مەملەكەتتىك ساياسي كەڭەس ءتوراعالار ءماجىلىسى مۇشەلەرىنىڭ كەڭەس ءماجىلىسىن اشتى

شينحۋا اگەنتتىگى، 9 - ايدىڭ 23 – كۇنى، بەيجيڭ. 9 - ايدىڭ 23 - كۇنى تۇستەن كەيىن مەملەكەتتىك ساياسي كەڭەس 2024 - جىلعى ءتوراعالار ءماجىلىسى مۇشەلەرىنىڭ كەڭەس ءماجىلىسىن اشتى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى. ول مىنانى ءبىلدىردى: باس شۋجي شي جينپيڭنىڭ جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋدى، دايەكتىلەندىرۋدى حالىق ساياسي كەڭەسىنىڭ كەلەلى ساياسي مىندەتى ەتىپ، جۇڭگو كوممۋنيستىك پارتياسىنىڭ 20 - قۇرىلتايى مەن پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، پارتيانىڭ باسشىلىعىن، بىرلىكسابىن، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، حالىق ساياسي كەڭەسى تۇزىمىنە ۇزدىكسىز ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتىپ، حالىق ساياسي كەڭەسىنىڭ ساياسي ابزالدىعىن ويداعىداي ساۋلەلەندىرۋ كەرەك.

ۋاڭ حۋنيڭ مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ كەلەلى ءمانى مەن باي مازمۇنىن ىشكەرىلەي ۇيرەنىپ، ءتۇسىنىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن تولىق، ءدال، جاپپاي دايەكتىلەندىرىپ، تياناقتاندىرىپ، مىندەت وتەۋدىڭ دۇرىس بەتالىسىن مىقتاپ يگەرىپ، مىندەت وتەۋدىڭ ساياسي جاۋاپكەرشىلىگىن ۇزدىكسىز كۇشەيتىپ، جاڭا ءداۋىردىڭ جاڭا جورىعىندا حالىق ساياسي كەڭەسى ىستەرىنىڭ جوعارى ساپالى دامۋىن ىلگەرىلەتۋ كەرەك. باس شۋجي شي جينپيڭنىڭ كەڭەستىك دەموكراتيانى جاپپاي دامىتۋ جونىندەگى جاڭا ورنالاستىرۋىن، جاڭا تالابىن ىشكەرىلەي ۇيرەنىپ، ءتۇسىنىپ، حالىق ساياسي كەڭەسىنىڭ ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ىسىنە كەڭەس بەرۋ سياقتى ءتۇرلى فۋنكتسيانى اتقارۋ قىزمەتتەرىندە جاپپاي تياناقتاندىرىپ، حالىق ساياسي كەڭەسىنىڭ ارناۋلى كەڭەس قۇرىلىمى رەتىندەگى رولىن اناعۇرلىم ويداعىداي ساۋلەلەندىرۋ كەرەك. حالىق ساياسي كەڭەسىنىڭ جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋىنىڭ ۇلى جەتىستىگى ەكەنىن، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالا قايراتكەرلەرىنە باسشىلىق ەتىپ، ساياسي ءتۇزىم جاعىندا جۇرگىزگەن ۇلى جاسامپازدىعى ەكەندىگىن جەتە تانۋ كەرەك، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن اناعۇرلىم بەكەمدەپ، جاندى دا جالىندى، تىنىش، ىنتىماقتى ساياسي جاعدايدى ۇزدىكسىز بەكەمدەۋ جانە دامىتۋ كەرەك.

ۋاڭ حۋنيڭ مىنانى ءبىلدىردى: باس شۋجي شي جينپيڭنىڭ ماڭىزدى سوزىندە جاسالعان ماڭىزدى ورنالاستىرۋلاردى، العا قويىلعان ماڭىزدى مىندەتتەردى شەگە قاعۋ رۋحىمەن دايەكتىلەندىرۋ، تياناقتاندىرۋ كەرەك. جۇڭگو كوممۋنيستىك پارتياسىنىڭ جاپپاي باسشىلىعىنا جانە جۇڭگو كوممۋنيستىك پارتياسى ورتالىق كوميتەتىنىڭ ورتالىقتانعان ءبىر تۇتاس باسشىلىعىنا بۇلجىماي تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ باس باعدارلاماسى ەتىپ، ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىن ۇزدىكسىز بەكەمدەۋ كەرەك. جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتىپ، ۇكىمەت ءىسىن كەڭەسىپ، ۇسىنىس بەرىپ، دەموكراتيالىق باقىلاۋدىڭ ناقتى ونىمدىلىگىن كۇشەيتىپ، جوعارى دەڭگەيدە ۇسىنىس - پىكىر بەرىپ، جوعارى ساپالى دامۋعا دەم بەرۋ كەرەك. بىرلىكساپتىڭ جۇرت تىلەگىن ۇيىستىرۋ، كۇش - قۋاتتى ۇيىستىرۋ ساياسي رولىن ساۋلەلەندىرەتىن ساياسات - شارالاردى كەمەلدەندىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن كۇش سالا سىزۋ كەرەك. حالىق ساياسي كەڭەسىنىڭ قىزمەت ءتۇزىمى مەحانيزمىن بەلسەنە اقاۋسىزداندىرىپ، ساياسي كەڭەس قىزمەتىنىڭ تۇزىمدەنۋىن، جۇيەلىلەنۋىن، تارتىپتەنۋىن ىلگەرىلەتۋ كەرەك. ساياسي كەڭەس مۇشەلەرى مەن ورگان كادرلارى قوسىنى قۇرىلىسىن شىنايى كۇشەيتىپ، ستيلى پاك، سالتى دۇرىس، ءىس تىندىرىپ، يگىلىك جاراتاتىن تاماشا ساياسي ەكولوگيا قالىپتاستىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى ءارى ءسوز سويلەدى.

كەلۋ قاينارى: حالىق تورابى