مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى

شينحۋا اگەنتتىگى، 6 - ايدىڭ 11 - كۇنى، بەيجيڭ. 6 - ايدىڭ 11 - كۇنى مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى. مەملەكەتتىك كەڭەستىڭ زۇڭليى لي چياڭ سەرت بەرۋدى باقىلادى.

«جۇڭحۋا حالىق رەسپۋبليكاسىنىڭ نەگىزگى زاڭىنا» جانە «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىن نەگىزگى زاڭعا سەرت بەرۋگە ۇيىمداستىرۋ ادىسىنە» ساي، مەملەكەتتىك كەڭەس تاعايىنداعان 42 تاراۋ مەن ورىننىڭ 49 جاۋاپتىسى نەگىزگى زاڭعا زاڭ بويىنشا سەرت بەردى.

تۇستەن كەيىن ساعات 3 تە مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ نەگىزگى زاڭعا سەرت بەرۋ سالتىنىڭ باستالعاندىعىن جاريالادى. كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن شىرقادى. وسىدان كەيىن سەرت بەرۋشىلەردىڭ باستاماشىسى قولىن نەگىزگى زاڭنىڭ ۇستىنە قويىپ، سەرت ءسوزىن وقىدى، باسقا دا سەرت بەرۋشىلەر ساپ تۇزەپ تۇرىپ، سەرت ءسوزىن بىرگە وقىدى.

سەرت بەرۋدەن كەيىن مەملەكەتتىك كەڭەستىڭ زۇڭليى لي چياڭ ءسوز سويلەدى. ول بىلاي دەپ باسا دارىپتەدى: كوپشىلىكتىڭ بۇگىنگى قىزمەت ورنىنا بارۋى − پارتيا مەن حالىقتىڭ سەنىمى، ونى، ءسوز جوق، بارىنشا قاستەرلەۋ كەرەك. ايبىندى سەرتتى ەستە بەرىك ساقتاپ، قاتاڭ بويسۇنىپ، امالياتتا ايگىلەۋ كەرەك. ادالدىقتى بەكەمدەپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ءتۇسىنىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، تەز قيمىلدايتىن اتقارۋشى، قيىندىقتان قامال الاتىن ارەكەتشى، شەبەرلىكپەن ىستەپ، شەبەرلىكپەن تىندىراتىن ىسكەر بولۋ كەرەك. زاڭمەن جونگە سالۋدى شىنايى اتقارىپ، باستاماشىلدىقپەن زاڭعا قۇرمەت ەتىپ، زاڭدى ۇيرەنىپ، زاڭعا بويسۇنىپ، زاڭدى قولدانىپ، قوعامدىق ادىلدىكتى، تۋراشىلدىقتى شىنايى قورعاپ، حالىق بۇقاراسىنىڭ زاڭدى ۇقىق - مۇددەسىن قامتاماسىز ەتۋ كەرەك. ءوزىن قاتاڭ تارتىپكە شاقىرىپ، ستيلدى ۇزدىكسىز جاقسارتىپ، پارتيالىلىقتى شىڭداپ، ءار جاقتىڭ باقىلاۋىن سانالىلىقپەن قابىلداپ، شىرىكتەسۋگە قارسى تۇرىپ، پاكتىكتى دارىپتەۋدىڭ ونەگەسى بولۋ كەرەك.

لي چياڭ بىلاي دەپ اتاپ كورسەتتى: قازىر جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋ مىندەتى توتەنشە جاپالى، اۋىر، سىرتقى ورتا دا اناعۇرلىم كۇردەلى، اۋىر. قيىنشىلىق قانشالىق كوپ بولسا، سىن - سايىس سونشالىق زور بولادى، كادرلاردىڭ جاۋاپكەرلىك ارقالاۋ رۋحى مەن قابىلەت ورەسىن سونشالىق سىنايدى. قيىنشىلىقتان تايسالماۋ، جاۋاپكەرشىلىكتى باتىلدىقپەن ارقالاۋ رۋحىن ساۋلەلەندىرىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولۋ ەرىك - جىگەرىن كۇشەيتىپ، قيىندىقتان تايسالماي العا ۇمتىلاتىن باتىلدىقتى شىڭداپ، قايشىلىقتار مەن ماسەلەلەرگە بەتپە - بەت كەلىپ، كۇتىپ وتىرماي، يەك سۇيەمەي، ىرىقتىلىقپەن ءىس تىندىرىپ، ءوز ءىسىن تاباندىلىقپەن ويداعىداي ىستەپ، دامۋدىڭ ىرىقتىلىق ۇقىعىن مىقتى يگەرۋ كەرەك. وزگەرىسكە توتەپ بەرۋ، جاڭا جاعداي اشۋ قابىلەتىن شىڭداپ، بەلسەنە وي جۇگىرتىپ، جاعدايدى الدىن الا تۇجىرىمداۋ جانە دالمە - ءدال شارا قولدانۋ قابىلەتىن جوعارىلاتىپ، جاڭاشا وندىرگىش كۇشتەردى دامىتۋ، ەل ىشىندەگى ۇلكەن اينالىمدى كۇشەيتۋ سياقتى جاڭا تالاپتارعا ۇيلەسىپ، وي قالىبىن بۇزىپ، ءونىمدى قىزمەت تۇتقاسى مەن دانەكەرىن جوبالاپ، قىزمەتتىڭ جاڭا جاعدايىن ۇزدىكسىز اشۋ كەرەك. تياناقتاندىرۋدى يگەرۋدىڭ، دامۋدى جەبەۋدىڭ بىرىككەن كۇشىن ۇيىستىرىپ، ىشكى سۇرانىستى كەڭەيتىپ، تۇتىنۋدى سەرپىلتۋ، بۇكىل ەل بويىنشا ءبىر تۇتاس ۇلكەن بازار قۇرۋ، ساۋدا ورتاسىن ساپالىلاندىرۋ سياقتى ءتۇيىندى قىزمەتتەردى ارقاۋ ەتىپ، تاراۋلاردىڭ سايكەسۋىن كۇشەيتىپ، سايكەسە كۇش سالۋعا ءمان بەرىپ، ساياساتتىڭ بىرىككەن كۇشى، قىزمەتتىڭ بىرىككەن كۇشى ارقىلى دامۋدىڭ قوزعاۋشى كۇشىن ارتتىرۋ كەرەك. ول بىلاي دەپ باسا دارىپتەدى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا قىزمەتتى تىڭعىلىقتى ىستەپ، قايراتتانا العا ۇمتىلىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋگە ۇلەس قوسۋ كەرەك.

مەملەكەتتىك كەڭەستەگى باسشى جولداستار جانە مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.

كەلۋ قاينارى: حالىق تورابى