جۇڭگو باسكەتبول بىرلەستىگى لي كاي - ىردىڭ جۇڭگو ازاماتتىعىنا يە بولعانىن جاريالادى
2023.07.25 15:46 كەلۋ قاينارى : حالىق تورابى
سۋرەتتىڭ كەلۋ قاينارى: جۇڭگو باسكەتبول بىرلەستىگىنىڭ رەسمي اقپارات تىركەلگىسى
جۇڭگو باسكەتبول بىرلەستىگىنىڭ 7 - ايدىڭ 24 - كۇنى جاريالاۋىنشا، ا ق ش كاسىپتىك باسكەتبول بىرلەسپە جارىسى ميننەسوتا ورمان ءبورىسى كومانداسىنىڭ مۇشەسى لي كاي - ىر 7 - ايدىڭ 24 - كۇنى تۇستەن بۇرىن جۇڭگونىڭ ازاماتتىعىنا يە بولعان ءارى جۇڭگو باسكەتبول بىرلەستىگىنىڭ ءتوراعاسى ياۋ ميڭمەن كەزدەسكەن.
جۇڭگو باسكەتبول بىرلەستىگى الەۋمەتتىك جەلىدەگى اقپارات تەكشەسى ارقىلى: ”لي كاي - ىردى قارسى الامىز! ءارقايسى جاقتاردىڭ قولداعانىنا ءارى كومەكتەسكەنىنە راقىمەت، لي كاي - ىردىڭ وتباسىنداعىلاردىڭ قولداعانىنا راقىمەت، جانكۇيەرلەر مەن اقپارات قۇرالدارىنىڭ ۇزاق ۋاقىتتان بەرى جۇڭگونىڭ ەرلەر باسكەتبولىنا نازار اۋدارىپ كەلگەنىنە راقىمەت“، — دەپ جازعان.
لي كاي - ىر (كايل اندەرسون) 1993 - جىلى ا ق ش - نىڭ نيۋ - يورك قالاسىندا تۋعان. ول 2014 - جىلى ا ق ش كاسىپتىك باسكەتبول بىرلەسپە جارىسىنداعى ونەر كورسەتۋ اينالىمىندا 30 - ورىندا سان - انتونيو ىشپور كومانداسىنا تاڭدالعان، ىلگەرىندى - كەيىندى ىشپور، سۇرى ايۋ جانە ورمان ءبورىسى كوماندالارىنا ونەر كورسەتكەن. 2022 - جىلدان 2023 - جىلعا دەيىنگى جارىس ماۋسىمىندا ول ورمان ءبورىسى كومانداسى ءۇشىن جارىس سايىن ورتا ەسەپپەن 9.4 ۇپاي الىپ بەرىپ، قايتپا دوپقا يە بولۋ سانى 5.3 رەت بولىپ، 4.9 رەت ۇپايلى پاس بەرىپ، 1.1 رەت شابۋىلدى بوگەگەن جانە 0.9 رەت قارسىلاسىنىڭ شارباققا تاستاعان دوبىن قاعىپ شىعارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
