- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار اراسىنداعى تۋىستىق سۇيىسپەنشىلىك
− «ۇلتتار ىنتىماعىنىڭ بەرەكەلى شاڭىراعى» قيمىلى تۋرالى شولۋ (3)
2016.10.25 10:04 كەلۋ قاينارى : شينجياڭ گازەتى
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى باسقارۋ جالپى جوباسىن ىشكەرىلەي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، كادرلار مەن بۇقارا اراسىندا، ءار ۇلت بۇقاراسى اراسىندا، شينجياڭ مەن ىشكى ولكەلەردەگى جاستار - ورەندەر اراسىندا جۇپ قۇراۋ، تۋىس بولۋدى بارىنشا دارىپتەپ، 47 ۇلتتان قۇرالعان شينجياڭداعى 23 ميلليون ءار ۇلت ۇلاندارى جۇرەكتەردى جالعاپ، سەزىمدەردى توعىستىرىپ، ءوز باستارىنان، ۇساق ىستەردەن باستاپ كىرىسىپ، ۇلتتار ىنتىماعىن كوزدەرىنىڭ قاراشىعىنداي قورعاپ، اناردىڭ دانىندەي بىرىگىپ، ۇلتتار ىنتىماعى بايشەشەگىنىڭ شينجياڭنىڭ ۇلان - بايتاق دالاسىندا جايقالا اشىلۋىنا مۇمكىندىك جاراتتى.
از ۇلتتار مەن حانزۋلار سەلبەسىپ، ءوزارا جاردەمدەسىپ، جارقىن ءومىردى بىرگە جاراتتى
20 - قازان كۇنى ءتۇستىڭ الدىندا، قۇمىل قالاسى يجوۋ رايونى قارا ءدوۋا قالاشىعىنىڭ جىبيان نۇڭچاڭ قىستاعىنىڭ قىستاق كوميتەتىندە ءان شىرقالىپ، كوڭىلدى كۇلكى ءۇنى ەستىلىپ جاتتى. «ەرتەڭ كوشەتلىك قىستاعىمەن بىرگە <ۇلتتار ىنتىماعى، ارميا مەن حالىق بىرگە قۇرۋ> اتتى كونسەرت قويامىز، قازىر قولدىڭ بوس كەزىندە ءبىراز جاتتىعىپ الايىق»، − دەدى جىبيان نۇڭچاڭ قىستاعى پارتيا ياچەيكاسىنىڭ شۋجيى ساۋ رۇيحاي. بۇل − ەكى قىستاقتىڭ بيىل ساۋىردەن بەرى 10 - رەت وتكىزگەن كوللەكتيۆ قيمىلى ەدى.
قىستاقتا تۇراتىن قىزمەت اترەتىنىڭ دارىپتەۋى مەن مۇرىندىق بولۋىندا، بيىل 22 - ساۋىردە ەكى قىستاق ۇلتتار ىنتىماعى بويىنشا ءوزارا سەلبەسكەن قىستاقتار بولىپ قۇرىلدى. وسىدان كەيىن، ەكى قىستاق سىرتقا شىعىپ ەكسكۋرسيالاۋ، ۇيرەنۋ، دوستىق، توڭكەرىستىك تاربيە الۋ سياقتى ۇلتتار ىنتىماعىن جەبەيتىن ءار ءتۇرلى قيمىلدى بىرلەسىپ ۇيىمداستىردى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، شينجياڭداعى جەر - جەر، تاراۋلار ءتۇرلى شارالار قولدانىپ، دانەكەردى ۇزدىكسىز بايىتىپ، فورمانى جاڭالاپ، ءار ۇلت بۇقاراسى اراسىندا «ۇلتتار ىنتىماعى بويىنشا جۇپ قۇراۋ» قيمىلىن كۇش سالا ورىستەتىپ، «قويان - قولتىق ارالاسۋ، ۇلتتار ىنتىماعىنىڭ بەرەكەلى شاڭىراعى» تاماشا رايىن قالىپتاستىردى.
2014 - جىلدان بەرى لوپنۇر اۋدانى بۇكىل اۋدان كولەمىندە «10 مىڭ وتباسىنىڭ جۇپ قۇراعان بەرەكەلى شاڭىراعى» قيمىلىن جاپپاي ورىستەتىپ، ءار ۇلت بۇقاراسىنىڭ ءوزارا كومەكتەسىپ، سەلبەسە العا باسىپ، بىرگە اۋقاتتانۋىنا مۇمكىندىك جاسادى. قازىرگە دەيىن 11 مىڭ 572 ەگىنشى - مالشى وتباسى ءوزارا جۇپ قۇرادى.
چەرچەن اۋدانى جۇپ قۇراۋ، دوستاسۋ، «جۇپتاسىپ ۇيرەنۋ» سياقتى ءوزارا كومەكتەسۋ قيمىلىن جاپپاي ورىستەتتى. قازىرگە دەيىن بۇكىل اۋدان بويىنشا از ۇلتتار مەن حانزۋلار اراسىنداعى 13 مىڭ جۇپ قۇرالدى، 2560 رەت ءار ءتۇرلى سەزىم توعىستىرۋ دوستىق قيمىلى وتكىزىلدى.
قابا اۋدانىنىڭ ءارقايسى تاراۋلارى ەگىنشىلىك، مالشىلىق قىستاقتارىمەن، ءار ۇلت كادر - جۇمىسشى قىزمەتشىلەرىمەن، ورتا، باستاۋىش مەكتەپ وقىتۋشى - وقۋشىلارىمەن، الەۋمەتتىك اۋماق تۇرعىندارىمەن جۇپ قۇراۋ، بىرگە قۇرۋ قيمىلىن كەڭ كولەمدە ورىستەتتى. قازىر اۋدان بويىنشا ۇلتتار ىنتىماعى بويىنشا 8400دەن استام جۇپ قۇرالىپ، 1000 رەتتىڭ ۇستىندە ءار ءتۇرلى سەزىم توعىستىرۋ قيمىلى ورىستەتىلدى.
ءار ۇلت بۇقاراسى ۇلتتار ىنتىماعى بويىنشا جۇپ قۇراۋ ارقىلى، بىرگە ءوندىرىس جۇرگىزۋ، تۇرمىس كەشىرۋ جانە قىزمەت ىستەۋ، ۇيرەنۋ بارىسىندا تۇسىنىستىكتى كۇشەيتىپ، سۇيىسپەنشىلىكتى ارتتىرىپ، ءوزارا قۇرمەت ەتە، ءوزارا باۋىرمال بولا، ءوزارا ارتىقشىلىقتارىن كورە ءبىلىپ، ءار ۇلت بۇقاراسىنىڭ كورىكتى مەكەندى سەلبەسە قۇرۋىنىڭ قۇدىرەتتى وڭ ەنەرگياسىن ۇيىستىردى.
كادرلار مەن جۇرتشىلىق تۋىس بولدى، بارىپ - كەلىپ، امانداسىپ، كەدەيلەردى شىن پەيىلمەن سۇيەمەلدەپ، كومەك قولىن سوزدى
كەلپىن اۋدانى گەزلىك قالاشىعى پاسۇن قىستاعىنىڭ تۇرعىنى بارات ياسىن قاريانىڭ وتباسى كەدەي، ۇيدەگى 3 ادام ەڭ تومەنگى تۇرمىستى قامتاماسىزداندىرۋ قارجىسىمەن كۇن كورەتىن ەدى. اۆتونوميالى رايوندىق يگىلىك لاتارياسىن تاراتۋ ورتالىعىنىڭ مەڭگەرۋشىسى، قىستاقتا تۇراتىن قىزمەت گرۋپپاسىنىڭ باستىعى حۋاڭ چۇنشياۋ وسى بارات كاريانى ءوزى ىزدەپ بارىپ، ول كىسىمەن تۋىستىق قاتىناس ورناتتى.
قاريا از ۇلت مۋزيكا اسپاپتارىن جاساۋعا شەبەر بولۋمەن بىرگە، اسپاپپەن اۋەلەتە ءان شىرقايتىن ونەر يەسى - تۇعىن. حۋاڭ چۇنشياۋ مەن قىزمەت گرۋپپاسىنىڭ مۇشەلەرى اقىلداسىپ كورىپ، قارياعا كومەكتەسىپ ۇلتتىق مۋزيكا اسپاپتارىن جاساۋ شەبەرحاناسىن سالىپ بەرۋدى ۇيعاردى. سونىمەن «بارات ۇلتتىق مۋزيكا اسپاپتار شەبەرحاناسى» از كۇندە ەڭسە كوتەردى. بيىل بارات قاريا تەك مۋزيكا اسپاپتارىن ساتۋدىڭ وزىنەن 8000 يۋاننان استام كىرىس كىرگىزدى.پارتيالى كادرلار قىستاق تۇرعىندارىمەن تۋىس بولىپ، ولاردىڭ قيىنشىلىعىن شەشۋىنە مۇمكىندىكتىڭ بارىنشا كومەكتەسۋگە قۇلشىندى. مۇنى كوزدەرىمەن كورىپ، كوكەيلەرىنە ءتۇيىپ جۇرگەن اۋىلداستار پارتيالى كادرلاردى ءوز ادامدارىنا بالادى. ءبىر كۇنى كەشتە، بارات قاريانىڭ جۇبايى 9 تال پىسقان جۇمىرتقا الىپ قىزمەت گرۋپپاسى تۇرعان جەرگە كەلىپتى. ول: سەندەر قىستاقتا تاماقتى ۋاعىندا ىشە الماي، ۋاعىندا دەمالا الماي ابدەن جاپا تارتتىڭدار، مىنا جۇمىرتقالاردى سىزدەر جەسىن دەپ اكەلدىم، - دەيدى. حۋاڭ چۇنشياۋ: بارات قاريامەن تۋىستىق قاتىناس ورناتقاننان كەيىن ەگىنشى − مالشىلاردىڭ مومىن، ادال، ىزگى نيەتتى جاندار ەكەنىن تەرەڭ سەزىندىم. وسى ارقىلى جان دۇنيەم تازارىپ، تانىمىم ونان ارى تەرەڭدەي ءتۇستى. بۇدان بىلاي سۇيىسپەنشىلىك جاعىندا بۇقارامەن بارىنشا جاناسىپ، يدەيالىق جاقتا بۇقاراعا بارىنشا قۇرمەت ەتىپ، ارەكەتتە بۇقارامەن بارىنشا ىشكەرىلەي ارالاسۋعا كۇش سالامىن، - دەيدى.
16 - قازان تۇستەن كەيىن اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» قيمىلىنا اتتانىسقا كەلتىرۋ جينالىسىن اشىپ، «ۇلتتار ىنتىماعىنىڭ بەرەكەلى شاڭىراعى» قيمىلىن العا ىلگەرىلەتۋ جونىنەن ورنالاستىرۋ جاسادى. اۆتونوميالى رايوندىق پارتكوم مىنالاردى تالاپ ەتتى: اۆتونوميالى رايون دارەجەلى اكىمشىلىك، ءىسورىندارىنداعى 110 مىڭ كادر - قىزمەتشى باستاماشىلدىقپەن وڭتۇستىك شينجياڭداعى 3 ايماق، ءبىر وبلىستاعى نەگىزگى ساتى بۇقاراسىمەن جۇپ قۇراۋى، تۋىس بولۋى؛ شينجياڭداعى ءارقايسى ايماق، وبلىس، قالالارداعى بارلىق كادر - قىزمەتشىلەر ءوز جەرىندەگى نەگىزگى ساتى بۇقاراسىمەن بەلسەندىلىكپەن جۇپ قۇراۋى، تۋىس بولۋى؛ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتاردا تۇراتىن قىزمەت گرۋپپالارىنىڭ قۇرامىنداعىلار وزدەرى تۇرعان قىستاقتاعى بۇقارامەن جۇپ قۇراۋى، تۋىس بولۋى، ءارقايسى ورىندارداعى وزگە قىزمەتكەرلەر ءوز ورىندارىنىڭ «ۇعىسۋ، تيىمدىلىك جاساۋ، توعىستىرۋ» قىزمەت گرۋپپالارى تۇرعان قىستاقتارداعى بۇقارامەن جۇپ قۇراۋى، تۋىس بولۋى؛ ورتالىقتاعى مينيسترلىك، كوميتەتتەر مەن 19 ولكە، قالانىڭ شينجياڭعا باعىتتامالى كومەكتەسىپ جاتقان كادرلارى كومەك قابىلداعان ورىندارداعى نەگىزگى ساتى جۇرتشىلىعىمەن جۇپ قۇراۋى، تۋىس بولۋى كەرەك.
شينجياڭ ۋنيۆەرسيتەتى ساياسي جانە الەۋمەتتىك باسقارۋ ينستيتۋتىنىڭ پروفەسسورى لەي تيڭ: «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ىشكەرىلەي ورىستەتىلۋىنە وراي، پارتيالى كادرلار، ءسوز جوق، بۇقارامەن تۋىس بولىپ، پارتيالى كادرلار مەن بۇقارانىڭ اراسىندا دانەكەر قالىپتاسادى. بۇل شينجياڭنىڭ قوعام ورنىقتىلىعى مەن باياندى تىنىشتىعىنىڭ بۇقارالىق نەگىزىن ونان ارى بەكەمدەپ، شينجياڭدى كوركەيتۋدىڭ، وتان ارمانىن بىرگە جۇزەگە اسىرۋدىڭ قۇدىرەتتى كۇشىن توعىستىراتىن بولادى، - دەيدى.
جاستايىنان باستاپ سىرلاسىپ، ۇلتتار ىنتىماعىنىڭ تۇقىمىن جۇرەكتەردە ەكتى
ياركەن اۋدانى باشكەنت قالاشىعى «قوس ءتىلدى» مەكتەبىنىڭ 5 - جىلدىعىندا وقيتىن ايزىبا ابلەتتىڭ ەرەكشە ماقتانىش ەتەتىنى: بىلتىر ماۋسىم ايىندا شاڭحايعا بارىپ، ۇزاق ۋاقىتتار بويى حات ارقىلى حابارلاسىپ كەلگەن كىشكەنتاي دوسى − شاڭحاي قالاسى پۋدۇڭ جاڭا رايونى حالىق باسقارۋىنداعى ياڭگۋاڭ باستاۋىش مەكتەبىنىڭ وقۋشىسى لي شياۋحۇڭمەن كەزدەستى.
2 جىلدىڭ الدىندا باستاۋىش مەكتەپتىڭ 3 - جىلدىعىندا وقيتىن ايزىبا لي شياۋحۇڭمەن حات ارقىلى بارىس - كەلىس جاساسقان بولاتىن. حاتتا لي شياۋحۇڭ ايزىبانى جاقسى وقىپ، شينجياڭداعى ارنايى اشىلعان ورتالاۋ مەكتەپ كلاستارىنا ءوتىپ، بولاشاقتا شاڭحايعا كەلىپ وقۋعا ىنتالاندىردى. لي شياۋحۇڭنىڭ شابىتتاندىرۋىندا ايزىبانىڭ ۇيرەنۋ ناتيجەسى بارعان سايىن جاقسارىپ، كلاسىنداعى الدىڭعى قاتارداعى وقۋشىعا اينالدى.
«اۋداننىڭ جانە مەكتەپتىڭ قولداۋىندا شاڭحايعا بارىپ، كىشكەنتاي دوسىممەن كەزدەستىم. وعان تارتۋ رەتىندە داپ ۇسىنعان ەدىم، ول ماعان قوڭىراۋلى ساعات ۇسىندى. ەكەۋىمىز بىرگە شىعىس مەرۋەتىنە دە باردىق. مۇنى، شىنىندا، توتەنشە باقىتتى سەزىنەمىن!». ارادا ءبىر جىلدان استام ۋاقىت وتسە دە، بۇل ءىس تىلگە تيەك بولعاندا ايزىبا ءالى دە توتەنشە تەبىرەنىپ وتىر.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان كەيىن ياركەن اۋدانى باشكەنت قالاشىعى «قوس ءتىلدى» مەكتەبى شاڭحاي قالاسى پۋدۇڭ جاڭا رايونى جيڭساي تاجىريبە باستاۋىش مەكتەبىمەن، پۋدۇڭ جاڭا رايونى حالىق باسقارۋىنداعى ياڭگۋاڭ باستاۋىش مەكتەبىمەن، ياركەن اۋداندىق 6 - باستاۋىش مەكتەپپەن بىرگە ءار ۇلت ورەندەرىنىڭ «حات ارقىلى قول ۇستاسۋ» قيمىلىن ورىستەتىپ، بالالاردىڭ جۇرەگىندە دوستىقتىڭ تەرەڭ تامىر تارتۋىنا مۇمكىندىك جاسادى.
2014 - جىلى شىلدەدە كوممۋنيستىك جاستار وداعى ورتالىق كوميتەتى شينجياڭداعى ميلليون ءار ۇلت ورەندەرى مەن ىشكى ولكەلەردەگى ورەندەردىڭ «حات ارقىلى قول ۇستاسۋ»، «ورتا مەكتەپ وقۋشىلارىنىڭ جۇپ قۇراۋ» قيمىلدارىن باستادى. 2015 - جىلى قاراشانىڭ سوڭىندا بۇل قيمىلدارعا ات سالىسقان ءار ۇلت ورەنى 2 ميلليون 800 نەشە مىڭ ادامعا، جەكە جانە توپتىق جولداعان حات سانى 2 ميلليون 306 مىڭ پارشاعا جەتتى.
باشكەنت قالاشىعى «قوس ءتىلدى» مەكتەبى پارتيا ياچەيكاسىنىڭ شۋجيى، مەكتەپ باستىعى جاڭ يۇڭ بىلاي دەدى: جاستار مەن وسپىرىمدەر وتاننىڭ بولاشاعى، ۇلتتىڭ ءۇمىتى، ولاردى قالاي يسەڭ سولاي يىلەدى، شينجياڭنىڭ ۇلتتار ىنتىماعى، العاباسارلىعى ۇگىت - تاربيە قيمىلىن ورىستەتۋدەگى ارىندى كۇش. «حات ارقىلى قول ۇستاسۋ»، «ورتا مەكتەپ وقۋشىلارىنىڭ جۇپ قۇراۋى» سياقتى «ۇلتتار ىنتىماعىنىڭ بەرەكەلى شاڭىراعى» قيمىلى ەكى جەردەگى جاستار مەن وسپىرىمدەردىڭ تىلەگىن توعىستىرىپ، اۋىس - كۇيىس جاساسۋ كوپىرىن ورناتىپ، ەكى جەردەگى بالالاردىڭ جۇرەگىندە ۇلتتار ىنتىماعىنىڭ، قارايلاسىمدى، بەرەكەلى بولۋدىڭ تۇقىمىن ەكتى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
