جۇڭگو وقۋ – اعارتۋ مينيسترلىگى مىناداي ۇقتىرۋ باسىپ تاراتتى: وقىتۋشى – وقۋشىلار اۋىرىپ ءجۇرىپ ساباققا كەلمەۋى كەرەك
2023.12.06 16:12 كەلۋ قاينارى : حالىق تورابى
جۇڭگو اقپارات اگەنتتىگىنىڭ 12 – ايدىڭ 5 – كۇنى بەيجيڭنەن بەرگەن حابارى. جۇڭگو وقۋ – اعارتۋ مينيسترلىگى تاياۋدا «قىس ماۋسىمىنداعى مەكتەپتەردىڭ جۇقپالى اۋرۋدان ساقتانۋ جانە ونى تىزگىندەۋ قىزمەتىن ويداعىداي ىستەۋ جونىندەگى ۇقتىرۋىن» باسىپ تاراتىپ، جەر – جەردەگى وقۋ – اعارتۋ اكىمشىلىك تاراۋلارى مەن مەكتەپتەردىڭ قىس ماۋسىمىنداعى جۇقپالى اۋرۋلاردان ساقتانۋ جانە ونى تىزگىندەۋ قىزمەتىن شىنايى جاقسى ىستەۋىن ورنالاستىردى. حابارلاندىرۋدا مىنالار تالاپ ەتىلدى: قىزۋ، جوتەلۋ سياقتى اۋرۋ بەلگىلەرى بار وقىتۋشى ـ وقۋشىلاردىڭ قورعانۋدى ويداعىداي ىستەۋىنە، دەر كەزىندە ەمدەلۋىنە جەتەكشىلىك ەتىپ، ەمدەۋدى ارناعا ءتۇسىرىپ، ءدارى – دارمەكتى عىلىمي پايدالانىپ، اۋىرىپ ءجۇرىپ ساباققا كەلمەۋى كەرەك.
ۇقتىرۋدا مىنالار اتاپ كورسەتىلدى: قازىر دۇنيە ءجۇزى بويىنشا جاڭا تيپتى ايدارشا ۆيرۋسى ءالى دە تارالۋدا، جاڭا تيپتى ايدارشا ۆيرۋسى ءالى دە ۇزدىكسىز وزگەرۋدە، بيىل قىس پەن كەلەر جىلى كوكتەمدە كوپ ءتۇرلى اۋرۋ قاباتتاسقان جاعدايعا ءدوپ كەلىپ، مەكتەپتەردىڭ قىسقى جۇقپالى اۋرۋلاردان ساقتانۋ جانە ونى تىزگىندەۋىنە ءبىرشاما زور سايىس الا كەلۋى مۇمكىن. بيىل 10 ـ ايدان بەرى، جۇڭگودا جۇقپالى تۇماۋ، وكپە قابىنۋىنىڭ ميكوپلازمالىق جۇعىمدالۋ ارەكەتى بىرتىندەپ كۇشەيىپ، كوپ جەردە جۇقپالى تۇماۋ، وكپە قابىندىراتىن ميكوپلازمانىڭ ينفەكسيالانۋى ورلەۋگە بەت الدى، كەيبىر جەرلەر مەن مەكتەپتەردە دە اۋرۋ كورنەكتى كوبەيگەن جاعداي جارىققا شىقتى.
ۇقتىرۋدا بىلاي دەلىندى: جەر ـ جەردەگى وقۋ ـ اعارتۋ اكىمشىلىك تاراۋلارى مەن مەكتەپتەر جۇقپالى اۋرۋ جاعدايىن باقىلاۋ ـ تەكسەرۋ جۇيەسى قۇرىلىسىن كۇشەيتۋگە قۋزاپ، وقىتۋشى ـ وقۋشىلاردى كۇندەلىكتى قورعانۋ مەن سالاماتتىقتى باقىلاۋ ـ تەكسەرۋدى ءتۇيىندى تۇردە ويداعىداي ىستەپ، ورتا، باستاۋىش مەكتەپتەردىڭ، بالالار باقشاسىنىڭ تاڭەرتەڭگى، تۇسكى تەكسەرۋ ءتۇزىمى، جۇقپالى اۋرۋ جاعدايىن مالىمدەۋ ءتۇزىمى، اۋرۋ سەبەبىنەن ساباق قالدىرۋدى ىزىنە ءتۇسىپ تىزىمدەۋ ءتۇزىمى، تازالىق ساقتاۋ، ديزەنفەكسيالاۋ ءتۇزىمى قاتارلىلاردى ءتۇيىندى تۇردە تياناقتاندىرۋ كەرەك. قىزۋ، جوتەلۋ سياقتى اۋرۋ بەلگىلەرى بار وقىتۋشى ـ وقۋشىلاردىڭ قورعانۋدى ويداعىداي ىستەۋىنە، دەر كەزىندە ەمدەلۋىنە، ەمدەۋدى ارناعا تۇسىرۋىنە، عىلىمي ءدارى ـ دارمەك ىستەتۋىنە جەتەكشىلىك ەتىپ، اۋىرىپ جۇرگەندە ساباققا كەلۋدەن، توپتىق قيمىلدارعا قاتىناسۋدان جانە ادامدار شوعىرلى ورىندارعا بارۋدان ساقتانۋ كەرەك.
ۇقتىرۋدا مىنالار باسا دارىپتەلدى: جەر ـ جەردەگى وقۋ ـ اعارتۋ اكىمشىلىك تاراۋلارى مەن مەكتەپتەر توتەپ بەرۋ جوباسىن كەمەلدەندىرىپ، جەلىدە جانە جەلىدەن ءتىس وقىتۋ ءتارتىبىنىڭ ۇشتاسۋىن ويداعىداي ىستەپ، وقۋشىلاردىڭ دەنساۋلىعىن ماڭىزدى ورىنعا قويىپ، وقۋشىلار اۋىرىپ تۇرعاندا تاپسىرماسىنا قاتاڭ تالاپ قويماۋ كەرەك. تىنىس جولى اۋرۋ بارىسىنىڭ ەرەكشەلىگىنە ۇشتاستىرىپ، اتا - انالاردى ناۋقاسقا شالدىققان وقۋشىلاردى تولىق ەمدەلۋگە جانە دەمالۋعا جەتەكتەپ، مەكتەپكە قايتىپ ساباققا قاتىناسۋ جونىندە شىنايى عىلىمي ورنالاستىرۋ جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
