شي جينپيڭ 6 - كەزەكتى جۇڭگو حالىقارالىق يمپورت كورمەسىنە حات جولدادى
2023.11.06 16:45 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 5 - كۇنى بەيجيڭنەن بەرگەن حابارى، 11 - ايدىڭ 5 - كۇنى مەملەكەت ءتوراعاسى شي جينپيڭ 6 - كەزەكتى جۇڭگو حالىقارالىق يمپورت كورمەسىنە حات جولدادى.
شي جينپيڭ بىلاي دەپ اتاپ كورسەتتى: 2018 - جىلدان بەرى يمپورت كورمەسى 5 كەزەك ءساتتى وتكىزىلىپ، جۇڭگونىڭ ءىرى بازار ابزالدىعىنا سۇيەنىپ، حالىقارالىق ساتىپ الۋ، قارجى قوسۋدى جەبەۋ، گۋمانيتارلىق اۋىس - كۇيىس، اشىق سەلبەستىك تۇعىرى فۋنكتسياسىن ساۋلەلەندىرىپ، جاڭا دامۋ جاعدايىن جەدەل ورناتۋعا جانە دۇنيە ءجۇزى ەكونوميكاسىنىڭ دامۋىن ىلگەرىلەتۋگە بەلسەندى ۇلەس قوستى.
شي جينپيڭ مىنالاردى دارىپتەدى: قازىر دۇنيە ءجۇزى ەكونوميكاسىنىڭ قالپىنا كەلۋ قوزعاۋشى كۇشى جەتكىلىكسىز، ءار ەلدىڭ تار جول، تايعاق كەشۋلەردەن بىرگە ءوتىپ، دامۋدى بىرگە جوسپارلاۋىن قاجەت ەتەدى. جۇڭگو باستان - اياق دۇنيە ءجۇزى دامۋىنىڭ ماڭىزدى ورايى بولىپ، جوعارى دەڭگەيدەگى ەسىك اشۋدى تاباندىلىقپەن ىلگەرىلەتىپ، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا ءتيىمدى، تەپە - تەڭ، تەڭ يگىلىككە كەنەلۋ بەتالىسىنا قاراي دامۋىن ۇزدىكسىز ىلگەرىلەتەدى. يمپورت كورمەسىنىڭ جاڭا دامۋ جاعدايىن ورناتۋداعى تەرەزەلىك فۋنكتسياسىن جەدەل جوعارىلاتىپ، جۇڭگونىڭ جاڭا دامۋى ارقىلى دۇنيە جۇزىنە جاڭا وراي جاراتۋىن؛ جوعارى دەڭگەيدەگى ەسىك اشۋدى ىلگەرىلەتۋدىڭ تۇعىرلىق رولىن تولىق ساۋلەلەندىرىپ، جۇڭگونىڭ ءىرى بازارىن دۇنيە ءجۇزى ورتاق يگىلىكتەنەتىن ءىرى بازارعا اينالدىرۋىن؛ دۇنيە ءجۇزى ورتاق يگىلىكتەنەتىن حالىقارالىق الەۋمەتتىك ونىمدەرمەن اناعۇرلىم ويداعىداي قىزمەت وتەپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋگە دەم بەرىپ، سەلبەسىپ تەڭ يگىلىككە كەنەلۋ ارقىلى دۇنيە جۇزىنە تيىمدىلىك جاساۋعا مۇمكىندىك تۋدىرۋىن ءۇمىت ەتەمىن.
6 - كەزەكتى جۇڭگو حالىقارالىق يمپورت كورمەسى سول كۇنى شاڭحاي قالاسىندا اشىلدى، نەگىزگى تاقىرىبى ”جاڭا ءداۋىر، بىرگە يگىلىككە كەنەلەتىن بولاشاق“ بولدى، ساۋدا مينيسترلىگى مەن شاڭحاي قالالىق حالىق ۇكىمەتى جاۋاپتى بولىپ وتكىزدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
