شەكارا اتتاعان ەلەكتروندى ساۋدانىڭ جىلدىق يمپورت - ەكسپورت كولەمى تۇڭعىش رەت 2 تريلليون يۋاننان استى (جاڭا ساندى مالىمەت، جاڭا ءتۇيىن)
ارتۋ بەتالىسىن ۇزدىكسىز ساقتاپ، سىرتقى ساۋدانىڭ دامۋىنا جاڭا قوزعاۋشى كۇش ۇستەدى
2023.06.26 16:44 كەلۋ قاينارى : حالىق تورابى
«حالىق گازەتى»، 6 - ايدىڭ 25 - كۇنى، بەيجيڭ (ءتىلشى دۋ حايتاۋ). بىرنەشە كۇننىڭ الدىندا وتكىزىلگەن 40 - كەزەكتى جۇڭگو لاڭفاڭ حالىقارالىق ەكونوميكا - ساۋدا كەڭەسى حالىقارالىق شەكارا اتتاعان ەلەكتروندى ساۋدانى دامىتۋ تالقى مىنبەرىندە كەدەن باس مەكەمەسىنىڭ قاتىستى جاۋاپتىسى تانىستىرىپ بىلاي دەدى: 2022 - جىلى ەلىمىزدىڭ شەكارا اتتاعان ەلەكتروندى ساۋدا يمپورت - ەكسپورت كولەمى تۇڭعىش رەت 2 تريلليون يۋاننان اسىپ، 2 تريلليون 100 ميلليارد يۋانعا جەتىپ، 2021 - جىلداعىدان %7.1 ارتتى. شەكارا اتتاعان ەلەكتروندى ساۋدا ەلىمىزدىڭ سىرتقى ساۋداسىنىڭ دامۋىنا جاڭا قوزعاۋشى كۇش قوستى.
تاياۋ جىلداردان بەرى ەلىمىزدىڭ شەكارا اتتاعان ەلەكتروندى ساۋداسى جەدەل دامىپ، ”بۇكىل دۇنيە جۇزىنەن ساتىپ الۋ، بۇكىل دۇنيە جۇزىنە ساتۋ“ جاعىنداعى باسىمدىعى مەن كومەسكى كۇشى ۇزدىكسىز اشىلدى، دۇنيە جۇزىندەگى تۇتىنۋشىلار شەكارا اتتاعان ەلەكتروندى ساۋدا الا كەلگەن اناعۇرلىم كوپ تالعام مەن قولايلىلىقتان كوپتەپ يگىلىكتەندى.
كەدەننىڭ ساناعىنا قاراعاندا، 2022 – جىلى ەلىمىزدىڭ شەكارا اتتاعان ەلەكتروندى ساۋدا يمپورت – ەكسپورت كولەمى بۇكىل ەلدىڭ زات ساۋداسى يمپورت – ەكسپورت جالپى قۇنىنىڭ %4.9 ىن ۇستاپ، سالىستىرماسى 2021 – جىلداعىمەن نەگىزىنەن تەڭەسكەن. مۇنىڭ ىشىندە ەكسپورت ءبىر تريلليون 530 ميلليارد يۋان بولىپ، %10.1 ارتىپ، بۇكىل ەل بويىنشا ەكسپورت جالپى قۇنىنىڭ %6.4 ىن ۇستاعان.
ەلىمىزدىڭ شەكارا اتتاعان ەلەكتروندى ساۋدا ەكسپورت نىسانالى جەرىنىڭ ىشىندە ا ق ش %34.3 تى، انگليا %6.5 تى ۇستاعان؛ يمپورت قاينارى قاينارىندا جاپونيا ەلىمىزدىڭ شەكارا اتتاعان ەلەكتروندى ساۋدا يمپورتى جالپى سوماسىنىڭ %21.7 ىن، ا ق ش %17.9 ىن ۇستاعان. ەكسپورت تاۋارلارىنىڭ ىشىندە تۇتىنۋ بۇيىمدارى %92.8 تى، مۇنىڭ ىشىندە كيىم - كەشەك، اياق كيىم، سومكە %33.1 تى، قول تەلەفون سياقتى ەلەكتروندىق ونىمدەر %17.1 تى ۇستاعان؛ يمپورت تاۋارلارىنىڭ ىشىندە تۇتىنۋ بۇيىمدارى %98.3 تى ۇستاعان، مۇنىڭ ىشىندە ساندەنۋ، كۇتىمدەنۋ بۇيىمدارى %28.4 تى، ازىق - تۇلىك ونىمدەرى %14.7 تى ۇستاعان.
كەدەن باس مەكەمەسىنىڭ قاتىستى جاۋاپتىسى مىنانى ءبىلدىردى: بيىل جىل باسىنان بەرى شەكارا اتتاعان ەلەكتروندى ساۋدا ءۇرتىس ارتۋ جاعدايىن ساقتادى. كەدەننىڭ كاسىپورىندارعا جۇرگىزگەن تەكسەرۋىندە كورسەتىلۋىنشە، %70 تەن استام كاسىپورىن 2023 - جىلعى شەكارا اتتاعان ەلەكتروندى ساۋدا يمپورت - ەكسپورتى ورنىقتى بولادى نەمەسە ارتادى دەپ كۇتۋدە. جۇڭگو كەدەنى سىرتقا ەسىك اشۋ سىندى نەگىزگى مەملەكەت ساياساتى مەن ءوزارا پايدا جەتكىزىپ، تەڭ يگىلىككە كەنەلۋ سىندى ەسىك اشۋ ستراتەگياسىن بۇلجىماي تياناقتاندىرىپ، ”زەردەلى كەدەندى، زەردەلى شەكارانى، زەردەلى تۇتاستىرۋدى“ دايەكتىلەندىرىپ، زەردەلى كەدەن قۇرىلىسىن كۇشەيتىپ، ساۋدا قولايلىلىعىن جوعارىلاتىپ، ماڭىزدى فاكتورلاردىڭ شەكارا اتتاعان اينالىمىن جەبەپ، سيفر تولقىنىمەن قاۋىشىپ، دۇنيە جۇزىندەگى ءار ەلمەن ەلەكتروندى ساۋدانىڭ دامۋ ورايىنان بىرگە يگىلىكتەنىپ، اشىق دۇنيە ءجۇزى ەكونوميكاسىن بىرگە قۇرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
