دامىپ جاتقان جۇڭگو ｜تەڭىزدەگى جىبەك جولىنىڭ جارقىراعان ”التىن اشەكەيلەرى“

سۋرەتتە: ”نانحاي 1 – ءنومىرلى“ سۋعا باتقان كەمەدەن شىعارىلعان قوس قاباتتى كەرىك ءمۇيىز فورمالى جالپاق القا، وزگەشە جوبالانعان القا شىنجىرى ونى تاعۋدىڭ يكەمدىلىگى مەن تاعۋ فورماسىنىڭ الۋان تۇرلىلىگىن ارتتىرعان. حالىق تورابى ساي رۇيجى فوتوسى

گۋاڭدۇڭداعى تەڭىزدەگى جىبەك جولى مۇراجايىنا قويىلعان ”نانحاي 1 – ءنومىرلى” سۋعا باتقان كەمەدەن شىعارىلعان ءبىر توپ كوزدىڭ جاۋىن الاتىن التىن اشەكەي بۇيىمدار مەن ساندىك قوبديشالار بايىرعى زامانداعى تەڭىزدەگى ساۋدانىڭ ”سۇلۋلىققا“ تالپىنعان جاندى پاراقشالارىن ايگىلەيدى. بۇل اسەم التىن بۇيىمداردىڭ ىشىندە كوپتەگەن بۇيىمدار شەتەلدەگى بازارعا ەكسپورت ەتۋگە ارناۋلى تۇردە مۇقيات دايىندالعان ”سىرتقى ساۋدا تاۋارلارى“ سانالادى.

ادەمى التىن بىلەزىكتەرگە ايداعاردىڭ، گۇلدىڭ سۋرەتى سالىنعان؛ التىن القانىڭ فورماسى تىم وزگەشە، دارا ستيلدە جوبالانعان... بالاسىمەن بىرگە مۇراجايدى ارالاپ جۇرگەن چىن حانىم اشەكەي بۇيىم سالىناتىن قوبديشانىڭ اسەم ورنەكتەرىن كورسەتىپ: ”قاراشى، مىڭ جىلدىڭ الدىندا شەكارا اتتاپ تاۋار ساۋدالاۋشىلار مودانى بىزدەن گورى جاقسى تۇسىنگەن“ دەدى.

قيىرداعى ەلدەرگە ساتىلعان بۇل التىن اشەكەي بۇيىمدار تەڭىزدەگى جىبەك جولىنداعى ساۋدانىڭ كوركەيىپ – گۇلدەنۋى مەن مادەنيەتتىڭ ءوزارا توعىسۋىنىڭ شۇعىلالى ناتيجەسى سانالادى. بۇل زاتتار مىڭ جىلدىڭ الدىنداعى سۇڭ پاتشالىعىنداعى شەبەرلەردىڭ ”تاپسىرىسپەن جاساتۋ“ مەن ”مودا قۋالاۋعا“ جەتىك بولعانىن، شىعىس پەن باتىستى جالعاستىراتىن ”اسەمدىك دانەكەرىن“ جاراتىپ، سۇلۋلىققا تالپىنعان جانداردىڭ تىلەگىن كەمەمەن شار – تاراپقا جەتكىزگەنىن ءۇنسىز اڭگىمەلەپ تۇرعانداي.

(ۋان شىچىڭ، تۋ شىڭ، ساي رۇيجى، ۋاڭ شاۋشاۋ، جاڭ يۇڭشىڭ، پياۋ شينيۇي، نيڭ يۇييىڭ، ۋاڭ ياديە، حى شانفۋ)