اناعۇرلىم ساپالى تۇتىنۋ ورتاسى ارقىلى دامۋدىڭ قوزعاۋشى كۇشىن تاسقىنداتايىق (بازارعا كىرىپ، سەنىمگە نازار سالۋ)
«حالىق گازەتىنىڭ» تىلشىلەرى
2023.06.26 16:49 كەلۋ قاينارى : حالىق تورابى
باس شۋجي شي جينپيڭ بىلاي دەپ اتاپ كورسەتتى: ”تۇرعىنداردىڭ تۇتىنۋىن كەڭەيتۋدىڭ ۇزاق ءونىمدى مەحانيزمىن ورناتىپ جانە كەمەلدەندىرىپ، تۇرعىنداردىڭ تۇراقتى كىرىسى بولىپ تۇتىنا الۋىنا، الاڭسىز ءارى - ءسارى بولماي تۇتىنۋىنا، تۇتىنۋ ورتاسىنىڭ تاماشا، تابىس سەزىمىنىڭ كۇشتى، تۇتىنۋعا پەيىل بولۋىنا مۇمكىندىك جاساۋ كەرەك“.
بيىل جىل باسىنان بەرى جەر - جەر، تاراۋلار تۇتىنۋدى قالپىنا كەلتىرۋدى جانە كەڭەيتۋدى ماڭداي الدى ورىنعا قويىپ، اناعۇرلىم ساپالى تۇتىنۋ ورتاسى ارقىلى اناعۇرلىم زور دامۋ قوزعاۋشى قۋاتىن قاۋلاتىپ، تۇتىنۋدىڭ قايتا جاندانۋىن ىلگەرىلەتتى.
مەملەكەتتىك ساناق مەكەمەسىنىڭ ساندى مالىمەتىندە كورسەتىلۋىنشە، 1 - ايدان 5 - ايعا دەيىن قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 18 تريلليون 763 ميلليارد 600 ميلليون يۋان بولىپ، سايكەس مەزگىلدەگىدەن %9.3 ارتىپ، 1 - ايدان 4 - ايعا دەيىنگىدەن 0.8 پايىز تەزدەگەن.
جۇڭگو ساۋدا بىرلەستىگى جاريالاعان ساندى مالىمەتتە كورسەتىلۋىنشە، 5 - ايدا جۇڭگونىڭ بولشەك ساتۋ كاسىبىنىڭ ساپا كورسەتكىشى %51.1 بولىپ، الدىڭعى ايداعىدان 0.3 پايىز جوعارىلاپ، ءۇرتىس 5 اي گۇلدەنۋ مەن قۇلدىراۋ سىزىعىنان جوعارى بولعان. بۇل كاسىپورىنداردىڭ تيجارات سەنىمىنىڭ ونان ارى جوعارىلاعانىن، بولشەك ساتۋ كاسىبىنىڭ دامۋىندا ۇزدىكسىز ارتۋ جاعدايىنىڭ جارىققا شىققانىن تۇسىندىرەدى.
ساۋدا نەگىزدىك قۇرىلعىلار قۇرىلىسىنىڭ سيىمدىلىعى ارتىپ، قارقىنى تەزدەپ، بازار ۇسىنىلىمىندا جاڭالىق جاراتىلدى
بەيجيڭ چاۋياڭ رايونىندا لياڭما وزەنى سانليتۇن، يانشا، لانسىگاڭ سياقتى ساۋدا شەڭبەرلەرىن تۇتاستىرادى. تاياۋ جىلداردان بەرى لياڭما وزەنىنىڭ ەكى جاعالاۋىنداعى ساۋدا كاسىپورىندارى ۇلگىدە جاڭالىق جاراتۋ ارقىلى ساۋدا اينالىمىنىڭ دارەجەسىن جوعارىلاتۋعا جەتەكشىلىك ەتىپ، ساۋدا شەڭبەرى قۇرىلىمىن ۇزدىكسىز ساپالىلاندىرىپ، تاۋارمەن قامداۋدى بايىتىپ، بەيجيڭ قالا رايونىنداعى ماڭىزدى سۋ ساۋدا بەلدەۋىن قالىپتاستىرىپ، ساۋدانىڭ جاندانۋ دارەجەسىن بارىنشا جوعارىلاتتى.
قولايلى دۇكەننەن تىزبەكتى ساۋدا ەرەن بازارىنا دەيىن، زات ساتىپ الۋ الاڭىنان ساۋدا جالپىلىق تۇلعاسىنا دەيىن، تاياۋ جىلداردان بەرى ەلىمىزدىڭ ساۋدا نەگىزدىك قۇرىلعىلار قۇرىلىسىنىڭ سيىمدىلىعى ارتىپ، ادامداردىڭ زات ساتىپ الۋى اناعۇرلىم قولايلى، تاڭداۋى اناعۇرلىم مول بولدى.
جەدەل جەتكىزۋ زات اينالىمى كەمەلدەندىرىلىپ، اينالىم ارناسى اناعۇرلىم ىركىلىسسىزدەندىرىلدى.
حۋناننىڭ لەيياڭ قالاسىندا قىستاق تۇرعىندارى جەدەل جولداما قابىلداۋدا، جونەلتۋدە قىستاقتان شىقپايدى، ونىڭ ۇستىنە اۋىل شارۋاشىلىق ونىمدەرىن جەلىدە ساتا الادى. جەرگىلىكتى ورىن جەدەل جەتكىزۋدى قىستاقتارعا تۇتاستىرۋ نىسان قۇرىلىسىن جەدەل ىلگەرىلەتىپ، قىستاقتا حالىققا قولايلى امبەباپ قىزمەت وتەۋ پۋنكتىن قۇرۋ ارقىلى اۋىل - قىستاق زات اينالىمى قىزمەت وتەۋىنىڭ ”ەڭ سوڭعى ءبىر شاقىرىمىن“ تۇتاستىردى.
تاياۋ جىلداردان بەرى جەر - جەر، تاراۋلار اۋدان، اۋىل بازار جۇيەسى قۇرىلىسىن بارىنشا كۇشەيتىپ، ساۋدا ورتالىعى، ءىرى، ورتاشا ەرەن بازارلار، شوعىرلى ساۋدا بازارى سياقتىلاردى جەدەل جاڭالاپ، تىزبەكتى ساۋدا اينالىم كاسىپورىندارى، ەلەكتروندى ساۋدا تۇعىرى سياقتىلاردى اۋىل - قىستاققا ويىسۋعا شابىتتاندىرىپ، تۇتىنۋدىڭ جاڭا كۇيىن، جاڭا كورىنىسىن كەڭەيتىپ، اۋىل - قالاشىقتا ساۋدا شوعىرلانعان رايون قالىپتاستىردى. مەملەكەت بويىنشا اكىمشىلىك قىستاقتاردا جەدەل جەتكىزۋ قىزمەت وتەۋىنىڭ قامتىمى % 95 كە جەتتى.
ساياساتتىڭ شوعىرلانۋى كۇشەيتىلىپ، الەۋمەتتىك اۋماقتىڭ تۇتىنۋى اناعۇرلىم قولايلى بولدى.
تاڭەرتەڭ شاعىن اۋماقتىڭ قاقپاسىنداعى تاڭعى اس دۇكەنىنەن بۋى بۇرقىراعان ءمانتى جەۋگە، جۇمىستان تۇسكەننەن كەيىن عيماراتتىڭ استىنداعى حالىققا قولايلى كوكونىس دۇكەنىنە بارىپ جاڭا كوكونىستى تاڭداپ ساتىپ الۋعا بولادى... قاتىستى تاراۋلاردىڭ جەبەۋىندە كوپتەگەن قالا حالىققا قولايلى ءبىر ساعاتتىق تۇرمىس شەڭبەرىن جەدەل قۇرىپ، الەۋمەتتىك اۋماقتىڭ ساۋدا كولەمىن ۇزدىكسىز كەڭەيتتى، الەۋمەتتىك اۋماقتىڭ جالپىلىق قىزمەت وتەۋ قۇرىلعىلارى مەن الەۋمەتتىك اۋماقتىڭ ساۋدا توراپتارىنىڭ سايكەستى دامۋىن ءبىر تۇتاس جوسپارلاپ، بازاردىڭ ومىرشەڭدىك كۇشىن ۇزدىكسىز تاسقىنداتتى.
بازار ۇسىنىلىمىندا جاڭالىق جاراتىلىپ، تۇتىنۋ تالعامى اناعۇرلىم مولايدى.
”بۇل جەردە تۇنەگەندە قىزىل توبەل تىرنا سياقتى سيرەك كەزدەسەتىن باعالى قۇستاردى كەزىكتىرۋگە بولادى، ساياحاتىمىز وتە كوڭىلدى بولدى. ەسىك بەلەتىنىڭ باعاسى لايىقتى، مەرەكە - مەيرام، دەمالىس كۇندەرىندە بالامدى ەرتىپ ساياحاتتاۋىمىزعا وتە لايىقتى“. تاياۋدا شاندۇڭ ولكەسى لياۋچىڭ قالاسى ۋەيشان سازدىق باقشاسىنا كەلگەن جاڭ شيننىڭ ءۇي ىشىندەگىلەر كوڭىلدى تاماشالاپ قايتتى.
مادەنيەت تۇتىنۋى مەن ساياحات تۇتىنۋىنىڭ ورگانيكالى ۇشتاسۋى جەبەلىپ، مادەنيەت پەن ساياحاتتى توعىستىراتىن جاڭا كاسىپ كۇيى، جاڭا ۇلگى جەتىلدىرىلدى. جەر - جەر، تاراۋلار تيجارات تۇلعالارىنىڭ بەلسەندىلىگىن تولىق جۇمىلدىرىپ، ءتۇيىندى كاسىپ نىساندارىن دانەكەر ەتىپ، مادەنيەت، ساياحات كاسىبى بايلىق فاكتورىنىڭ اۋىل - قىستاقتىڭ ەكونوميكالىق، قوعامدىق دامۋىمەن توعىسۋىن ىلگەرىلەتىپ، اۋىل - قىستاق دامۋىنىڭ جاڭا قوزعاۋشى كۇشىن جەتىلدىردى.
تيجارات - ساۋدا ورتاسىن ساپالىلاندىرىپ، تيجارات تۇلعالارىنىڭ ومىرشەڭدىك كۇشىن تاسقىنداتتى
ونىمدىلىك جوعارىلاتىلىپ، تىزىمگە الدىرۋعا قولايلىلىق جاراتىلدى.
”اپتا سوڭىندا قاربالاستىققا تۇستىك، ءبىر كۇندە نەشە جۇزدەگەن ادامدى قابىلداپ وتىردىق“. بيىل شاڭحاي قالاسىنىڭ تۇرعىنى مىڭ جيڭجيە جيڭ - ان شينيەفاڭ مادەنيەت جاسامپازدىعى كاسىپ بازاسىنان ءبىر اسحانا اشتى، ءار جولى تاماق ۋاقىتى بولعاندا قوناقتاردىڭ اياعى ۇزىلمەيدى.
كاسىپورىن قۇرۋ ءتارتىبىن ساپالىلاندىرۋ ءۇشىن، شاڭحاي جيڭ - ان رايوندىق بازار باقىلاۋ - باسقارۋ مەكەمەسى تۇرعان جەرى بويىنشا ولشەمدەندىرىپ تىركەۋ ۇلگىسىن قالىپتاستىردى، بۇدان كەيىن قالىڭ ماتەريال قاجەت ەتىلمەيتىن بولدى، مىڭ جيڭجيە جەلىدە ەكى ولشەمدى ءنومىر مەن جالعا الۋ توقتامىن تاپسىرىپ، ەرتەسى - اق تيجارات كۋالىگىن الدى.
بيىل 1 - ايدا شاڭحاي قالاسى سەنىمدى نىعايتىپ، سۇرانىستى ارتتىرىپ، ارتۋدى ورنىقتىرىپ، دامۋدى جەبەۋ ارەكەت جوباسىن جاريالاپ، كاسىپورىنداردىڭ قيىنشىلىقتى جەڭۋىنە كومەكتەسۋ جانە كاسىپورىندارعا كومەكتەسىپ، جۇمىس ورنىن ورنىقتىرۋ، قىزمەت ورنىن كەڭەيتىپ، تۇتىنۋدى قالپىنا كەلتىرۋ جانە سەرپىلتۋ، حالىقارالىق ماڭداي الدى تيجارات - ساۋدا ورتاسىن قالىپتاستىرۋ سياقتى قيمىلداردى ورىستەتتى.
”مەنىڭ ەرتەرەك دالەل - سىپات الۋىما مۇمكىندىك جاساۋ ءۇشىن، بازار باقىلاۋ - باسقارۋ تاراۋلارىنداعى قىزمەتكەرلەر تاعى دا دۇكەنىمىزگە بارىپ بەلگىلەمەگە ساي اشەكەيلەۋگە جەتەكشىلىك ەتىپ، ءبىزدىڭ بۇراڭ جولدى از باسۋىمىزعا، وزىندىك قۇندى ۇنەمدەۋىمىزگە مۇمكىندىك جاسادى“دەدى مىڭ جيڭجيە.
”تيجارات - ساۋدا ورتاسىن ساپالىلاندىرۋ اكىمشىلىك ءىس ءبىتىرۋ ونىمدىلىگىن بارىنشا جوعارىلاتادى، ونان دا ماڭىزدىسى، كاسىپورىندارعا، تۇرعىندارعا سەنىم جانە قوزعاۋشى كۇش بەرەدى“. جۇڭگو حالىق داشۋەسى قولدانىلمالى ەكونوميكا شۋەيۋانى باستىعىنىڭ ورىنباسارى حۋاڭ جۇن بىلاي دەدى: ساۋدا ورتاسىن ۇزدىكسىز ساپالىلاندىرىپ، ىشكى سۇرانىمنىڭ ارتۋىنا تۇساۋ بولاتىن تۇزىلىستىك، مەحانيزمدىك كەدەرگىلەردى ۇزدىكسىز الاستاپ، بازار سەنىمىن سەرپىلتۋگە دەم بەرۋ كەرەك.
مەحانيزمدە جاڭالىق اشىلىپ، تيجارات تۇلعاسى تەبىندى بولدى.
بىلتىر 12 - ايدا بۇكىل ەل بويىنشا تۇڭعىش تيجارات - ساۋدا ورتاسى، قۇرىلىسى مەڭگەرمەسى − حاينان ولكەلىك تيجارات - ساۋدا ورتاسى، قۇرىلىسى مەڭگەرمەسى ماڭدايشالىق اسىپ قۇرىلىپ، تيجارات - ساۋدا ورتاسى، قۇرىلىسى ءتۇزىلىس، مەحانيزمىندە جاڭالىق اشۋ جونىندە تىڭ ىزدەنىس جاسادى. ۇكىمەت تاراۋلارى قىزمەت وتەۋ دەڭگەيىن بار كۇشپەن جوعارىلاتىپ، تيجارات تۇلعاسى مەن بۇقارانىڭ دۇكەندەرىنە باعىتتالعان قىزمەتتى ويداعىداي ىستەدى.
بيىل 1 - ايدا بەيجيڭ قالاسى تۇتىنۋ تيجارات - ساۋدا ورتاسىن ساپالىلاندىرۋدى اتقارۋ جوباسىن جاريالاپ، نازاردى تۇتىنۋ سالاسىنداعى كاسىپورىنداردىڭ جالپى بۋىنىنداعى توسىلۋ ءتۇيىنى ماسەلەسىنە شوعىرلاندىرىپ، تۇتىنۋدى كەڭەيتۋگە تۇساۋ بولاتىن تۇزىمدىك، مەحانيزمدىك كەدەرگىلەردى كۇش سالا الاستاپ، تيجارات تۇلعالارىنىڭ ومىرشەڭدىك كۇشى مەن جاڭالىق اشۋ قابىلەتىن جەتىلدىرىپ جانە تاسقىنداتىپ، تۇتىنۋدىڭ قالپىنا كەلۋىن جاپپاي جەبەپ، تۇتىنۋدىڭ ساپاسىن جوعارىلاتىپ، دارەجەسىن جوعارىلاتۋدى جەدەلدەتتى.
جۇڭگو (شىنجىن) جالپىلىق اشۋ زەرتتەۋ ورنى باستىعىنىڭ ۇنەمىلىك ىستەرگە جاۋاپتى ورىنباسارى گو ۋاندا بىلاي دەپ قارادى: تاماشا تيجارات - ساۋدا ورتاسى بازاردىڭ سەنىمىن سەرپىلتۋگە، تۇتىنۋ مەن ءوندىرىستى كەڭەيتۋگە ءتيىمدى، تيجارات تۇلعالارى جونىنەن العاندا، كوڭىلدى ورنىقتىرىپ، دامۋ قايراتىن ارتتىرادى.
تۇتىنۋشىلاردى ۋايىمنان ارىلتىپ، تۇتىنۋدىڭ كومەسكى كۇشىن ىسكە قوسۋ كەرەك
تۇتىنۋ ۇقىعىن قورعاۋ نەعۇرلىم ىركىلىسسىز بولعان سايىن، تۇتىنۋشىلاردىڭ ۋايىمى سولعۇرلىم ازايادى. تۇتىنۋ ورتاسىنىڭ اناعۇرلىم اقاۋسىز، ءتارتىپتى بولۋىنا بايلانىستى، ادامداردىڭ دەربەس تۇتىنۋ تانىمى مەن ماسەلەنى پارىقتاۋ قابىلەتى جوعارىلايدى. تۇتىنۋشىلاردىڭ ۇقىق - مۇددەسىن قورعاۋ ارناسىن ونان ارى ىركىلىسسىزدەندىرىپ، تۇتىنۋدىڭ كومەسكى كۇشىن ۇزدىكسىز ىسكە قوسىپ، تۇتىنۋدىڭ ۇزدىكسىز قالپىنا كەلۋىن جەبەۋ كەرەك.
توراپتا داۋ - شاردى شەشۋ مەحانيزمىن تەرەڭدەتىپ، ۇقىق قورعاۋ جونىنەن قىزمەت وتەۋدى كۇشەيتۋ كەرەك.
”مەن 12315 تۇعىرىندا شاعىم ايتقان كۇننىڭ ەرتەسىندە ۇستىنەن ارىز تۇسكەن توراپ دۇكەنى تۇرعان ەلەكتروندى ساۋدا تۇعىرى ماعان تەلەفون شالىپ، جاعدايدى انىقتاپ العاننان كەيىن دەرەۋ زاتتى قايتارۋعا قوسىلدى، توراپتا زات ساتىپ الۋدان الاڭدامايتىن بولدىم!“ دەدى بەيجيڭ حايديان رايونىنىڭ تۇرعىنى جاڭ جاۋران.
تاياۋ جىلداردان بەرى مەملەكەتتىك بازار باقىلاۋ - باسقارۋ باس مەكەمەسى ينتەرنەتتە داۋ - شاردى شەشۋ مەحانيزمى قۇرىلىسىن تەرەڭدەتىپ، 114 مىڭ قاتىستى كاسىپورىننىڭ مەملەكەتتىك 2315 تۇعىرىنا ىرگە تەبۋىن ىلگەرىلەتتى. ءداستۇرلى جاراستىرۋمەن سالىستىرعاندا، ءبىر جاقتى ەتۋ ۋاقىتى 14.2 كۇن قىسقارىپ، جاراسۋدىڭ ءساتتى بولۋ شاماسى 11.25 پايىز جوعارىلادى.
ساناققا قاراعاندا، وتكەن جىلدىڭ سوڭىنا دەيىن، مەملەكەتتىك 12315 تۇعىرى ارىز – شاعىم، اشكەرەلەۋ، اقىل – كەڭەس بەرۋ ىستەرىنەن 70 ميلليون 789 مىڭ 400 ىن قابىلداپ، تۇتىنۋشىلاردىڭ 12 ميلليارد 302 ميلليون يۋان ەكونوميكالىق زياندى قايتارىپ الۋىنا مۇمكىندىك جاراتقان.
ارىز - شاعىمدى سەلبەسىپ ءبىر جاقتى ەتۋ ەرەجەسىن كەمەلدەندىرىپ، ارىز - شاعىمدى شەشۋ شاماسى مەن رازىلىق دارەجەسىن جوعارىلاتۋ كەرەك.
”ارىز - شاعىم قىزمەتى مەحانيزمى قۇرىلىسىن ۇزدىكسىز كۇشەيتىپ، ارىز - شاعىمدى سايكەسىپ ءبىر جاقتى ەتۋ ەرەجەسىن كەمەلدەندىرىپ، تۇتىنۋ ارىز - شاعىمىن شەشۋ شاماسى مەن رازىلىق دارەجەسىن جوعارىلاتۋ كەرەك. حالىق بۇقاراسىنىڭ تۇتىنۋداعى تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم نىعايتۋ، اناعۇرلىم قامتاماسىز ەتۋ، اناعۇرلىم باياندى ەتۋ كەرەك“ دەدى جۇڭگو تۇتىنۋشىلار قوعامى باستىعىنىڭ ورىنباسارى، قوسىمشا باس حاتشىسى پىڭ شينمين.
تاماشا تۇتىنۋ ورتاسى − تۇتىنۋ سەنىمىن سەرپىلتىپ، قوعامدىق تۇتىنۋدى جەبەۋدىڭ ماڭىزدى بۋىنى. كوپ ءتۇرلى شارانى قاتار قولدانىپ، تۇتىنۋشىلاردىڭ زاڭدى ۇقىق - مۇددەسىن ويداعىداي قامتاماسىز ەتىپ، تۇتىنۋ ورتاسىن ۇزدىكسىز ساپالىلاندىرۋ تۇتىنۋدىڭ كومەسكى كۇشىن ۇزدىكسىز تاسقىنداتىپ، تۇتىنۋ بازارىنىڭ ۇزدىكسىز جاندانۋىن جەبەۋگە ءتيىمدى.
(«حالىق گازەتىنىڭ» تىلشىلەرى لين ليلي، چي جىميڭ، ۋاڭ حاۋنان، حۋاڭ شياۋحۇي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
