ەلىمىز جالپى 6 ميلليون 600 مىڭنان استام ءتۇرلى زاريادتاۋ باعاناسىن قۇردى (جاڭا ساندى مالىمەت، جاڭا ءتۇيىن)
2023.07.24 16:01 كەلۋ قاينارى : حالىق تورابى
«حالىق گازەتى»، 7 - ايدىڭ 23 - كۇنى، بەيجيڭ (ءتىلشى ۋاڭ جىڭ). ءتۇس الەتىندە يۇننان ولكەسىنىڭ دالي قالاسىنداعى ينتەرنەتتە ۋادەلەسۋ اۆتوموبيلىنىڭ جۇرگىزۋشىسى حى شوفەر جيانچۋان اۋدانىنىڭ شاشي قالاشىعىنداعى اۆتوموبيل توقتاتۋ الاڭىندا اۆتوموبيلگە توك تولتىرىپ جاتتى. ”تاڭەرتەڭ داليدان كەلدىم، مىنا جەردەن ءبىر ساعات توك تولىقتاپ، تۇستەن كەيىن قايتىپ كەتەمىن“. حى شوفەر بىلاي دەدى: گۋجىن قالاشىعىندا زاريادتاۋ باعاناسى بولعاننان بەرى ءار كۇنى دەرلىك وسى جەلىدە بارىپ - كەلىپ تۇرامىن. ”جاڭا ەنەرگيالى اۆتوكولىكپەن بارىپ - كەلۋدە 100 نەشە يۋان ۇنەمدەۋگە بولادى، ءبىر ايدا ءبىرتالاي اقشا ۇنەمەلەدى“.
”گۋجىن قالاشىعىندا قازىر 3 تۇراقتى جەدەل زاريادتاۋ تۇعىرى، ءبىر باياۋ زاريادتاۋ تۇعىرى بار، بيىل مەملەكەت مەرەكەسىنىڭ الدى - ارتىندا تاعى جاڭادان 80 كيلوۆاتتىق 6 تەز زاريادتاۋ تۇعىرى قوسىلادى“. وڭتۇستىك ەلەكتر تورابى يۇننان ولكەسى دالي ەلەكترمەن قامداۋ مەكەمەسى باس ديرەكتورىنىڭ ورىنباسارى تان ي بىلاي دەدى: قازىر دالي بايزۋ اۆتونوميالى وبلىسى زاريادتاۋ تۇعىرىن اۋىلعا جەتكىزۋدى، ءتۇيىندى ساياحات كورىنىس وڭىرلەرىن جاپپاي قامتۋدى جۇزەگە اسىردى.
اۋىل - قىستاق رايوندارىندا ەلەكتر زاريادتاۋ نەگىزدىك قۇرىلعىلارىن ۇيلەسىمدى تۇردە الدىن الا سالۋ ەلىمىزدىڭ ەلەكتر زاريادتاۋ باعاناسى قۇرىلىسىنىڭ ىقشام كورىنىسى عانا. قازىر ەلىمىز دۇنيە جۇزىندەگى سانى ەڭ كوپ، ىقپال كولەمى ەڭ ۇلكەن، قىزمەت وتەۋ اۆتوموبيلدەرى ەڭ كەمەلدى زاريادتاۋ نەگىزدىك قۇرىلعى جۇيەسىن قۇردى. جۇڭگو ەلەكترلى اۆتوموبيلدەردىڭ نەگىزدىك قۇرىلعىلارىن جەبەۋ وداعى جاريالاعان ەڭ جاڭا ساندى مالىمەتتە كورسەتىلۋىنشە، 6 - ايدىڭ سوڭىنا دەيىن بۇكىل ەل بويىنشا جالپى 6 ميلليون 600 مىڭنان استام تۇعىر ورناتىلىپ، سايكەس مەزگىلدەگىدەن %69.8 ارتقان.
زاريادتاۋ قىزمەت وتەۋ توراپتارى ۇزدىكسىز كەمەلدەندى. الدىڭعى جارتى جىلدا الەۋمەتتىك زاريادتاۋ باعاناسىنىڭ ارتۋ مولشەرى 351 مىڭعا جەتىپ، اۆتوموبيلمەن بىرگە جۇرەتىن جەكەلەردىڭ زاريادتاۋ باعاناسىنىڭ ارتۋ مولشەرى ءبىر ميلليون 91 مىڭعا جەتتى.
الدىڭعى جارتى جىلدا ەلەكتر زاريادتاۋ نەگىزدىك قۇرىلعىلارىنىڭ ارتۋ مولشەرى ءبىر ميلليون 442 مىڭ دانا، جاڭا ەنەرگيالى اۆتوكولىكتىڭ جالپى ساتىلۋ مولشەرى 3 ميلليون 747 مىڭ دانا، باعانالى اۆتوكولىكتىڭ ارتۋ سالىستىرماسى 1:2.6 بولىپ، ەلەكتر زاريادتاۋ نەگىزدىك قۇرىلعى قۇرىلىسى جاڭا ەنەرگيالى اۆتوكولىكتىڭ جەدەل دامۋ قاجەتىن نەگىزىنەن قاناعاتتاندىردى. بۇكىل ەلدەگى جوعارى قارقىندى تاس جولداردىڭ بويىندا زاريادتاۋ قىزمەت وتەۋ قۋاتى بار 5 مىڭ 931 قىزمەت وتەۋ اۋماعى، زاريادتاۋ اۆتوموبيلىن توقتاتاتىن 29 مىڭ 9 ورىن بار.
بىرنەشە كۇننىڭ الدىندا مەملەكەتتىك دامۋ جانە رەفورما كوميتەتى قاتىستى تاراۋلارمەن جانە ورىندارمەن بىرگە زەرتتەپ جاساعان «اۆتوموبيل تۇتىنۋدى جەبەۋ جونىندەگى ءبىرقانشا شارادا» مىنالار ورتاعا قويىلدى: اۋىل، اۋدان، جوعارى قارقىندى تاس جول جانە تۇرعىندار رايونى سياقتى جەرلەردە توك تولتىرۋ نەگىزدىك قۇرىلعى قۇرىلىسىن جەدەلدەتىپ، تۇتىنۋشىلاردى زەيىندىك، ءتارتىپتى توك تولتىرۋعا جانە اۆتوموبيل تورابىنىڭ ىقپالداستىعىنا كەڭ كولەمدە ات سالىسۋعا جەتەكتەپ، جاڭا ەنەرگيالى اۆتوموبيل مەن ەلەكتر تورابىنىڭ ىقپالداستىعىن تۇيىندە سىناق ەتۋدەن ۇلگى كورسەتۋ قىزمەتىن ورىستەتۋگە شابىتتاندىرۋ كەرەك. ەلەكتر اۋىستىرۋ نەگىزدىك قۇرىلعىلارىنا قاتىستى ولشەمدەردى بەلگىلەۋدى ۇزدىكسىز ىلگەرىلەتىپ، ەلەكتر اۋىستىرۋ ۇلگىسىن جالپىلاستىرۋدى، قولدانۋدى جەدەلدەتىپ، جاڭا ەنەرگيالى اۆتوكولىكتەردىڭ پايدالانىلۋ ورتاسىن ۇزدىكسىز ساپالىلاندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
