”ءتورتتى نەگىزگى ساتىعا جەتكىزۋ“ تاڭداۋلى ستيلىنە مۇراگەرلىك ەتەيىك جانە ونى اسقاقتاتايىق
«حالىق گازەتىنىڭ» شولۋشىسى
2023.12.07 16:29 كەلۋ قاينارى : حالىق تورابى
نيڭدىدان باستالىپ، فۋجياندا پىسىپ - جەتىلىپ، بۇكىل ەلگە جالپىلاستى، ”ءتورتتى نەگىزگى ساتىعا جەتكىزۋ“ سىندى پارتيامىزدىڭ بۇقارامەن تىعىز بايلانىس جاساۋداعى امالياتتىق جاسامپازدىعى 35 جىلدان بەرى ۇزدىكسىز ساۋلەلەنىپ، ەرەكشە امالياتتىق كۇشىن ايگىلەدى. تاياۋدا باس شۋجي شي جينپيڭ فۋجيان ولكەسى نيڭدى قالاسىنىڭ ”ءتورتتى نەگىزگى ساتىعا جەتكىزۋدى“ امالياتتا ايگىلەپ، دامۋدى جەبەۋدە ناقتى ونىمدىلىككە قول جەتكىزگەنىن اڭىس ەتكەن قاتىستى ماتەريالعا ماڭىزدى بەكىتۋ جازدى. ورتالىقتىڭ نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسى ”ءتورتتى نەگىزگى ساتىعا جەتكىزۋدى“ ۇيرەنۋ، جالپىلاستىرۋدى 2 - توپتاعى نەگىزگى تاقىرىپتىق تاربيەنىڭ ماڭىزدى تۇتقاسى ەتۋدى تالاپ ەتتى.
”ءتورتتى نەگىزگى ساتىعا جەتكىزۋ“ − شي جينپيڭ جولداس فۋجيان ولكەسىنىڭ نيڭدى قالاسىندا قىزمەت ىستەگەن كەزدە بار كۇشپەن دارىپتەگەن ءارى ءوزى باس بولىپ اتقارعان قىزمەت ءادىسى جانە قىزمەت ءتۇزىمى. سول جىلى شي جينپيڭ جولداس نيڭدىداعى ءار دارەجەلى باسشى كادرلاردان ”پارتيانىڭ لۋشيان، باعىت - ساياساتىن ۇگىتتەۋدى نەگىزگى ساتىعا جەتكىزۋدى، تەكسەرىپ زەرتتەۋدى نەگىزگى ساتىعا جەتكىزۋدى، ارىز - ارمان قابىلداۋدى نەگىزگى ساتىعا جەتكىزۋدى، جۇمىس باسىندا ءىس ءبىتىرۋدى نەگىزگى ساتىعا جەتكىزۋدى“ تالاپ ەتتى ءارى باستاماشىلدىقپەن ۇلگى كورسەتىپ، باستاماشىلدىقپەن نەگىزگى ساتىعا بارىپ ۇگىت - لەكسيا جاساپ، تەكسەرۋ - زەرتتەۋ جۇرگىزىپ، ارىز ايتا كەلگەندەردى قابىلداپ، جۇمىس ءبىتىرىپ، ەڭ شالعاي، ەڭ قيىن جەرلەرگە باستاماشىلدىقپەن بارىپ، بۇقارانىڭ مۇڭ - مۇقتاجىن شەشىپ، رەفورما جاساپ، ەسىك اشۋ مەن ەكونوميكالىق، قوعامدىق دامۋدى ىلگەرىلەتىپ، پارتيالى كادرلاردىڭ پارتيانىڭ بۇقارالىق لۋشيانىن امالياتتا ايگىلەۋىنە شۇعىلالى ۇلگى ورناتتى. 35 جىلدان بەرى فۋجيان ولكەسى ”ءتورتتى نەگىزگى ساتىعا جەتكىزۋ“ تاڭداۋلى ستيلىنە بارىنشا مۇراگەرلىك ەتىپ جانە ونى اسقاقتاتىپ، ”ءتورتتى نەگىزگى ساتىعا جەتكىزۋ“ مازمۇنىنىڭ ۇزدىكسىز تەرەڭدەۋىن، دانەكەرىنىڭ ۇزدىكسىز بايۋىن، ءتۇزىمىنىڭ كۇن سايىن كەمەلدەنۋىن ىلگەرىلەتتى، بۇل قالىڭ كادرلار مەن بۇقارانىڭ ۇزدىكسىز كۇرەس جۇرگىزۋىنىڭ قۇدىرەتتى قوزعاۋشى كۇشىنە اينالدى. اماليات مىنانى تولىق دالەلدەدى: ”ءتورتتى نەگىزگى ساتىعا جەتكىزۋ“ − كادرلار ستيلىنە بۇرىلىس جاساۋدىڭ، بۇقارامەن تىعىز بايلانىس جاساۋدىڭ ماڭىزدى اسىلى، قيىن ماسەلەلەردى شەشۋدىڭ، دامۋدى ىلگەرىلەتۋدىڭ ءونىمدى ءادىسى، پارتيا قۇرىلىسىن كۇشەيتۋدىڭ، ءتۇرلى قىزمەتتەردى ويداعىداي ىستەۋدىڭ باعالى بايلىعى.
2 - توپتاعى نەگىزگى تاقىرىپتىق تاربيە بۇقارانىڭ ىرگەسىندە ورىستەتىلدى، نەگىزگى ساتىعا بارعان سايىن شىنايى بولۋدى كورنەكتىلەندىرۋ كەرەك. باس شۋجي شي جينپيڭ بىلاي دەپ دارىپتەدى: ” ناقتى تالاپتاردى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، فورماشىلدىقتان، تورەشىلدىكتەن باتىل ساقتانىپ جانە ونى جويىپ، نازاريالىق ۇيرەنۋ مەن تەكسەرۋ - زەرتتەۋدى شىنايى ويداعىداي يگەرىپ، كورنەكتى ماسەلەلەردى شىنايى قاداعالاپ، رەتتەپ - تۇزەتىپ، حالىققا ءتيىمدى، حالىققا پايدالى ناقتى ىستەردى شىنايى ويداعىداي ىستەپ، ناقتى ىستەۋ ارقىلى دامۋدى ىلگەرىلەتىپ، حالىقتىڭ سەنىمىنە يە بولۋ كەرەك“. 2 - توپتاعى نەگىزگى تاقىرىپتىق تاربيەنى ىشكەرىلەي، تىڭعىلىقتى ورىستەتىپ، نەگىزدى بەكەمدەپ، ارقاۋدى نىعايتۋعا اناعۇرلىم ءمان بەرىپ، ”ءتورتتى نەگىزگى ساتىعا جەتكىزۋ“ سىندى ماڭىزدى تۇتقادان تولىق پايدالانىپ، پارتيانىڭ نازارياسىن جانە لۋشيان، باعىت - ساياساتتارىن ۇگىتتەۋدى كەلەلى مىندەت، تەكسەرۋ - زەرتتەۋدى ماڭىزدى جول، ماسەلەنى شەشۋدى شەشۋشى باعدار، دامۋدى ىلگەرىلەتۋدى تياناق ەتىپ، نەگىزگى تاقىرىپتىق تاربيەنىڭ ساپالى جۇرگىزىلۋىن، ونىمدىلىگىنىڭ جاقسى بولۋىن يگەرىپ، بۇقاراعا ناقتى ونىمدىلىكتى كورسەتۋ كەرەك.
حالىقتى وزەك ەتكەن قۇن تالپىنىسىن بەكەمدەۋ كەرەك. بارلىق ىستە حالىق ءۇشىن ىستەۋ، بارلىق ىستە حالىققا سۇيەنۋ، پارتيانىڭ نەگىزگى ماقساتىن امالياتتا ايگىلەۋ، حالىققا باقىت جاراتۋعا بەل بايلاۋ − ”ءتورتتى نەگىزگى ساتىعا جەتكىزۋدىڭ“ رۋحاني ءمانى جانە امالياتتىق تالابى. باس شۋجي شي جينپيڭ بىلاي دەپ دارىپتەدى: ”جۇڭگو كوممۋنيستىك پارتياسى حالىق ءۇشىن ءىس تىندىرادى، حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز، ءسوز جوق، ساقتاۋعا ءتيىستى حالىق تىلەگى“. العا باسۋ جولىندا قالىڭ پارتيا مۇشەلەرى، كادرلار حالىقتى بارىنەن جوعارى قويۋدا باستان - اياق تاباندى بولىپ، بۇقارانى ماڭگى كوڭىلدەگى ەڭ جوعارى ورىنعا قويىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋى كەرەك.
بۇقارامەن تىعىز بايلانىس جاساۋ قىزمەت ءادىسىن امالياتتا ايگىلەۋ كەرەك. ”ءتورتتى نەگىزگى ساتىعا جەتكىزۋ“ − بۇقارامەن تىعىز بايلانىس جاساۋدىڭ ماڭىزدى جولى. سول كەزدە شي جينپيڭ جولداس نيڭدىنىڭ پارتيا، ۇكىمەت ورگاندارىنداعى كادرلاردى باستاپ ”ءتورتتى نەگىزگى ساتىعا جەتكىزۋدى“ امالياتتا ايگىلەۋ ارقىلى بۇقارانىڭ جوعارىعا ارىزدانۋىن باسشىلاردىڭ تومەنگە بارىپ جاعداي ۇعىسۋىنا اينالدىرىپ، ىرىقسىز قىزمەت وتەۋدى ىرىقتى قىزمەت وتەۋگە اينالدىرىپ، پارتيا مەن حالىق بۇقاراسىنىڭ ”جۇرەكتەستىك كوپىرىن“ سالدى. بۇقارالىق لۋشيان − پارتيامىزدىڭ جان تامىرى جانە ءتۇبىرلى قىزمەت لۋشيانى، قالىڭ پارتيا مۇشەلەرى، كادرلار بۇقارالىق كوزقاراستى، بۇقارالىق لۋشياندى يدەياعا تەرەڭ تامىر تارتتىرىپ، ارەكەتتە ناقتى تياناقتاندىرىپ، بۇقاراعا، امالياتقا ارالاسۋدا تاباندى بولىپ، نەگىزگى ساتىداعى كادرلار مەن بۇقارانىڭ ارمان - تىلەگىنە قۇلاق اسىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋى كەرەك.
حالىق ءۇشىن ءىس ىستەۋدى، حالىققا باقىت جاراتۋدى ەڭ ماڭىزدى ساياسي ناتيجە ەتۋ كەرەك. ”ءتورتتى نەگىزگى ساتىعا جەتكىزۋدىڭ“ ماقساتى − حالىق ءۇشىن قىزمەت ىستەپ، قيىن ماسەلەلەردى شەشۋ. سول كەزدە شي جينپيڭ جولداس شياداڭعا 3 رەت بارىپ، كەدەيلەردەن حال سۇراپ، جۇمىس باسىندا قىزمەت ىستەپ، شياداڭ قىستاعىنىڭ تاس جولى مەن سۋ ەلەكتر قۇرىلىسى، شياپيڭفىڭ قىستاعىنىڭ اپاتتان كەيىنگى قايتا قۇرۋى سياقتى ماسەلەلەردى سايكەستىرىپ شەشىپ، جەرگىلىكتى بۇقاراعا باقىت جاراتتى. حالىق ءۇشىن ناقتى ىستەر ىستەۋ − نەگىزگى تاقىرىپتىق تاربيەنىڭ جۇرت كوڭىلىنە ۇيالاۋىنىڭ، جۇرت تىلەگىن توعىستىرۋىنىڭ ءونىمدى كەپىلى. جاڭا جورىقتا نەگىزگى تاقىرىپتىق تاربيەنى وراي ەتىپ، دۇرىس قىزمەت ناتيجەسى كوزقاراسىن بەرىك ورناتىپ، دامۋدىڭ قاجەتى، رەفورمانىڭ قاجەتى، نەگىزگى ساتىنىڭ تىلەگى، حالىقتىڭ تىلەگى سىندى كورنەكتى ماسەلەلەردى تىعىز ارقاۋ ەتىپ، جۇمىستاندىرۋ، وقۋ - اعارتۋ، ەمدەۋ، اماناتتاپ تاربيەلەۋ، زەينەتكەرلىك، تۇرعىن ءۇي سياقتى جاقتارداعى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن مىقتى يگەرىپ، حالىق تۇرمىسىنا تيىمدىلىك جاساۋ، حالىقتىڭ جۇرەگىن جىلىتۋ، حالىقتىڭ تىلەگىنە ۇيلەسۋ قىزمەتىن بۇقارانىڭ جۇرەگىنە شىنايى ۇيالاتۋ كەرەك.
نەگىزگى ساتى − پارتيانىڭ بيلىك جۇرگىزۋىنىڭ نەگىزى، كۇش - قۋاتىنىڭ قاينارى. ”ءتورتتى نەگىزگى ساتىعا جەتكىزۋ“ اماليات بارىسىندا شۇعىلا شاشىپ، ۇزاق ۋاقىتتان بەرى جاڭارىپ كەلە جاتقان داۋىرلىك قۇن مەن امالياتتىق ءمانىن ايگىلەدى. جاڭا جورىقتا ”ءتورتتى نەگىزگى ساتىعا جەتكىزۋ“ تاڭداۋلى ستيلىنە مۇراگەرلىك ەتىپ جانە ونى اسقاقتاتىپ، وندا قامتىلعان حالىقتىق تۇرعى، حالىقتىق سۇيىسپەنشىلىك، باسشىلىق ءادىسى، يدەيالىق ءادىس، قىزمەت ءادىسى ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، جاڭا داۋىردەگى پارتيانىڭ بۇقارالىق لۋشيانىن قۇلشىنا ويداعىداي جۇرگىزگەندە عانا، ءسوز جوق، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە جويقىن كۇش توپتاۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
