دۇنيە جۇزىلىك بانكەنىڭ باستىعى: بيىل جۇڭگونىڭ GDP ىنىڭ ارتۋ مولشەرى مەجەمەن %5 تەن اسادى
2023.04.12 15:10 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى پان ليجۇن، ياڭ شىلۇڭ 4 – ايدىڭ 10 – كۇنى ۋاشينگتوننان حابارلايدى. دۇنيە جۇزىلىك بانكەنىڭ باستىعى مالپاس 4 – ايدىڭ 10 – كۇنى مىنانى ءبىلدىردى: بيىل دۇنيە جۇزىلىك ەكونوميكا جالپى جاقتان ءالسىز بولادى، الايدا، جۇڭگونىڭ جاعدايى باسقاشا، 2023 – جىلى جۇڭگونىڭ ەل ءىشى ءوندىرىسىنىڭ جالپى ءونىم قۇنىنىڭ (GDP) ارتۋ مولشەرى مەجەمەن %5 تەن اسادى.
مالپاس سول كۇنى IMF جانە دۇنيە جۇزىلىك بانكەنىڭ 2023 – جىلعى كوكتەم مەزگىلىندەگى ماجىلىسىندە وتكىزىلگەن ءبىر رەتكى مەديالاردىڭ تەلەفون ماجىلىسىندە مىنانى بىلدىرگەن: جۇڭگونىڭ ىندەتتەن ساقتانۋ ساياساتىن جاقسارتۋى، رەتتەۋى جۇڭگونىڭ، ءتىپتى دۇنيە ءجۇزى ەكونوميكاسىنىڭ ارتۋ بەتالىسىن جاقسارتۋعا ءتيىمدى بولادى. ول مىنانى ءبىلدىردى: جۇڭگونىڭ حالىقتىق قارجىلاندىرۋ قۋاتى زور، اقشا ساياساتىندا كەرى پەريودتتىق رەتتەۋ ءورىسى بار، ونىڭ ۇستىنە، ۇكىمەت قىزمەت وتەۋ سالاسىنىڭ، وتە – موتە، ەمدەۋ – دەنساۋلىق ساقتاۋ جانە ساياحات سالاسىنىڭ ارتۋىنا باستان – اياق شابىت بەرۋدە.
3 – ايدىڭ سوڭىندا، دۇنيە جۇزىلىك بانكە شىعىس ازيا جانە تىنىق مۇحيت ءوڭىرىنىڭ ەكونوميكالىق جاعدايى جونىندەگى باياندامانى جاريالاپ، جۇڭگونىڭ 2023 –جىلعى ەكونوميكاسىنىڭ ارتۋ مولشەرىن %5.1 كە جوعارىلاتقان، بۇل اتالعان بانكەنىڭ 1 – ايداعى %4.3 تىك بولجامىمەن سالىستىرعاندا زور مولشەردە جوعارىلاعان.
مالپاس مىنانى بىلدىردى: جۇڭگودان باسقا دامۋ ۇستىندەگى مەملەكەتتەردىڭ ەكونوميكاسىنىڭ ارتۋ مولشەرى بيىل مەجەمەن 2022 – جىلداعى %4.1 تەن %3.1 اينالاسىنا باياۋلايدى، ونىڭ ۇستىندە، دامۋ ۇستىندەگى كوپتەگەن مەملەكەتتەردىڭ ەكونوميكاسى الداعى بىرنەشە جىلدا تومەن قارقىنمەن ارتۋ بەتالىسىن ساقتاپ، قازىنالىق قىسىم مەن قارجى ىستەرى جاعىنداعى سىناقتاردى اسقىندىرادى.
ول مىنانى ءبىلدىردى: دۇنيە جۇزىلىك بانكە بيىل دۇنيە ءجۇزى ەكونوميكاسىنىڭ ارتۋ مولشەرى جونىندەگى بولجامدى %3.1 تەن %2 كە تومەندەتىپ، ا ق ش ەكونوميكاسىنىڭ ارتۋ مولشەرى 2022 – جىلعى %2.1 تەن %1.2 كە باياۋلايدى دەپ مەجەلەدى.
مالپاس مىنانى اتاپ كورسەتتى: ماي باعاسىنىڭ قىمباتتاۋى، ەۆروپا مەن امەريكاداعى بانكە سالاسىنداعى الاساپىران جاعداي جانە اقشانىڭ قۇنسىزدانۋى قاتارلى سەبەپتەرگە بايلانىستى، سوڭعى جارىم جىلدا دۇنيە ءجۇزى ەكونوميكاسىنىڭ ارتۋ مولشەرىنىڭ تومەندەۋى سىندى قىسىم ءالى دە جالعاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
