باعاسى بارىنشا ارزاندايدى! بۇل دارىلەردىڭ باعاسى ورتا ەسەپپەن %50 ارزاندايدى
2023.06.25 16:15 كەلۋ قاينارى : حالىق تورابى
6 - ايدىڭ 21 - كۇنى، حۋبەي ولكەلىك مەديتسينالىق قامسىزداندىرۋ مەكەمەسىنىڭ باس بولۋىمەن، بەيجيڭ، تيانجين قاتارلى 30 ولكە، اۆتونوميالى رايون، توتە قاراستى قالادان ۇيىمداسقان بۇكىل مەملەكەتتىك سيپاتتى ساتىپ الۋ بىرلەستىگى جۇڭگوشا دايىن دارىلەردى جانە قاتىستى ءدارى - دارمەكتەردى شوعىرلى، مولشەرلى ساتىپ الۋ قىزمەتىن ورىستەتتى. تاڭداۋ ناتيجەسىنە قاراعاندا، تاڭدالعان ءدارى - دارمەكتەردىڭ باعاسى زور مولشەردە ارزاندايدى ەكەن.
ۇعىسۋعا قاراعاندا، حۋبەي ولكەسىندە اشىلعان مەملەكەتتىك جۇڭگوشا دايىن دارىلەردى ساتىپ الۋ بىرلەستىگىنىڭ شوعىرلى، مولشەرلى ساتىپ الۋ ينفورماتسيالارىن اشىق جاريالاۋ ماجىلىسىندە، جيىنى 86 كاسىپورىن، باعا قويىلعان ۋاكىلدىك 95 ءدارى ناق مايدانداعى باسەكەگە قاتىناستى. مۇندا 63 كاسىپورىن، 68 باعا قويىلعان ۋاكىلدىك ءونىم تاڭدالدى، تاڭداۋ مولشەرى %71.6 بولىپ، تاڭدالعان ءدارى تۇرلەرىنىڭ باعاسىنىڭ ارزانداۋ مولشەرى ورتا ەسەپپەن %49.36 بولعان.
ۋحان داشۋەسى دۇنيە جۇزىلىك دەنساۋلىقتى زەرتتەۋ ورتالىعىنىڭ زەرتتەرمەنى سۇي دان: وسى رەتكى ساتىپ الۋ بارىسىندا ۇنەمدەلەتىن ءدارى - دارمەك اقىسى مەجەمەن 4 ميلليارد 500 ميلليون يۋان بولىپ، ناۋقاستاردىڭ ءدارى - دارمەك اقىسى جاعىنداعى اۋىرتپالىعىن اناعۇرلىم جەڭىلدەتۋدەن ءۇمىت زور، وتە - موتە، جۇڭگوشا دايىن دارىلەرمەن ەمدەلۋگە ادەتتەنگەن، سوزىلمالى ناۋقاسقا شالدىققان ورتا جاستاعىلار مەن قارتتار مۇنىڭ اسەرىن ءتىپتى دە ايقىن سەزىنەتىن بولادى، — دەدى.
وسى رەتكى باعاسى ارزانداتىلعان دارىلەر قاتارىندا قامتىلعان دارىلەر ۇيىعان قاندى ىدىراتۋ كۇردەلى رەتسەبى، ءتاج ارتەرياسىنىڭ قاتايۋىنان بولعان جۇرەك اۋرۋىنىڭ ءدارىسى، گينكگو جاپىراعىنان الىنعان زات قاتارلىلاردىڭ بارلىعى ساتىلىم سوماسى ءبىر ميلليارد يۋاننان اسقان جۇڭگوشا دايىن دارىلەر. مۇنان سىرت، الا كۇلىك كۇردەلى رەتسەبى، سىنىق جالعاۋدا قولدانىلاتىن چيلي تابلەتكاسى، شينكىشۋ قاتارلى 8 ءتۇرلى ءدارىنى العاشقى جىلعى ساتىپ الۋ مولشەرى تۇگەلدەي ءجۇز ميلليون دانادان اسقان.
ۋحان داشۋەسى دۇنيە جۇزىلىك دەنساۋلىقتى زەرتتەۋ ورتالىعىنىڭ زەرتتەرمەنى سۇي دان: وسى رەت تاڭدالعان جۇڭگوشا دايىن دارىلەردىڭ ءدارى تيپى، ءدارى ولشەمى وتە تولىق، كلينيكادا ءدارى پايدالانۋ قاجەتىن ءونىمدى قاناعاتتاندىرا الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
