- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شاتتىققا شومعان ايتكار الاڭى
اينۇر، دۋ گاڭ
2016.07.07 15:06 كەلۋ قاينارى : شينجياڭ گازەتى
تۇندە جاۋعان جاڭبىردىڭ اسەرىمەن، 6 - شىلدە كۇنى تاڭەرتەڭ ۇرىمجىدە كۇن سالقىن بولدى. ياسىنجان مامەت دارەت الىپ بولعان سوڭ ادەمى ورنەك سالىنعان دوپپاسىن، جاڭا جەيدەسىن كيىپ، ياڭحاڭ مەشىتىنە ورازا ايت نامازىن وتەۋگە باردى.
ياڭحاڭ مەشىتى − ۇرىمجىدەگى ەڭ ۇلكەن مەشىتتەردىڭ ءبىرى ءارى جىلى ورازا ايتتا مۇسىلماندار وسى مەشىتكە كەلىپ ناماز وتەيدى.
ياسىنجان جاماعاتپەن بىرگە مەشىت زالىنا كىرىپ يمامنىڭ ۋاعىزىن تىڭدادى، ىلە - شالا يمامعا ەرىپ ناماز وتەدى. جاماعات بار پەيىلىمەن ساجدەگە جىعىلىپ، مەشىتتىڭ ىشىنە بايسالدى تىنىشتىق ورنادى.
ياسىنجان مامەت اللادان ءوزىن تۋراشىل، اق كوڭىل، ءمۇلايىم مۇسىلمان ەتۋىن تىلەگەنىن ءارى وتباسىنداعىلارعا ءتىپتى باقىتتى، تىنىش تۇرمىس تىلەگەنىن ايتتى.
ناماز اياقتاعان سوڭ، ياسىنجان باسقا مۇسىلماندارمەن ءوزارا ايت قابىل بولسىن ايتىسىپ، ۇيىنە قايتتى. ونىڭ ايەلى بىلقىتا ەت اسىپ، مەرەكەلىك تاعام ازىرلەپ قويعان ەدى.
بىرنەشە جىلدىڭ الدىندا ياسىنجاننىڭ ءۇيى وڭتۇستىك شينجياڭداعى اتۇش قالاسىنىڭ ءبىر قىستاعىنان ۇرىمجىگە جەمىس - جيدەك تولايىم ساتۋ ساۋداسىمەن شۇعىلدانۋعا كەلگەن. ءال - اۋقاتى جاقسارىپ، بيىل جالعا العان ۇيدەن كەڭ دە جارىق بيىك عيماراتقا كوشىپ كىردى. وسىعان وراي، ايەلى ايتتىق داستارقاندى مولىنان ازىرلەپتى.
شينجياڭدا ورازا ايت − ۇيعۇر، قىرعىز، وزبەك، قازاق، حۇيزۋ سياقتى از ۇلتتاردىڭ ماڭىزدى مەرەكەسى.
«ورازا ايت − ءبىز حۇيزۋلاردىڭ ۇلكەن مەرەكەسى»، - دەيدى 81 جاستاعى حۇيزۋ اقساقال ما يۋەميڭ. سول كۇنى ما يۋەميڭنىڭ ۇل - قىزدارى بالالارىن ەرتىپ ۇلكەن ۇيلەرىنە كەلىپ، 30 نەشە ادام ءبىر جەردە مەرەكەنى قۇتتىقتادى.
اسقا وتىراردىڭ الدىندا، ما يۋەميڭ سول ماڭداعى مەشىتتىڭ يمانىن شاقىرىپ اكەلىپ قۇران وقىتتى. ەرلەر ۇيدە جينالىپ يمامنىڭ وقىعان قۇرانىن ۇيىپ تىڭدادى. قۇران وقىلىپ بولعاندا، كوپشىلىك قولدارىن جايىپ، ومىرلەرىنە جاقسىلىق، يگىلىك تىلەدى.
ءتىلشى وستەڭبويى ءمالى باسقارماسى سايبازار كوشەسىندە تۇراتىن اسقار مۇساجاندى كوردى. ءتىلشى كونە قالاعا بارعان سايىن، بالا كۇنىنەن تەل قوزىداي تەڭ وسكەن اسقاردىڭ ۇيىنە بارىپ تۇرادى. ونىڭ وتباسىنداعىلار نەشە ۇرپاقتان بەرى ايتكار الاڭىنىڭ ماڭىنداعى سايبازار كوشەسىندە تۇرىپ، كونە قالانىڭ وزگەرىسىنە كۋا بولىپ كەلەدى.
اسقار تىلشىگە قۇشاق جايىپ، ۇيىنە بارىپ ءدام تاتىپ قايتۋعا شاقىردى. ءتىلشى قالجىڭداپ: «ۇيىڭە قوي سويدىڭ با؟» دەپ سۇراعاندا، اسقار: ورازا ايتتا ءبىز قوي سويمايمىز، قۇربان ايتتا، ءسوز جوق، سويامىز. دۇكەندەگى قوي ەتىنىڭ باعاسى دا قىمبات ەمەس، قاشان بارىپ الساڭ دا بولادى قازىر تۇرمىس جاقساردى، ءبارى قولايلى بولدى، نە جەۋ ماڭىزدى ەمەس، ماڭىزدىسى تىنىشتىق، دەنساۋلىق، قۋانىش قوي، - دەپ جاۋاپ بەردى.
ساياحاتشىلار دا الاڭداعى قۋانىشتى ساتتەرگە ەرىكسىز ەلىتىپ، بيگە باسقان جۇرت قاتارىنا قوسىلىپ كەتتى. كانادادان كەلگەن ءبىر ساياحاتشى ءبي قيمىلدارىنا ەلىكتەپ، قول - اياقتارىن ەربەڭدەتىپ، ماڭىنداعى جۇرتتى كۇلكى - قۋانىشقا بولەدى. دۋمانعا كىرىسىپ، بيگە باسقان ساياحاتشىلار كوبەيە ءتۇسىپ، جۇرتتىڭ جۇزىنەن قۋانىش كۇلكىسى ەستى.
كانادالىق ساياحاتشى تىلشىگە: جىبەك جولىنىڭ بويىنداعى بايىرعى قالا قاشقاردىڭ اتىن باياعىدان ەستىگەنمىن، مەن بۇل جەردىڭ شىنىمەن دە قۋانىش پەن ۇمىتكە تولى ەكەنىن كوردىم، بۇل جەردىڭ تۇرعىندارى اشىق - جارقىن، قوناقجاي كەلەدى ەكەن، مەن قاشقاردى وتە ۇناتتىم، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
