- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكوم تۇراقتى كوميتەتىنىڭ ءماجىلىسى «شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرۋى جونىندەگى جەتەكشى پىكىردى»، «شينجياڭدى ەلەكترلەندىرۋدى جەدەل ىلگەرىلەتۋ قىزمەت جوباسىن» قارادى
2016.10.21 13:36 كەلۋ قاينارى : شينجياڭ گازەتى
16 - قازان تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو اۆتونوميالى رايوندىق پارتكوم تۇراقتى كوميتەتىنىڭ ءماجىلىسىن باسقارىپ اشتى. ءماجىلىس «شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرۋى جونىندەگى جەتەكشى پىكىردى»، «شينجياڭدى ەلەكترلەندىرۋدى جەدەل ىلگەرىلەتۋ قىزمەت جوباسىن» قارادى.
ءماجىلىس بىلاي دەپ باسا دارىپتەدى: يدەيانى، تانىمدى شي جينپيڭ جولداس باس شۋجي بولعان پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەل ىلگەرىلەتۋ كەرەك. ءبىرىنشى، كەلەلى ءمانىن جىعا تانۋ كەرەك. شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرۋى باس شۋجي شي جينپيڭنىڭ ماڭىزدى سوزدەرىنىڭ رۋحىن، وتە - موتە، «ءبىر بەلدەۋ، ءبىر جول» قۇرىلىسىن ىلگەرىلەتۋ جونىندەگى اڭگىمە ماجىلىستە سويلەگەن ماڭىزدى ءسوزىن دايەكتى تياناقتاندىرۋداعى كەلەلى شارا، مەملەكەتتىڭ «ءبىر بەلدەۋ، ءبىر جول» ستراتەگياسىمەن بەلسەنە توعىسۋداعى ءىس جۇزىندىك ارەكەت، ەكونوميكالىق دامۋدىڭ جاڭا قالىبىنا سايكەسۋدەگى پارمەندى ارەكەت، شينجياڭنىڭ ىشكە - سىرتقا ەسىك اشۋىن كەڭەيتۋدەگى ءونىمدى تەكشە. وزەكتى رايون قۇرىلىسىنىڭ كەلەلى ءمانىن جىعا تانۋ، جاۋاپكەرشىلىك سەزىمدى، كوكەي تەستىلىك سەزىمدى ونان ارى كۇشەيتۋ كەرەك. ەكىنشى، شينجياڭنىڭ ەرەكشەلىگىن ايگىلەۋ كەرەك. باس شۋجي شي جينپيڭ العا قويعان «جاسىل جىبەك جولىن، اقاۋسىز جىبەك جولىن، زەردەلى جىبەك جولىن، بەيبىت جىبەك جولىن قۇرۋ» سىندى ماڭىزدى نۇسقاۋىنا ساي، «ءۇش ارنا»، «ءۇش بازا»، «بەس ءىرى ورتالىق» جانە «ون ءىرى يمپورت - ەكسپورت كاسىپ سالاسى شوعىرى» قۇرىلىسىن جەدەلدەتىپ، ىشكە - سىرتقا ەسىكتى ايقارا اشقان جاڭا جاعدايدى تۇلعالاۋ كەرەك. ءۇشىنشى، تۇيىندەردە قامال الۋعا تاباندى بولۋ كەرەك. كەلەلى نەگىزدىك قۇرىلعىلار جاعىنداعى بايلانىس جاساۋدى، حابارلاسۋدى جەبەپ، ەكونوميكا - ساۋدا سەلبەستىگىنىڭ دەڭگەيىن كوتەرىپ، گۋمانيتارلىق اۋىس - كۇيىستى جيىلەتىپ، كاسىپ سالاسى، ەنەرگيا، فينانس، ەمدەۋ، قورشاعان ورتا سەلبەستىگىن تەرەڭدەتۋ كەرەك. جاپپاي ىلگەرىلەتۋ نەگىزىندە، الدىمەن، جالپى جاعدايعا ساياتىن بىرنەشە ماڭىزدى قىزمەتتى، بىرنەشە ءتۇيىندى نىساندى مىقتى يگەرىپ، تەزىرەك ناتيجە شىعارۋعا كۇش سالۋ كەرەك. ءتورتىنشى، ۇيىمدىق باسشىلىقتى كۇشەيتۋ كەرەك. ءار دارەجەلى پارتكوم مەن حالىق ۇكىمەتى وزەكتى رايون قۇرىلىسىن كورنەكتى ورىنعا قويىپ، ماڭىزدى كۇن تارتىپكە ەنگىزىپ، شىن مانىندە قاتاڭ ويداعىداي يگەرۋى كەرەك؛ ءار دارەجەلى، ءارقايسى تاراۋلار ءوز باسىمدىقتارىن ساۋلەلەندىرىپ، قىزمەتتى بەلسەنە، ىرىقتى جاقسى ىستەپ، ساياساتتى، نىساندى تياناقتاندىرۋدى ىلگەرىلەتۋى كەرەك. بەسىنشى، ۇگىت سەرپىنىن ارتتىرۋ كەرەك. ءتۇرلى اقپارات قۇرالدارىنىڭ باسىم رولىن تولىق ساۋلەلەندىرىپ، ىشكى - سىرتقى ۇگىتتى ءوزارا ۇشتاستىرۋعا تاباندى بولىپ، سەرپىندى ارتتىرىپ، اۋقىم قالىپتاستىرىپ، «ءبىر بەلدەۋ، ءبىر جول» قۇرىلىسىنا تاماشا ورتا ازىرلەۋ كەرەك.
ءماجىلىس بىلاي دەپ اتاپ كورسەتتى: شينجياڭدى ەلەكترلەندىرۋ قامداۋ جاعىنداعى قۇرىلىمدىق رەفورمانى ىلگەرىلەتۋدە، مەملەكەتتىڭ ەنەرگيا ستراتەگياسىن تياناقتاندىرۋدا، قۇرىلىمدى رەتتەپ، ارتۋ فورماسىندا بۇرىلىس جاساپ، حالىق تۇرمىسىنا تيىمدىلىك جاساۋدا، تىڭ ەكونوميكالىق ارتۋ ءتۇيىنىن جەتىلدىرۋدە، ەنەرگيانى كىرشىكسىزدەندىرۋدى جەبەۋدە ماڭىزدى مانگە يە. جاڭا جاعدايعا تۇجىرىم جاساپ، تىڭ ماسەلەگە وي جۇگىرتىپ، سونى جول سالىپ، شينجياڭدى ەلەكترلەندىرۋ قۇرىلىسىن بەلسەندى، ورنىقتى ىلگەرىلەتۋ كەرەك. ءبىرىنشى، ۇگىتتى، جەتەكشىلىك ەتۋدى كۇشەيتۋ كەرەك. ءار دارەجەلى، ءتۇرلى اقپارات قۇرالدارىنان تولىق پايدالانىپ، «شينجياڭدى ەلەكترلەندىرۋدىڭ» ماڭىزىن، تەحنيكاسىن، ساياساتتارىن جان - جاقتى، ءتۇرلى جولدارمەن ۇگىتتەپ، قوعامدى تۇتىنۋ كوزقاراسىندا بۇرىلىس جاساۋعا جەتەلەپ، «شينجياڭدى ەلەكترلەندىرۋ» قىزمەتىن ادامدار جۇرەگىنە تەرەڭ ۇيالاتۋ، جالپى جۇرتقا جاريا ەتۋ كەرەك. ەكىنشى، كاسىپ سالاسى ساياساتىن يگەرۋ كەرەك. جاڭالىق اشا دامۋ، جاسىل دامۋ، سايكەستى دامۋ، اشىق دامۋ، بىرگە يگىلىككە كەنەلەتىن دامۋ سىندى 5 ءىرى دامۋ يدەياسىن بەرىك ورناتىپ، دايەكتى تياناقتاندىرىپ، ەنەرگيا تۇتىنۋ قۇرىلىمىن ەلەكتر ەنەرگياسىنا اۋىستىرۋ جانە ونى ساپالىلاندىرۋ، پارىقتى ەلەكتر باعاسى ارقىلى كاسىپ سالاسى ساياساتىن ايگىلەۋ كەرەك. ءۇشىنشى، سىناق تۇيىندەرىندە الدىمەن سىناق ەتۋگە تاباندى بولۋ كەرەك. جەر - جەردىڭ ەنەرگيا تۇتىنۋ قۇرىلىمى مەن ەنەرگيادان پايدالانۋ قاجەتىنىڭ ەرەكشەلىگىنە سايكەس، ءتۇيىندى سالالاردا، ءتۇيىندى كاسىپتەردە ۇلگى كورسەتۋ، سىناق ەتۋ نىساندارىن ورنىقتى، ءتارتىپتى ىلگەرىلەتىپ، ەلەكتر ەنەرگياسىنا اۋىستىرۋدى جالپىلاستىرۋعا قوزعاۋشىلىق ەتۋ كەرەك. ءتورتىنشى، ەلەكتر ەنەرگياسى ارقىلى حالىققا تيىمدىلىك جاساۋدى جۇزەگە اسىرۋ كەرەك. ەلەكتر قۋاتى بايلىعىن ورنالاستىرۋدى ونان ارى ابزالداندىرىپ، ەلەكتر تورىنىڭ جۇمىس ونىمدىلىگىن جوعارىلاتىپ، ەلەكتر تۇتىنۋشىلارىنىڭ ەلەكتردەن پايدالانۋ وزىندىك قۇنىن تومەندەتىپ، تومەن ەلەكتر باعاسى ارقىلى حالىققا پايدا جەتكىزۋ، كاسىپورىندارعا تيىمدىلىك جاساۋ كەرەك. بەسىنشى، سايكەستى ساياساتتاردى العا قويۋ كەرەك. مەملەكەتتىڭ ساياساتتىق قولداۋىنا بەلسەنە ۇمتىلىپ، شينجياڭنىڭ ءىس جۇزىندىگىمەن ۇشتاستىرىپ، سايكەستى ساياساتتاردى جاساپ العا قويىپ، ساياساتتىڭ بىرىككەن كۇشىن قالىپتاستىرۋ كەرەك. التىنشى، جاپپاي يگەرىپ، جان - جاقتى باسقارۋ كەرەك. بازاردىڭ بايلىقتى ورنالاستىرۋداعى شەشۋشى رولىن ساۋلەلەندىرىپ، اكىمشىلىك، ەكونوميكالىق، عىلىم - تەحنيكالىق جانە ساياساتتىق جەتەلەۋ سياقتى تاسىلدەردەن جان - جاقتى پايدالانىپ، شينجياڭدى ەلەكترلەندىرۋ قۇرىلىسىن ىلگەرىلەتۋ كەرەك.
ءماجىلىس باسقا دا ىستەردى اقىلداستى.
اۆتونوميالى رايوننىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، شاۋكەت يمىن، ەركىنجان تۇراحۇن، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي، ليۋ شينچي ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
