وقۋ - اعارتۋ مينيسترلىگى: وقۋشىلار سىرقاتتانىپ قالعان كەزدە تاپسىرما ورىنداۋ جونىندە قاتاڭ تالاپ قويماۋعا بولادى
2023.12.06 16:29 كەلۋ قاينارى : حالىق تورابى
ءتىلشىنىڭ 12 - ايدىڭ 5 - كۇنى وقۋ - اعارتۋ مينيسترلىگىنەن ۇعىسۋىنشا، جۋىردا تاراتىلعان «قىس مەزگىلىندە مەكتەپتەردەگى جۇقپالى اۋرۋلاردان ساقتانۋ - تىزگىندەۋ قىزمەتىن ويداعىداي ىستەۋ جونىندەگى ۇقتىرۋدا»، جەر - جەردەگى وقۋ - اعارتۋدى اكىمشىلىك جاقتان باسقارۋ تاراۋلارى مەن مەكتەپتەردەن ىندەتتەن ساقتانۋ جاعىنداعى باقىلاۋ جۇيەسى قۇرىلىسىن كۇشەيتۋدى، وقىتۋشى - وقۋشىلاردى كۇندەلىكتى ساقتانۋ جانە دەنساۋلىعىن باقىلاۋ قىزمەتىن ويداعىداي ىستەۋگە قۋزاۋ تالاپ ەتىلگەن. وقۋشىلاردىڭ دەنساۋلىعىنىڭ اقاۋسىزدىعىن نەگىز ەتۋ كەرەك، وقۋشىلار ناۋقاستانىپ قالعان كەزدە تاپسىرما ورىنداۋ جونىندە قاتاڭ تالاپ قويماۋعا بولادى.
ۇقتىرۋدا مىنالار تالاپ ەتىلگەن: جەر - جەردەگى وقۋ - اعارتۋدى اكىمشىلىك جاقتان باسقارۋ تاراۋلارى مەن مەكتەپتەر وسىنداي جاعدايعا توتەپ بەرۋدىڭ جوباسىن الدىن الا كەمەلدەندىرۋى، ينتەرنەت ارقىلى جانە ينتەرنەتتەن تىس وقىتۋدى ءتارتىپتى ۇشتاستىرۋدى ويداعىداي ورىنداۋى، ناۋقاستانىپ قالعاندىقتان ساباققا قاتىناسا الماعان وقۋشىلاردىڭ ينتەرنەتتەگى باي مازمۇندى وقىتۋ بايلىعىنان پايدالانىپ، ۇيدە ۇيرەنۋىنە جەتەكشىلىك ەتۋى، ساباق وتەتىن وقىتۋشىلار اتا - انالار مەن دەر - كەزىندە حابارلاسىپ، جۋىق مەرزىمدەگى وقۋ - وقىتۋ جاعىنداعى ءتۇيىندى مازمۇنداردى جەتكىزىپ وتىرۋى قاجەت. تىنىس جولى اۋرۋلارىنىڭ ەرەكشەلىگىمەن ۇشتاستىرا وتىرىپ، اتا - انالاردىڭ ناۋقاستانعان وقۋشىنى ابدەن ەمدەتۋىنە جانە دەمالتۋىنا جەتەكشىلىك ەتىپ، ولاردىڭ مەكتەپكە قايتىپ، ساباققا قاتىناسۋىن شىنايى، عىلىمي تۇردە ورنالاستىرۋى كەرەك.
ۇقتىرۋعا ساي، جەر - جەردەگى وقۋ - اعارتۋدى اكىمشىلىك جاقتان باسقارۋ تاراۋلارى مەن مەكتەپتەر جاڭا تيپتى ايدارشا ۆيرۋسپەن جۇعىمدالۋدان جانە باسقا دا قىس مەزگىلىندەگى جۇقپالى اۋرۋلاردان ساقتانۋ - تىزگىندەۋ جاعىنداعى بىلىمدەردى جالپى بەتتىك، ءتۇرلى فورمادا ورىستەتۋى، وقىتۋشىلار مەن وقۋشىلاردىڭ جۇقپالى تۇماۋدىڭ ەرەكشەلىگى مەن زالالىن عىلىمي، جۇيەلى تانۋىنا جەتەكشىلىك ەتۋى كەرەك. وقىتۋشىلار مەن وقۋشىلاردىڭ ”ءاربىر ادام ءوزىنىڭ دەنساۋلىعىنا جاۋاپتى بولۋى كەرەك“ دەگەن تانىمدى ىشكەرىلەي ورناتۋىنا جەتەكشىلىك ەتۋى كەرەك، كۇندەلىكتى تۇرمىستا ماسكىنى عىلىمي تاعۋ، قولدى ۇنەمى جۋىپ، ۇنەمى اۋا الماستىرۋ، جوتەلگەندە ابايلاۋ، تاماق سالاتىن ايىرىم ساقپى ىستەتۋ، تاماقتى ءار ادام بولەك ىدىسپەن جەۋ قاتارلى تاماشا دەنساۋلىق ساقتاۋ ادەتىن ساقتاۋ، دەنە شىنىقتىرۋعا قالىپتى مولشەردە قاتىناسىپ، دەنە قۋاتى مەن يممۋنيتەت قۋاتىن ارتتىرىپ، سالاماتتىق دەڭگەيى مەن ءوزى ساقتانۋ قۋاتىن جوعارىلاتۋ قاجەت. قاتىستى تاراۋلارمەن سايكەسىپ، بالالارعا، جاستار مەن ورەندەرگە جاڭا تيپتى ايدارشا ۆيرۋس، جۇقپالى تۇماۋ، وكپە قابىنۋى شارشا باكتەرياسى قاتارلىلاردان ساقتانۋعا قاجەتتى ۆاكسينالاردى ەكتىرۋدى ۇگىتتەۋ جانە جۇرتتى وسىعان جەتەلەۋ، ۆاكسينا ەگۋ جاعىندا قىزمەت وتەۋدى جاقسارتۋ، ۆاكسينا ەكتىرۋدىڭ حاۋىپسىزدىگىن قامتاماسىزداندىرۋ، وقىتۋشىلار مەن وقۋشىلاردىڭ ۆاكسينا ەكتىرۋ تىلەگى مەن يممۋنيتەت قۋاتىن اناعۇرلىم جوعارىلاتۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
