- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىزداعى ءار دارەجەلى پارتيا ۇيىمدارى ساقا پارتيا مۇشەلەرى مەن تۇرمىسىندا قيىنشىلىعى بار پارتيا مۇشەلەرىنەن حال سۇرادى
2016.07.07 15:14 كەلۋ قاينارى : شينجياڭ گازەتى
بيىل پارتيا قۇرىلعاندىعىنىڭ 95 جىلدىعى، سوڭعى كۇندەردەن بەرى ءار دارەجەلى پارتيا ۇيىمدارى، «ۇعىسۋ، تيىمدىلىك جاساۋ، توعىستىرۋ» قىزمەت گرۋپپالارى ورتالىق پەن اۆتونوميالى رايوندىق پارتكومنىڭ ورنالاستىرۋلارىن مۇقيات دايەكتىلەندىرىپ، ساقا پارتيا مۇشەلەرى مەن تۇرمىسىندا قيىنشىلىعى بار پارتيا مۇشەلەرىنە امانداسىپ، ولاردان حال سۇرادى. حال سۇراۋ بارىسىندا باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ شىنايى قامقورلىعىن جەتكىزىپ، تاياۋ جىلداردان بەرى شينجياڭنىڭ ەكونوميكالىق، قوعامدىق دامۋدا قول جەتكەن قوماقتى تابىستارىن حابارلاپ، ولاردىڭ شينجياڭنىڭ قوعامدىق ورنىقتىلىعى مەن باياندى تىنىشىتىعىنا قوسقان ماڭىزدى ۇلەسىنە العىس ايتتى.
«1 - شىلدە» قارساڭىندا، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن ىلگەرىندى - كەيىندى نۇراحۇن قۇربان، چياۋ ليمين قاتارلىلاردىڭ ۇيىنە بارىپ، ولارمەن شۇيىركەلەسىپ، ولاردىڭ كەشىرمەلەرىن سۇراپ، دامۋدى كەڭەستى. بيىل 85 جاسقا كەلگەن چياۋ ليمين 1945 - جىلى توڭكەرىسكە قاتىناسقان، كەيىنتىننەن 359 - بريگاداعا ىلەسىپ شينجياڭعا كەلىپ، ەمدەۋ - دەنساۋلىق ساقتاۋ سالاسىنىڭ الدىڭعى شەبىندە ۇزاق ۋاقىت شايقاس جاساپ، مەملەكەت، اۆتونوميالى رايون تارابىنان تالاي مارتەبە ماراپاتتالىپ، 1991 - جىلى دەمالىسقا شىققان. ما شۋەجۇن چياۋ ليميننىڭ قولىن ۇستاپ تۇرىپ: پارتيانىڭ تۋعان كۇنى ساتىندە، مەن اۆتونوميالى رايوندىق پارتكوم، ۇكىمەت اتىنان ساقا پارتيا مۇشەلەرىنە امانداسا كەلدىم، دەنساۋلىقتارىڭىزدىڭ مىقتى، تۇرمىستارىڭىزدىڭ باقىتتى بولۋىن شىن جۇرەكتەن تىلەيمىن، - دەدى.
نۇراحۇن قۇرباننىڭ ۇيىنە بارعاندا، ما شۋەجۇن الەۋمەتتىك اۋماقتىڭ ساقا پارتيا مۇشەلەرىن ۇيرەنۋگە ۇيىمداستىرۋ احۋالىن ۇعىستى. نۇراحۇن قۇربان «پارتيا ۋستاۆى»، «پاك، تارتىپشەڭ بولۋ ولشەمى» جانە «ءتارتىپ جازاسى ەرەجەسى» كىتاپشالارىنىڭ ۇيعۇرشا - حانزۋشا سالىستىرما وقۋلىعىن قولىنا الىپ، ءوزىنىڭ «ەكىنى ۇيرەنۋ، ءبىر بولۋ» ۇيرەنۋ - تاربيەسىنە قاتىناسۋ جاعدايىنان مالىمەت بەرە كەلە بىلاي دەدى: پەنسياعا شىقتىم دەپ ۇيرەنۋدى تاستاپ قويۋىما، پارتيانىڭ تۇپكى ماقساتىن ۇمىتۋىما بولمايدى، ءوز قىزمەتىمدى تياناق ەتىپ، الەۋمەتتىك اۋماقتىڭ عيمارات باستىعىندىق مىندەتىمدى جاقسى ىستەپ، قوعامدىق ورنىقتىلىقتى قورعاۋعا ۇزدىكسىز ۇلەسىمدى قوسامىن. ما شۋەجۇن قالىڭ پارتيا مۇشەلەرىنەن ساقا پارتيا مۇشەلەرىنەن ۇيرەنىپ، مۇرات - سەنىمنەن جازباي، ءوز قىزمەتتەرىن تياناق ەتىپ، رولدارىن ساۋلەلەندىرىپ، ونەگە - ۇلگى بولۋدى تالاپ ەتتى.
مۇنان سىرت، ۇيىمداستىرۋ ءبولىمىنىڭ ءبولىم ىستەرى القاسىنىڭ مۇشەلەرى دە باستاماشىلدىقپەن جەر - جەرگە بارىپ، حال سۇراۋ قيمىلىن ورىستەتتى. ءار دارەجەلى قىزمەت گرۋپپالارى دا اۋىل - قىستاقتارداعى «4 ءتۇرلى قارتتاردان» حال سۇراۋ قيمىلىن ورىستەتتى.
قالىڭ پارتيا مۇشەلەرى، تۇرمىسىندا قيىنشىلىعى بار پارتيا مۇشەلەرى اۆتونوميالى رايونىمىزداعى ءار دارەجەلى باسشىلاردىڭ حال سۇراي كەلگەندىكتەرىنە العىس ايتتى. كوپشىلىك پارتيانىڭ تۇپكى ماقسات بورىشىن، ءسوزسىز، ەستەن شىعارماي، «ەكىنى ۇيرەنۋ، ءبىر بولۋ» ۇيرەنۋ - تاربيەسىن باستاماشىلدىقپەن امالياتتا ايگىلەپ، پەنسياعا شىقسادا قاسيەتتەرىن جوعالتپاي، شينجياڭنىڭ قوعام ورنىقتىلىعىن، باياندى تىنىشتىعىن جانە ۇلتتار ىنتىماعىن قورعاۋ جولىندا ۇزدىكسىز ۇلەس قوساتىندىقتارىن ءبىلدىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
