- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سوتسياليستىك شينجياڭدى ۇزاق جورىق رۋحىمەن گۇلدەندىرەيىك
2016.10.21 13:38 كەلۋ قاينارى : شينجياڭ گازەتى
«قىزىل ارميا تايسالماعان ازاپتى الىس جورىقتان، بۇيىم بولماي مىڭداعان تاۋ، ميلليون وزەن جولىققان». حالىقتى باقىتقا كەنەلتۋ، ۇلتتى حاۋىپ - قاتەردەن قۇتقارۋ ءۇشىن، جۇڭگو كوممۋنيستىك پارتياسى ادام جانىن تەبىرەنتەرلىك ارەكەتى مەن رۋحى ارقىلى بۇرىندى - سوڭدى بولماعان اسقان ەرلىكتىڭ داستانى − ۇزاق جورىق داستانىن جازدى. ۇزاق جورىق رۋحى پارتيا مەن قىزىل ارميانىڭ تاماشا ءداستۇرى مەن ستيلىن شوعىرلى بەينەلەدى، ول جۇڭگو كوممۋنيستەرىنىڭ دۇنيەگە، ومىرگە جانە قۇنعا بولعان كوزقاراسىن جالپى بەتتىك ايگىلەدى، بۇل − جۇڭحۋا ۇلتىنىڭ سانسىزداعان قيىندىقتاردان تايسالماي، تالىقپاي تالپىناتىن ۇلتتىق رۋحىنىڭ شوعىرلى بەينەسى.
باس شۋجي شي جينپيڭ نيڭشيادا قىزمەت تەكسەرگەندە: «ۇلى ۇزاق جورىق رۋحى − جۇڭگو كوممۋنيستەرىنىڭ توڭكەرىستىك ونەگەسىنىڭ جاندى كورىنىسى، ونى جاڭا امالياتپەن ۇزدىكسىز تۇردە ۇشتاستىرىپ، ويداعىداي جالعاستىرۋعا، ساۋلەلەندىرۋگە ءتيىسپىز. جۇڭگوشا سوتسياليزم ىستەرىن ىلگەرىلەتۋدىڭ جاڭا ۇلى جورىعى ۇزدىكسىز كۇش ۇستەپ، ۇزاق ۋاقىت جالعاستىرۋدى قاجەت ەتەدى، ءبىزدىڭ ءاربىر بۋىن ءوزىنىڭ ۇزاق جورىعىن ءساتتى باسۋى كەرەك»، - دەپ باسا دارىپتەدى. قىزىل ارميانىڭ ۇزاق جورىقتا جەڭىسكە جەتكەندىگىنىڭ 80 جىلدىعىن ەسكە الۋ قارساڭىندا، ۇلى ۇزاق جورىق رۋحىن قايتالاي ەسكە الۋ شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا سارقىلماس قۇدىرەتتى رۋحاني كۇش باعىشتايدى.
ۇلى ۇزاق جورىق رۋحىن اسقاقتاتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا پارتيانىڭ باسشىلىعىنا تاباندى بولۋ كەرەك
باس شۋجي شي جينپيڭ 23 - قىركۇيەكتە «باتىرلىق داستان، ماڭگىلىك ەسكەرتكىش − جۇڭگو جۇمىسشى - شارۋا قىزىل ارمياسىنىڭ ۇزاق جورىق جەڭىسىنىڭ 80 جىلدىعى تاقىرىپتىق كورمەسىن» ەكسكۋرسيالاعاندا بىلاي دەپ اتاپ كورسەتتى: 80 جىلدىڭ الدىندا جۇڭگو كوممۋنيستىك پارتياسى باسشىلىق ەتكەن جۇڭگو جۇمىسشى - شارۋا قىزىل ارمياسى سان - ساناقسىز قيىنشىلىقتار مەن حاۋىپ - قاتەرلەردى جەڭىپ، الەمگە ايگىلى 25 مىڭ شاقىرىمدىق ۇزاق جورىقتىڭ جەڭىسىنە قول جەتكىزدى. وسى ۇلى ەرلىك جۇڭگو توڭكەرىسى مەن جۇڭحۋا ۇلتىنىڭ تاريحىنان ماڭگىلىك وشپەس ورىن الادى. تاريح بىزگە جۇڭگو كوممۋنيستىك پارتياسىنىڭ باسشىلىعى بولماسا ۇلى ۇزاق جورىقتىڭ جەڭىسى دە بولمايتىندىعىن، جۇڭگونىڭ ىستەرىن جاقسى ىستەۋدىڭ تەتىگى پارتيادا ەكەندىگىن؛ شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا، ءسوز جوق، پارتيانىڭ باسشىلىعىنا تاباندى بولۋ كەرەكتىگىن ۇعىندىردى.
شينجياڭدا پارتيانىڭ باسشىلىعىندا تاباندى بولۋدا، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن ىشكەرىلەي دايەكتى تياناقتاندىرۋ، باس شۋجي شي جينپيڭنىڭ جەلىلەس ماڭىزدى سوزدەرىنىڭ، اسىرەسە، شينجياڭ قىزمەتى جونىندەگى ماڭىزدى نۇسقاۋلارىنىڭ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ءسوزىنىڭ جانە شينجياڭدا قىزمەت تەكسەرگەندە سويلەگەن ماڭىزدى سوزدەرىنىڭ رۋحىن ىشكەرىلەي دايەكتى تياناقتاندىرۋ كەرەك، قىزىل ارميانىڭ لۋديڭچياۋ كوپىرىن ەرلىكپەن الۋ، سازدى دالادان ەندەي ءوتىپ، قارلى تاۋلاردان اسۋداي قيىندىقتاردان تايسالمايتىن، قيىنشىلىققا قارسى اتتاناتىن قايىسپاس رۋحىن، العان بەتىنەن قايتپاي، ءبىرىنىڭ ءىزىن ءبىرى باسىپ العا ىلگەرىلەيتىن رۋحىن ساۋلەلەندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، شينجياڭدى زاڭ بويىنشا باسقارۋعا، ىنتىماقتاسا ورنىقتىرۋعا، باياندى كوركەيتۋگە تاباندى بولىپ، ءبىر نيەت، ءبىر تىلەكپەن ىنتىماقتاسا كۇرەس جۇرگىزىپ، كۇشتى شوعىرلاندىرىپ، قىزمەتتەردى تىڭعىلىقتى ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، الاڭسىز شارۋاشىلىقپەن شۇعىلدانعان سوتسياليستىك شينجياڭ قۇرۋ جولىندا تىنباي كۇرەس جاساۋىمىز كەرەك.
شينجياڭ − شەكاراداعى ۇلتتىق رايون، ەكونوميكاسى تولىق دامىماعان، دىنگە سەنەتىن جۇرتشىلىق ءبىرشاما شوعىرلانعان رايون ءارى بولشەكتەۋشىلىككە قارسى كۇرەستىڭ الدىڭعى شەبى. پارتيانىڭ باسشىلىعىنا تاباندى بولۋ ءۇشىن، ءسوز جوق، ساياسي ءتارتىپ پەن ساياسي قاعيدانى كۇشەيتۋ كەرەك. شي جينپيڭ جولداس باس شۋجي بولعان پارتيا ورتالىق كوميتەتىنە ابسوليۋتتى ادال بولۋ شينجياڭنىڭ قوعام ورنىقتىلىعى مەن باياندى تىنىشتىعىنا، وتاننىڭ تۇتاستىعى مەن ۇلتتار ىنتىماعىنا ساياتىندىقتان، ەرەكشە ماڭىزدى مانگە يە. ساياسي ءتارتىپ پەن ساياسي قاعيداعا قاتاڭ بويسۇنۋدان جازباۋدى جانىمىزعا بالاپ، ماڭداي الدى ورىنعا قويىپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن بەرىك ورناتۋىمىز كەرەك. شينجياڭ استانامىز بەيجيڭنەن الىس بولعانىمەن، اۆتونوميالى رايوندىق پارتكومنىڭ، رايونىمىزداعى بارلىق پارتيا ۇيىمدارىنىڭ، قالىڭ پارتيالى كادرلار مەن ءار ۇلت حالىق بۇقاراسىنىڭ جۇرەگى شي جينپيڭ جولداس باس شۋجي بولعان پارتيا ورتالىق كوميتەتىنە ەتەنە بولىپ، تىعىز جالعاسقان، يدەيادا، ساياسيدا، ارەكەتتە شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداس باس شۋجي بولعان پارتيا ورتالىق كوميتەتىنە ابسوليۋتتى ادال بولۋىمىز كەرەك. پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرىپ، جۇڭگوشا سوتسياليزم ىستەرىن ىلگەرىلەتۋدىڭ جاڭا ۇلى جورىعىندا ءوزىمىزدىڭ ۇزاق جورىعىمىزدى ءساتتى باسۋىمىز كەرەك.
ۇلى ۇزاق جورىق رۋحىن اسقاقتاتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا مۇرات - سەنىمدى بەكەمدەۋ كەرەك
وسكەلەڭ مۇرات، بەرىك سەنىم − جۇرت تىلەگىن توعىستىرىپ، ەرلىكپەن العا ىلگەرىلەۋگە باستايتىن ۇلى تۋ، قيىنشىلىقتاردى جەڭىپ، جەڭىسكە جەتۋدىڭ كۇش قاينارى.
«قىزىل ارميانىڭ 25 مىڭ شاقىرىمدىق ۇزاق جورىعىنان وتەر جاپا - ماشاقات بولماس». ۇزاق جورىق بارىسىندا قىزىل ارميا اساۋ وزەندەردەن ءوتىپ، اق باس شىڭداردان اسىپ، ۇشى - قيىرسىز سازدى دالانى باسىپ، قات - قابات توسقاۋىلداردى بۇزىپ، ميلليونداعان جاۋ ارمياسىنىڭ قۋعىنداۋى مەن توسقاۋىلىن تالقاندادى. ۋاڭ ميڭ ۋاكىلدىك ەتكەن «سولشىل» دوگىماتيزم مەن جاڭ گوتاۋدىڭ بولشەكتەۋشىلىگى سىندى قاتەلىكتەردى جەڭىپ، 10 نەشە ولكەنى ەندەي ءوتىپ، 25 مىڭ شاقىرىمدىق جول باستى. وسى ءبىر قيان - كەسكى ۇزاق جورىق ۋاقىتىنىڭ ۇزاق، جولىنىڭ الىس، جاۋمەن بولعان كۇش سالىستىرماسىنىڭ پارقى زور، جاراتىلىستىق ورتاسىنىڭ ناشار بولۋى جاعىنان ادامزات سوعىس تاريحىندا كەمدە - كەم ۇشىرايدى. ا ق ش - تىڭ ايگىلى جازۋشى ءارى ءتىلشىسى حارسون سالىسبۇري 1984 - جىلى ۇزاق جورىق جولىن قايتالاي باسقاننان كەيىن جازعان «ۇزاق جورىق − بۇرىن - سوڭدى ەستىمەگەن حيكايا» اتتى كىتابىن جازدى، ول ۇزاق جورىق جونىندە ايالداعاندا: «ادامزاتتىڭ جازبا تاريحىنان بەرگى ەڭ جان تەبىرەنتەرلىك ۇلى ءىس»، «كوللەكتيۆيزمگە، ءوزىن ارناۋ رۋحىنا جانە ۇمىتكەرلىككە تولى تەڭدەسسىز قيمىل» دەگەن باعا بەرەدى.
شينجياڭدى جاپپاي دوڭگەلەك داۋلەتتى ورەگە جەتكىزۋ ءۇشىن، ءبىز قىزىل ارميانىڭ وشپەس ۇلەستەرىن ەسىمىزدە ساقتاپ، ۇلى ۇزاق جورىق رۋحىن اسقاقتاتىپ، «بەس تانىم» تاربيەسى مەن توڭكەرىستىك ءداستۇر تاربيەسىن ىشكەرىلەي جۇرگىزىپ، قالىڭ كادرلار مەن بۇقارانى جۇڭگوشا سوتسياليزم جولى سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋگە جەتەلەپ، تۇتاس قوعامنىڭ العا ۇمتىلۋ رۋحىن، ءورىس اشۋ جىگەرىن، جاڭالىق اشۋ قۋاتىن ارتتىرۋىمىز، جاپانى راقات ساناپ، ەڭبەكتى داڭق دەپ ءبىلىپ، قادامدى نىق باسىپ، كوپتىڭ قامىن ويلاپ، شينجياڭنىڭ جاراسىمدى، ورنىقتى، عىلمي دامىعان، ۇلتتارى ىنتىماقتى، ءدىنى جاراسىمدى، حالىق تۇرمىسى جاقسارعان، ەكولوگياسى جاقسى، پارتيا قۇرىلىسى كۇشەيگەن، شەكاراسى بەكەمدەلگەن تاماشا جاعدايىن ونان ارى اشۋىمىز كەرەك.
ۇلى ۇزاق جورىق رۋحىن اسقاقتاتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدا جاڭا ۇزاق جورىقتى ءساتتى باسۋىمىز كەرەك
80 جىلدىڭ الدىندا، ماۋ زىدۇڭ جولداس: «ۇزاق جورىق تۋرالى ءسوز بولعاندا، ونىڭ نەندەي ماڭىزى بار؟ دەگەن سۇراق قويىلۋى مۇمكىن، ءبىز بىلاي دەيمىز، ۇزاق جورىق تاريحتا ءبىرىنشى رەت بولدى، ۇزاق جورىق جارناما بولدى، ۇزاق جورىق ۇگىت اترەتى بولدى، ۇزاق جورىق تۇقىم سەبەتىن ماشينا بولدى»، - دەگەن ەدى. بۇگىنگى تاڭدا، ءبىز اسا ماقتانىشپەن ءارى تولىق سەنىممەن: «قىزىل ارميانىڭ دۇنيە جۇزىنە جاريالاعان توڭكەرىستىك مۇراتى رەالدىققا اينالدى، قىزىل ارميانىڭ سەپكەن تۇقىمى گۇل اشىپ، جەمىس بەردى ءارى ودان ارى قۇلپىرىپ، اناعۇرلىم مول جەمىس بەرەدى ءبىز جۇڭگوشا سوتسياليزم جولىمەن ءجۇرۋ سىندى ۇلى جورىقتا، جۇڭحۋا ۇلتىنىڭ ۇلى گۇلدەنۋى سىندى نىساناعا مۇنداي جاقىنداعان ەمەسپىز» دەي الامىز.
قىزىل ارميانىڭ ۇزاق جورىق جەڭىسىنىڭ 80 جىلدىعىن سالتاناتپەن ەسكە ءتۇسىرىپ، ۇلى ۇزاق جورىق رۋحىن اسقاقتاتىپ جاتقان ساتتە، ءبىز شينجياڭدى جاپپاي دوڭگەلەك داۋلەتتى ورەگە جەتكىزۋ ساپارىمىزدا قۇربانداردى ەسكە الىپ، تاجىريبەلەردى قورىتىندىلاپ، اۋەلگى ماقساتتى ۇمىتپاي، ۇدەرە العا تارتىپ، شي جينپيڭ باس شۋجي بولعان پارتيا ورتالىق كوميتەتىنىڭ توڭىرەگىنە ونان ارمان تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، قىزىل ارميانىڭ ۇزاق جورىق كەزىندەگى سول ءبىر جويقىن كۇشىن، سول ءبىر توڭكەرىستىك ىنتاسىن، سول ءبىر جان قيارلىق رۋحىن ساقتاپ جانە ساۋلەلەندىرىپ، جۇڭگوشا سوتسياليزم قۇرۋ جولىندا اعا بۋىن توڭكەرىسشىلەردىڭ ىستەگەن ۇلى ىستەرىن ۇزدىكسىز ىلگەرىلەتىپ، كورىكتى شينجياڭ قۇرۋ جولىندا قۇلشىنا كۇرەس جاساۋىمىز كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
