بەيجيڭ كەدەنى: شەكارادان كىرگەن تۇقىمى قۇرۋعا تاياعان حايۋاناتتار مەن وسىمدىكتەر جانە ولاردان جاسالعان بۇيىمداردان 7800 دەن استامىن تەكسەرىپ قولعا ءتۇسىردى
2023.06.25 17:06 كەلۋ قاينارى : حالىق تورابى
بيىل الدىڭعى 5 ايدا، بەيجيڭ كەدەنى پوچتا ارناسى ارقىلى شەكارادان كىرگەن 7800 دەن استام تۇقىمى قۇرۋعا تاياعان حايۋانات، وسىمدىك جانە ودان جاسالعان بۇيىمداردى تەكسەرىپ انىقتادى. بەيجيڭ كەدەنىنە قاراستى استانا اۋەجايىنىڭ كەدەنى، بەيجيڭ داشيڭ حالىقارالىق اۋەجايىنىڭ كەدەنى ارت - ارتىنان جولاۋشىلاردى تەكسەرۋ، جەدەل جولدامالار ارناسى ارقىلى شەكارادان كىرگەن ءپىل ءتىسى، ءيىستى اعاش، ساندال اعاشى، ەتتى سۇڭعىلا، تي - ي كوبەلەك ۇلگىسى سياقتى حايۋاناتتار مەن وسىمدىكتەردى جانە ولاردان جاسالعان ونىمدەردى تەكسەردى.
مۇنىڭ ىشىندە استانا اۋەجايىنىڭ كەدەن قىزمەتكەرلەرى جۋىردا شەكارادان كىرگەن جولاۋشىلاردىڭ جۇكتەرىنەن بەلگىلەمەگە قايشى الىپ جۇرگەن اۋىرلىعى 2367 گرام كەلەتىن ءپىل تىسىنەن جاسالعان بۇيىمنان 112 داناسىن، سالماعى 15 مىڭ 980 گرام كەلەتىن ەتتى سۇڭعىلادان 4 دورباسىن، ءيىستى اعاش ونىمدەرىنەن 290 گرامىن، سارى ساندال اعاشىنان 2220 گرامىن تەكسەرىپ قولعا ءتۇسىردى، ءارى ”مەرەكە كەزىندە قولمەن بۇكتەلگەن قاعاز بۇيىم“ دەگەن اتپەن شەكارادان جەدەل جولداما ارقىلى كىرگىزىلگەن تي - ي كوبەلەك ۇلگىسىنەن 23 ىن تەكسەرىپ انىقتادى.
”ءپىل ءتىسى، ترينا، ەتتى سۇڭعىلا، قۇرعاق ات بالىق قاتارلىلار «تۇقىمى قۇرىپ بارا جاتقان جابايى حايۋاناتتار حالىقارالىق ساۋدا شارتىنىڭ» (CITES) قوسىمشا تۇرىنە جاتادى ءارى «مەملەكەتتىك ءتۇيىندى قورعايتىن جابايى حايۋاناتتار تىزىمدىگىنە»، «مەملەكەتتىك ءتۇيىندى قورعالاتىن جابايى وسىمدىكتەر تىزىمدىگىنە» ەنگىزىلەدى. قولىندا يمپورت - ەكسپورت ەتۋگە رۇقسات ەتۋ كۋالىگى بولۋدان جانە بەلگىلەمە بويىنشا كەدەن رەسميەتىن وتەۋدەن سىرت، تۇقىمى قۇرۋعا اينالعان تۇرلەردى جانە ولاردان جاسالعان بۇيىمداردى ٴارقانداي ساۋدا ٴتاسىلى نەمەسە شەكارادان الىپ كىرۋ – شىعارۋ، جولدامامەن جولداۋ ارەكەتى تۇگەلدەي زاڭعا قايشى ارەكەت ەسەپتەلىپ ، زاڭدىق جاۋاپكەرشىلىگى قۋزاستىرىلادى“ دەپ بەلگىلەنگەن دەدى بەيجيڭ كەدەنى پوچتا ىستەرىن باقىلاۋ ـ باسقارۋ باسقارماسىنىڭ ورىنباسار باستىعى لي جانچيڭ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
