قىزمەتكە قابىلداعان كەزدە وقۋ تاۋىسۋ كۋالىگىنىڭ اسىلگى نۇسقاسىن تاپسىرۋدى تالاپ ەتسە زاڭعا قايشى كەلەدى
2023.07.24 15:58 كەلۋ قاينارى : حالىق تورابى
7 - اي وقۋ تاۋىساتىن ستۋدەنتتەر قىزمەتكە ەڭ كوپ قابىلداناتىن مەزگىل. جۋىردا، وقۋ تاۋىسقان ستۋدەنتتەر قىزمەتكە قابىلدانعان كەزدە ”كۋالىكتى ۇستاپ قالۋ“ قاتارلى ماسەلەلەرگە جولىققان، بۇل ماسەلە ينتەرنەتتە جاريالانعان سوڭ، جۇرت كەڭ كولەمدى نازار اۋدارعان. ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۋىردا بۇل ءىس جايلى جاۋاپ قايتاردى: ”كۋالىكتى ۇستاپ قالۋدىڭ“ قىزمەت ىزدەۋ بارىسىندا جولىعاتىن تيپتىك تۇزاق سانالادى، مۇنداي جاعدايعا جولىققاندا باتىل تويتارىس بەرۋ كەرەك.
قىزمەتكە قابىلداعان كەزدە وقۋ تاۋىسۋ كۋالىگىنىڭ اسىلگى نۇسقاسىن تاپسىرۋدى تالاپ ەتسە زاڭعا قايشى كەلەدى
جۋىردا گۋاڭدۇڭ ولكەسى شىنجىن قالاسىنداعى جاڭ بويجەتكەن ءبىر ەلەكتروندى ساۋدا سەرىكتەستىگىنىڭ بەتپە - بەت ەمتيحانىنا قاتىناسىپ، ەمتيحاننان ءساتتى وتەدى، قىزمەتكە قابىلداۋ رەسميەتىن ءبىتىرۋ تۋرالى ناقتى جاعدايلاردى سۇراعان كەزدە، سەرىكتەستىك وعان وقۋ تاۋىسۋ كۋالىگىنىڭ اسىلگى نۇسقاسىن تاپسىرۋ قاجەت ەكەنىن ايتادى. جاڭ بويجەتكەن كۋالىكتى تاپسىرعان سوڭ ناقتى قانداي ورىنعا پايدالاناتىنى جونىندە سۇراعاندا، سەرىكتەستىك قىزمەتكەرى كۋالىكتى ينفورماتسيالاردى تەكسەرۋگە پايدالاناتىنىن، ونىڭ ۇستىنە، وقۋ تاۋىسۋ كۋالىگىن سەرىكتەستىك قوجايىنى ساقتاپ قوياتىنىن، جاڭ بويجەتكەن قىزمەتتەن بوساعان كەزدە عانا قايتارىپ بەرەتىنىن ايتقان. وسىنداي تالاپتى ەستىگەن جاڭ بويجەتكەن كۇماندانىپ، بۇل سەرىكتەستىككە قىزمەتكە كىرۋدەن باس تارتقان.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى مىنانى ەسكەرتەدى: ءارقانداي ورىننىڭ نەمەسە جەكەنىڭ باسقالاردىڭ كۋالىگىنىڭ اسىلگى نۇسقاسىن ۇستاپ قالاتىن ۇقىعى جوق، قىزمەت ىزدەۋشىلەر كۋالىكتىڭ اسىلگى نۇسقاسىن، استە، باسقالارعا بەرمەۋى كەرەك. ەگەر قىزمەت ورنى وسىنداي تالاپ قويسا، ەڭبەك ىستەرىن باقىلاۋ تاراۋلارىنا اشكەرەلەۋگە بولادى.
”كۋالىكتى ۇستاپ قالۋ“ دەگەنىمىز ادام ىستەتۋشى ورىننىڭ نەمەسە دەلدالدىق قۇرىلىمنىڭ كۋالىكتى ساقتاپ قويۋ نەمەسە الەۋمەتتىك قامسىزداندىرۋ ىستەرىن ءبىتىرۋ، ەڭبەكاقى كارتۋچكاسىن بىتىرۋگە ءوتىنىش بەرۋ دەگەندەي قىزمەتكە قاتىستى جەلەۋلەردەن پايدالانىپ، قىزمەت ىزدەۋشىنىڭ ازاماتتىق كۋالىگى، وقۋ تاۋىسۋ كۋالىگى، عىلىمي اتاق كۋالىگى قاتارلى جەكەلىك كۋالىكتەرىنىڭ اسىلگى نۇسقاسىن ۇستاپ قالۋىن كورسەتەدى.
ەڭبەك توقتامىندا مىنالار ايقىن بەلگىلەنگەن: ادام ىستەتۋشى ورىن ەڭبەكشىنى جۇمىسقا قابىلداعاندا، ەڭبەكشىنىڭ ازاماتتىق كۋالىگى جانە باسقا دا كۋالىكتەرىن ۇستاپ قالۋىنا بولمايدى، ەڭبەكشىدەن كەپىلمەن قامداۋدى تالاپ ەتۋىنە نەمەسە باسقا دا جەلەۋمەن ەڭبەكشىدەن مال - مۇلىك الۋىنا بولمايدى.
قىزمەتكە قابىلدانعان كەزدە، ەگەر قاجەت بولىپ جاتسا، قىزمەت ىزدەۋشى تەك قاتىستى ادامدارعا كۋالىكتەرىن كورسەتسە بولعانى. ەگەر كۋالىكتىڭ كوپيالانعان نۇسقاسىن نەمەسە سۋرەتكە الىنعان نۇسقاسىن تاپسىرساڭىز، ءسوزسىز، ۇيلەسىمدى ورىنعا بۇل ماتەريالدى قانداي ماقساتتا پايدالانۋعا بولاتىنىن ەسكەرتىپ قويۋدى ۇمىتپاڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
