ساپارداعى جۇڭگو | مىڭ جىلدىق تاريحى بار ليجى باقشاسىنان جەمىس ءيىسى اڭقىپ، مول ءونىمنىڭ ءلاززاتىن سەزىندىردى

سۋرەتتە: ماۋميڭ قالاسى گاۋجوۋ قالاسى گىنزى قالاشىعىنداعى گۇڭيۋان باقشاسىندا سەبەتى ليجى جەمىسىنە تولى ديقاننىڭ جۇزىنەن كۇلكى ەستى. حالىق تورابى تۋ شىڭ فوتوسى

جازعىتۇرىم اۆتوموبيلمەن گۋاڭدۇڭ ولكەسى ماۋميڭ قالاسى گاۋجوۋ قالاسى گىنزى قالاشىعى بايچياۋ قىستاعىنداعى جولمەن جۇرسەڭىز، ليزىنىڭ فەيزىشياۋ، گۇيۋەي، بايتاڭيىڭ، نوميسى قاتارلى تۇرلەرىنىڭ قىپ – قىزىل بولىپ پىسقان جەمىسىنىڭ بۇتاقتاردى ءيىپ تۇرعانىن كورەسىز، ديقاندار جولدان وتكەن جولاۋشىلارعا ”حوش ءيىستى دە ءتاتتى ليجى جەمىسىنەن تەزىرەك ءدام تاتىڭىزدار!“ دەپ داۋىستاپ، جولاۋشىلاردى ليڭنان ءوڭىرىنىڭ ءتاتتى دامىنەن تاتۋعا شاقىرادى.

بايچياۋ قىستاعىنا ورنالاسقان ”ليجى مۇراجايى“ — گۇڭيۋان باقشاسى قازىر ەلىمىز بويىنشا كولەمى ەڭ ۇلكەن، تاريحى ەڭ ۇزاق، ليجىنىڭ ءتۇرى ەڭ تولىق بايىرعى ليجى باقشاسىنىڭ ءبىرى سانالادى. باقشاعا كىرگەن كەزىمىزدە، كۇن شۇعىلاسىن شاشقان باقشادا ديقانداردىڭ ليجى تەرۋمەن قاربالاس بولىپ جاتقانىن، ساياحاتشىلاردىڭ ليجى اعاشىنىڭ اراسىندا سەيىلدەپ، سۋرەتشىلەردىڭ قىل قالامىمەن ”ليجى جەمىسىنەن مول ءونىم العان ءساتتى“ سىزىپ جاتقانىن كوردىك، ليجىدان مول ءونىم العان كورىنىس كوز سۇرىندىرەدى.

ليجى جەمىسىنىڭ ءيىسى اڭقىپ تۇر، ساياحاتشى حۋاڭ حانىم مەن ونىڭ دوسى ”ءلاززاتتى ۋادەلەرى“ بويىنشا اۋمىننەن ماۋميڭگە ارنايى ات باسىن بۇرعان. ول: ”جۋىرداعى بىرنەشە جىلدان بەرى ءبىز جىل سايىن ليجى جەمىسىن جەۋگە ماۋميڭگە كەلەمىز، بيىل بايقاۋىمىزشا ليجى وتە جاقسى پىسىپتى، ءدامى دە وتە ءتاتتى ەكەن، بۇل عانا ەمەس، ليجى جەمىسىنەن جاسالعان بالمۇزداقتىڭ دا ءدامىن تاتتىق، ليجى ورمانىنىڭ اراسىندا سەيىلدەدىك، جاپ – جاسىل اتىراپ دىر – دۋمانعا بولەنگەن، وتە راقات“ دەيدى.

ماۋميڭ ەلىمىزدەگى ليجى ەگەتىن ماڭىزدى ءوندىرىس رايونىنىڭ ءبىرى، ليجى ەگۋ تاريحى 2000 جىلدان اسادى، ليجىعا قاتىستى بۇكىل كاسىپ سالاسى تىزبەگىنىڭ قۇنى 12 ميلليارد يۋانعا جەتەدى. بيىل ماۋميڭدەگى ليجى ەگىلگەن جەردىڭ كولەمى شامامەن ءبىر ميلليون 420 مىڭ مۋ بولىپ، جەرگىلىكتى ورىن قازىر ليجىدان پايدالانىپ، ءبىرىنشى، ەكىنشى، ءۇشىنشى كاسىپ سالالارىنىڭ توعىسا دامۋىن بەلسەندى تۇردە جەبەپ، گۋاڭدۇڭ ولكەسىنىڭ ”ءجۇز اۋدان، مىڭ قالاشىق، ون مىڭ قىستاق جوعارى ساپالى دامۋ ينجەنەرياسىنا“ اناعۇرلىم زور ۇلەس قوسۋدا. (ۋان شىچىڭ، تۋ شىڭ، ساي رۇيجى، ۋاڭ شاۋشاۋ، جاڭ يۇڭشىڭ، ۋاڭ ياديە، پياۋ شينيۇي، نيڭ يۇييىڭ، حى شانفۋ)

كەلۋ قاينارى: حالىق تورابى