تۇرعىن ءۇي جانە قالا - اۋىل مينيسترلىگى: بۇكىل ەلىمىزدەگى ايماق دارەجەلى جانە ودان جوعارى دارەجەلى قالالاردا قالانىڭ جاعدايىن تەكسەرۋ جاپپاي ورىستەتىلەدى
2023.12.07 16:42 كەلۋ قاينارى : حالىق تورابى
تۇرعىن ءۇي جانە قالا - اۋىل مينيسترلىگى 12 - ايدىڭ 7 - كۇنى پىكىر جاريالاپ، ايماق دارەجەلى جانە ودان جوعارى دارەجەلى قالالاردا قالانىڭ جاعدايىن جاپپاي تەكسەرۋ قىزمەتىن ورىستەتۋدى، قالالاردى جاڭارتۋ ارەكەتىن تىڭعىلىقتى، ءتارتىپتى ورىنداۋدى ايقىن تۇراقتاندىردى. جەر - جەر ماسەلەنى باعدار ەتۋگە تاباندى بولىپ، قالالاردىڭ جاعدايىن تەكسەرۋدەگى بولەكتەردى تۇرعىن ۇيلەردەن تارتىپ شاعىن اۋماقتارعا، مالىلەرگە، قالا رايوندارىنا دەيىن ەگجەي - تەگجەيلى جوسپارلاپ، بۇقارانىڭ اڭىسى كۇشتى بولعان قيىن، شەشىلمەگەن ماسەلەلەردى، كىناراتتى تۇيىندەردى تاۋىپ شىعۋى قاجەت.
تۇرعىن ءۇي جانە قالا - اۋىل مينيسترلىگى مىنانى ءبىلدىردى: ايماق دارەجەلى جانە ودان جوعارى دارەجەلى قالالاردا قالانىڭ جاعدايىن تەكسەرۋ قىزمەتىن جاپپاي ورىستەتۋ بارىسىنداعى تەكسەرۋ وبيەكتىلەرى تۇرعىن ءۇي، شاعىن اۋماق، ءمالى، قالا رايونىن قامتيدى. تۇرعىن ءۇي مەن شاعىن اۋماقتىڭ جاعدايىن تەكسەرۋ الەۋمەتتىك اۋماقتى نەگىزگى بولەك ەتۋ ارقىلى ءبىرتۇتاس جوسپارلاپ ورىستەتىلەدى. ءمالىنىڭ جاعدايىن تەكسەرۋ قازىر اتقارىلىپ وتىرعان مالىلەردىڭ اكىمشىلىك شەكاراسىمەن ۇشتاستىرىلىپ ورىستەتىلىپ، قالانىڭ جاعدايىمەن ۇشتاستىرا وتىرىپ، بولەكتەردى جاڭالاۋ قىزمەتى جۇرگىزىلەدى. وسى وبيەكتىلەر مەن نىسانالاردى توڭىرەكتەي وتىرىپ، جەر - جەر قالالاردىڭ جاعدايىن تەكسەرۋدەگى نەگىزدىك كورسەتكىش جۇيەسىن ورناتۋى قاجەت، مىسالى، تۇرعىن ءۇيدى توڭىرەكتەي وتىرىپ، قۇرىلىمىنىڭ حاۋىپسىزدىگى، قۇبىر ارنالارى، ەلەكتر جەلىلەرى، وتباسىنداعى سۋدىڭ ساپاسى قاتارلى كورسەتكىشتەردى بەلگىلەۋ قاجەت، شاعىن اۋماقتى توڭىرەكتەي وتىرىپ، قارتتاردى كۇتىمدەۋ، بالا باقتىرۋ، اۆتوموبيل توقتاتۋ ورىندارى قاتارلى كورسەتكىشتەردى بەلگىلەۋ قاجەت، قالانى توڭىرەكتەي وتىرىپ، ەكولوگيالىق ورتاسى تۇرۋغا جايلى بولۋ، تاريحي مادەنيەتتى قورعاۋ - پايدالانۋ قاتارلى كورسەتكىشتەردى بەلگىلەۋ قاجەت، ناقتى، سەزىنۋگە بولاتىن، باعا بەرۋگە كەلەتىن ەتۋ قاجەت.
مۇنان سىرت، پىكىردە تاعى مىنالار ورتاعا قويىلعان: قالالاردىڭ جاعدايىن تەكسەرۋدەگى باستى ءتۇيىن ماسەلەنى بايقاۋ، ماسەلەنى شەشۋدى ىلگەرىلەتۋ بولۋى قاجەت. شاعىن اۋماقتاردىڭ جاعدايىن تەكسەرۋدە ءارقايسى الەۋمەتتىك اۋماقتاردىڭ ماسەلەسىن تىزىمدىككە الۋ، ءمالى اۋماعىنىڭ جاعدايىن تەكسەرۋدە 15 مينۋتتا بارۋعا بولاتىن تۇرمىستىق اۋماقپەن ۇشتاستىرۋ، الەۋمەتتىك قىزمەت وتەۋ قۇرىلعىلارىنداعى كەمىستىكتەردى تابۋ قاتارلى ماسەلەلەر قامتىلۋى قاجەت، قالا ءوڭىرىنىڭ جالپى جاعدايىن تەكسەرۋدە ولقىلىقتار مەن وسال تۇيىندەردى تابۋ قاجەت. (باس ستانسيا ورتالىق تەلەۆيزيا ءتىلشىسى تان جىنحۋا)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
