بۇل زاتتىڭ ميدى دەرەۋ سەرگىتەتىن رولى بار ما؟ جۇڭگو تۇتىنۋشىلار بىرلەستىگى ”يىسكەۋ ارقىلى قۋات الاتىن تاياقشانى“ ورتا، باستاۋىش مەكتەپ وقۋشىلارىنىڭ ابايلاپ پايدالانۋىن ەسكەرتتى
2023.12.07 16:35 كەلۋ قاينارى : حالىق تورابى
جۋىردا ”يىسكەۋ ارقىلى قۋات الاتىن تاياقشا“ دەپ اتالعان ءونىم ورتا، باستاۋىش مەكتەپتەردىڭ اۋلاسىنا ەنىپ، وقۋشىلاردى تالاسا - تارماسا ساتىپ الۋعا باۋرادى. ونىڭ سىرتقى فورماسى شاقپاققا ۇقسايدى، ىشىندە تاياقشا فورمالى ەكى سۋلياۋ تۇتىك بار بولىپ، بۇل تۇتىكتەگى كامفەرا، جالبىز قاتارلىلاردىڭ جاعىمدى ءيىسىن يىسكەۋ ارقىلى مۇرىن قۋىسى مەن ۇلكەن ميدى تىتىركەندىرۋگە، تەز ارادا ميدى سەرگىتۋگە، شارشاۋ مەن قالجىراۋدى باسەڭدەتۋگە بولادى دەپ دابىرالاعان. ”يىسكەۋ ارقىلى قۋات الۋ تاياقشاسىنىڭ“ سىرتقى فورماسى مەن پايدالانۋ ءتاسىلى ورتا، باستاۋىش مەكتەپ وقۋشىلارىنا تاڭسىق سەزىلەتىندىكتەن، وڭاي تارالدى. الايدا، ”يىسكەۋ ارقىلى قۋات الاتىن تاياقشانىڭ“ مەكتەپ اۋلاسىنا قادام تاستاۋىنىڭ استارىندا دا كەيبىر حاۋىپ - قاتەرلەر جاسىرىنعان. مامانداردىڭ ايتۋىنشا، ”يىسكەۋ ارقىلى قۋات الاتىن تاياقشانى“ مۇرىن قۋىسىنا الباتى تىعۋ ارەكەتى دۇرىس ەمەس، بۇلاي ىستەگەندە مۇرىنعا باكتەريا كىرۋدەن سىرت، مۇرىن كىلەگەيلى قابىعىن ءبۇلدىرىپ قالماستان، جەڭىل بولعاندا مۇرىن قابىنۋى، اۋىر بولعاندا مۇرىن قۋىسى جارالانۋى، قاناۋى مۇمكىن.
جۇڭگو تۇتىنۋشىلار بىرلەستىگى بارشا وقۋشىلاردىڭ اتا - انالارى مەن ورتا، باستاۋىش مەكتەپ وقۋشىلارىنا ساقتىق تانىمىن ارتتىرۋدى، ”يىسكەۋ ارقىلى قۋات الاتىن تاياقشانى“ ابايلاپ پايدالانۋدى، جاستار مەن ورەندەردى عىلىمي، حاۋىپسىز، بايىپتىلىقپەن تۇتىنۋعا جەتەلەپ، جاستار مەن ورەندەردىڭ دەنساۋلىعىنىڭ اقاۋسىز جەتىلۋىنە كەپىلدىك ەتۋدى ەسكەرتەدى.
ورتا، باستاۋىش مەكتەپ وقۋشىلارى ءوسىپ - جەتىلۋدىڭ شەشۋشى كەزەڭىندە تۇر. جۇڭگو تۇتىنۋشىلار قوعامى: ورتا، باستاۋىش مەكتەپ وقۋشىلارى ۇيرەنۋ بارىسىندا شارشاعان كەزدە، مۇمكىندىگىنشە اقاۋسىز، عىلىمي تاسىلدەر ارقىلى ۇيرەنۋدى بابىندا رەتتەپ، دەمالۋ جانە ازىقتانۋ جاعىندا تاماشا ادەت قالىپتاستىرىپ، ۇيلەسىمدى ارەكەتتەنۋگە كەپىلدىك ەتىپ، ەڭبەك پەن دەمالىستى ۇشتاستىرۋعا كوڭىل بولىپ، ۇيرەنۋ ءتاسىلىن جاقسارتىپ، ۇيرەنۋ ونىمدىلىگىن جوعارىلاتۋى كەرەك ەكەنىن دارىپتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
