بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.12 16:36 كەلۋ قاينارى : حالىق تورابى
«حالىق گازەتى»، 6 - ايدىڭ 11 - كۇنى، بەيجيڭ (ءتىلشى وۋياڭ جيە). ءتىلشىنىڭ كەدەن باس مەكەمەسىنەن ۇعىسۋىنشا، جۇڭگو مەن افريكانىڭ ساۋدا كولەمى ۇزدىكسىز جوعارىلاپ، ەلىمىز ءۇرتىس 16 جىل افريكانىڭ ءبىرىنشى ۇلكەن ساۋدا سەرىگى ورنىن ساقتاعان. كەدەننىڭ ساناعىنا قاراعاندا، 2024 - جىلى جۇڭگو مەن افريكانىڭ ساۋدا كولەمى تۇڭعىش رەت 2 تريلليون يۋاننان اسىپ، 2 تريلليون 100 ميلليارد يۋانعا جەتكەن. بيىل الدىڭعى 5 ايدا ەلىمىزدىڭ افريكاعا قاراتىلعان يمپورت - ەكسپورتى 963 ميلليارد 210 ميلليون يۋان بولىپ، بىلتىرعى سول تۇستاعىدان %12.4 ارتىپ، كولەمى تاريحتاعى ۇقساس مەزگىلدەگى ەڭ جوعارى دەڭگەيگە جەتكەن. مۇنىڭ ىشىندە افريكاعا ەكسپورت سوماسى 599 ميلليارد 570 ميلليون يۋان بولىپ، سايكەس مەزگىلدەگىدەن %20.2 ارتقان؛ افريكادان يمپورت ەتۋ سوماسى 363 ميلليارد 640 ميلليون يۋان بولىپ، سايكەس مەزگىلدەگىدەن %1.6 ارتقان.
تانىستىرۋعا قاراعاندا، 2000 - جىلى جۇڭگو - افريكا سەلبەستىك تالقى مىنبەرى قۇرىلعاننان بەرى جۇڭگو - افريكا قارىم - قاتىناسى قارىشتاپ دامىپ، ەكى جاقتىڭ ەكونوميكا - ساۋدا سەلبەستىگى ۇزدىكسىز اناعۇرلىم جوعارى دەڭگەيگە، اناعۇرلىم تەرەڭ ساتىعا، اناعۇرلىم كەڭ سالاعا قاراي كەڭەيگەن. جۇڭگو كەدەنى قۇراستىرعان جۇڭگو - افريكا ساۋدا كورسەتكىشى 2000 - جىلعى نەگىزگى مەزگىلدەگى 100 نۇكتەدەن جەدەل جوعارىلاپ، 2023 - جىلى 1000 نۇكتەدەن اسىپ، 2024 - جىلى 1056.53 نۇكتەگە جەتكەن، سيفرداعى وسىنداي جوعارىلاۋى جۇڭگو - افريكا ساۋداسىنىڭ قارىشتاپ دامۋىنىڭ جاندى كارتيناسى بولىپ سانالادى.
كەلۋ قاينارى: حالىق تورابى
