- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇرمىستارىنىڭ ونان دا جاقسى بولۋىن تىلەدى
جۋ ميڭجۇن
2016.07.07 15:07 كەلۋ قاينارى : شينجياڭ گازەتى
6 - شىلدە تاڭ سارىدە، تاڭعى اراي قاشقار كونە قالاسىنىڭ اسپانىن نۇرعا بولەدى. 5 - شىلدە كەشتە جاۋعان جاڭبىردان كەيىن، تالاي كۇن ىسىعان قاشقار كوپ - كورىم سالقىنداپ قالدى.
تاڭعى ساعات 6 مولشەرىندە، قاشقار قالاسى وستەڭبويى مالىسىندە تۇراتىن تۇرسىن ءالي دارەت الىپ، ايتكار الاڭىندا بولاتىن ورازا ايت نامازىنا بارۋعا دايىندالدى.
بيىلعى ورازا ايت نامازى ءدال ساعات 9دا وقىلاتىن بولعانىمەن، ساعات 7 كەزىندە - اق ادامدار ايتكار الاڭىنا جينالا باستادى، ولاردىڭ اراسىندا ىشكى ولكەلەردەن كەلگەن ساياحاتشىلار مەن فوتوسۋرەت اۋەسقويلارى دا بار ەدى، ايتكار الاڭىنداعى ايت نامازىنىڭ سالتاناتىن ءوز كوزدەرىمەن كورۋ ءۇشىن، ولار تاڭ قىلاڭ بەرە وسىندا كەلىپ، ەڭ ۇرىمتال جەردى تاڭداپ، اپپاراتتارىن قۇردى.
ساعات 8دەن وتكەندە، ايتكار الاڭىنا جان - جاقتان قۇيىلعان ادامداردىڭ قاراسى تىپتەن مولايا ءتۇستى. ءتىلشى قالىڭ ءنوپىردىڭ اراسىنان نەشە ون جىلدان بەرى تانىس تۇرسىندى جولىقتىردى، ول ىستىق ىقىلاسپەن ءتىلشىنىڭ قولىنان ۇستاپ تۇرىپ: ايتتا ۇيگە كەلىپ وتىرىپ قايت، - دەدى.
تۇرسىن زەينەتكە شىققان سوڭ، بەكەر وتىرۋدى قالاماي، قاشقار ورتا، شىعىس ازيا بازارىنان (جەرگىلىكتى جۇرت بۇل جەردى ءدوڭبازار اتاپ كەتكەن) شارۋاشىلىق دۇكەنىن اشتى. ول تىلشىگە بيىل قاشقارعا كەلگەن سىرت جەردىڭ ساياحاتشىلارى وتە كوپ بولعانىن، ءوزىنىڭ دە ارنايى ساياحاتشىلار قابىلدايتىن دۇكەن اشقىسى كەلەتىنىن ايتتى.
تۇرسىن بىلاي دەدى: «قاشقار كونە قالاسىن وزگەرتىپ قۇرۋدا قايتا سالىنعان جاڭا ءۇيىمنىڭ جوباسىن ءوزىم سىزدىم، ارلەۋ جۇمىستارىن دا ءوز ويىم بويىنشا ۇلتتىق ەرەكشەلىككە بىرلەستىردىم. 581 شارشى مەترلىك، 2 قاباتتى، 31 بولمەلى ەتىپ قايتا سالىنعان جاڭا ۇيىمدە تازالىق ءۇيى، اس ءۇيى، تابيعي گازى، تاعان پارى سەكىلدىلەردىڭ ءبارى بار. وتباسىنداعى 5 جان جونىنەن جاڭا قونىستاعى تۇرمىسىمىز وتە ىڭعايلى بولدى». ونىڭ سوزىنشە بولعاندا بۇرىنعى تۇرمىسى مەن قازىرگى تۇرمىسىندا جەر مەن كوتەي پارىق بولعان.
تۇرسىن تىلشىگە ۇلىنىڭ بىلتىر ۋنيۆەرسيتەت تاۋىسقان سوڭ، ەسىگىنىڭ الدىنان ءبىر ەلەكتر جابدىقتارى دۇكەنىن اشىپ، دەربەس شارۋاشىلىق قۇرعانىن، ونىمەن قويماي، بىرنەشە جاستى بىرگە ىستەۋگە قاسىنا العانىن، ساۋداسىنىڭ جاقسى ەكەنىن ايتتى.
ساعات 9عا جەتپەي، جينالعان جۇرتتان ايتكار الاڭىندا ينە شانشار جەر قالمادى. تاڭەرتەڭگى كۇن شۋاعىندا، توپ - توپ اق كەپتەرلەر اۋەلەي ۇشىپ، كەپتەردىڭ سۋسىلداعان داۋىسى الاڭ اسپانىندا كەرنەدى.
ساعات ءدال 9دا، ايت نامازى باستالدى. ايتكار مەشىتىنىڭ يمامى وقىعان نامازبەن جانە جاساعان دۇعاسىمەن، نەشە ون مىڭ بۇقارا بەرەكەلى دە قۋانىشقا تولى ورتادا جىلىنا ءبىر كەلەتىن ورازا ايتتى قارسى الدى.
ايت نامازى اياقتاعان سوڭ، الاڭدا ناعىرانىڭ دۋماندى ءۇنى كوتەرىلدى. وعان سىزىلىپ شىققان مەرەيلى سونا داۋىسى قوسىلىپ، الاڭداعى جۇرت جەڭىل دە جىگەرلى ساما بيىنە باستى، ولاردىڭ اراسىندا 70 - 80 جاستاعى قاريالار دا، 4 - 5 جاستاعى بالالار دا بار ەدى.
ال ايەلدەر جاعى اسحانادا ەت اسۋ، قۋىرماش قۋىرۋ، شەلپەك پىسىرۋ سياقتى ءار ءتۇرلى اس - ءمازىر دايىنداپ جاتتى. سول كۇنى ءتۇستىڭ الدىندا تاكلاماكان ءشولىنىڭ باتىس تەرىستىك جيەگىندەگى اۋات اۋدانى عورۇچول قالاشىعىنىڭ لايداڭ قىستاعىندا حۇيزۋ، ۇيعۇر، دۇڭشياڭ، باۋ - ان، سالار سياقتى از ۇلت تۇرعىندارى مەرەكەلىك كيىمدەرىن كيىپ، تۋىستارىنا، كورشىلەرىنە ايتشىلاپ، مەرەكەلەرىن قۇتتىقتادى.
لايداڭ قىستاعى پارتيا ياچەيكاسىنىڭ شۋجيى جاۋ چيڭحاي بىلاي دەدى: تۇرعان جەرىمىزدە ورازا ايتتا، قۇربان ايتتا حانزۋ بۇقارالارى مۇسىلمان قاۋىمىنىڭ ۇيلەرىنە بارىپ ىزگى تىلەك بىلدىرەدى، كوكتەم مەرەكەسىندە مۇسىلمان قاۋىم دا حانزۋلاردىڭ ۇيىنە كەلىپ شاعانشىلايدى، «بۇل قىستاعىمىزدىڭ ءداستۇرى، لايداڭ قىستاعىن اۋات اۋدانىنداعى مەرەكەنى ەڭ كوپ تويلايتىن قىستاق دەسەكتە بولادى».
كوپ ۇلت ارالاس قونىستانعاندىقتان بۇل قىستاقتا ءار ۇلتتىڭ مادەنيەتى مەن تۇرمىس سالتى الدەقاشان توعىسىپ كەتكەن، ورازا ايتتا داستارقانعا قويىلاتىن تاعامدار قاتارىندا بالگۇلشە تىزىلەدى، ال كوكتەم مەرەكەسىندە قىستاقتاعى حانزۋ تۇرعىندار دا داستارقاندارىنا ساڭزى قويىپ، شاعانشىلاي كەلگەن از ۇلت كورشىلەرىن كۇتىپ الادى.
قونىستانۋ ورتاسى مەن مادەنيەت سالت - داستۇرىندە پارىق بولاتىندىقتان از ۇلتتاردىڭ وزارا ايت وتكىزۋ ءتاسىلى دە تۇرلىشە بولادى؛ مەرەكەدە ۇيعۇرلاردىڭ ۇيىنە بارساڭ 7 - 8 ءتۇرلى قۋىرماشتى جەۋىڭە تۋرا كەلەدى، قوناقتار قارنىمىز ابدەن تويىپ تۇر، جەيتىن جەر قالمادى، اۋرە بولماياق قويىڭىزدار دەمەسە، قۋىرماشتار ىركەس - تىركەس ۇستەلگە قويىلا بەرەدى. قىرعىز ۇلتى پىسىرىلعان قوي ەتىن داستارقاننىڭ قاق ورتاسىنا قويادى، قوناق بولا بارعاندار ەتتەن، ءسوزسىز، اۋىز ءتيۋ كەرەك. دەمەك بىرنەشە ۇيگە ايتشىلاي بارساڭ قارنىڭ قامپايىپ شىعا كەلەدى.
قىزىلسۋ قىرعىز اۆتونوميالى وبلىسىنىڭ اقشي اۋدانىندا تاڭعى ساعات 5تەر شاماسىندا قىرعىز ايەل نۇرگۇل و دۇنيەلىك بولعاندارعا باعىشتاپ پىسىرىلاتىن شەلپەكتىڭ قامىرىن يلەدى، ول ەلىنىڭ بەيبىتشىلىگىن، وتباسىنىڭ اماندىعىن تىلەي ءجۇرىپ، شەلپەكتى دە پىسىرىپ ۇلگەردى.
كۇن كوتەرىلە بەرە، نۇرگۇل بالا - شاعاسىن ەرتىپ قابىر باسىنا بارىپ، «قۇران» وقىدى ءارى جۇگەرى، كۇرىش سياقتى داقىلداردى شاشىپ، ساعىنىشتارىن ءبىلدىردى. ۇيىنە قايتىپ كەلگەن نۇرگۇل تاباققا شەلپەك، جەمىس - جيدەك سالىپ، تۇرمىسىندا قيىنشىلىعى بار وتباسىلارىنا اپارۋعا دايىندالدى.
ءداستۇر مەن قازىرگى زامان اراسىندا ءىشىنارا وزگەرىستەر دە بىرتىندەپ جارىققا شىقتى. قاشقاردان كەلگەن جۇمىسكەر انۋار ايەلىمەن بىرگە ۇرىمجىدە العاش رەت ورازا ايت وتكىزدى، ولار مەرەكە دەمالىسىندا كينو كورىپ، مۋزيكالى تاعامجايعا بارىپ، پيسا جەۋگە ازىرلەنىپ جاتىپتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
