ورتالىق شتات كەڭسەسى قاتارلى 5 تاراۋ بىرلەسىپ «ستۋدەنت اۋىل - قىستاق شيپاگەرلەرىنىڭ ارناۋلى جوسپارىن جاساۋدى قامتاماسىزداندىرۋ قىزمەتىن ويداعىداي ىستەۋ جونىندەگى ۇقتىرۋدى» باسىپ تاراتتى
2023.12.06 16:03 كەلۋ قاينارى : حالىق تورابى
«حالىق گازەتى»، 12 - ايدىڭ 5 - كۇنى، بەيجيڭ (ءتىلشى جاۋ چىڭ). اۋىل - قىستاق شيپاگەرلەرى − ەلىمىزدىڭ اۋىل - قىستاق ەمدەۋ - دەنساۋلىق ساقتاۋ قىزمەت وتەۋ تورابىنىڭ نەگىزى، پارتيا ورتالىق كوميتەتى اۋىل - قىستاق شيپاگەرلەر قوسىنى قۇرىلىسىنا ايرىقشا ءمان بەرۋدە. مەديتسينا ماماندىعى بويىنشا جوعارى مەكتەپ بىتىرگەن وقۋشىلاردى اۋىل ـ قىستاق شيپاگەرلەرى قوسىنىن تولىقتاۋعا، ساپالىلاندىرۋعا جەتەكتەپ جانە شابىتتاندىرىپ، جوعارى مەكتەپ بىتىرگەن وقۋشىلاردىڭ جۇمىستانۋىن جەبەۋ ءۇشىن، ورتالىق شتات كەڭسەسى، مەملەكەتتىك دەنساۋلىق ساقتاۋ، سالاماتتىق كوميتەتى، وقۋ ـ اعارتۋ مينيسترلىگى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى تاياۋدا «ستۋدەنت اۋىل - قىستاق شيپاگەرلەرىنىڭ ارناۋلى جوسپارىن جاساۋدى قامتاماسىزداندىرۋ قىزمەتىن ويداعىداي ىستەۋ جونىندەگى ۇقتىرۋدى» بىرلەسىپ باسىپ تاراتتى.
ۇقتىرۋدا مىنالار ايقىن بەلگىلەندى: جەر – جەر ستۋدەنت اۋىل – قىستاق شيپاگەرلەرىنىڭ ارناۋلى جوسپارى بويىنشا قابىلدانعان 2023 – جىلعى جوعارى مەكتەپ بىتىرگەن وقۋشىلار، سونداي – اق 2020 – جىلعى جاڭا تيپتى ايدارشا ۆيرۋس ىندەتىنەن بەرى ”مەديتسينا ماماندىعى بويىنشا جوعارى مەكتەپ بىتىرگەن وقۋشىلار اۋىل – قىستاق شيپاگەرلەرىنىڭ كاسىپپەن شۇعىلدانۋىن تىزىمگە الدىرۋ ساياساتىنا سىناق رەتىندە ءوتىنىش بەرۋ“ ارقىلى قىستاق ەمحاناسىنا بارىپ قىزمەت ىستەگەن ستۋدەنتتەردى ءىسورىندار ارقىلى اشىق قابىلداپ، اۋىل - قالاشىق شيپاحانالارىنىڭ قىزمەتكەرلەرىن تاڭداپ ۇسىنىس ەتىپ، قىستاق ەمحانالارىندا قىزمەتكە قويىپ، ءتارتىپ بويىنشا ءىسورىن شتاتىن قامتاماسىزداندىرۋ كەرەك.
شتات ارقىلى جەتەكشىلىك ەتۋ جانە قامتاماسىزداندىرۋ رولىن كۇشەيتۋ ءۇشىن، ۇقتىرۋدا مىنالار تالاپ ەتىلدى: اۋدان دارەجەلى دەنساۋلىق ساقتاۋ، سالاماتتىق تاراۋلارى اۋدان كولەمىندە ۇسىنىس ەتىلگەن ستۋدەنت اۋىل - قىستاق شيپاگەرلەرىن ءبىر تۇتاس جوسپارلاۋعا جاۋاپتى بولىپ، شالعاي اۋىل - قالاشىق، قىستاق ەمحانالارىن الدىمەن قامتاماسىز ەتۋى كەرەك. ولكە دارەجەلى قۇرىلىم شتاتى تاراۋلارى دەنساۋلىق ساقتاۋ، سالاماتتىق، قازىنا، ادام كۇشى بايلىعى جانە قوعامدىق قامتاماسىزداندىرۋ سياقتى تاراۋلارمەن بىرگە اۋدان ءوڭىرى اراسىنداعى ءبىر تۇتاس جوسپارلاۋدى ويداعىداي ىستەپ، شالعاي جانە ەكونوميكاسى دامىماعان قالا، اۋدانداردى الدىمەن قامتاماسىز ەتۋى كەرەك. ارناۋلى جوسپار بويىنشا قابىلدانعان ءارى ءىس جۇزىندە قىزمەت ورنىنا كەلگەن ستۋدەنت اۋىل - قىستاق شيپاگەرلەرىنە قاجەتتى شتات الدىمەن اۋىل - قالاشىق شيپاحانالارىنىڭ قازىرگى كاسىپتىك شتاتى ىشىندە رەتتەپ شەشىلەدى، شىنىندا قيىنشىلىق بولسا، اۋىل - قالاشىق شيپاحانالارىنىڭ ارناۋلى كاسىپتىك شتاتى ارتتىرىلادى. ستۋدەنت قىستاق شيپاگەرلەرىنىڭ ارناۋلى جوسپارىن جاساۋدا ارناۋلى شتاتتى ارناۋلى ىستەتۋ، ارناۋلى باسقارۋ جولعا قويىلادى. ۇسىنىس ەتىلگەن ستۋدەنت اۋىل - قىستاق شيپاگەرلەرىنىڭ شتاتى مەن كادرلار قاتىناسى اۋىل - قالاشىق شيپاحانالارىندا بولادى، قىزمەت ورنى قىستاق ەمحانالارىندا بولسا، قىستاق ەمحانالارىندا قىزمەت ىستەۋدىڭ ەڭ تومەنگى جىل شەگى ايقىندالادى. ۇسىنىس ەتىلگەن ستۋدەنت اۋىل - قىستاق شيپاگەرلەرىنىڭ اۋىس - كۇيىسى، ۇسىنىسپەن ىستەتۋ توقتامىن كۇشىنەن قالدىرۋ سياقتى سەبەپتەردەن قالىپتاسقان بوس شتات كەيىنگى جىلدىق ستۋدەنت اۋىل - قىستاق شيپاگەرلەرىن قابىلداۋ قىزمەتىنە باعىتتامالى پايدالانىلادى. اۋىل - قالاشىق شيپاحانالارى ۇسىنىس ەتىلگەن ستۋدەنت اۋىل - قىستاق شيپاگەرلەرىنىڭ كۇندەلىكتى باسقارۋداعى تۇلعالىق جاۋاپكەرلىگىن ۇستىنە الادى.
ۇقتىرۋدا مىنالار دارىپتەلدى: جەر – جەردىڭ قۇرىلىم شتاتى تاراۋلارى ستۋدەنت اۋىل – قىستاق شيپاگەرلەرىنىڭ ارناۋلى جوسپارىن جاساۋ ەسەپ داپتەرىن ورناتىپ، شىن اتى – جونىمەن باسقارۋدى جولعا قويۋى كەرەك. ءارقانداي ورىننىڭ، ءارقانداي جەكەنىڭ ءارقانداي سەبەپپەن، ءارقانداي فورمامەن ستۋدەنت اۋىل - قىستاق شيپاگەرلەرىنىڭ ارناۋلى جوسپارىن باسقاعا جۇمساۋىنا، يەمدەنىپ الۋىنا نەمەسە ءتۇسىن وزگەرتىپ پايدالانۋىنا بولمايدى. ارناۋلى تەكسەرىپ شتاتتى كوبەيتۋ ورايىنان پايدالانىپ قارماپ قالۋعا، شتاتتى الداپ الۋعا قاتاڭ تيىم سالىنادى، ءتۇرلى اتپەن قىستاق ەمحاناسىن كوبەيتۋگە، اۋىل - قىستاق شيپاگەرلەرىنىڭ قىزمەت ورنىن كوبەيتۋگە، قازىرگى تولىمدى اۋىل - قىستاق شيپاگەرلەرىن جۇمىستان بوساتۋعا قاتاڭ تيىم سالىنادى. بەلگىلەمەگە، تارتىپكە قايشىلىق جاساۋ جاعدايى بايقالسا، ادام ىستەتەتىن ورىنداردىڭ، باسقارۋ تاراۋلارىنىڭ جانە قاتىستى جاۋاپتىلاردىڭ جاۋاپكەرلىگى ەرەجە، ءتارتىپ بويىنشا قۋزالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
