ەلىمىزدىڭ نەگىزدىك وقۋ - اعارتۋ قاراجاتى قوسىلىمى 3 تريلليون 200 ميلليارد يۋانعا جەتتى
2023.11.03 16:40 كەلۋ قاينارى : حالىق تورابى
«حالىق گازەتى»، 11 - ايدىڭ 2 - كۇنى، بەيجيڭ (تىلشىلەر جاۋ ىنا، ديڭ ياسۇڭ). ءتىلشىنىڭ وقۋ - اعارتۋ مينيسترلىگىنەن ۇعىسۋىنشا، 2022 - جىلى ەلىمىزدىڭ نەگىزدىك وقۋ - اعارتۋىنىڭ قازىنالىق وقۋ - اعارتۋ قاراجاتى 3 تريلليون 200 ميلليارد يۋانعا جەتىپ، 2015 - جىلداعىدان ءبىر تريلليون 300 ميلليارد يۋان كوبەيىپ، جىلىنا ورتا ەسەپپەن %7.7 ارتقان. ”13 - بەسجىلدىقتان“ بەرى نەگىزدىك وقۋ - اعارتۋدىڭ ءارقايسى وقۋ كەزەڭىندەگى قازىنالىق جالپى ۇسىنىلىمى مەن وقۋشىلاردىڭ ورتاشا شىعىسى ازايماي، جىل سايىن ارتىپ، نەگىزدىك وقۋ - اعارتۋدىڭ ساپالى، بىركەلكى دامۋىن ىلگەرىلەتۋگە پارمەندى تىرەك ازىرلەگەن.
قوسىلىم كەڭەيتىلىپ، قاراجات كولەمى ورنىقتى ارتتى. مەكتەپكە دەيىنگى تاربيە، مىندەتتى وقۋ - اعارتۋ، ادەتتەگى ورتا مەكتەپ وقۋشىلارىنىڭ ورتاشا ادەتتەگى الەۋمەتتىك مەجە ەسەپ وقۋ - اعارتۋ قاراجاتى 2015 - جىلداعىدان جەكە - جەكە %91، %33، %53 ارتىپ، وقۋشىلارعا تۋرا كەلەتىن ورتاشا قوسىلىم ورەسى بارىنشا جوعارىلادى.
ادىلدىكتى جەبەپ، وقۋ - اعارتۋ پارقىن ۇزدىكسىز ازايتتى. وڭىرلەردىڭ سايكەستى دامۋىن ىلگەرىلەتۋ جاعىندا، ورتالىق قازىنادان وقۋ - اعارتۋعا اۋدارىپ تولەنەتىن قارجىنىڭ %80 تەن استامى ورتا، باتىس بولەكتەگى ولكە، اۆتونوميالى رايون، توتە قاراستى قالالارعا جۇمسالدى؛ قالا مەن اۋىلدىڭ ءبىر تۇلعالانىپ دامۋىن جەبەۋ جاعىندا، قالا مەن اۋىلدىڭ مىندەتتى وقۋ - اعارتۋ الەۋمەتتىك قاراجاتىنىڭ نەگىزدىك ولشەمى بىرلىككە كەلتىرىلدى؛ قيىنشىلىعى بار قاۋىمنىڭ بىرگە دامۋىن قامتاماسىزداندىرۋ جاعىندا، ءار دارەجەلى، ءار ءتۇرلى وقۋ - اعارتۋدى قامتىعان وقۋشىلارعا قارجىلاي كومەك بەرۋ ساياسات جۇيەسى ورناتىلىپ جانە كەمەلدەندىرىلىپ، اۋىل - قىستاق مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارى ويداعىداي اتقارىلدى.
قۇرىلىم رەتتەلىپ، قاراجات قۇرىلىمى اناعۇرلىم ساپالىلاندى. ءتىپتى دە كوپ قارجى وقىتۋشىلار قوسىنى مەن مەكتەپتىڭ ىشكى قۇرىلىسىنا جۇمسالىپ، وقۋ - اعارتۋ قوسىلىمىنىڭ ءتۇيىنى ”زاتتان“ ”ادامعا“ قاراي بىرتىندەپ وزگەرتىلدى. ورتالىق قازىنا ەرەكشە قىزمەت ورنى جوسپارىن اتقارۋدى قولداپ، ءار جىلى ورتا، باتىس بولەكتەگى اۋىل - قىستاق رايوندارىنا 50 مىڭنان استام وقىتۋشى تولىقتاپ وتىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
