شي جينپيڭ تەلەگرامما جولداپ، ديساناياكتىڭ شريلانكانىڭ زۇڭتۇڭ بولىپ تاعايىندالعاندىعىن قۇتتىقتادى

شينحۋا اگەنتتىگى، 9 - ايدىڭ 23 – كۇنى، بەيجيڭ. 9 - ايدىڭ 23 - كۇنى مەملەكەت ءتوراعاسى شي جينپيڭ انۋرا ديساناياكقا تەلەگرامما جولداپ، ونىڭ شريلانكا دەموكراتيالىق سوتسياليستىك رەسپۋبليكاسىنىڭ زۇڭتۇڭى بولىپ تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن شريلانكا − ءداستۇرلى دوس كورشىلەر. جۇڭگو مەن شريلانكا ديپلوماتيالىق قارىم - قاتىناس ورناتقان 67 جىلدان بەرى ەكى ەل باستان - اياق ءبىرىن - ءبىرى ءتۇسىنىپ، ءبىرىن - ءبىرى قولداپ، تۇرلىشە ۇلكەندى - كىشىلى ەلدەر اراسىنداعى دوستىق قارىم - قاتىناستىڭ، ءوزارا ءتيىمدى سەلبەستىكتىڭ ۇلگىسىن ورناتتى. مەن جۇڭگو - شريلانكا قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، ءداستۇرلى دوستىقتى جالعاستىرىپ، ساياسي ءوزارا سەنىمدىلىكتى ارتتىرىپ، جۇڭگو مەن شريلانكانىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سەلبەستىگىنىڭ اناعۇرلىم مول جەمىس بەرۋىن ىلگەرىلەتىپ، جۇڭگو مەن شريلانكانىڭ شىنايى ءوزارا كومەكتەسەتىن، ۇرپاقتار بويى دوس بولاتىن ستراتەگيالىق سەلبەستىك سەرىكتەستىك قارىم - قاتىناسىنىڭ ورنىقتى قاداممەن الىسقا جەتۋىن ىلگەرىلەتىپ، ەكى ەل حالقىنا اناعۇرلىم كوپ ىرىس – قۇت سيلاۋدى قالايمىن.

كەلۋ قاينارى: حالىق تورابى