جازعى دەمالىستى ءماندى وتكىزۋىنە مۇمكىندىك جاراتايىق (بۇگىنگى ايتار ءسوز)
جوۋ شانشان
2023.07.24 16:02 كەلۋ قاينارى : حالىق تورابى
ءورت ءسوندىرۋ، ورتتەن ساقتانۋ حاۋىپسىزدىگىن سەزىنۋ قيمىلىنا قاتىناسىپ، ءورت ءسوندىرۋ، ورتتەن ساقتانۋ جابدىقتارىن تانىپ، حاۋىپسىزدىك بىلىمدەرىن ۇعىندى؛ بەيزاتتىق مادەنيەت مۇرالارى شەبەرحانالارىنا بارىپ، عاسىرلاردان بەرى جالعاسىپ كەلگەن شەبەرلىكتى سەزىنىپ، ۇشان - تەڭىز جۇڭحۋا مادەنيەتىن ۇعىندى؛ وركەنيەت امالياتى ەرىكتى قىزمەت وتەۋىن ورىستەتىپ، وركەنيەتتى جول - جوسىندى جەتىلدىرىپ، كورىكتى مەكەن قۇردى... شىجىعان جاز كۇندەرى بالالار باي مازمۇندى قيمىلدار بارىسىندا جازعى تۇرمىستان ءلاززاتتاندى.
جازعى دەمالىس كەزى − جاستار مەن ورەندەردىڭ بوي جازۋ، كوڭىل سەرگىتۋ ۋاقىتى ءارى تابىسقا جەتۋدىڭ ورايى. سىرتقا شىعىپ، قوعامعا قادام تاستاپ، دەنە شىنىقتىرۋ بارىسىندا دەنە قۋاتىن ارتتىرىپ، الىس ساپارعا شىعۋ بارىسىندا ءبىلىمىن ارتتىرىپ، ەرىكتى قىزمەت وتەۋ بارىسىندا مىنەز - قۇلىقتى شىڭداپ، جازعى تۇرمىستىڭ ءتىپتى دە ءماندى بولۋىنا مۇمكىندىك جاساپ، جاستار مەن ورەندەردىڭ ويلاۋ قابىلەتىن، امالياتتىق قابىلەتىن، جالپىلىق ساپاسىن جوعارىلاتىپ، جاستار مەن ورەندەردىڭ اقاۋسىز ەسەيىپ - ەرجەتۋىنە، جان - جاقتى دامۋىنا ءتيىمدى شارت - جاعداي جاراتۋ كەرەك. جازعى دەمالىس كەزىندەگى باي مازمۇندى امالياتتىق قيمىلدار دەنساۋلىق پەن حاۋىپسىزدىكتەن قول ۇزە المايدى. جازعى دەمالىس كەزىندەگى حاۋىپسىزدىك قىزمەتىن ناقتى، ەگجەي - تەگجەيلى يگەرىپ، بالالاردىڭ اقاۋسىز، حاۋىپسىز، كوڭىلدى ەسەيىپ - ەرجەتۋىنە مۇمكىندىك جاساۋ كەرەك.
باس شۋجي شي جينپيڭ بىلاي دەپ دارىپتەدى: ”بالالاردىڭ اناعۇرلىم جاقسى ەسەيىپ – ەرجەتۋى − ءبىزدىڭ ەڭ ۇلكەن تىلەگىمىز“. تۇرمىس دەگەنىمىز تاربيەلەۋ، قوعام دەگەنىمىز مەكتەپ. ءبىز مەكتەپتە ءبىلىم الۋدىڭ ”شاعىن ساباقحاناسىن“ قوعامدىق امالياتتىڭ ”ۇلكەن ساباقحاناسىمەن“ ۇشتاستىرىپ، بالالاردىڭ جازعى دەمالىستا كورگەن - بىلگەندەرىن مولايتىپ، قابىلەتىن ۇشتاپ، اقاۋسىز ەسەيىپ –ەرجەتۋىنە مۇمكىندىك جاساۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
