«جايباسارلىق» ۇزاق ءومىر سۇرۋگە پايدالى
جۇڭنان ۋنيۆەرسيتەتى شياڭيا ەمحاناسى كلينيكالىق پسيحولوگيا ورتالىعى دوتسەنتى لي ليانليڭ
2018.12.05 15:45 كەلۋ قاينارى : حالىق تورابى
ارەكەتتەگى «جايباسارلىق» قارتتاردىڭ دەنساۋلىعىنا جانە ۇزاق عۇمىر سۇرۋىنە پايدالى، بۇل قورىتىندىنىڭ عىلمي نەگىزى بار. ەندەشە، قارتتار كۇندەلىكتى تۇرمىستا قانداي ىستەردە «شابان» بولعانى ءجون؟
ورنىنان باياۋ تۇرۋ. تاڭەرتەڭ ادام دەنەسىندەگى قان تامىرلارىنىڭ بەيىمدەلۋ قۋاتى ەڭ ناشار بولاتىندىقتان، شۇعىل ارەكەتتەنۋ جۇرەك قان تامىرى اۋرۋلارىن وڭاي قوزعايدى. قارتتار ورنىنان تۇراردان بۇرىن، الدىمەن 5 مينۋت كوزىن جۇمىپ سەرگىپ الۋى، كەرىلىپ – سوزىلىپ، تابانىن ۋقالاۋى، بەينە بەت جۋعان كەزدەگى سياقتى قولىمەن بەتىن سيپاۋى، سونان سوڭ بارىپ ورنىنان اقىرىن تۇرۋى كەرەك.
تاماقتى اقىرىن جەۋ. سىلەكەيدىڭ قۇرامىنداعى ليزوزيم اۋىز قۋىسىنداعى باكتەريالاردى جويىپ، قابىنۋدىڭ الدىن الادى. تاماقتى باياۋ شايناعاندا سىلەكەيدىڭ ءبولىنۋىن تەزدەتىپ، يممۋنيتەتتى ارتتىرۋعا بولادى. تاماق جەگەندە ەڭ جاقسىسى 30 سەكۋند شايناپ بارىپ جۇتقان ءجون.
دارەتكە اقىرىن وتىرۋ. قارتتار دارەتكە وتىرعاندا وتە اسىعىپ كەتسە نەمەسە وتە كۇشەپ جىبەرسە، تىك ىشەك كىلەگەي قابىعى مەن انۋستىڭ اينالاسى زاقىمدالادى. وتە – موتە، ارتەريا قاتايعان، قان قىسىمى جوعارى، جۇرەك اۋرۋى بار قارتتار دارەتكە وتىرعاندا اسىقپاۋى، كۇشەنبەۋى كەرەك، مۇنداي ارەكەت قان قىسىمىن دەرەۋ جوعارىلاتىپ، ميعا قان قۇيىلۋى مۇمكىن. الايدا، تۇندە دارەت قىسقاندا جايباسارلىق ەتۋگە بولمايدى. كەيبىر قارتتار تۇندە دارەت قىسسا دا، ورنىنان تۇرعىسى كەلمەيدى، ۋاقىت ۇزارا كەلە مۇنداي ارەكەت قۋىق ءتۇبى بەزى مەن جۇرەك – مي قان تامىرلارىن زاقىمدايدى.
باياۋ سويلەۋ. جايدارى، باياۋ سويلەۋ قارتتاردىڭ دەنساۋلىعى ءۇشىن وتە ماڭىزدى. تەز سويلەگەن كەزدە قارتتار وڭاي تەبىرەنىپ، دەگبىرسىزدەنۋى مۇمكىن، بۇل سەزىمتال جۇيكەنى جەلپىندىرىپ، قان تامىرلاردى تارايتىپ، قان قىسىمىن جوعارىلاتۋى، جۇرەك اۋرۋى قاتارلى اۋرۋلارعا شالدىقتىرۋى نەمەسە ونى اسقىندىرۋى مۇمكىن.
قاتتى اشۋلانباۋ. كوڭىل – كۇيدەگى كىربەڭدىكتى ۇيلەسىمدى تۇردە اقتارىپ وتىرۋ دەنساۋلىققا پايدالى بولعانىمەن، قاتتى اشۋلانۋ جۇرەك – مي قان تامىرلارىنا زياندى. اشۋلاندىراتىن ىسكە جولىققاندا، تەرەڭ تىنىستاپ، ىشتەي قايتا – قايتا ويلانىپ بارىپ پىكىر بىلدىرگەن ءجون.
ۆەلوسيپەتپەن باياۋ ءجۇرۋ. ۆەلوسيپەت ءمىنۋ دەنە شىنىقتىرۋدىڭ جاقسى ءتاسىلى. قارتتار تاڭ سارىدە نەمەسە قاس قارايا باستاعان كەزدە ۆەلوسيپەتپەن سەيىلدەسە پايدالى. قىسقا ارالىققا ۆەلوسيپەت ءمىنىپ باياۋ ءجۇرۋ ارقىلى جۇرەكتى شىنىقتىرۋعا، ميكرو قان تامىرلاردى كۇشەيتۋگە، قان قىسىمىنىڭ ارتۋىنىڭ الدىن الۋعا، اياقتىڭ ارەكەتىن ارتتىرىپ، قان اينالىسىن تەزدەتۋگە بولادى. ۆەلوسيپەت مىنگەن كەزدە ۇلكەن ميعا اناعۇرلىم مول وتتەگى سىمىرىلەتىندىكتەن، وكپە كوپ مولشەردە تازا اۋانى جۇتىپ، قارتتاردىڭ ميىن سەرگىتىپ، كوڭىل – كۇيىن جاقسارتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
