جاۋ كىجى مىنانى باسا دارىپتەدى:
بەيجيڭ قىسقى وليمپياداسىنىڭ اماندىعىن قورعاۋدىڭ دايىندىق قىزمەتىن تىڭعىلىقتى ىلگەرىلەتەيىك
2021.01.08 15:31 كەلۋ قاينارى : حالىق تورابى
حالىق گازەتىنىڭ ءتىلشىسى جاڭ تيانپەي 1 – ايدىڭ 7 – كۇنى بەيجيڭنەن حارلايدى. مەملەكەتتىك كەڭەس مۇشەسى، قوعام حاۋىپسىزدىگى مينيسترلىگىنىڭ مينيسترى جاۋ كىجى 1 – ايدىڭ 6 – كۇنى بەيجيڭ قالاسى يانچيڭ اۋدانىندا بەيجيڭ قىسقى وليمپياداسىنىڭ اماندىعىن قورعاۋدىڭ دايىندىق قىزمەتىن تەكسەرۋ، جەتەكشىلىك ەتۋ ءارى نەگىزگى ساتىداعى حالىق ساقشىلارىنان حال سۇراۋ بارىسىندا مىنانى باسا دارىپتەدى: پارتيا 19 – كەزەكتى ورتالىق كوميتەتى بەسىنشى جالپى ءماجىلىسى مەن باس شۋجي شي جينپيڭنىڭ بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ويداعىداي ىستەپ، وسكەلەڭ ساياسي جاۋاپكەرشىلىك سەزىمى جانە تاريحي بورىش سەزىمىمەن، حاۋىپ – قاتەر تانىمىن كۇشەيتىپ، قاراستى ورىننىڭ جاۋاپكەرشىلىگىن تياناقتاندىرىپ، ادالدىقپەن مىندەت اتقارۋ جانە جاۋاپكەرلىكتى ادا ەتۋ، بەيجيڭ قىسقى وليمپياداسىنىڭ اماندىعىن قورعاۋدىڭ دايىندىق قىزمەتىن تىڭعىلىقتى ىلگەرىلەتىپ، قىسقى وليمپياداسىن تارتىمدى، ەلدەن ەرەك، كەرەمەت دۋماندى وتكىزۋگە حاۋىپسىزدىك جاعىنان پارمەندى تۇردە كەپىلدىك ەتۋگە قۇلشىنۋ كەرەك. اۋەلگى ماقساتتى استە ۇمىتپاي، بورىشتى ەستە بەرىك ساقتاپ، ۇزدىكسىز قۇلشىنۋ، بيىلعى حاۋىپ – قاتەردەن ساقتانۋ، حاۋىپسىزدىكتى ساقتاۋ، ورنىقتىلىقتى قورعاۋ جاقتارىنداعى ءتۇرلى قىزمەتتەردى تىڭعىلىقتى، ويداعىداي ىستەپ، حاۋىپسىز، ورنىقتى جاعدايدىڭ ۇزدىكسىز جاقسارۋىن كۇش سالا ىلگەرىلەتىپ، مەملەكەتتىڭ ساياسي حاۋىپسىزدىگى مەن قوعامنىڭ ورنىقتىلىعىن قورعاۋداعى ۇزدىك ناتيجەمەن پارتيا قۇرىلعاندىعىنىڭ 100 جىلدىعىن قۇتتىقتايىق.
جاۋ كىجى مىنانى تالاپ ەتتى: بەيجيڭ قىسقى وليمپياداسىنىڭ اماندىق قىزمەتىن ويداعىداي ىستەۋدىڭ كەلەلى ماڭىزىن تەرەڭ تانۋ، تومەنگى شەكتىك وي جەلىسىن كۇشەيتىپ، قۇنتتىلىقپەن جوسپارلاۋ، ورنالاستىرۋ جاساۋ، قىسقى وليمپيادانىڭ اماندىعىن قورعاۋداعى دايىندىق قىزمەتىن كۇش سالا ىلگەرىلەتۋ كەرەك. قىزمەتتىڭ ماڭىزدى ءتۇيىنىن كورنەكتىلەندىرىپ، شەشۋشى بۋىنداردى مىقتى ۇستاپ، ماڭىزدى ادامداردى قورعاۋ قىزمەتى جاعىنداعى شارالاردى قاتاڭ ۇستاۋ، ءىرى قيمىلدار مەن ماڭىزدى جارىستار بارىسىندا ماڭىزدى ادامداردى قورعاۋ قىزمەتىندە تيتتەي دە اعاتتىق جىبەرمەۋگە كەپىلدىك ەتۋ كەرەك. سىناق جارىستارمەن تىعىز ۇشتاستىرۋ ارقىلى حاۋىپسىزدىك شارالارىن، قىزمەت مەحانيزمىن جانە كۇش – قۋاتتى ورنالاستىرۋدى ەگجەي – تەگجەيلى، كەمەلدى ورىستەتۋ، ناقتى قولدانۋعا بولاتىن، جارامدى، كەمەلدەنگەن اماندىق قورعاۋ جوباسى جۇيەسىن قالىپتاستىرۋ كەرەك. قىزمەت جاۋاپكەرشىلىگىن قاتاڭداتىپ، نەگىزدىك قىزمەتتەردى كۇشەيتىپ، سايكەسۋ مەن سەلبەسۋدى كۇشەيتۋ، اماندىق قورعاۋ دايىندىق قىزمەتى مەن ىندەتتەن ساقتانۋ – تىزگىندەۋ قىزمەتىن ءبىرتۇتاس جوسپارلاپ، ويداعىداي مىقتى ۇستاۋ، اماندىق قورعاۋ دايىندىق قىزمەتىنىڭ ءتۇرلى مىندەتتەرىن تابىستى ورىنداۋعا كەپىلدىك ەتۋ كەرەك.
جاۋ كىجى بەيجيڭ قالالىق قوعام حاۋىپسىزدىگى مەكەمەسى يانچيڭ بولىمشە مەكەمەسىنىڭ تاڭداۋلى كوللەكتيۆتەرى مەن وزات حالىق ساقشىلارىنىڭ، جارالانعان، ناۋقاستانعان، قيىنشىلىعى بار حالىق ساقشىلارىنىڭ، ۇكىمەت ءىسى بارىسىندا قۇربان بولعان حالىق ساقشىلارىنىڭ وتباسىنداعىلاردىڭ، قاھارمانداردىڭ وتباسىنداعىلاردىڭ ۋاكىلدەرىمەن كەزدەسىپ، ولارعا جانە ۇزاق ۋاقىت بويى حاۋىپسىزدىك پەن ورنىقتىلىقتى قورعاۋدىڭ ءبىرىنشى شەبىندە كۇرەس جۇرگىزىپ جاتقان بۇكىل ەلىمىزدەگى قالىڭ قوعام حاۋىپسىزدىگى حالىق ساقشىلارىنا، كومەكشى ساقشىلارعا جاڭا جىلدىق تىلەك جولدادى ءارى وسكەلەڭ قۇرمەت ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
