كۇش ۇستىنە كۇش قوسىپ، اۋقىمعا قاراي ورگە ۇمتىلىپ، عارىش ىستەرىندەگى قۋاتتى ەل قۇرۋدى جەدەلدەتۋ كەرەك

9 - ايدىڭ 23 - كۇنى پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار حالىق سارايىندا اي بارلاۋ ينجەنەرياسى چاڭ - ى 6 – ءنومىرلى مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىن قابىلدادى، سونداي - اق اي شارىنان ۇلگى كورسەتۋ جانە اي شارىن بارلاۋ ينجەنەرياسىنىڭ جەتىستىكتەرى كورمەسىن ەكسكۋرسيالادى. سۋرەتتە: شي جينپيڭ ماڭىزدى ءسوز سويلەۋدە.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

9 - ايدىڭ 23 - كۇنى پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار حالىق سارايىندا اي بارلاۋ ينجەنەرياسى چاڭ - ى 6 – ءنومىرلى مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىن قابىلدادى، سونداي - اق اي شارىنان ۇلگى كورسەتۋ جانە اي شارىن بارلاۋ ينجەنەرياسىنىڭ جەتىستىكتەرى كورمەسىن ەكسكۋرسيالادى. سۋرەتتە: شي جينپيڭ قاتارلىلار اي بارلاۋ ينجەنەرياسى چاڭ - ى 6 - ءنومىرلى مىندەتىن زەرتتەۋگە، سىناق ەتۋگە قاتىناسقان قىزمەتكەرلەردىڭ ۋاكىلدەرىن قابىلداۋدا.

سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن

«حالىق گازەتى»، 9 – ايدىڭ 23 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 23 - كۇنى تۇستەن بۇرىن حالىق سارايىندا اي بارلاۋ ينجەنەرياسى چاڭ - ى 6 – ءنومىرلى مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىن قابىلداعاندا ماڭىزدى ءسوز سويلەدى. ول بىلاي دەپ باسا دارىپتەدى: اي بارلاۋ ينجەنەرياسىنىڭ جەتىستىكتەرىنە ەلىمىزدىڭ نەشە ۇرپاق عارىش قىزمەتكەرلەرىنىڭ اقىل - پاراساتى مەن جۇرەك قانى سىڭگەن، ول ءبىزدىڭ وسى جىلدارى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدە قول جەتكىزگەن كورنەكتى تابىستارىمىزدى ءبىر قىرىنان ايگىلەپ، جۇڭگولىقتاردىڭ جىگەرىن، جالىنىن جانە سەنىمىن تولىق ايگىلەدى. بۇكىل قوعامدا ارمانعا قۇلاش سەرمەۋ، باتىلدىقپەن ىزدەنىس جاساۋ، سەلبەسىپ قامال الۋ، سەلبەسىپ تەڭ يگىلىككە كەنەلۋ سىندى اي بارلاۋ رۋحىن بارىنشا اسقاقتاتىپ، بۇكىل جۇڭحۋا ۇلاندارىنىڭ ۇلتتىق سەنىمى مەن ماقتانىش سەزىمىن ونان ارى كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋدىڭ قۇدىرەتتى كۇشىن ۇيىستىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قيمىلعا قاتىناستى.

تۇستەن بۇرىن ساعات 10 مولشەرىندە شي جينپيڭ قاتارلى پارتيا مەن مەملەكەت باسشىلارى حالىق سارايىنىڭ سولتۇستىك زالىنا كەلگەندە تۇتاس زالدان ۇزاققا دەيىن قىزۋ قول شاپالاق ءۇنى كوتەرىلدى. شي جينپيڭ قاتارلىلار كوپشىلىكپەن ىقىلاسپەن قول الىستى ءارى توپتىق سۋرەتكە ءتۇسىپ ەستەلىك قالدىردى.

قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنانى ءبىلدىردى: بيىل 6 - ايدىڭ 25 - كۇنى چاڭ - ى 6 - ءنومىرلى مىندەتىن ورىنداپ بولعاننان كەيىن ءساتتى قايتىپ كەلدى، مەن قۇتتىقتاۋ تەلەگرامماسىن جولدادىم. بۇگىن مەن ورتالىقتاعى باسقا دا باسشى جولداستارمەن بىرگە كوپشىلىككە امانداسا كەلدىم، پارتيا ورتالىق كوميتەتى اتىنان كوپشىلىكتى تاعى دا قىزۋ قۇتتىقتايتىنىمدى جانە شىنايى سالەم جولدايتىنىمدى بىلدىرەمىن!

شي جينپيڭ بىلاي دەپ اتاپ كورسەتتى: چاڭ - ى 6 – ءنومىرلى ادامزات تاريحىنداعى تۇڭعىش رەتكى ايدىڭ ارعى بەتىنەن ۇلگى الۋدى ورىنداپ، كوپتەگەن شەشۋشى تەحنيكادان قامال الدى، بۇل − ەلىمىزدىڭ عارىش ىستەرىندە، عىلىم - تەحنيكادا قۋاتتى ەل قۇرۋدا قول جەتكىزگەن تاعى ءبىر بوگەنايلىق جەتىستىگى، ەلىمىزدىڭ اي بارلاۋ ينجەنەرياسىنداعى ماڭىزدى بەلەس. 20 جىلدان بەرى ايدى بارلاۋ ينجەنەرياسى نازاردى شەشۋشى، وزەكتى تەحنيكا سالاسىندا ۇزدىكسىز قامال الۋعا شوعىرلاندىرىپ، عىلمي بايقاۋ، تەحنيكادا جاڭالىق اشۋ، ينجەنەريالىق اماليات، جەتىستىكتەردى كادەگە جاراتۋ، حالىقارالىق سەلبەستىك سياقتى جاقتاردا مول جەتىستىككە قول جەتكىزىپ، جوعارى ساپالى، جوعارى ءونىمدى اي شارىن بارلاۋ جولىمەن ءجۇرىپ، ەلىمىزدىڭ عارىش ىستەرىنىڭ دامۋىنا، ادامزاتتىڭ عارىش كەڭىستىگىن زەرتتەۋىنە ماڭىزدى ۇلەس قوستى.

شي جينپيڭ بىلاي دەپ باسا دارىپتەدى: ۇشى - قيىرسىز الەم جونىندە ىزدەنىس جاساۋ، عارىش ىستەرىندە قۋاتتى ەل قۇرۋ − ءبىزدىڭ تالىقپاي تالپىناتىن عارىش ارمانىمىز. جاڭا جۇڭگو قۇرىلعان 75 جىلدان بەرى جۇڭگو كوممۋنيستىك پارتياسىنىڭ باسشىلىعىندا ەلىمىزدىڭ نەشە ۇرپاق عارىش قىزمەتكەرلەرى ءوز كۇشىنە سۇيەنىپ ءومىر سۇرۋگە، دەربەس جاڭالىق اشۋعا تاباندى بولىپ، عارىش ىستەرىنىڭ جوقتان بار بولۋىن، السىزدەن كۇشەيۋىن، ”ارمانعا قانات قاعۋدان“ ”كۇرەس جۇرگىزۋ ارمانىنا جەتۋگە“ ءوتۋىن ىلگەرىلەتىپ، تاريحي، جوعارى ساپالى، قارىشتاپ دامۋدى جۇزەگە اسىرىپ، عارىش ىستەرىندەگى قۋاتتى ەل قۇرىلىسىندا نىق قادام تاستالدى.

شي جينپيڭ بىلاي دەپ اتاپ كورسەتتى: سىرتقى كەڭىستىك − ادامزاتتىڭ ورتاق اۋماعى، كەڭىستىك ىزدەنىسى − ادامزاتتىڭ ورتاق ءىسى. اي بارلاۋ ينجەنەرياسى تەڭ تۇرعىدا ءوزارا پايدا جەتكىزۋ، بەيبىت پايدالانۋ، سەلبەسىپ تەڭ يگىلىككە كەنەلۋ پرينسيبىن باستان - اياق ۇستاندى، ”چاڭ - ى“ ءارى جۇڭگوعا ءتان، ءارى بۇكىل ادامزاتقا ءتان، ول حالىقارالىق عىلىم - تەحنيكا سەلبەستىگىنە كەڭ ساحنا ازىرلەپ، دۇنيە ءجۇزىنىڭ قيىر كەڭىستىك ىزدەنىسىنە جۇڭگونىڭ اقىل - پاراساتى مەن جۇڭگو كۇش - قۋاتىن ارنادى. ءبىز كەڭ پەيىلدىلىكتى ۇزدىكسىز ۇستانىپ، الۋان ءتۇرلى فورماداعى عارىش ىستەرى حالىقارالىق اۋىس - كۇيىسىن، سەلبەستىگىن ىشكەرىلەي ىلگەرىلەتىپ، ءار ەلمەن دامۋ جەتىستىكتەرىنەن تەڭ يگىلىكتەنىپ، سىرتقى كەڭىستىكتى جونگە سالۋدى كەمەلدەندىرىپ، عارىش ىستەرى عىلىم - تەحنيكا جەتىستىكتەرىنىڭ ادامزاتقا اناعۇرلىم زور باقىت جاراتۋىنا مۇمكىندىك جاساۋىمىز كەرەك.

شي جينپيڭ بىلاي دەپ باسا دارىپتەدى: عارىشتى بارلاۋدىڭ شەگى جوق. عارىش ىستەرى شەبىندەگى جولداستاردىڭ كۇش ۇستىنە كۇش قوسىپ، قولايلى ساتتەن پايدالانىپ العا ۇمتىلىپ، اي شارىنان ۇلگى الۋ عىلىمىن زەرتتەۋدى دەن قويا ورىستەتىپ، قيىر كەڭىستىكتى بارلاۋ سياقتى عارىش ىستەرىندەگى كەلەلى ينجەنەريالاردى ۇزدىكسىز ويداعىداي اتقارىپ، كەڭىستىك عىلىمىنىڭ، كەڭىستىك تەحنيكاسىنىڭ، كەڭىستىكتەن پايدالانۋدىڭ جاپپاي دامۋىن ىلگەرىلەتىپ، عارىش ىستەرىندەگى قۋاتتى ەل قۇرۋعا تاعى دا تىڭ ۇلەس قوسۋىن ءۇمىت ەتەمىن.

وسىدان كەيىن شي جينپيڭ قاتارلىلار حالىق سارايىنىڭ شىعىس زالىنا كەلىپ، اي شارىنىڭ ۇلگىسى مەن ”توعىز قابات كوككە سامعاپ ايعا قونۋ · ايدى بارلاۋ ينجەنەرياسىنىڭ 20 جىلدىعى“ تابىس كورمەسىن ەكسكۋرسيالادى.

لي گانجيە، لي شۋلەي، جاڭ يوۋشيا، جاڭ گوچيڭ، ۋ جىڭلۇڭ جوعارىداعى قيمىلدارعا قاتىناستى.

اي بارلاۋ ينجەنەرياسىن اتقارۋ − پارتيا ورتالىق كوميتەتىنىڭ ەلىمىزدىڭ ەكونوميكالىق، عىلىم - تەحنيكالىق دامۋىنىڭ ۇلكەن اۋقىمىن يگەرە وتىرىپ جاساعان كەلەلى ستراتەگيالىق شەشىمى. ەلىمىزدىڭ عارىش تاريحىنداعى قازىرگە دەيىنگى تەحنيكالىق ورەسى ەڭ جوعارى اي شارىن بارلاۋ مىندەتى بولعان چاڭ - ى 6 ءنومىرلى ادامزات تاريحىندا تۇڭعىش رەت ايدىڭ ارعى بەتىنەن ۇلگى الىپ قايتا ورالىپ، بولاشاقتا ەلىمىزدىڭ اي شارى مەن پلانەتالاردى بارلاۋىنا بەرىك نەگىز قالادى.

كەلۋ قاينارى: حالىق تورابى