ساپارداعى جۇڭگو | ەجەلگى قۇرىلىستاردىڭ كەلبەتى جاڭارىپ، بايىرعى مادەنيەت جاڭا داۋىرمەن توعىسىپ، مىڭ جىلدىق تاريحقا يە يۇنمىڭ اۋدانىنىڭ شارۋاشىلىعىن شالقىتتى 

يرەلەڭدەگەن سۋ ايدىندارى قۇرىلىستاردى ءتىپتى دە كورىكتەندىردى. حالىق تورابىنىڭ ءتىلشىسى جوۋ ۋىن فوتوسى

كوشىرىلىپ قالپىنا كەلتىرىلگەن ءتۇستى كەرپىشتى، قايقى دودەگەلى ءداستۇرلى ەجەلگى قۇرىلىستار ءساندى ورنالاستىرىلعان؛ كولدەر مەن ارالدار اراسىنداعى سۋ ۇستىنە سالىنعان كوپىرلەر كورىكتى كورىنىستەردى قالىپتاستىرعان، توعىز ءتۇرلى قۇرىلىس ستيلى وسى ارادا توعىستىرىلعان ... 5 – ايدىڭ 22 – كۇنى، ساياحاتشىلار سەبەزگىلەگەن جاڭبىردا حۋبەي ولكەسى يۇنمىڭ اۋدانىنداعى شياڭيۇنۋان كورىنىس رايونىن تاماشالادى، ەجەلگى بەينەسىنە قايتا ورالعان بايىرعى كوشەلەر جاڭبىردا ءوزىنىڭ وزگەشە كەلبەتىن ايگىلەدى.

شياڭيۇنۋان — ەرەكشەلىككە يە مادەنيەت – ساياحات ەجەلگى قالاشىق نىسانى، جەر – جەر عاسىرلىق قۇرىلىستاردى قۇتقارۋ سيپاتتى قورعاۋ جانە قۇرىلىستى كوشىرىپ اكەلۋ ارقىلى قالىپتاستىرعان، سامالدىق، عيمارات، ساراي، قوناق بولمەسى، بۇتحانا قاتارلىلاردان قۇرالعان، ءاربىر ەجەلگى قۇرىلىس بۇرىنعى ورنىنان 1 : 1 سالىستىرمامەن كوشىرىلىپ قايتا سالىنعان، حۇيجوۋ ستيلى، سانشي ستيلى، بەيجيڭ ستيلى، فۋجيان ستيلى، جىجياڭ ستيلى، سۋجوۋ ستيلى، سىچۋان ستيلى، شيزاڭ ستيلى قاتارلى قۇرىلىس ستيلدەرىن كەمەلدى ساقتاپ، بۇل قۇرىلىستارعا تىڭ ومىرشەڭدىك كۇش سيلاعان.

2025 – جىلعى جاڭا جىل مەرەكەسىندە ەجەلگى قۇرىلىستار كوشەسى اشىلعان كەزدە ساياحاتشىلاردى مولىنان باۋراعان. بيىل 4 – ايدىڭ 4 – كۇنىنەن 5 – ايدىڭ 5 – كۇنىنە دەيىنگى ارالىقتا، بۇل كورىنىس رايونى قۋىرشاق تەاترى، ايداعار ءبيى قاتارلى ەجەلگى ونەر تۇرلەرىن كورىنىس رايونىنا ەنگىزىپ، 600 مىڭنان استام ساياحاتشى ءداستۇرلى سالت – سانانىڭ وزگەشە تارتىمدىلىعىن سەزىنگەن. بۇل ارادا ەجەلگى قۇرىلىستاردى تاماشالاۋمەن بىرگە، ۇزدىك شەبەرلەردىڭ ونەرلەرىن، بەيزاتتىق مادەني مۇرالاردى جانە ءداستۇرلى تۇرمىس ءتاسىلىن تىكەلەي سەزىنىپ، تاريحپەن، مادەنيەتپەن ”تىلدەسۋگە“ بولادى. (جوۋ ۋىن، لياڭ چيۋپيڭ، ۋاڭ شياۋشياۋ، جاڭ جۇن، جاڭ پەي، ۋاڭ گوجي)