
2021 - جىلدىڭ سوڭىنا دەيىن، «ليشۇي تاۋلى ءوڭىر ەگىنشىلىگى» ماركالى اۋىل شارۋاشىلىق ونىمدەرىنىڭ جالپى ساتىلۋ سوماسى 10 ميلليارد يۋاننان، پايداسى %30 تەن استى؛ «ليشۇي تاۋلى ءوڭىر جاتاق ۇيلەرى» حالىقتىق تۇسەلحانالارى 2021 - جىلى 26 ميلليون 600 مىڭ ادام - رەت ساياحاتشى قابىلداپ، 2 ميلليارد 400 ميلليون يۋان كىرىس كىرگىزدى ...، «تاۋعا» قاتىستى ماركانى جارقىراتىپ، چاڭجياڭ اتىراۋىمەن قاۋىشۋ جىجياڭنىڭ باتىس وڭتۇستىگىندەگى توڭكەرىستىك بايىرعى رايونداردى گۇلدەنىپ، دامۋدىڭ تىڭ ورايىنا يە ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
