وقۋشىلاردى مەكتەپ كيىمىن ساتىپ الۋعا ماجبۇرلەۋگە بولمايدى، ”كونەسىن جاڭاسىنا اۋىستىرۋعا”، ”كىشى كەلگەنىن ۇلكەنىنە اۋىستىرۋعا“ بولادى! بەيجيڭ ايقىن تۇراقتاندىردى 

جۋىردا بەيجيڭ قالالىق وقۋ – اعارتۋ كوميتەتى، بەيجيڭ قالالىق بازاردى باقىلاۋ – باسقارۋ مەكەمەسى «ورتا، باستاۋىش مەكتەپ وقۋشىلارىنىڭ مەكتەپ كيىمىن باسقارۋ قىزمەتىن اناعۇرلىم كۇشەيتۋ جونىندەگى پىكىردى» (تومەندە «پىكىر» دەلىنەدى) باسىپ تاراتىپ، ورتا، باستاۋىش مەكتەپتەردە مەكتەپ كيىمىن ساتىپ الۋدا وقۋشىلاردىڭ ءوز ەركىمەن ساتىپ الۋى پرينسيبىنە تاباندى بولۋدى باسا دارىپتەگەن. مۇنان سىرت، مەكتەپتەردىڭ وقۋشىلاردىڭ مەكتەپ كيىمىن قايتالاي پايدالانۋ جاعىندا ىزدەنىس جاساۋىنا، مەكتەپ كيىمىنىڭ كونەسىن جاڭاسىنا اۋىستىرۋ، كىشى كەلىپ قالعانىن ۇلكەنىنە اۋىستىرۋ قاتارلى قايتا جيىپ الىپ پايدالانۋ مەحانيزمى جاعىندا جاڭالىق اشۋىنا، بايلىق قاينارىن ىسىراپ ەتۋدى ازايتۋىنا بولادى.

«پىكىردە» مىنالار ايقىن تۇراقتاندىرىلعان، ورتا، باستاۋىش مەكتەپتەردىڭ ءارقانداي فورمامەن وقۋشىلاردى جانە اتا – انالاردى مەكتەپ كيىمىن ساتىپ الۋعا ماجبۇرلەۋىنە نەمەسە ”ماتاستىرىپ ساتۋىنا“ بولمايدى؛ وقۋشىلاردىڭ ءوزى وقيتىن مەكتەپتىڭ مەكتەپ كيىمىنىڭ فورماسى، رەڭى بويىنشا مەكتەپ كيىمىن ءوزى ساتىپ الۋىنا، ءوزى تىكتىرۋىنە رۇقسات بەرۋ كەرەك. وقۋ – اعارتۋدى اكىمشىلىك جاقتان باسقاراتىن ءارقايسى تاراۋلار مەكتەپ كيىمىن باسقارۋ مەن ساتىپ الۋ ءادىسىن بەلگىلەۋى، وقۋشىلاردىڭ ءوز ەركىمەن ساتىپ الۋى پرينسيبى بويىنشا، سول رايوننىڭ مەكتەپ كيىمىن تاڭداپ پايدالانۋ، ساتىپ الۋ ولشەمى مەن ءتارتىبىن بەلگىلەۋى، مەكتەپ كيىمىنە قاتىستى اتقارىلاتىن ولشەمدى، ساتىپ الۋ مەزگىلى مەن سانى، باعا بەلگىلەۋ مەحانيزمى، اقى الۋ تالابى قاتارلى مازمۇنداردى ايقىن تۇراقتاندىرۋى كەرەك.

«پىكىردە» مىنالار اتاپ كورسەتىلگەن: ءارقايسى مەكتەپتەر وقۋشىلار، اتا – انالار، قوعامداعىلاردىڭ ۋاكىلدەرى قاتارلى كوپتەگەن جاقتار قاتىناسقان مەكتەپ كيىمىن تاڭداپ پايدالانۋ ۇيىمىن قۇرۋى، پاسومىن جوبالاۋ، ماتەريالىن تاڭداۋ، رەڭىن تۇراقتاندىرۋ، فۋنكتسيالىق قاجەتى، باعا كولەمى، ساتىپ الۋ فورماسى، ساتىپ العاننان كەيىن قىزمەت وتەۋ قاتارلى تاڭداپ پايدالانۋ جانە ساتىپ الۋ تۇيىندەرىنە بۇكىلدەي اتسالىسىپ، وقۋشىلار مەن اتا – انالاردىڭ مەكتەپ كيىمىنە قاتىستى قىزمەتتەردى ءبىلۋ ۇقىعىن، قاتىستى قىزمەتتەرگە قاتىناسۋ ۇقىعىن، تاڭداۋ ۇقىعىن، باقىلاۋ ۇقىعىن تولىق قامتاماسىزداندىرادى. مۇنان سىرت، مەكتەپتەر مەكتەپ كيىمىن تاڭداپ پايدالانعان كەزدە ”ەكى رەت تەكسەرۋ“ ءتۇزىمىن اتقارادى، وقۋشىلاردىڭ اتا – انالارىنان تەكسەرۋ اقىسىن الۋعا بولمايدى.

پىكىردە تاعى مىنالار ورتاعا قويىلعان: جاسىل تيپتىلەندىرۋ، ورتانى قورعاۋ تانىمىن جەتىلدىرىپ، وقۋشىلاردىڭ مەكتەپ كيىمىن قايتالاي پايدالانۋ فورماسى جونىندە ىزدەنىس جاساۋ، مەكتەپ كيىمىنىڭ كونەسىن جاڭاسىنا اۋىستىرۋ، كىشى كەلىپ قالعانىن ۇلكەنىنە اۋىستىرۋ قاتارلى قايتالاي جيناپ پايدالانۋ مەحانيزمىندە جاڭالىق اشىپ، ۇقىپتى دا ۇنەمشىل بولىپ، بايلىق قاينارىن ىسىراپ ەتۋدى ازايتۋ كەرەك. سونىمەن بىرگە، مەكتەپتەر وتباسىىندا قيىنشىلىعى بار وقۋشىلار، توڭكەرىستىك قۇربانداردىڭ پەرزەنتتەرى، جەتىم بالالار، مۇگەدەك بالالار قاتارلىلارعا باعىتتاي وتىرىپ، ءتۇرلى شارالار ارقىلى مەكتەپ كيىمىمەن تەگىن قامداپ، ولاردىڭ وتباسىنداعى ەكونوميكالىق اۋىرتپالىقتى جەڭىلدەتۋى كەرەك. كاسىپورىندار، ءىسورىندار، قوعامدىق توپتار مەن جەكەلەر قاتارلى قوعامدىق كۇشتەردى مەكتەپتەرگە نەمەسە وقۋشىلارعا الەۋمەتتىك يگىلىك سيپاتىندا مەكتەپ كيىمىن جىلۋعا اتاۋعا شابىتتاندىرۋ كەرەك.

كەلۋ قاينارى: حالىق تورابى