بيىل الدىڭعى جارتى جىلدا شىعىس وڭتۇستىك ازيا ەلدەرى وداعىنا باعىتتالعان يمپورت - ەكسپورت %90 تەن استى
گۋاڭشي جاڭا دامۋ جاعدايىنا بەلسەنە قىزمەت وتەدى جانە ونىمەن توعىستى
2023.07.24 16:03 كەلۋ قاينارى : حالىق تورابى
«حالىق گازەتى»، 7 - ايدىڭ 23 - كۇنى، ناننيڭ (تىلشىلەر دىڭ جيانشىڭ، جاڭ يۇنحى). 7 - ايدىڭ 8 – كۇنى برۋنەي مورا پورتىنان گۋاڭشي جۋاڭزۋ اۆتونوميالى رايونىنىڭ بەيبۋ شىعاناق پورتىنا دەيىنگى تيەۋىش قوراپ جەلىسىندە العاشقى كەمە قاتىنادى. ”بۇل ەلىمىزدىڭ باتىس بولىگىندەگى قۇرلىق، تەڭىز جاڭا ارناسى بويىنداعى وڭىرلەردىڭ شىعىس وڭتۇستىك ازيا ەلدەرى وداعىنىڭ شىعىس بولىگىنىڭ ارتۋ وڭىرىمەن جاڭا ساۋدا ارناسىنا يە بولعانىن كورسەتەدى“. گۋاڭشيدىڭ بەيبۋ شىعاناعى حالىقارالىق پورت ىستەرى توبى شەكتى سەرىكتەستىگىنىڭ باس جوراسى لي يانچياڭ تانىستىرىپ بىلاي دەدى: بۇل تەڭىز جولى اشىلۋدان بۇرىن ەلىمىزدىڭ باتىس بولەگىندەگى رايوندارداعى زاتتار باسقا پورتتار ارقىلى برۋنەيگە ءبىر اي شاماسىندا جەتكىزىلەتىن، قازىر بەيبۋ شىعاناق پورتىنان مورا پورتىنا نە ءبارى 6 كۇن ۋاقىت كەتەدى، جالپىلىق وزىندىك قۇن شامامەن %30 تومەندەيدى.
گۋاڭشي باتىس وڭتۇستىككە ارقا سۇيەپ، گۋاڭدۇڭمەن، شياڭگاڭمەن، اۋمىنمەن ىرگەلەس جاتادى، شىعىس وڭتۇستىك ازيامەن تۇسپا – تۇس كەلەدى. گۋاڭشيدىڭ وزگەشە وڭىرلىك ابزالدىعىن دامۋ ابزالدىعىنا اينالدىرۋ ءۇشىن، شي جينپيڭ جولداستى ۇيىتقى ەتكەن پارتيا ورتالىق كوميتەتى گۋاڭشيگە ”3 ۇلكەن ورىندى“ تۇراقتاندىرۋدىڭ جاڭا بورىشىن جۇكتەدى − شىعىس وڭتۇستىك ازيا ەلدەرى وداعىنا باعىتتالعان حالىقارالىق ۇلكەن ارنا قۇرۋ، باتىس وڭتۇستىك، ورتا وڭتۇستىك وڭىرلەرىنىڭ اشىق دامۋىنىڭ جاڭا ستراتەگيالىق تىرەگىن قالىپتاستىرۋ، ”ءبىر بەلدەۋ، ءبىر جولدى“ ورگانيكالى ۇشتاستىرۋدىڭ ماڭىزدى قاقپاسىن قالىپتاستىرۋ. 2017 - جىلى 4 - ايدا باس شۋجي شي جينپيڭ گۋاڭشيدە قىزمەت تەكسەرگەندە بىلاي دەپ اتاپ كورسەتتى: ”گۋاڭشيدىڭ دامۋ كومەسكى كۇشى ەسىك اشۋدا، تەبىنى دە ەسىك اشۋدا“. 2022 - جىلى 10 - ايدا باس شۋجي شي جينپيڭ پارتيانىڭ 20 - قۇرىلتايىندا گۋاڭشي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا گۋاڭشيدىڭ ”جاڭا دامۋ ارناسىنا قىزمەت وتەۋ جانە ونىمەن توعىسۋ جاعىندا اناعۇرلىم زور ناتيجەگە قول جەتكىزۋىن“ ءۇمىت ەتتى.
باتىس بولەكتىڭ قۇرلىق، تەڭىز جاڭا ارناسىنىڭ ماڭىزدى توعىسۋ تۇيىنىنە ورنالاسقان گۋاڭشي سوڭعى جىلداردان بەرى باتىس بولەكتىڭ قۇرلىق، تەڭىز جاڭا ارناسى قۇرىلىسىن جەدەلدەتۋدى ماڭىزدى تۇتقا ەتىپ، جاڭا دامۋ جاعدايىنا بەلسەنە قىزمەت وتەپ جانە ونىمەن توعىسىپ، جوعارى دەڭگەيدەگى سىرتقا ەسىك اشۋ ارقىلى ساپالى دامۋدى ىلگەرىلەتتى. قازىر باتىس بولەكتەگى قۇرلىق، تەڭىز جاڭا ارناسىنىڭ تىرەكتى ينجەنەرياسى پيڭلۋ كانالى قۇرىلىسى تۇتاس لەنيا بويىنشا باستالدى. كەمە قاتىناعاننان كەيىن پيڭلۋ كانالى گۋاڭشيدىڭ ىشكى قۇرلىعىنداعى جانە ەلىمىزدىڭ باتىس وڭتۇستىگىندەگى، باتىس سولتۇستىگىندەگى تاسىمال ارالىعى ەڭ قىسقا، ەڭ ۇنەمدى، ەڭ قولايلى تەڭىزگە شىعۋ جولىن اشادى؛ بەيبۋ شىعاناعى پورتى دامۋدى جەدەلدەتىپ، جىلدىق تيەۋىش قوراپ جونەلتۋ مولشەرى 7 ميللون ساندىق داۋىرىنە ءوتتى؛ باتىس بولىكتەگى قۇرلىق، تەڭىز جاڭا ارناسى تەمىر جول، تەڭىز بىرلەسكەن تاسىمال كەزەكشى پويەزىنىڭ زات تاسىمال ونىمدەرى 940 تۇردەن استى، بيىل الدىڭعى جارتى جىلدا جيىنى 424 مىڭ ولشەمدى جۇك ساندىعى تاسىمالدانىپ، سايكەس مەزگىلدەگىدەن %10.5 ارتتى؛ ناننيڭ باتىس بولىكتەگى قۇرلىق، تەڭىز جاڭا ارناسىنىڭ توراپتىق قالاسى رەتىندە، ”ناننيڭ ارناسىنىڭ“ ابزالدىعى جەدەل كورنەكتىلەندى، بىلتىر ناننيڭ ۋ - ۋۋەي حالىقارالىق اۋەجايىنىڭ حالىقارالىق زات جونەلتۋ مولشەرى 70 مىڭ توننادان اسىپ، سايكەس مەزگىلدەگىدەن زور مولشەردە ارتتى.
«وڭىرلىك جالپى بەتتىك ەكونوميكالىق ارىپتەستىك قاتىناس كەلىسىمى» (RCEP) 2022 – جىلى 1 – ايدا كۇشكە يە بولىپ اتقارىلعاننان كەيىن، گۋاڭشي ساپالى اتقارۋ RCEP ارەكەت جوباسىن شىعارىپ، RCEP قىزمەتىن ساپالى اتقارۋ ءتۇزىمىن ورناتتى؛ نازاردى باتىس بولىكتىڭ قۇرلىق، تەڭىز جاڭا ارناسى قۇرىلىسىنا شوعىرلاندىرىپ، ”تەڭىز، قۇرلىق، اۋە“ مۇشە ەلدەردىڭ شەكارا اتتاعان زات اينالىمى جۇيەسىمەن جان - جاقتى تۇتاسقان، ەۆروپا وداعى مەن شىعىس وڭتۇستىك ازيا ەلدەرى وداعىن تۇتاستىراتىن حالىقارالىق قۇرلىق، تەڭىز ساۋداسىنىڭ جاڭا ارناسىن قالىپتاستىردى؛ «گۋاڭشيدىڭ RCEP ەكسپورتى نولدىك كەدەن سالىعى ابزالدىعى بار تاۋارلار تىزىمدىگىن»، «گۋاڭشيدىڭ RCEP يمپورتى نولدىك كەدەن سالىعى ابزالدىعى بار تاۋارلار تىزىمدىگىن»، «گۋاڭشي زات ساۋداسىندا سالىقتى تومەندەتەتىن تاۋارلار تىزىمدىگىن» رەتتەپ باسىپ تاراتتى، ءتۇيىندى كاسىپتەر مەن كاسىپورىنداردىڭ ورايدى مىقتى يگەرۋىنە، ساۋدا تىزبەگىنىڭ ورنالاسۋىن اتقارۋىنا دالمە ـءدال جول كورسەتتى.
”گۋاڭشي شىعىس وڭتۇستىك ازيا وداعىنداعى ەلدەردىڭ ءوندىرىس قۋاتى، وزىندىك قۇن ابزالدىعى جانە ەل ىشىندەگى جاساۋ كاسىبىنىڭ كاسىپ تىزبەگى كەمەلدى ابزالدىعىنا سۇيەنىپ، شىعىس وڭتۇستىك ازيا وداعىنداعى ەلدەرمەن كاسىپ تىزبەگى، قامداۋ تىزبەگى جاعىندا ىشكەرىلەي توعىسىپ، شىعىس وڭتۇستىك ازيا ەلدەرى وداعىنا بەت العان وزىق جاساۋ كاسىبى بازاسى مەن اشىق سەلبەستىك بيىگىن جەدەل قالىپتاستىرۋدا“. گۋاڭشي جۋاڭزۋ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باس ينجەنەرى ما يشىڭ تانىستىرىپ بىلاي دەدى: بيىل جىل باسىنان بەرى گۋاڭشيدىڭ شاڭحاي اۆتوموبيل توبى جالپىلىق ۋليڭ، ليۋگۇڭ، يۇيچاي، شىڭلۇڭ مەتاللۋرگياسى سياقتى ءبىر توپ ءتۇيىندى كاسىپ سالاسىنداعى باستاماشى كاسىپورنى وڭىرلىك ءوندىرىس بازاسىن جانە شيكىزاتپەن قامداۋ بازاسىن قۇرۋدى جەدەلدەتۋدە.
جوعارى دەڭگەيدەگى سىرتقا ەسىك اشۋ بارىسىندا دامۋدىڭ تىڭ ءورىسىن اشتى. ناننيڭ كەدەنىنىڭ ساناق ساندى مالىمەتىندە كورسەتىلۋىنشە، بيىل الدىڭعى جارتى جىلدا شىعىس وڭتۇستىك ازيا ەلدەرى وداعى گۋاڭشيدىڭ ءبىرىنشى ۇلكەن ساۋدا سەرىگىنە اينالىپ، يمپورت - ەكسپورتى 161 ميلليارد 380 ميلليون يۋان بولىپ، سايكەس مەزگىلدەگىدەن %92.6 ارتقان. مۇنىڭ ىشىندە گۋاڭشي شىعىس وڭتۇستىك ازيا وداعىنا 8 مىڭ 454 ءمىنىس كولىگىن ەكسپورت ەتىپ، سايكەس مەزگىلدەگىدەن 18.4 ەسە ارتقان؛ 8 مىڭ 417 ادام الىپ جۇرەتىن اۆتوموبيل ەكسپورت ەتىلىپ، سايكەس مەزگىلدەگىدەن 21.5 ەسە ارتقان. ەكسپورت ەتىلەتىن وسى اۆتوموبيلدەر مەن ەلەكترلى ادام الىپ جۇرەتىن اۆتوموبيلدەردىڭ بارلىعى دەربەس وندىرىلگەن ايگىلى ماركالى اۆتوموبيلدەر بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
