«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2023.11.06 16:46 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 5 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى پايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.
وسىزامانداندىرۋدى جۇزەگە اسىرۋ − تاياۋ زاماننان بەرگى جۇڭگو حالقىنىڭ كۇرەس جاساۋعا بەل بايلاعان ارمانى. جۇڭگو كوممۋنيستىك پارتياسىنىڭ 100 جىلدان استام ۋاقىتتان بەرى جۇڭگو حالقىن ىنتىماقتاستىرىپ جانە باستاپ، ۇلتتىڭ گۇلدەنۋىنە تالپىنۋ تاريحى دا − وسىزامانداندىرۋ جولىن ۇزدىكسىز قاراستىرۋ تاريحى. جاڭا جۇڭگو قۇرىلعاننان، اسىرەسە، رەفورما جاساپ، ەسىك اشقاننان بەرگى ۇزاق ۋاقىتتىق ىزدەنىس پەن اماليات نەگىزىندە، پارتيا 18 - قۇرىلتايىنان بەرگى نازاريا مەن اماليات جاعىندا جاڭالىق جاراتۋ ارقىلى پارتيامىز جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسىن جاراتىپ، وسىزاماندانۋدىڭ جاڭا كارتيناسىن ايگىلەدى. اماليات جۇڭگو ۇلگىسىندەگى وسىزامانداندىرۋدىڭ جۇزەگە اسۋى، ورنىقتى ءجۇرۋى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ بىردەن - ءبىر دۇرىس جولى ەكەنىن دالەلدەدى. قازىردەن باستاپ جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ. شي جينپيڭ جولداس جۇڭگو ۇلگىسىندەگى وسىزامانداندىرۋ توڭىرەگىندە جاريالاعان ءبىرقىدىرۋ ماڭىزدى پايىمداۋلاردىڭ ماقساتى اسقاق، مازمۇنى باي، يدەياسى تەرەڭ، جۇڭگو ۇلگىسىندەگى وسىزامانداندىرۋدىڭ مازمۇنى مەن ءمانى جونىندەگى تانىمدى ونان ارى تەرەڭدەتىپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە كەلەلى پرينسيپتەرىن جيناقتاپ قالىپتاستىرىپ، جۇڭگو ۇلگىسىندەگى وسىزامانداندىرۋدىڭ نازاريالىق جۇيەسىن العاشقى ادىمدا ورناتىپ، جۇڭگو ۇلگىسىندەگى وسىزامانداندىرۋدىڭ اناعۇرلىم ايقىن، اناعۇرلىم عىلمي، اناعۇرلىم جارامدى بولۋىنا مۇمكىندىك جاسادى، بۇل جاڭا ءداۋىردىڭ جاڭا جورىعىندا جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە توتەنشە ماڭىزدى مانگە يە.
«پايىمداۋلاردان ۇزىندىلەر» 7 ارناۋلى تاقىرىپقا بولىنگەن، جالپى 522 پايىمداۋ شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2023 - جىلى 10 - ايدىڭ 18 - كۇنىنە دەيىنگى مەزگىلدەگى بايانداماسى، ءسوزى، تۇسىندىرمەسى، لەكسياسى، اڭگىمەسى، قۇتتىقتاۋ حاتى، جاۋاپ حاتى، نۇسقاۋى سياقتى 220 نەشە ماڭىزدى قۇجاتتان الىنعان.
مۇنىڭ ىشىندە ءبىر ءبولىم پايىمداۋلار تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
