- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءدىننىڭ بەرەكەلىگىن، جاراستىعىن جەبەيىك
− شينجياڭنىڭ ءتۇرلى قىزمەتىن قوعامنىڭ ورنىقتىلىعى مەن باياندى تىنىشتىعىسىندى باس نىسانانىڭ جەتەكشىلىگىندە جاقسى ىستەۋ تۋرالى (4)
2016.10.11 11:18 كەلۋ قاينارى : شينجياڭ گازەتى
شينجياڭ − كوپ ۇلت شوعىرلى قونىستانعان، كوپ ءدىن قاتار ءومىر سۇرگەن ءوڭىر، شينجياڭداعى از ۇلت قاۋىمىنىڭ دەنى ءىسلام دىنىنە سەنەدى، ۇلت، ءدىن ءار جاقتاعى ىستەرمەن بىتە قايناسقان، شينجياڭدا ءدىن قىزمەتىن جاقسى ىستەۋدىڭ ءمانى ەرەكشە ءارى زور.
ءدىن − ادامزات قوعامىنىڭ وبيەكتيۆتىك بولمىسى، دىنگە سەنەتىن بۇقارا جونىنەن ماڭىزدى ىقپالعا يە. پارتيانىڭ ءدىن ساياساتىن جاپپاي دايەكتىلەندىرىپ، بۇقارانىڭ ءدىني سەنىم ەركىندىگىنە قۇرمەت ەتىپ، قالىپتى، زاڭدى ءدىني قيمىلداردى قورعاپ، دىنگە سەنەتىن بۇقارانىڭ ءدىني سۇيىسپەنشىلىگىن تولىق ءتۇسىنىپ، دىنگە سەنەتىن بۇقارانىڭ قالىپتى ءدىني قاجەتىن زاڭ بويىنشا قامتاماسىز ەتىپ، دىنگە سەنەتىن بۇقارانىڭ ءدىني بىلىمدەردى دۇرىس يگەرۋىنىڭ زاڭدى ارناسىن بىرتىندەپ كەڭەيتىپ، ولاردىڭ ءدىني اقيدانى دۇرىس تۇسىنۋىنە، جاپپاي دوڭگەلەك داۋلەتتى قورعام قۇرۋدىڭ ۇلى امالياتىنا بەلسەنە ات سالىسۋىنا جەتەكشىلىك ەتۋ كەرەك.
پارتيانىڭ ءدىن قىزمەتى جونىندەگى نەگىزگى باعىتى مەن مەملەكەتتىڭ ءدىن ىستەرىن باسقارۋ جونىندەگى زاڭ - ەرەجەلەرىن جاپپاي تياناقتاندىرىپ، زاڭ بويىنشا باسقارۋعا تاباندى بولۋمەن بىرگە، مەشىتتەر مەن ءدىني قيمىلدارعا قىزمەت وتەۋدى كۇشەيتۋ كەرەك. وتانشىل ءدىني قايراتكەرلەردى، دىنگە سەنەتىن بۇقارانى جاقىن - جان اشىرىنداي، دوستارىنداي كورىپ، ءدىني قيمىل شارت - جاعدايىن شىنايى جاقسارتىپ، مەشىتتەردەگى ءتۇيىندى مادەنيەت مۇرالارىن قورعاۋدى كۇشەيتىپ، مەشىت قىزمەتكەرلەرىنە كوڭىل ءبولىپ جانە ولاردى ايالاپ، قالىڭ ءدىني قايراتكەرلەر مەن دىنگە سەنەتىن بۇقاراعا پارتيا مەن ۇكىمەتتىڭ قامقورلىعىن، مەيىرىن شىنايى سەزىندىرىپ، ولاردىڭ وتاننىڭ تۇتاستىعىن، ۇلتتاردىڭ ىنتىماعىن قورعاۋداعى بەلسەندى رولىن تولىق ساۋلەلەندىرۋ كەرەك.
ءدىن قىزمەتىن جاقسى ىستەۋدە، بەتالىس شەشۋشى فاكتور. جاراسىمدى مەشىت جانە العا - باسار وتانشىل ءدىني قايراتكەرلەردى باعالاۋ قيمىلىن كەڭ كولەمدە قانات جايدىرىپ، «5تە جاقسى مەشىت»، «5تە جاقسى وتانشىل ءدىني قايراتكەر» بولۋ قيمىلىن ورىستەتۋدى دانەكەر ەتىپ، مەشىتتەر مەن ءدىني قايراتكەرلەردى جاراسىمدى مەشىت قۇرۋعا، العاباسار، ۇلگى بولۋعا جەتەكشىلىك ەتىپ، وتاندى، ءدىندى سۇيەتىن تاماشا بەتالىستى ورناتۋ كەرەك. اۆتونوميالى رايون، ايماق (وبلىس، قالا)، اۋدان (قالا، رايون) ءار جىلى جاراسىمدى مەشىت پەن العاباسار، ۇلگىلى ءدىني قايراتكەرلەردى باعالاپ، ولاردى دابىرالى تۇردە ماداقتاپ - سيلاپ، مەشىتتەر مەن قالىڭ ءدىني قايراتكەرلەردىڭ وتاندى، ءدىندى ءسۇيۋ، ەرەجەگە قۇرمەت ەتىپ، زاڭعا بويسۇنۋ بەلسەندىلىگىن تولىق جۇمىلدىرۋ كەرەك.
سۇرقيالىق اقيقاتتى استە جەڭە المايدى. ءدىننىڭ بەرەكەلىگىن، جاراسىمدىلىعىن ىلگەرىلەتۋدە، ءسوزسىز، وتانشىل ءدىني قايراتكەرلەردى شىنايى باۋلىپ، قورعاپ، ايالاپ، وبيەكتى كولەمىن ايقىنداپ، ناقتى شارالاردى تياناقتاندىرىپ، مامىلە دەڭگەيىن كوتەرىپ، ۇتىمدى، كادەگە جارايتىن قورعاۋ، ايالاۋ مەحانيزمىن ورناتۋ ارقىلى ولاردىڭ ساياسيدا ابىرويلى، قوعامدا بەدەلدى بولۋىنا، باس اماندىعىنىڭ كەپىلدىك ەتىلۋىنە، تۇرمىسىنىڭ قامتاماسىزداندىرىلۋىنا مۇمكىندىك جاساۋ كەرەك. وتانشىل ءدىني قايراتكەرلەردى باۋلۋ، تاربيەلەۋ تەبىنىن ارتتىرىپ، ءىسلام ءدىنى ينستيتۋتى مەن ءدىني مەكتەپتەردىڭ قۇرىلىسىن كۇشەيتىپ، وتانشىل ءدىني قايراتكەرلەردىڭ ساياسيدا سەنىمدى، ءدىني بىلىكتىلىگى جوعارى، بۇقارانى مورالىمەن يلاندىراتىن، شەشۋشى ساتتە رولىن ساۋلەلەندىرەتىن تاماشا قوسىنىن شىنايى قۇرۋ كەرەك. قالىڭ ءدىني قايراتكەرلەردى وتاندى، حالىقتى سۇيەتىن تاڭداۋلى ءداستۇردى ساۋلەلەندىرىپ، ۋاعىز ايتۋ، تاپسىرلەۋ قىزمەتىن جاقسى ىستەپ، ءدىني اقيدالار مەن ءدىن قاعيدالارىنداعى قوعامدىق جاراسىمدىلىققا، ءداۋىردىڭ العا باسۋىنا، اقاۋسىز وركەنيەتكە پايدالى مازمۇنداردى اشىپ، ءىسلام دىنىندە دارىپتەلگەن وتانشىلدىق، بەيبىتشىلىك، ىنتىماق، ورتا جول، باۋىرمالدىق، ىزگىلىك سىندى ءدىن اقيدالارىن ءتۇسىندىرىپ، ءدىن قاعيدالارى مەن ءدىني اقيدالار جونىندە زامانىمىزداعى جۇڭگونىڭ دامۋ، العا باسۋ تالابىنا، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن تۇسىنىك جاساپ، دۇرىس سەنىم ورناتىپ، ۇشقارىلىقتى تەجەپ، ۇلتتار ىنتىماعىن قورعاۋ، ۇلتتىق بولشەۋشىلىككە قارسى تۇرۋ، قوعامنىڭ جاراسىمدىلىعى مەن ورنىقتىلىعىن جەبەۋدەگى ەرەكشە ابزالدىعى مەن رولىن ساۋلەلەندىرۋگە جەتەكشىلىك ەتۋ كەرەك.
ءدىني ۇشقارى يدەيا − قوعامدى زياندايتىن قاتەرلى وسپە. ءدىننىڭ بەرەكەلىگى مەن جاراستىعىن ىلگەرىلەتۋدە، ءسوز جوق، «ۇشقارىلىقتى الاستاۋ» قىزمەتىن ىشكەرىلەي جەبەپ، باتىلدىقپەن ءۇن قاتۋ، جاۋاپكەرلىكتى باتىلدىقپەن ۇستىنە الۋ، شەبەرلىكپەن جەتەكشىلىك ەتۋ كەرەك. اماليات مىنانى دالەلدەدى: «زاڭدىلارىن قورعاۋ، زاڭسىزدارىن تەجەۋ، ۇشقارىلىقتى تيۋ، كەۋلەپ كىرۋدەن ساقتانۋ، قىلمىستىق ارەكەتتەرگە سوققى بەرۋ» نەگىزگى پرينسيبىنە تاباندى بولعاندا عانا، ءدىننىڭ جاراسىمدىلىعىن، ۇلتتاردىڭ ىنتىماعىن جانە قوعامنىڭ ورنىقتىلىعىن قورعاۋعا، شينجياڭداعى 23 ميلليون ءار ۇلت بۇقاراسىن باقىتقا كەنەلتۋگە بولادى.
«شينجياڭداعى ەڭ ۇلكەن بۇقارالىق قىزمەت ۇلتتار ىنتىماعى مەن ءدىننىڭ جاراسىمدىلىعى». مەملەكەتتىڭ دامۋىمەن، حالىقتىڭ تىلەگىمەن، ءداۋىر رۋحىمەن سايكەسكەندە عانا، ءدىننىڭ شينجياڭ قوعامىنىڭ العا باسۋىن، حالىقتىڭ باقىتىن ونان ارى جەبەيتىن ماڭىزدى كۇشكە، ءسوزسىز، اينالاتىنىنا سەنەمىز.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
