تاۋ قويناۋىنان شىققان ەڭ ارداقتى ”گۇلي“
شينجياڭ گازەتى جالپىلىق اقپارات قۇرالدارى تىلشىلەرى لي ياڭ، لياڭ ليحۋا
2020.12.16 15:09 كەلۋ قاينارى : شينجياڭ گازەتى
11 - ايدىڭ 27 - كۇنى كەش، گۋاڭجوۋ باييۇن اۋەجايى.
پاشاگۇل كەرىم زالدان شىقتى، جۇمىسشى دوستارى حالچەم زيا قاتارلى 5 − 6 بويجەتكەن ءلالا گۇلى، روزا گۇلىن الىپ قارسى الدى. ”گۇلي اپەكە، ءبىز ءسىزدى تەلەۆيزوردان كوردىك، قۇلپىرىپ كەتىپسىز“! حالچەم بىلاي دەدى: ءسىز قازىر كوپشىلىكتىڭ كوڭىلىندەگى ”ايدولسىز“!
وڭتۇستىك شينجياڭداعى كوپتەگەن بويجەتكەندەردىڭ اتىنا ”گۇليدى“ قوسادى، ول ”گۇل“ دەگەندى بىلدىرەدى. جۇمىسشى دوستارىنىڭ ايتىپ وتىرعان ”گۇلي اپەكەسى“ − قىزىلسۋ قىرعىز اۆتونوميالى وبلىسى ۇلۇقشات اۋدانىنان كەلگەن پاشاگۇل.
گۇلي گۇلدەي جايناپ تۇر − القىزىل ءجۇزى، اپپاق مارجانداي تىستەرى، ورىلگەن بۇرىمى كوركىن اسىراتىن، جۇرگەن ءجۇرىسىنىڭ ءوزى قانداي اسەم، سويلەگەن ءسوزى دە انىق، ۇعىنىقتى، شينجياڭدىقتاردىڭ اۋەنىندەگى ”گۋاڭپۋ“ (گۋاڭدۇڭ اۋەنىندەگى پۋتۇڭحۋا) 14 جىلدىق گۋاڭدۇڭ تۇرمىسىنىڭ ايعاعى.
11 - ايدىڭ 24 - كۇنى مەملەكەتتىك ”ەڭ ارداقتى قىزمەتكەر“ جاريالاۋ سالتى بەيجيڭدە وتكىزىلدى، پاشاگۇل قاتارلى بۇكىل مەملەكەتتەن 10 ادام ”ەڭ ارداقتى قىزمەتكەر“ اتاعىن يەلەدى. سيلىق ساحناسىندا پاشاگۇل قىرعىز ۇلتىنىڭ ءداستۇرلى ۇلتتىق كيىمىن كيىپ، قۋانىشتان گۇلدەي جاينادى، تاقياسىنداعى اق ۇلپەك ۇكىسى مۇزتاۋ شىڭىنىڭ اقشا قارىنداي بولىپ كورىندى.
سيلىق تاراتقان سول جەردە جۇرگىزۋشى ”ەڭ ارداقتى قىزمەتكەرگە“ بىلاي دەپ انىقتاما بەردى: ءوز قىزمەتتەرىنەن تاپجىلماي، قىزمەت ورنىن ءسۇيىپ، كاسىبىن قاستەرلەپ، قامال الىپ، قيىندىقتاردى جەڭىپ، قاراپايىم قىزمەت ورنىندا ەلەۋلى ناتيجە جاراتتى.
ال اۋىلداستارىنىڭ نازارىندا پاشاگۇلدىڭ ءوزى دە، ءىسى دە اناعۇرلىم كوركەم، ول ءىس جۇزىندىك ارەكەتى ارقىلى كوپشىلىكتى تەك قۇلشىنا كۇرەس جاساعاندا عانا، تاسقا دا تامىر تارتىپ، كوركەم گۇل اشۋعا بولاتىندىعىنا سەندىردى.
”مەن تاعدىرعا سەنبەيمىن، تەك قوس قولىما عانا سەنەمىن“
11 - ايدىڭ 30 - كۇنى تۇستەن بۇرىن دۇڭگۋاننىڭ حۋمىن تەڭىز قايراڭىندا كۇن شۇعىلاسىن شاشىپ، تەڭىز جەلى باياۋ ەسىپ تۇر. تەڭىز جيەگىندەگى شارباق جولدا پاشاگۇل 3 جاستاعى ۇلى شيرىنبەك دۇيسەندى كوتەرىپ، ”قاراشى، انا جاق حۋمىن كوپىرى، نەتكەن ايبىندى“، - دەدى.
سول كۇنى زاۆودتا كەزەك بويىنشا دەمالىسىن العان، پاشاگۇل مەن كۇيەۋى بالاسىن ەرتىپ تەڭىزدى كورۋگە كەلگەن. قازىر وتباسىنداعى 3 جان دۇڭگۋاننىڭ تەز ريتىمدى تۇرمىسىنا بۇكىلدەي ۇيلەسىپ كەتتى. ”تۇسكى استان كەيىن مەتروعا وتىرىپ جارتى ساعاتتا قايتىپ كەتۋگە بولادى، وتە قولايلى“، - دەدى پاشاگۇل.
37 جاستاعى پاشاگۇل دۇڭگۋانداعى لۇيجوۋ اياق كيىم شەكتى سەرىكتەستىگىنىڭ جۇمىسشىسى. 2006 - جىلى ول اۋىلى ۇلۇقشات اۋدانىنان دۇڭگۋانعا كەلىپ جۇمىس ىستەگەن. 14 جىلدا ول ىلگەرىندى - كەيىندى 1300دەن استام ادامدى گۋاڭدۇڭعا كەلىپ جۇمىس ىستەۋگە ۇيىمداستىرىپ، بۇقارانى باستاپ، كەدەيلىكتەن ارىلىپ كىرىستى ارتتىرۋدىڭ”باستاۋشى قازىنا“ اينالدى.
پاشاگۇلدىڭ كۇيەۋى دۇيسەن سىدىق ونىمەن بىرگە سىرتقا جۇمىس ىستەۋگە شىققان اۋىلداسى. ”قازىر ەكەۋىمىزدىڭ ايلىق كىرىسىمىز 10 مىڭ يۋاننان اسادى، ۇلىم دا زاۆودتىڭ ماڭىنداعى بالا باقشاعا كىردى، الاڭسىزبىن“، - دەدى پاشاگۇل.
قىرعىز ۇلتىندا مىناداي ماقال بار: ەڭبەكشىلدىڭ قارنى توق، جالقاۋ تاعدىرىنا ناليدى. پاشاگۇلدە كەدەي بولىپ كوردى، الايدا ەشنارسەدەن قايمىقپادى، ”مەن تاعدىرعا سەنبەيمىن، تەك قوس قولىما سەنەمىن“.
پاشاگۇل ۇلۇقشات اۋدانى ءبورىتوعاي اۋىلى اقشي قىستاعىندا دۇنيەگە كەلگەن، بۇل قىستاق تەڭىز دەڭگەيىنەن 2400 مەتر بيىك، قالىڭ تاۋ قورشاعان، تاۋ قويناۋىنداعى كەدەي قىستاق. 14 جاسىندا اكەسى قايتىس بولىپ، وتباسى ارىسىنان ايرىلادى، ”ول كەزدە 10 مىڭ يۋان قارىز ارقالاپ قالدىق، شەشەم مەن اعا - سىڭلىلەرىمىز جىلاي - جىلاي كوز جاسىمىز قۇرعاپ قالدى“، - دەدى پاشاگۇل.
تاقىر تاۋ بەتكەيىندە وتىرىپ قويلارعا قاراپ پاشاگۇل ويعا باتادى: كۇنىمدى وسىلاي قوي جايىپ، نان قاجاپ وتكىزۋىم كەرەك پە؟
اقشا تابۋ ءۇشىن، پاشاگۇل ماقتا تەردى، اسحانادا تاباق تاسىدى، بالا دا باقتى، الايدا ورنىقتى كىرىس كىرگىزە المادى.
2006 - جىلى ۇلۇقشات اۋدانى ەگىنشى - مالشىلاردى گۋاڭدۇڭعا بارىپ جۇمىس ىستەۋگە ۇندەيدى، سول كەزدە 23 جاستاعى پاشاگۇل بۇكىل قىستاق بويىنشا ءبىرىنشى بولىپ تىزىمدەلەدى. ”ول كەزدە كوپتەگەن ادامنىڭ نازارىندا قىز بالا ۇيدەن شىقپاۋ كەرەك، قايدان ەل الدىندا ورتاعا شىعۋ بولسىن“. شەشەسى دە قىزىن جىبەرگىسى كەلمەيدى، الايدا پاشاگۇل باتىلدىقپەن بىلاي دەيدى: ”مەن ءسىزدى باقىتتى تۇرمىسقا كەنەلتكىم كەلەدى“.
مالشىدان جۇمىسشىعا دەيىن، ودان زاۆودتاعى شينجياڭدىق جۇمىسكەرلەردى باسقارۋشىعا دەيىن، باسقان جولى وڭاي بولا قويعان جوق. پاشاگۇل كوزىن قانشا جاسقا مالدى، اققان تەرى قانشا، ءوزىنىڭ دە ەسىندە جوق.
گۋاڭدۇڭعا العاش كەلە قالعاندا پۋتۇڭحۋانى تىڭداپ ۇعىنۋى، سويلەۋى قاتتى ناشار ەدى، تاقاتسىزدانعاندا سەكىرىپ كەتەتىن. دىبىستاۋعا ماشىقتانعاندا باسقالارعا ىقپال جاساماۋ ءۇشىن، ول ىرىقتىلىقپەن بوس جاتاق عيماراتىنا كوشىپ كىردى، ”ءار كۇنى ەمىن - ەركىن داۋىستاپ وقىعاندىقتان تەز جەتىلدىم، عيماراتتىڭ ءىشى قاڭىراعان، كەشتە ءبىراز قورقامىن“.
تەحنيكاسى جەتەرسىز بولعان سوڭ، باسقالار جۇمىستان ءتۇسىپ كەتكەندە، ول جاپالىلىقپەن ماشىقتاندى، قولدارى ويىلىپ، بىلەگى قۇددى بولكاداي ءىسىپ كەتتى. تەمىرشىلىك ەرلەر ىستەيتىن جۇمىس بولسا دا ول ىستەي بەردى، ۇستازدىڭ وعان جانى اشىسا، ول: ”ءبىر تەحنيكانى ارتىق بىلسەم زيان شەكپەيمىن“ دەيتىن.
جول قاراجاتىن ۇنەمدەۋ ءۇشىن، 2015 - جىلى، سىرتقا شىعىپ جۇمىس ىستەگەنىنە 9 جىل بولعاننان كەيىن، پاشاگۇل تۇڭعىش رەت اۋىلىنا قايتتى. بۇل كەزدە، شەشەسى ول جىبەرگەن اقشامەن بەيقۇت ءۇي سالىپ العان بولاتىن، باۋىرى شينجياڭ داشۋەدەن وقۋ تاۋىسقان. پاشاگۇل ءوزىنىڭ ەڭبەگى ەش كەتپەگەنىن سەزدى.
”گۋاڭدۇڭعا تۇڭعىش رەت كەلگەنىمدە، 5 تاۋلىك بويى تىكەدەن تىك تۇرىپ، جاسىل ءتۇستى 3 پويەز اۋىستىردىم. ءبىر ايدان كەيىن، بىرگە كەلگەن 35 اۋىلداسىم تۇگەل قايتىپ كەتىپ، مەن جالعىز قالدىم“. تاعدىرىن وزگەرتكەن سول جولعى ساپارىن ەسكە العان پاشاگۇل تەبىرەنە:”سول قادامدى باسىپ وتكەنىم قانداي جاقسى بولدى، كەرى شەگىنبەدىم“، - دەدى.
”مەن باردا ولاردىڭ دۇڭگۋاندا ءۇيى بار“
11 - ايدىڭ 30 - كۇنى ساعات 22، جۇمىسشى - قىزمەتكەرلەر جاتاعى. اسىعىس شىرىلداعان قول تەلەفون ۇنىمەن پاشاگۇلدىڭ قۇشاعىنداعى جاڭا عانا ۇيىقتاتقان ۇلى مازاسىزدانا كىشكەنتاي قولىن سەرمەپ جاتتى. پاشاگۇل دەرەۋ دىبىستى باسىپ، توسەكتەن ءتۇسىپ، تازالىق ۇيگە كەلدى، ”سالەمەتسىز بە، مەن پاشاگۇلمىن، نە شارۋا؟“، - دەپ سۇرادى ول باسەڭ ۇنمەن.
تەلەفون ۇلۇقشاتتىق جىگىت تۇردالى ابىلەزدەن كەلىپتى. ”گۇلي اپەكە، بىرنەشە كۇننەن كەيىن زاۆودقا جۇمىسقا قايتا بارايىن دەپ ەدىم، بولا ما؟“، ”بولادى - عوي، باۋىرىم، قازىر زاۆودقا ادام قاجەت، قارسى الامىن“. سالەمنەن سوڭ، پاشاگۇل 2016 - جىلى دۇڭگۋاندا 3 جىل جۇمىس ىستەپ اۋىلىنا قايتقان تۇردالىنىڭ جاڭا ءۇي سالعانىن، باسىنا ءۇي تىگىپ، باۋىرىنا قازان اسقانىن ءبىلدى.
”كەزىندە ول سالت بولاتىن، قولى قىسقالىقتان كەلىنشەك الا الماي، ۇنەمى ۋايىمداپ ءجۇرۋشى ەدى. سول كەزدە مەن وعان جاپالىلىقپەن قۇلشىنا ىستەسە، جاقسى كۇندەردىڭ الدان شىعاتىندىعىن ايتىپ ءناسيحات جۇرگىزەتىنمىن. ەندى مىنە ءبارى وزگەردى، ول وسى رەت كەلىنشەگىن ەرتىپ بىرگە اقشا تابۋعا كەلەتىندىگىن ايتتى“، - دەپ قۋانا كۇلدى پاشاگۇل.
اناعۇرلىم كوپ اۋىلداسىنىڭ سىرتقا شىعۋىنا تۇرتكى بولۋ ءۇشىن، پاشاگۇل ۇنەمى اۋىلىنا قايتىپ تۋىسشىلاعان ورايدا، اۋىلداستارىنا سىرتتاعى تاماشا دۇنيەنى ايتىپ، پارتيانىڭ جاقسى ساياساتىن دارىپتەيتىن. 3 − 5 ادامنان 20 − 30 ادامعا كوبەيىپ، ودان جۇزدەن، مىڭنان استى... بارعان سايىن كوبەيگەن اۋىلداستار اق تاياعىن تاستاپ، زاۆودقا كىرىپ جۇمىسشى بولدى، ارحيۆ تۇرعىزىلىپ، كارتچكالاندىرىلعان 279 كەدەي وتباسى سىرتقا شىعىپ جۇمىس ىستەۋدىڭ ارقاسىندا كەدەيلىككە قوش ايتتى.
13 جاستاعى قىز بالا نۇرزات ءمۇتالىپتىڭ اياعى مۇگەدەك، ۇزاق ۋاقىت دوڭگەلەكتى اربانى سەرىك ەتتى. ءمۇتالىپ بابا ەرلى - زايىپتى ەكەۋى بىردەي مالشى، بالاسىنىڭ اۋرۋىن ەمدەتكىسى كەلگەنىمەن، اقشاسى جەتپەيتىن ەدى.
”ءبىزدىڭ زاۆودقا كەلىپ جۇمىس ىستەڭدەر، اقشا تاۋىپ بالانى ەمدەتەسىڭدەر“. 2018 - جىلى پاشاگۇل ۇيىنە قايتىپ تۋىسشىلاعان كەزىندە، ەرلى - زايىپتى ەكەۋىنىڭ قيىنشىلىعىن كورىپ قاتتى ابىرجىدى. ”ءبىراق ءبىز جۇمىس ىستەۋگە كەتسەك، بالاعا كىم قارايدى؟“، ”وندا ءۇي ىشتەرىڭمەن بىرگە بارىڭدار!“.
وسىدان سوڭ ءمۇتالىپتىڭ ۇيىندەگى 4 جان بىرگە دۇڭگۋانعا كەلدى، ۇلكەن قىزى دا زاۆودقا كىرىپ جۇمىس ىستەدى، ەرلى - زايىپتى ەكەۋى جانە ۇلكەن قىزى ءار ايدا 10 مىڭ يۋاننان استام اقشا تاپتى. پاشاگۇل كومەكتەسىپ شيپاحاناعا حابارلاسىپ ەمدەتتى، جايشىلىقتا بالانىڭ قالپىنا كەلتىرۋ جاتتىعۋىن جاساۋىنا جاردەمدەستى. 2 جىلدىق ەمدەلۋ ارقىلى نۇرزات باسقالاردىڭ قولتىقتاۋىمەن تۇرەگەلىپ تۇرا الاتىن بولعاندا، جانارىندا بولەكشە نۇر وينادى.
ۇلۇقشات اۋدانىندا پاشاگۇلدىڭ تەلەفون ءنومىرى جۇرتقا جاريا، اۋەلى، توڭىرەكتەگى اقتاۋ اۋدانى مەن تۋان الاڭ، ليان - دۇيدەگى اۋىلداستارعا دەيىن دۇڭگۋاندا ”گۇليدىڭ“ تۇراتىندىعىن، سىرتقا شىعىپ جۇمىس ىستەپ اقشا تاپپاق بولسا، سونى ىزدەسە بولاتىندىعىن بىلەدى. تۇنگى ساعات 2 − 3 تەردەگى گۋاڭجوۋ پويەز ۆوكزالىندا قانشا رەت بوران - شاشىنعا قاراماي اۋىلداستارىن كۇتىپ الىپ - شىعارىپ سالعانىن پاشاگۇلدىڭ ءوزى دە ساناپ بەرە المايدى.
”ول اۋىلداستارىنا اق جۇرەگىمەن مامىلە جاسادى“. جاقسى دوسى جو ارچۇن بىلاي دەيدى: پاشاگۇل ءوز قالتاسىنان 18 مىڭ يۋان اقشا شىعارىپ، 42 كەدەي قىزمەتتەسىنىڭ پويەز بەلەتىن الۋىنا كومەكتەستى، ال ءوزى اياعىنداعى سپورت شاقايىن ءبىر كيگەندە 5 جىل كيدى.
”اۋىلداستاردىڭ شينجياڭنان كەلىپ جۇمىس ىستەۋى وڭاي ەمەس، مەن باردا ولاردىڭ دۇڭگۋاندا ءۇيى بار دەپ ۇنەمى ويلايمىن“، - دەيدى پاشاگۇل.
”اۋىلداستارىم كەدەيلىكتەن ارىلىپ عانا قالماي، بايۋى كەرەك“
12 - ايدىڭ 3 - كۇنى ساعات 19دان 30 مينۋتتا اياق كيىم زاۆودىنىڭ ايەل جۇمىسشىسى 29 جاستاعى ءبۇباتيما مامەتتۇردى جۇمىستان تۇسە سالىسىمەن زاۆود ماڭىنداعى اجارلاندىرۋ، شاشتاراز دۇكەنىنە قاراي جۇگىرە باسىپ شەبەرلىك ۇيرەنۋگە باردى.
بۇرىم قىپ ءورىپ، ايقاستىرا ءتۇيىپ وراپ، ونان سوڭ شاش قىستىرعىشپەن باسىپ، شاش قاتىرعىنى سەپكەندە، ايداي جاس كەلىننىڭ شاشى ابدەن ءتۇيىلىپ بولدى. ”تاماشا جاسادىڭ، تەز ارادا ۇستازعا اينالاسىڭ!“، - دەپ ماقتادى ۇستازى لي لياڭ.
ءبۇباتيمانىڭ بۇل جەردە شاكىرت بولعانىنا ءبىر ايدان اسقان، 4000 يۋاندىق وقۋ قاراجاتى ءبىر ايلىق ەڭبەكاقىسىنا بارابار، الايدا ونىڭ بۇعان ءىشى اشي قويمادى، ”ونەر ۇيرەنىپ السام بولدى“.
كۇرەڭ قىزىل رەڭدى قىسقا شاش، جالت - جۇلت ەتكەن اسەم تىرناق، كۇلگەندە ادەمى كورىنەتىن 8 ءتىسى، كوز الدىدا تۇرعان ءبۇباتيمانى بۇرىنعى ءجونسال كيىمدى، اۋزىن اشسا بەتى قىزارىپ شىعا كەلەتىن بويجەتكەنمەن سالىستىرسا، ەكەۋى ەكى ادام دەرلىك. ”بۇل بالا ەلپەك!“، - دەپ قىزىقتادى پاشاگۇل.
پاشاگۇلدىڭ قاراۋىنشا، ”تىنىم تاپپاۋ“ اۋىلداس ايەلدەردەگى ءبىر ۇلكەن وزگەرىس. ”بۇرىن اۋىل - قىستاق ايەلدەرى ءومىر بويى وت باسى، وشاق قاسىنان جانە بالالارىنىڭ قاسىنان ۇزاپ شىقپايتىن، ولاردى سىرتقا شىعۋعا ءناسيحاتتايمىن دەپ جاعىم تالاتىن. قازىر ولار ىرىقتىلىقپەن ماعان تەلەفون سوعىپ سىرتقا شىعىپ جۇمىس ىستەيتىن بولدى، كەيبىرەۋى ۇيىندەگىلەردى ەرتە كەلدى“.
”سىرتقا شىققان سوڭ اۋىلداستاردىڭ كىرىسى جوعارىلادى، ونان دا ماڭىزدىسى، كوز اياسى كەڭەيدى، وي - ساناسى ءوستى“. پاشاگۇل بىلاي دەدى: ”وسى جىلداردا سىرتقا شىعىپ اقشا تاۋىپ، اۋىلعا قايتىپ ساۋدا ىستەپ بايىعاندار بارعان سايىن كوبەيدى. كەدەيلىكتەن ارىلتۋدان قامال الۋ ساياساتىنىڭ دەمەۋىندە، وعان قوسا سىرتقا شىعىپ جۇمىس ىستەگەن جۇمىسشىلاردىڭ اۋىلعا الا بارعان جاڭا كوزقاراسىمەن اۋىلداستار كەدەيلىكتەن ارىلىپ قالماستان، بايۋى كەرەك“.
ءار رەت اۋىلعا قايتقان سايىن پاشاگۇل وڭتۇستىك شينجياڭنىڭ دامۋىنداعى وزگەرىستەردى سەزىندى. بارعان سايىن كوبەيگەن كەدەيلىكتەن ارىلتۋ سەحتارى، شارۋاشىلىق قۇرۋ شەبەرحانالارى ىرگە تەپكەن، ايەلدەر شارۋاشىلىق قۇرسا ساياساتتىق قولداۋ دا بار.
”مەن ءبىر قاراپايىم مالشىمىن، مەملەكەتتىڭ جاقسى ساياساتى بولماعاندا، قازىرگى مەن دە بولماس ەدىم“. پاشاگۇل كەلەر جىلى اۋىلىنا قايتىپ اياق كيىم زاۆودىن اشىپ، اپەكە - سىڭلىلەرىنىڭ ءۇي ماڭىندا اقشا تابۋىنا مۇمكىندىك جاساۋدى جوسپارلاپ وتىر.
”وسىنىڭ الدىندا ءبىر حابار كوردىم، شينجياڭدا ەڭ سوڭعى 10 كەدەي اۋدان كەدەيلىك قالپاعىن الىپ تاستاپتى“، - دەپ قۋانا سويلەدى پاشاگۇل، - ”الداعى جەردە ءبىز بىرگە قۇلشىنىپ، اۋىلىمىزدى اناعۇرلىم كورىكتەندىرىپ، تۇرمىسىمىزدى اناعۇرلىم جاقسارتايىق!“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
