- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«كورىكتى شينجياڭ. سۇيىسپەنشىلىككە تولى حيكايا» تاقىرىبىندا اڭگىمە ايتۋ جارىسى نەگىزگى ساتىنى دۋمانعا بولەدى، بۇقارانى شاتتىققا شومدىردى
«كورىكتى شينجياڭ. سۇيىسپەنشىلىككە تولى حيكايا» تاقىرىبىندا اڭگىمە ايتۋ جارىسى نەگىزگى ساتىنى دۋمانعا بولەدى، بۇقارانى شاتتىققا شومدىردى
شين ۋىنميڭ
2016.07.07 15:15 كەلۋ قاينارى : شينجياڭ گازەتى
«شاعىن حيكايا شىنايى سۇيىسپەنشىلىكتى بەينەلەدى، شاعىن حيكايا ۇلكەن قيسىندى ايتتى، شاعىن حيكايا وڭ ەنەرگيا تاراتتى». «كورىكتى شينجياڭ. سۇيىسپەنشىلىككە تولى حيكايا» تاقىرىبىندا اڭگىمە ايتۋ جارىس قيمىلى ورىستەتىلگەننەن بەرى ايماقتار، وبلىستار، اۋداندار، قالالار، نەگىزگى ساتى ورىندارى دەن قويا ۇيىمداستىرىپ، ساتىلار بويىنشا ورىستەتىپ، بۇقاراعا اڭگىمە شەرتكىزەتىن، بۇقارانى تىلگە تيەك ەتەتىن، نەگىزگى ساتىنى دۋمانعا بولەيتىن، بۇقارانى شاتتىققا شومدىراتىن ءۇردىس قالىپتاستىردى. ءار ۇلت بۇقاراسىنىڭ ماڭايىندا تۋىلعان شىنايى دا جاندى، باۋىرمال دا سەنىمدى، ۇيرەنۋگە تاتيتىن سۇيىسپەنشىلىككە تولى حيكايالار تىڭداعان جاننىڭ كوز الدىنا شينجياڭداعى ءار ۇلت حالقىنىڭ ارالاسقان، ىشتەسكەن، توعىسقان اسەرلى بەينەسىن ەلەستەتتى.
«بىرگە تۇرۋ، بىرگە ۇيرەنۋ، بىرگە ىستەۋ، بىرگە شاتتانۋ» بارىسىندا جارىققا شىققان ءار ۇلت بۇقاراسىنىڭ تۇرمىسىنداعى اسەرلى حيكايالاردى جاقسى جەتكىزۋ ءۇشىن، اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق رۋحاني وركەنيەت كەڭسەسى بيىل ناۋرىزدا تۇتاس شينجياڭ كولەمىندە «كورىكتى شينجياڭ. سۇيىسپەنشىلىككە تولى حيكايا» تاقىرىبىندا اڭگىمە ايتۋ جارىسىن باستاعان بولاتىن.
قيمىلدى ساتىلار بويىنشا ورىستەتۋ − «كورىكتى شينجياڭ. سۇيىسپەنشىلىككە تولى حيكايا» تاقىرىبىنداعى اڭگىمە ايتۋ جارىسى قيمىلىنىڭ نەگىزگى ساتىنى دۋمانعا بولەۋىنىڭ، بۇقارانى شاتتىققا شومدىرۋىنىڭ تەتىگى. حوتان ايماعى ايماق، اۋدان (قالا)، اۋىلدى ساتىلار بويىنشا اتتانىسقا كەلتىرىپ، بۇل قيمىلدى تىڭعىلىقتى ورىستەتىپ، 112 رەت اڭگىمە ايتۋ جارىسىن ۇيىمداستىرىپ، 100گە تاياۋ اسەرلى اڭگىمەنى سارالاپ شىقتى. تارباعاتاي ايماعى «كەڭ كولەمدى ات سالىسۋ، ساتىلار بويىنشا سارالاۋ، جالپى بارىسىن ەفيردە تاراتۋ» پرينسيبىنە ساي، تۇتاس ايماقتاعى اۋدان، قالا، اۋىل، قالاشىقتاردا جانە مەكەمە - ورىنداردا 840 رەت اڭگىمە ايتۋ قيمىلىن ورىستەتتى، 450 ادام اڭگىمە ايتۋ جارىسىنا قاتىناستى. قيمىلدىڭ قامتۋ اياسىن كەڭەيتۋ ءۇشىن اقسۋ ايماعى، تۇرپان قالاسى، بۇراتالا موڭعۇل اۆتونوميالى وبلىسى سياقتى ايماق، وبلىس، قالالارداعى جارىسقا قاتىناسقان ساڭلاقتار گرۋپپالارعا ءبولىنىپ، كوپ تىلدە جارىس وتكىزۋ ءادىسىن قولدانىپ، اڭگىمە ايتۋ جارىسىندا قارا ۇزگەن ءار ۇلت ساڭلاقتارىن جان - جاقتى سارالاپ شىقتى. «كورىكتى شينجياڭ. سۇيىسپەنشىلىككە تولى حيكايا» تاقىرىبىنداعى اڭگىمە ايتۋ جارىسى قيمىلى تۇرمىسقا، ءىس جۇزىندىككە، بۇقاراعا جاناسىمدى بولعاندىقتان، تۇتاس شينجياڭنىڭ جەر - جەرى، ءار ۇلت كادرلارى مەن بۇقاراسى جانە قوعامداعى ءار سالا بۇل قيمىلعا بارىنشا ءمان بەردى جانە بەلسەنە ات سالىستى، بۇل ات سالىسۋ اياسى كەڭ، ادام سانى كوپ، تاياۋ جىلداردان بەرگى ىلۋدە ءبىر كەزدەسەتىن قيمىل ەسەپتەلەدى.
قيمىل مازمۇنىنىڭ شىنايى، اسەرلى بولۋى بۇقارانى بىردەن باۋراۋدىڭ العى شارتى. جارىسقا قاتىناسقاندار اراسىندا ورگان كادرلارى، كاسىپورىن قىزمەتشىلەرى، وقىتۋشى - وقۋشىلار، ساقشىلار، ەگىنشى - مالشىلار جانە الەۋمەتتىك اۋماق تۇرعىندارى بار، ولار وزدەرىنىڭ قاراپايىم سوزدەرىمەن جانىنداعى ادامدار، جانىنداعى ىستەر تۋرالى اڭگىمە شەرتىپ، جانىنداعى ىستەرمەن جانىنداعى ادامدارعا تاربيە بەرۋ ءتاسىلى ارقىلى بۇقارا كورە الاتىن، ۇستاي الاتىن، سەنە الاتىن جاي، اسەرلى اڭگىمەلەردى قازىپ، ۇيرەنۋگە تاتيتىن جاقسى تيپتەردى تاڭداپ شىقتى. «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت گرۋپپاسىنىڭ، شينجياڭعا كومەككە كەلگەن كادرلاردىڭ ۇلى ماحاببات، اسەرلى حيكايالارى دا وسى جولعى «كورىكتى شينجياڭ. سۇيىسپەنشىلىككە تولى حيكايا» تاقىرىبىنداعى اڭگىمە ايتۋ جارىسىنىڭ ماڭىزدى مازمۇنى بولدى. وسى اسەرلى اڭگىمەلەر ىشىندە شينجياڭ ۋنيۆەرسيتەتىنىڭ دوكتور جەتەكشىسى چا چاۋجىڭ پروفەسسوردىڭ ۇيعۇر ايەل دوكتور سايىپجامال دولەتتى ىقىلاس قويا تاربيەلەگەنى جايلى اڭگىمە، ءبىر بۋدا «اق قولحاتپەن» ۇلتتار ىنتىماعى جايلى سۇيىسپەنشىلىكتى ەستەلىككە العان اقسۋ قالاسى ىگەرشى اۋىلىنداعى «قىزىل قوجايىننىڭ» اڭگىمەسى، لوب اۋدانى بەستوعىراق اۋىلىنداعى قارت اسكەر يان جىڭجۇن «حوتاندا قال» دەگەن بۇيرىقتى 67 جىل اتقارعان اسەرلى اڭگىمەسى بار.
ۇلتى بولەك، قانى باسقا دەپ بولمەگەن، كوڭىلگە شۋاق سيلايتىن، شىنايى اسەرلى ۇلى ماحاببات حيكايالارى شينجياڭداعى ءار ۇلت حالقى اراسىنداعى ەتەنە، تىنىستاس، تاعدىرلاس، تىلەكتەس سۇيىسپەنشىلىكتى تولىق ايگىلەپ، تيانشاننىڭ تۇستىگى مەن تەرىستىگىندە ءونىمدى تۇردە وڭ ەنەرگيا تاراتىپ، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭدىقتاردىڭ جاڭا وبرازىن سومدادى.
اقپارات قۇرالدارىنىڭ جارىسا حابارلاۋى «كورىكتى شينجياڭ. سۇيىسپەنشىلىككە تولى حيكايا» تاقىرىبىنداعى اڭگىمە ايتۋ جارىسى قيمىلىنىڭ قوعامدا كۇشتى اڭىس تۋدىرۋىنا مۇرىندىق بولدى. جارىس باستالعان سوڭ، ءار دارەجەلى اقپارات قۇرالدارى بەلسەندى تۇردە ۇگىتتەۋ، حابارلاۋ جۇرگىزدى. ءىرى اقپارات قۇرالدارى جەر - جەردەگى تارتىمدى اڭگىمەلەردى دەر كەزىندە جاريالاپ، قيمىلدىڭ ىقپالى مەن تاراتىلۋىن كۇش سالا كەڭەيتتى. «شينجياڭ گازەتى»، «شينجياڭ ەكونوميكا گازەتى»، ءتاڭىرتاۋ سايتى، شينجياڭ وركەنيەت سايتى «كورىكتى شينجياڭ. سۇيىسپەنشىلىككە تولى حيكايا» اتىندا ارنايى ايدار اشىپ، جەر - جەردەگى تارتىمدى حيكايالاردى دەر كەزىندە حابارلادى، ايماق، وبلىس، قالالارداعى، اۋدان - قالالارداعى (رايون) اقپارات قۇرالدارى مەن ۇكىمەت سايتتارى، «نولدىك ارالىق» ءۇنحات تۇعىرى جالپى بارىسىن، جارىسقا قاتىسقانداردىڭ جارىس كەزىندەگى اسەرلەرىن كوپ تۇرعىدان حابارلاپ، كادر - جۇرتشىلىققا اسەرى مەن ويلارى تۋرالى تىلشىلىك جاسادى، سونىمەن بىرگە كۇشتەردى شوعىرلاندىرىپ، اڭگىمەدە ايتىلعان كەيىپكەرلەر تۋرالى ىلەسپەلى، شوعىرلى ۇگىتتەۋ، حابارلاۋ جۇرگىزدى. ءتۇرلى اقپارات قۇرالدارىنىڭ جان - جاقتى ۇگىتى «كورىكتى شينجياڭ. سۇيىسپەنشىلىككە تولى حيكايا» تاقىرىبىندا اڭگىمە ايتۋ جارىسى قيمىلىنىڭ بۇكىل شينجياڭدا كۇشتى ءدۇمپۋ تۋعىزۋىنا مۇمكىندىك جاسادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
