ەرەكشە ترانسفورماتور سەرىكتەستىگى افريكا ەلدەرىنىڭ ەلەكتر قۇرىلىسىنا دەم بەردى
2018.09.07 14:15 كەلۋ قاينارى : شينجياڭ گازەتى
ءتىلشىمىز ما ينيڭ، ەرىكتى ءتىلشى ۋاڭ بين 9 - ايدىڭ 2 - كۇنى ۇرىمجىدەن حابارلايدى. تاياۋدا انگولادان قۋانىشتى حابار كەلدى، ەرەكشە ترانسفورماتور شەكتى جارنا سەرىكتەستىگى شينجياڭ كەرنەۋ وزگەرتكىش زاۆودى جاۋاپتى بولىپ سالعان انگولانىڭ زايرە ولكەسىندەگى ەلەكترمەن قامداۋ نىسانىنىڭ تۇڭعىش ەلەكتر رەتتەۋ پۋنكتى − Dande60كيلوۆولتتىق ەلەكتر رەتتەۋ پۋنكتىنىڭ ءبىر رەتتىك ەلەكتر جونەلتۋ سىناعى ءساتتى ورىندالعان، ءتۇرلى كورسەتكىشتەردىڭ اينالىمى ايتارلىقتاي بولىپ، انگولا جاقتىڭ جوعارى باعاسىنا يە بولدى.
انگولانىڭ ENDE نىسانىنىڭ ديرەكتورى كويمبرا مىنانى ءبىلدىردى: ەلەكتر رەتتەۋ پۋنكتىنىڭ ءبىر رەتتىك ەلەكتر جونەلتۋ سىناعىنىڭ تابىسقا جەتۋى جەرگىلىكتى ورىنداعى، باستىسى، شيپاحانا، مەكتەپ جانە ءبىر ءبولىم زاۆودتاردىڭ ەلەكتر پايدالانۋ ماسەلەسىن شەشتى، بۇل ءبىر ماڭىزدى حالىق تۇرمىسى ينجەنەرياسى.
سوڭعى جىلداردان بەرى، ەرەكشە ترانسفورماتور سەرىكتەستىگى «ءبىر بەلدەۋ، ءبىر جول» باستاماسىن بەلسەندى اتقارىپ، حالىقارا بازارىن اشۋعا، كەڭەيتۋگە بارىنشا كۇش سالىپ، ەلەكتر جەتكىزۋ، كەرنەۋ وزگەرتۋ سالاسىندا دۇنيە ءجۇزى بويىنشا وزىق دەڭگەيدەگى ونىمدەردى دەربەس زەرتتەپ جاساۋداي تەحنيكالىق باسىمدىعىنا سۇيەنە وتىرىپ، «شينجياڭنىڭ ونىمدەرىمەن» «جۇڭگونى قامداۋدان» «دۇنيە ءجۇزىن قامداۋعا» قاراي بەتتەدى، قازىر سەرىكتەستىكتىڭ كاسىپ تۇرلەرى جەر شارىنداعى 70 قانشا مەملەكەت پەن رايوندى شارپىپ، بارعان جەرىندە وشپەس دوستىق تۋىندىلار جاراتىپ، نۇر - شۇعىلا مەن جىلۋ جەتكىزۋشىگە اينالدى.
افريكا ەلدەرىنىڭ ەلەكتر كۇشى قۇرىلىسىن ارقاۋ ەتىپ، ەرەكشە ترانسفورماتور سەرىكتەستىگى افريكاداعى انگولادا سالىپ جاتقان ءبىر ميلليارد 180 ميلليون دوللار قۇنعا يە ماڭىزدى ەلەكتر تورى نىسانىنىڭ، تانزانياداعى ەلەكتر كۇشىن جاپپاي كوتەرمەگە العان 690 ميلليون دوللار قۇنعا يە نىسانىنىڭ قارجىسىن تياناقتاندىردى. سونىمەن بىرگە، چاد، كامەرۋن، كونگو (كينساشا)، زامبيا، بۋرۋندي سياقتى ەلدەرمەن ەلەكتر جەتكىزۋ، كەرنەۋ وزگەرتۋ نىساندارىنا قول قويۋدى ىلگەرىلەتتى.
زايرە ولكەسىندەگى ەلەكترمەن قامداۋ نىسانى ەرەكشە ترانسفورماتور سەرىكتەستىگنىڭ انگولادا Kapary - Soyo ەلەكتر جەتكىزۋ، كەرنەۋ وزگەرتۋ نىسانى ينجەنەرياسىنان كەيىن اتقارعان تاعى ءبىر ماڭىزدى سايكەستى ەلەكتر جەتكىزۋ، كەرنەۋ وزگەرتۋ نىسانى بولىپ، انگولانىڭ نەشە 10 مىڭ جەرگىلىكتى حالقىن يگىلىككە كەنەلتتى. بۇلار انگولانىڭ سولتۇستىگىندەگى بەنگو ولكەسى مەن زايرە ولكەسىنىڭ ەلەكتر كۇشى تاپشى بولۋ ماسەلەسىن شەشۋدە ايرىقشا ماڭىزدى ءمان الادى.
بيىل 5 - ايدىڭ 30 - كۇنى ەرەكشە ترانسفورماتور سەرىكتەستىگى جاۋاپتى بولىپ اتقارعان 220 كيلوۆولتتىق گازبەن وقشاۋلانعان ەلەكتر رەتتەۋ پۋنكتى نىسانى كەنيانىڭ استاناسى نايروبيگە ىرگە تەپتى. نايروبيدىڭ ەلەكترمەن قامداۋ رايونى 220 كيلوۆولتتىق جانە 66 كيلوۆولتتىق ەلەكتر تور قوندىرعىسىن نەگىز ەتكەن، قازىر ەلەكتر كۇشى سۇرانىسىنىڭ ۇزدىكسىز ارتۋىنا ىلەسىپ، تور قوندىرعىسىنىڭ ەلەكترمەن قامداۋداعى حاۋىپسىزدىك پەن تۇراقتىلىققا كەپىلدىك ەتۋى قيىنعا سوقتى. 220 كيلوۆولتتىق گازبەن وقشاۋلانعان ەلەكتر رەتتەۋ پۋنكتى نىسانى سالىنىپ ءبىتىپ پايدالانۋعا بەرىلگەننەن كەيىن، نايروبيدىڭ ەلەكترمەن قامداۋ رايونىنداعى 220 كيلوۆولتتىق ەلەكتر رەتتەۋ پۋنكتىنىڭ سانى كوبەيىپ، 66 كيلوۆولتتىق تور قوندىرعىسىن ساپالىلاندىرۋعا پارمەندى تىرەك بولىپ، نايروبيدىڭ قالا رايونىنداعى ەلەكتر تورىنىڭ دەڭگەيىن جوعارىلاتۋدى جەبەپ، ەلەكترمەن قامداۋدىڭ سەنىمدىلىگى مەن حاۋىپسىزدىگىن جوعارىلاتتى.
«ينجەنەريالار ءساتتى اتقارىلعاننان كەيىن، كەنيا جانە تاعى باسقا افريكا ەلدەرى جۇڭگونىڭ ماشينا-ەلەكتر سالاسىنىڭ تاڭداۋلى ونىمدەرىنىڭ ساپاسى مەن ايتارلىقتاي قۇرىلىس جۇرگىزۋ قۋاتىن مويىندادى. وسى نىساندار الداعى جەردە وڭىرلەردىڭ ءوزارا بايلانىسىن، قارىم-قاتىناسىن بارىنشا ىلگەرلەتىپ، عالامدىق ەنەرگيا ينتەرنەتىن قۇرۋعا بەرىك نەگىز قالايدى»،-دەدى ەرەكشە ترانسفورماتور سەرىكتەستىگىنىڭ نىسان باس ينجەنەرى ليۋ شين.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
