تەكسەرۋگە قاراعاندا تۇزدى از تۇتىنۋ قانتتى نەسەپ اۋرۋىنان ساقتانۋعا پايدالى بولۋى مۇمكىن ەكەنى بايقالدى
2023.11.06 16:38 كەلۋ قاينارى : حالىق تورابى
شينحۋا اگەنتتىگىنىڭ 11 - ايدىڭ 5 - كۇنى بەيجيڭنەن بەرگەن حابارى. قانتتى نەسەپ اۋرۋىنا شالدىعۋ حاۋپى ءبىرشاما جوعارى ادامدار ادەتتە ءتاتتى جەۋدەن ساقتانادى، جاڭا زەرتتەۋ ناتيجەسىنە قاراعاندا، تۇزدى از تۇتىنۋ دا 2 - تيپتى قانتتى نەسەپ اۋرۋىنان ساقتانۋعا پايدالى بولۋى مۇمكىن.
ا ق ش تۇلان داشۋەسى قاتارلى قۇرىلىمداردىڭ زەرتتەرمەندەرى جۋىردا ا ق ش - نىڭ «مايو ەمحاناسى عىلىمي جۋرنالىندا» عىلىمي ماقالا جاريالاعان، ولار انگليا بيومەديتسينا ساندى مالىمەتتەر قويماسىنا تىزىمدەلگەن 400 مىڭنان استام ەرەسەك ادامنىڭ تۇزدى تۇتىنۋ مولشەرىنە تەكسەرۋ جۇرگىزگەن، تەكسەرۋدى قابىلداعانداردىڭ اراسىندا تۇزدى تۇتىنۋ ۋاقىتى ورتا ەسەپپەن 12 جىلعا جۋىقتاعانداردان 13 مىڭنان استام ادام 2 - تيپتى قانتتى نەسەپ اۋرۋىنا شالدىققان.
تەكسەرۋگە قاراعاندا، ازىقتىققا تۇزدى ”ەشقاشان“ قوسپايتىندارمەن نەمەسە ”وتە از“ قوساتىندارمەن سالىستىرعاندا، ازىقتىققا ”كەيدە“، ”ۇنەمى“ نەمەسە ”قاي - قاشان دا“ تۇز قوساتىنداردىڭ 2 - تيپتى قانتتى نەسەپ اۋرۋىنا شالدىعۋ حاۋپى جەكە - جەكە %13، %20 جانە %39 جوعارى بولعان.
زەرتتەرمەندەردىڭ ايتۋىنشا، بۇل تۇزدى كوپ تۇتىنۋدىڭ 2 - تيپتى قانتتى نەسەپ اۋرۋىنا شالدىعۋ حاۋپىنىڭ ارتۋىمەن قاتىستى ەكەنىن ايگىلەيدى. وسىدان بۇرىنعى زەرتتەۋ ناتيجەسىنە قاراعاندا، تۇزدان پايدالانۋ مولشەرىن شەكتەۋ جۇرەك - قان تامىر اۋرۋلارى مەن جوعارى قان قىسىمى اۋرۋىنا شالدىعۋ حاۋپىن تومەندەتۋگە پايدالى ەكەنى بايقالعان، ال وسى جولعى زەرتتەۋ ناتيجەسىنە قاراعاندا، تۇزدى از تۇتىنۋ 2 - تيپتى قانتتى نەسەپ اۋرۋىنان ساقتانۋعا دا پايدالى بولۋى مۇمكىن.
زەرتتەرمەندەردىڭ ايتۋىنشا، تۇزدى كوپ تۇتىنۋدىڭ 2 - تيپتى قانتتى نەسەپ اۋرۋىنا شالدىعۋ حاۋپىمەن قالايشا قاتىستى بولاتىنى ءالى انىق ەمەس، تۇز ادامنىڭ اسقا بولعان تابەتىن ارتتىرىپ، وسىدان سەمىرۋ، قابىنۋ حاۋپى ارتىپ، ەڭ سوڭىندا قانتتى نەسەپ اۋرۋىنا شالدىقتىرۋى ىقتيمال. كەلەسى قادامدا، ولار كلينيكالىق سىناق جۇرگىزىپ، قاتىناسۋشىلاردىڭ تۇزدى تۇتىنۋ مولشەرىن تەجەپ، ناتيجەسىن باقىلاپ كورمەكشى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
